新波記茶餐廳

營業中

休息中

最近都有工作在上環，所以要響附近搵食！今朝揸住部車兜到太平山街，停車後入咗呢間小店，叫咗個豬扒麵同熱奶茶，首先，估唔到一間咁唔起眼嘅小店，可以沖出一杯咁滑同咁香嘅奶茶！個麵等咗成十幾分鐘先到，原來豬扒係生煎，太好了，值得等！咁有心做，立即影張相post上嚟，所以杯奶茶飲咗啖！有個咀印 Sorry!豬扒好香，生煎果然係唔同D！仲有肉汁，夠曬淋！仲有一般煮果個會忽略麵嘅口感佢哋都做得好好，唔太淋又唔太硬！下次揸車到上環唔使四圍兜喇！可以再試！

喜歡茶餐廳, 喜歡飲奶茶, 搬到上環已2年多, 附近的都試過. 想想不如逐一寫吓附近的茶記. 新波記最近屋企, 亦係呢幾條街的唯一一間星期日/打風 都開嘅茶餐廳. 就寫你先啦. 店不是很大, 食物亦很簡單, 除水吧及煮麵counter外, 就只有每日六款的午餐. $28跟湯或熱飲, 碟頭飯不加味精, 簡單如時菜牛肉, 滑蛋蝦仁 都好好味. 六款午餐中一定包括即叫即炒的粉麵飯如乾炒牛河/意, 星州炒米, 揚州炒飯, 五香肉丁炒飯等, 抵食. 另要一提的是每日不同的老火例湯, 好快賣哂. 服務方面亦很貼心, 老闆老闆娘都好有禮貌, 又快手又醒, 記得哂幫襯開的人飲咩. 很喜歡這街坊小店, 差不多每個星期都會幫襯.

三月十三‧陰天同一條街有兩間茶記，其一是波記，是人氣店，午市到來，一定要等位。是日想起吃煎豬扒，但行過其門口至少有十五人在等，要等也沒意思，就來了這邊。也不要以為這邊不用等的，檯也開到出路邊，不過就勝在沒有人在等，或者有不少客人是如我一般，在隔離行過來的。這邊人不少，要叫人落單也要花一點功夫。本來想吃炒烏冬的，但見此陣式，為免要等，有不少客人也要椒鹽豬扒的，就跟大隊的叫，果然真的是轉頭就有得吃。椒鹽豬扒是炸的，肉質稔稔的，給化學品招呼過吧。吃起上來味道不錯，幾香又辣辣的，蒜頭及紅椒也下到足。飯底很多，沒有可能吃得完，淋上的甜醬油，跟豬扒沒有關係，見佢什麼碟頭飯也是配這個的。口快快要了熱咖啡，原來是日是青紅蘿蔔煲豬骨，看似不錯。放低28蚊，快快手走，唔好阻住其做下一轉生意。

有一些菜色，自己一個吃飯的話，見到多數會叫，菜甫肉碎煎蛋，就是其中一味。因為其實自小也十分喜歡吃煎蛋，無論炒蛋、太陽蛋、荷包蛋等等，統統喜歡，有時甚至在家煮意大利飯，也會煎一隻太陽蛋上去，純粹自己喜歡。去附近開會，午飯要吃得快，本想去科記，奈何一位難求，就轉了來隔離的新波記。這裡雖然位置隔涉，但人客都不比科記少的，除了頭頂的兩部電視外，即叫即炒的功架也應算在內。菜甫煎蛋是一大塊的，不是蛋角。蛋漿夠厚，煎得表皮脆內軟熟，有蛋香，菜甫及肉碎適當的提味，真的吃了一大片煎蛋也未開始吃飯；飯乾且硬，我雖然喜吃硬飯，也剩下一大半，吃了煎蛋就算。埋單26蚊，經濟抵食。下次如還來，就試試「波仔推介」。

新波記算是附近幾間茶餐廳當中，服務態度是最好的了！我多數是叫外賣的，也不知為何上環的茶餐廳老闆總愛罵人，脾氣暴躁，又愛cut人線...比較起來，新波記食物質素不錯，外賣速度又快，待客亦算有禮，值得推介。