新泰源茶餐廳

營業中

休息中

以食宵嚟講，呢間餐廳都做得唔錯，上菜速度幾快，會keep住上菜，啲份量都大碟，炸物新鮮熱辣，唔算太熱氣，而雞粥係店內名物，作為食宵嘅句號就最好不過。但係交通就比較唔方便

係宵啊哈哈哈哈，總係覺得呢啲會變成日後青春嘅回憶。終於叫做有幾張相係相機食先，平時一嚟就比人夾曬！椒鹽豆腐係open rice送，但有時你係佢門口企耐啲個啊叔就會話送比你。炸起熱辣辣，但佢係用街市普通豆腐炸，而唔係山水豆腐，所以食落會似臭豆腐個種質感，鐘意滑lutlut嘅人就未必like啦！不過點落旁邊嘅泰式辣醬，成件事都幾新奇，又好夾，將碟嘢升咗個lv。金菇肥牛煲有落粉絲、青椒、西芹等等，都幾惹味，但略嫌金菇唔夠多。雞粥好好食，煲出雞油，但啲渣，即係堆雞，就好un肉質好硬，所以食粥唔食雞就好。另外仲嗌左超多炸嘢，墨魚咀，雞軟骨，九肚魚，呢啲全部招牌菜，一擺落去就比人食曬，影都影唔切哈哈。大排檔就係要熱氣！小編真係好鐘意食大排檔🤪🤪🤪🤪好想試萬發啊啊啊啊

同朋友夜晚9點幾揸住車搵宵夜食，就入咗嚟火炭工業區呢度搵食，今日落住大雨，但啲侍應哥一個一個依舊企哂出巴士站招攬客人，最後入咗去中間嗰檔坐底，呢間泰源應該同近公廁嗰間德記係同一伙，因為餐牌共用。見到有套餐，但我都驚兩個人食唔曬，所以決定散叫，最後侍應姐姐好好咁送咗一碟椒鹽豆腐畀我哋食。豉椒炒蜆冇得輸，最好嘅就係炒完，啲肉都仲係返到，唔會淨係得番啲殼，夠鑊氣送嘅椒鹽豆腐火炭大排檔必食嘅~炸乳鴿。皮脆肉嫰沙田雞粥~好棉啊！

這間餐廳距離位於火炭站步行約8分鐘的位置。由於附近為工業區，所以午飯時間生意十分不俗。午餐選擇很多，大部份均為炒小菜，另有常餐。我點了常餐。五香肉丁米粉配上炒蛋多士以及熱檸茶。上菜時間很快分量亦十足。

是日同朋友相約係火炭食飯，大家素來都喜愛大排檔風味，所以就去左新泰源度食晚飯。我地叫左西檸雞 (HKD 82)，粉絲什菜煲 (HKD 78)，沙爹金菇肥牛煲 (HKD 88)同埋椒鹽豆腐 (HKD 58)。西檸雞好大碟，幾夠酸味，雞肉炸得唔錯，係一碟非常好既開胃菜。肥牛煲熱哄哄既，有好多肥牛同粉絲，非常香同惹味，而且仲有三色椒，正。椒鹽豆腐好夠蒜香味，不過略為咸左少少，但係分量唔少，仲可以點甜酸醬調下味。食得咁熱氣，梗係要番啲健康粉絲什菜煲黎平衡下。有生菜，菜心，菇，枝竹，非常足料。而家香港大排檔買少見少，大家得閒就回味下呢啲香港特色。

lunch食咁多次, 次次都係選是日午餐其中一款, 但今次見到同事叫魚麵, 又心心思想試下, 咁啱是日午餐唔係好啱, 於是嚟個魚麵試下啦~食主菜之前, 梗係整返碗例湯先啦~ 呢度無論你叫乜都好, 總之一坐低, 未叫食乜都好, 亞姐都已經整碗例湯比你先, 夠哂好服務~  粟米合掌瓜煲豬骨真係有足料比你, 仲要係一大湯碗入面, 有半碗都係湯渣, 正~  魚腐豬扒魚麵魚腐飽滿, 又熱辣辣, 好似新鮮炸好咁, 不過豬扒就肥咗d, 好彩有d椰菜減輕下d油膩感, 呢度d魚麵令我改觀, 佢真係好有魚味, 又夠彈牙, 唔似四x果d咁散, 佢好有質感, 實淨得嚟又有彈性, 係個湯底濃味咗d, 不過呢d係大排檔特式, 所以點解大排檔多數係男人食~   熱檸蜜 嚟親呢度都係叫呢樣, 因為貪佢呢度唔駛加錢, 茶餐廳一定加幾蚊, 唔駛加錢得嚟絕對唔會偷工減料, 4片檸檬, 蜜糖味又足~

