新泰東南亞餐廳 (已搬遷) 新店位置

新泰東南亞餐廳，對於不知情的人士來說還以為是一間新閞張的餐廳，事實上它已經存在了很多年，如今只是遷址重開而已，小人當年食過已深有印象，未知今番會否貫徹當年又平又正的精神？走進餐廳，旋即感受到那一種濃濃的泰式風情，叫人忍不住聯想起身處泰國！我們一行三人柯打了兩個二人午餐，加兩客小食：魚餅和軟殼蟹。套餐中我們選了春卷，中間有肉有粉絲，非常脆卜卜，正好用來開一開胃口。青咖哩雞的咖哩汁清香撩人，雞肉一點都不柴，是一道使人追著吃的菜式！誰料到未享受完第一道咖哩之時，已受到另一道咖哩的來襲！馬沙文咖哩，內裡更重香草味，牛腩是軟嫩無筋，差不多入即化的！印度烤餅是足令我們引以自豪的一個妙著：皆因它本身已是鹹鹹脆脆的超香口，用來蘸點咖哩汁更是一絕！炒通菜甚有鑊氣，馬拉盞下得夠，當年那麼好吃，如今那麼好吃。椒鹽軟殼蟹味道是夠的，惟軟殼蟹是碎上的，這個位扣了些分。泰式魚餅除了魚肉外還有青豆、香草等等材料，口感豐富得很。我們對每一樣都很滿意，尤其耶兩道咖哩更教人驚喜！

第次食好有驚喜，叫咗一隻海南雞，雞肉肉嫩，配備製醬汁好好味，叫了一份香茅酥炸魚，賣相已經好得，魚肉酥脆完全唔覺得油膩，仲有就係佢嘅秘製燒春雞入邊饟咗啲黃姜飯，味道好夾，仲有就係叫原個椰青沙冰，天氣咁熱一啖飲落去真係特別透心涼，整體呢間食物質素都唔錯，只係我覺得份量比較少

餐廳的燈光及修潢很有情調，不少侍應都不是本地人，倍添異國風情。食泰國菜當然要食咖哩，點了一客 #青咖哩羊架，嘩！咸到一個點！😂但正正係依個重口味令人食唔停口，就好似追酒飲咁樣。肉嫩彈牙煎得靚，咖哩香而不辣，如果有去過Wine and Dine既活動可能都食過酒店出既羊架，我會話新泰既出品可以去挑機。咁當然個咸度最好就減2/3，會比較適合本地人食既。當晚唔算餓，叫左個 #蒜蓉包 配羊就okay，蒜蓉包幾香口，合格。至於甜品方面，#南瓜布甸 係用左個南瓜仔去蒸，上面放左布甸，暖暖的幾好食。下次約埋朋友食多幾樣野😋

平常來吃午餐，固定會點海南雞套餐，要雞脾就加10元。今天同樣照下單告訴服務員不要鷄翼，服務員告訴我，要加10元，這是什麼理由，我不是要雞脾為何要加10元？ 服務員的態度是要就下，不要就也罷，態度很差，一肚氣，下次不會再來光顧！

Truly one of the best Thai restaurant in town! They got other beaches as well but this restaurant just NEVER disappoints! Amazing service and extensive menu!Must try is their pumpkin rice. It’s baked in the whole pumpkin with rice in it. The rice absorbs all the flavours of the pumpkin ! I can easily finish the whole dish by myself

同隔離位撐枱腳，選了附近的泰國菜館「新泰」，由於只得2個人，餐廳不設訂位，要walk-in取籌等位。午市時間頗多人，等了差不多20分鐘才有位，幸好食物很快上枱，但都是吃得比較急。午市套餐選了泰式蝦炒金邊粉，並加配豬肉串燒。有3隻蝦的炒金邊粉，蝦是雪藏貨，而且不彈牙，而金邊粉既味道就適中。串燒不會太乾，而且留有肉汁，配上酸酸辣辣的醬汁，很惹美。同事想食咖喱，但套餐的選擇不多，最後散叫一份泰式青咖喱雞及印度薄餅。青咖喱有少少椰香味，味道偏辣，雞肉幾嫩滑；熱辣辣的印度薄餅，不太油膩，配咖喱同吃，味道一流。

