影片
電話號碼
2827 8877
營業時間
星期一至日
12:00 - 23:00
以上資料只供參考, 請與餐廳確認詳情
招牌菜
食評 (35)
在W Square新開張, 聽講海南雞飯幾得, 於是乎同同事去試下, lunch set一律$72加一, 我地4個點海南雞飯另一個點海鮮焗飯海南雞飯幾差下, 飯好爛, 雞好淡無味, 湯好重莞茜唔好飲, 聽講海鮮焗飯都幾唔好食, 偏甜.....lunch set包咖啡或茶, 我另加$5轉飲紅豆冰, 但好甜呀, 紅豆又未煮淋所以幾硬下, 至於服務就一般啦 大部分都係泰國人但係咩笑容 加一後$85, 其實算幾高價, 我本身覺得幾失望 唔會再幫襯
繼續閱讀
同事提議午飯吃泰國菜，一行三人來到新泰。雖然餐廳無論店名或佈置都是一間不折不扣的泰國菜館，提供的卻原來有著各式東南亞菜式，可供客人選擇。環境方面，檯與檯之間有著一定距離，坐得頗舒服。午餐要了喇沙及海南雞飯套餐。海鮮喇沙看樣子紅紅的，吃起來感覺就是甜，是下得太多椰漿的原故？加了辣椒對食味也毫無幫助，不太合小人的口味。兩個同事都選擇的海南雞飯無甚驚喜，雞件尚算嫩滑，是過份油膩了一點; 然而最有印象的反而是飯和配菜都是超硬的。馬拉盞炒通菜夠味夠鑊氣，通菜仍保持幼嫩，超級好吃。套餐的甜品完全不行，紅豆糕上層並非椰汁糕，而是無味的大菜糕，底層的紅豆糕質感實的的，超級難吃。整體來說，各樣菜式的水準有高有低，幸好服務員很有禮貌，結賬$288，未到不可接受的地步。
繼續閱讀
每逢星期五，公主我就唔做慳妹，唔帶飯同同事出街食。今朝一早，公主我已經突然好想食海南雞飯，同事竟然咁啱提議去食新泰海南雞飯，真係夾都冇咁啱。其實我地已經一早打咗電話book，但去到都係爆晒，都係要等左一陣先有位。等位嘅時候，侍應俾咗餐牌我哋睇，除咗海南雞飯外，其他嘅巴東牛腩、泰式濕炒河公主都好似好好味，所以同事個個都轉晒肽唔食海南雞飯。不過，因為公主我一早已經諗住食海南雞飯，咁其他嘅留番下次先試啦。公主我冇特別要求㗎，佢都俾咗雞脾我。見到隔離枱嘅姐姐們，係雞胸同雞背，公主我就覺得So lucky！雞煮得幾好，剛剛熟，所以都算好滑唔會乾爭爭硬骨骨。不過雞皮好厚，好多肥膏，如果佢薄薄地又爽又脆嘅話，公主我都會食嘅，呢間就免喇。同埋雞嘅鮮味就唔太濃郁，就咁食嘅話都ok。如果點埋醬，就簡直唔係好覺得有雞味。另外，公主我個人偏好海南雞飯要有齊3種醬：老抽、薑蓉、蒜蓉辣椒醬。但泰式唔似南洋風咁有老抽。佢而家爭咁樣老抽令公主我硬係覺得唔圓滿，硬係爭咁啲嘢。仲有個湯入面嘅係冬瓜，但公主我個人偏好蘿蔔多啲，還好個湯尚算清唔肥膩。而油飯就煮得都可以接受，唔太咸唔太油，不過又唔算話有咩特別。雖則彈咗佢咁多其實都有啲嘢係好嘅，佢嘅份量都幾足，食完都好飽（但男仔可能爭啲喇）。而且亦有配蒜蓉炒蔬菜，唔會淨係得肉肉肉，感覺健康啲，平衡番成件事。另外呢度都有個好處，唔飲凍嘢嘅公主我，除咗咖啡奶茶之外都可以飲熱華田。唔係間間泰國餐廳都有華田㗎！其實食到一半，侍應姐姐已經攞咗啲甜品出來，使唔使咁趕呀？不過佢個椰汁珍多冰糕真係好香椰汁味，食落感覺似大菜糕，比較挺身。如果佢食落個質地似啫喱咁林滋滋，咬兩下就溶晒啲汁響個口到，公主我就唔會食。其實佢個海南雞飯真係唔算特別好食，又唔係平，加埋一成七十幾蚊，雖則以灣仔嚟講個價錢算係咁。如果下次再去嘅話，就試吓其他嘢（因為同事叫嘅巴東牛腩同炒粉絲好似都唔錯咁）。p.s. 食完呢餐之後，公主我突然好掛住新加坡嘅雞飯（啲飯係搓到一粒粒㗎），但唔知香港有無得食呢？