火炭一向都有好多大排檔,有一兩間都幾出名, 今日就係朋友介紹之下去左泰源。大排檔黎講環境都叫唔錯,有埋冷氣,都幾舒服。黎到大排檔就梗係叫返兩味小食同小炒啦,今日就叫左炒硯,椒鹽九肚魚同炸雞軟骨,先講炒硯,我就覺得個汁太杰,不過味道都幾好,九肚魚就十分正,外脆內軟,又唔會太咸,認真好味,雞軟骨好好味,好香,送酒一流。

嚟呢度食晏就試過幾次, 但食早餐就係第一次, 難得老公放假, 專登陪我返工, 而返工之前就一齊歎返個早餐先..........見到佢早餐同茶餐廳差不多, 於是都係叫最抵食果個麵餐, 可以選兩個餸, 佢d餸係超多選擇, 仲加多個火腿奄列同方包, 包埋食品, 最抵就係烘底同凍飲都唔駛加錢............ 蕃茄雞絲+豬扒米線 開頭以為呢d"貴"餸份量會比少d, 但原來都唔係, 佢有成塊豬扒, 仲幫你切開三份, 唔會好乾, 仲有咬口架~ 而個雞絲竟然係將雞塊切得碎d去當雞絲, 真係估佢唔到, 而個米線都幾多, 又煮得啱啱口, 唔會好林, 又唔會硬, 仲送多幾條生菜tim~~  火腿奄列+牛油多士火腿絲都叫幾多, 啱啱比只蛋包哂, 但我覺得唔夠香口, 可以再煎香少少~牛油多士熱辣辣, 又香牛油味, 正~ 熱華田不過不失, 味道啱啱好, 唔會太奶, 但又唔太濃味~嚟呢度食嘢千期唔可以趕時間, 我見其他人都係慢慢歎, 一路睇報紙一路食, 因為由叫完嘢, 到上個米線等咗超過5分鐘, 杯華田係响食到一半時先到, 而個奄列仲耐, 我食完碟米線, 佢先嚟, 但我又唔見其他人有追, 可能呢度特色係咁

火炭大排檔, D人通常都係諗起雞粥同乳鴿, 仲要係夜晚先有, 大把人專登楂車入去食tim~ 相信只有响火炭返工的人, 至會知道晏晝都有嘢食.............就係碟頭飯, 呢度d飯雖然唔講得上好好食, 但叫做幾抵食, 有一大碗足料老火湯, 仲任飲tim~ 唔夠就自己去大煲度裝, 又可以裝d湯渣食, 好多時d亞姐都冇為意你有冇湯, 變咗都係自助形式, 自己去拎碗裝湯............佢個餐牌係set好咗每一日係有邊幾款午餐, 自己跟星期幾去睇, 好似隔一個月就轉一次, 不過太耐同埋唔係成日去, 所以唔知而家有冇變? 如果唔食佢d餐都仲有其他嘢叫, 有粉麵、炒粉麵飯等等, 不過大部份人都係叫餐, 因為包杯熱飲, 以前凍飲都唔駛加錢, 但而家要加1蚊, 都叫做平過d餐廳~ 木瓜湯是日例湯係木瓜湯, 超甜甜多料, 我果碗已經有好多舊木瓜, 不過掛住吹水, 唔得閒走去個大煲度睇下係咪煲雞腳........ XO醬乾炒牛河河粉太林, 又碎濕濕, 個樣又黑蚊蚊, 今次呢碟唔係好掂........... 熱檸蜜最鍾意嚟呢度飲熱檸蜜, 貪佢唔駛加錢, 足料又夠味, 正~出去埋單時,