食過3間分店，呢間係最好食，而且無咁多人，比較清靚。呢間泰國菜每一間裝修都一樣，環境優質燈光較暗，好有格調。男朋友對泰國菜無乜興趣，唯獨呢間肯陪我食蜜糖豬肋骨好香bbq味男朋友係串燒痴，串串都好味，但好大件，食一串飽左推介，燒得好，唔會窿，十分惹味鹽🧂燒烏頭，普通，不用點

食泰國菜又點少得飲冬陰功湯呢,必點之選!!!碗湯聞落去好香,配料有原隻蝦同草菇等等,飲落去酸酸辣辣好惹味!!!呢個冰鎮翡翠螺真係冇得頂,讚不絕口!!!首先凍冰冰食落好透心涼,啲螺肉好爽口,重有就係個泰式辣汁,辣辣地好過癮!!呢個泰式辣汁點海鮮一流!!例如生蝦魚肉等!!! 泰式珍珠椰菜苗炒香菇,椰菜苗口感獨特,味道帶點甘甜,碟菜炒起黎色澤嫩綠,仲有啲好似砌到炸薯條咁嘅紅蘿蔔條同埋冬菇絲,口感好豐富!!!香茅炸魚,原條魚上,大大條重有配菜,條魚起咗骨啖啖肉,依碟野講緊都只係$168,認真抵食!!!第一次見柚子沙律竟然好似炒嘢咁樣,連個味都係鹹鹹哋嘅!!!味道好得意幾新奇!!!正所謂美酒佳餚,點可以唔隊番杯呀!!!食泰國菜識飲一定要飲泰國啤啦!!!叫左咁多野都600蚊有找,重要係灣仔繁華區,真係抵食重要係唔難食而且係好食!!!

今日下晝去演藝睇show,於是去最近的餐廳lunch ,選左呢間食泰菜既，兩個人叫左個午餐set,香辣豬頸肉炒河加再加咗個馬拉盞炒通菜，再加左杯綠豆冰。我哋仲想帶咗個炸軟殼蟹，同埋一杯石榴汁沙冰。先講個香辣豬頸肉炒河，份量比較少，但味道不錯，略為有點油。個馬拉盞炒通菜係好好味，杯綠豆沙冰都好飲不過可以加多少少冰。最失望略為個炸軟殼蟹，個皮好厚，蟹比較少。我就比較喜歡飲杯石榴汁沙冰，好fresh嘅感覺。侍應一般，他們主要講英文的。兩個人食咗$250到。

灣仔呢區有好多東南亞既餐廳，而呢一間泰國野都幾出名，每日Lunch都好多人排隊等位。餐廳都好大，環境舒適闊絡！午市套餐有七款，75蚊包飲品，有時餐牌會轉款的泰式海南雞飯份量都OK，雞無骨，唔算好滑，味道可以，飯帶有油香，好多蔬菜，食完好飽！泰式蝦炒金邊粉一上枱好香！超惹味而且好足料蝦大大隻次次飽到食唔哂，最好食既一款！！馬拉肉骨茶配白飯等左好耐先上，可惜無乜肉骨茶味，有點淡。。d肉好細舊唔太推薦！

環境設計座位等都令人好舒服!!!當晚坐梳化卡位,飯後談天說地都自在d!!!依個冰鎮翡翠螺,做頭盤前菜一流,凍凍涼涼,螺肉大大粒,好彈牙,好鮮味,都只係賣$78,勁抵食!!!冬蔭功有兩種大小份量,兩種價錢選擇,點左個小份量,都好大碗好足料,味道到位,好香,各種配料伴住個湯黎飲,口感好豐富,隻蝦新鮮唔黏殼,吮個蝦頭重有蝦膏添!!!依個柚子沙律個味道真係好特別,特別到我真係第一次食依個味,佢有腰果係裏面,配埋d海鮮,柚子既爆果汁既口感,成個味同口感都好特別!!!依個伴炸魚既青芒果沙律,酸酸味味好醒胃,口感好清新!!!酥炸香茅魚配青芒果沙律,個賣相好靚,成條魚起肉切條型黎炸,食落無骨啖啖肉,好味到食曬佢起既肉之後連佢既身同頭同魚尾位都唔放過,成條食曬!!!炒珍珠椰菜苗,炒得好有穫氣,好乾身,好香蒜蓉味,椰菜苗好小地方有得食同買到,食泰國菜就係食佢既好時機!!!