繼續閱讀
每月一聚，輪到C做搞手，揀了謝斐道的新泰東南亞餐廳。呢一段的謝斐道離公司較遠，小妹較少出沒，故一直未發現有這一間的餐廳。餐廳內外佈置均洋溢著東南亞的風情，座位頗為闊落舒適，服務也到位，食物更是價廉物美，聚會一流也。參峇炒羊角豆$68是星洲一種傳統的家庭菜式，參峇乃馬來西亞辣椒醬料，羊角豆即「秋葵」也，其黏液可用來治糖尿病。秋葵天婦羅常吃，然炒羊角豆還是第一次品嚐。炒羊角豆質感有點滑潺潺的、爽脆的，蠻特別。不過，羊角豆中間白色的粒粒有點澀，友人Y表示吃罷，味蕾彷彿麻痺了。此外，不太察覺參峇的踪迹，故香辣惹味度稍遜，偏向小妹喜歡的清淡之作。一客有八件的越式香芒軟殼蟹米紙卷$68也是清新淡口之作，薄薄而煙韌度稍弱的米卷內，包著未算十分香脆可口的炸軟殼蟹、少量香甜芒果粒、鮮爽生菜、紅蘿蔔絲和具嚼勁的米粉，蘸上自家調製的酸甜醬汁同吃，夠晒醒神開胃。再來一客極其惹味，卻又邪惡的蒜茸越南牛油雞翼$58。雞翼以牛油炮製，再灑上濃香的蒜茸，其香無比，其肉又極其嫩滑入味，啖啖美味滿足﹗若要在雞蛋內挑骨頭，就稍嫌雞翼較細隻和油膩了少許。小妹素來不好辛辣，微辣而帶甜的馬沙拉咖哩雞$68最適合不過了﹗咖哩夠香滑，且香料眾多，故味道層次頗豐富，故人回味無窮﹗雞件數量也不賴，又夠晒嫩滑入味，水準不錯，配上不太油膩的鬆軟香口的印度酥餅$28同吃，絕配也﹗日本南瓜焗海鮮飯$88不但賣相精緻，味道也甚佳﹗原隻日本南瓜切去頂部，再挖空中間的南瓜肉，然後放入以雜豆同炒的魷魚、鮮蝦和南瓜粒炒飯，色香味俱全之餘，更是健康營養之必選也。吃罷，還可挖出南瓜邊的鮮甜南瓜肉吃。小妹一翻開餐牌，就直接去甜品那一頁了。甫見到頗花功夫的南瓜布甸，就嚷著要吃，友人瞪了小妹一眼，搖了搖頭。可惜，天不從人願，侍應表示是日沒有供應。我們只能退而求其次，要了芒果糯米飯。芒果糯米飯$45一上枱，小妹便知龍與鳳了﹗白瓷碟一旁，放有鮮黃嬌艷的鮮芒果切片，以及一朵鮮泰國蘭花，靚；另一邊，是一大團被濃稠的椰漿覆蓋著的糯米飯，醜。用匙撥開一看，厚厚椰漿下的黑白糯米飯黏黏濕濕的，明顯椰漿多於糯米飯。搯一小口淡嚐，椰漿徒有黏稠之感，毫無椰香可言，糯米飯口感又一般。小結：餐廳侍應殷勤且有禮，加水又勤快，加一服務費，也比得心悅誠服。
繼續閱讀
就没见过这样坑人的餐厅 由于家就住在隔壁 有时候下午饿了 常常过来买个套餐 今天晚上过去 发现客满 我就选择外带 点好餐 问好时间 我就上楼了 第一次下来 店员说没做好 再等十分钟 第二次下来 说再等 好没好 我说再不来 我就不要了 瞬间两分钟之后打包完成 上楼打开 一看 气死我了 我点的是冬阴功虾汤 78元 汤里捞了半天 只有两个虾头和不到10瓣草菇 这样太骗人了吧 味道也没有以前好吃了 其他两个还好 这样的店家 以后再也不去了！
繼續閱讀