食泰國嘢都要靠彩數？無錯，我地成班同事因爲第一次來呢度食Lunch 時，小妹好好彩咁叫左個奶油蝦🍤🍤伊麵（無相呀。。😭😭)同事試過之後都讚到暈，不過下星期再來食時餐牌已經轉左，經過我地深入研究同計算後，應該係3星期or5星期轉一次餐牌😂😂😂😂 你睇下我地幾無聊。😂😂😂好啦，無咁好運遇唔到大頭蝦都唔使灰心，因為呢度仲有好多好食嘅嘢。今次我就揀左焗南瓜帶子飯。。來到嘅時候個驚喜爆燈因爲個汁同奶油蝦個汁竟然係一樣。。Lucky~✌🏻✌🏻✌🏻南瓜一粒一粒有咬口，未焗到全林，我覺得幾好，帶子唔辜寒一隻隻原整大粒帶子。不過，我最愛都係奶油蝦，可能因為佢係配伊麵。😂😂😂朋友食既金邊粉同湯粉都好好食。。其他呢度好食嘅嘢真係唔少，所以下次來食無奶油蝦都唔使失望。。總有一日會等到嘅。🤪🤪🤪🤪

第一次係灣仔食泰國菜，非常好食，簡直係讚不絕口。肥牛湯河抵讚，湯底好好飲，最特別係可以自己加不同難度嘅調味料，如魚露辣汁等，加咗落去之後非常野味。鹽焗烏頭肉質雖然有少少梅，但係個味唔錯。芒果糯米飯係熱辣辣既，椰汁較得非常好，啱啱好既甜度，熱既糯米飯先至夠粘夠好味！

今次嘅晚餐就決定咗喺依間泰國菜嘅餐廳食，今晚真係好熱啊，一定要搵啲開胃啲嘅嘢食！決定喺呢度食除咗係因為佢係開胃嘅泰國菜，仲係因為佢嘅環境真係好好，我之前係其他分店食過，服務態度好而且質素真係好高！入咗之後我就已經急不及待要左碟泰式生蝦٩(˃̶͈̀௰˂̶͈́)و，今次幾多數比上次仲要高，而且數量都好似多！蝦嘅肉質好鮮甜，而且爽口彈牙！另外我都有嗌到其他嘢㗎！其中我推薦小椰菜，其實佢真係好特別，喺出邊好難會搵到咁細個嘅椰菜仔，包心椰菜，好甜而且好爽脆！泰式炒金邊粉真係好好味！開胃之餘又唔會太辣， 味道10分夠，而且份量足夠， 真係色香味俱全！上菜嘅時候金邊粉嘅擺盤好特別(^з^)-☆，就好似一個菠蘿咁，將全部野撈埋一齊，口感更加豐富！甜品我推薦煎椰汁糕，我最初以為佢只係普通白色嘅椰汁糕，但係冇諗過原來係熱嘅，而且口感就好似糯米咁， 好煙銀椰汁味好重，為成餐畫上一個完美嘅句號。！٩(˃̶͈̀௰˂̶͈́)و

午市想食泰國野，呢度Menu都好多選擇。唔過一百蚊的都有7款，百零蚊就有1飯3餸。可惜特飲例如龍眼冰要另外加錢。想食清D於是叫左蝦米紙卷、青咖喱雞、馬拉盞炒通菜、白飯。米紙卷味道比較淡，主要係素菜，如果採用鮮蝦就更吸引開胃啦。呢度青咖哇的顏色比較綠，香味夠，椰香還可，雞肉份量多同滑，唔會好頹。炒通菜調味好，不太重手，送飯一流。整體而言，平平無奇，我覺得質素係介乎頹與唔頹之間，無伏，夠晒飽，一試無仿。