新滔記餐廳

營業中

休息中

運動過後，從北河街體育館出嚟，已經差唔多係晚上十點。週圍嘅餐廳其實都關得7788, 想搵間餐廳食宵夜，其實唔容易，好在新滔記重有開叫咗一碟即刻整嘅叉燒腸粉，腸粉皮好薄好滑，食到腸粉有米香味，腸粉豉油味道調得幾好，微甜又有少少鹹，令腸粉變得更好味另外叫做菜乾蠔豉咸豬骨粥，菜乾同蠔豉味道好出，加上粥底有火喉，一口落去就係啖啖嘅蠔豉菜乾味，咸豬骨同樣有貢獻，整體粥底綿滑，令人覺得食一碗唔夠喉雖然叉燒腸粉同埋粥唔算係好驚艷，但係喺夜晚仲食到一碗熱辣辣嘅粥同滑溜溜嘅腸粉都已經算係唔錯㗎喇

今日留一線日後好相見 四海之內皆兄弟也 乜都有人啱食有人唔啱食 鹹魚青菜各有所愛 社會最需要嘅係和諧 我就唔係咁喜歡有人講嗰啲嘢食唔好食又或者係中伏之類 事關我哋呢啲60年代出生嘅人 或多或少都受過苦的 現今社會比起過往有過之而無不及 既然有嘢食 憑什麼話中伏擒日同馬小姐去咗深水埗兩間餅舗買餅 順道去出名有料嘅 新滔記 小弟就叫咗個即拉蝦米腸同芽菜炒麵 個蠔仔粥就同馬小姐兩份分因為即叫即拉 所以腸粉唔係擺到淋bet bet果隻 粉漿教得好 夠滑 蝦米又多炒麵又係即叫即炒 份量夠大 味道好掂個蠔仔粥都好食 熱辣辣加埋芫荽芹菜肉碎 正 如果湯再多啲就perfect嘞

今日行開深水埗，一向都知深水埗又多野食，價錢又平，今日見到依間叫新滔記餐廳。都坐滿約8成客人。於是入去試下。店舖冷氣好足夠，係外面行到好熱，正呀。坐下看完餐牌，都幾多選擇，但最後我叫咗至愛的沙爹牛肉公仔麵再配炸雞翼2隻，另加一杯凍奶茶，沙爹牛肉好入味，好好食，沙爹汁好濃味，雖然雞翼好似細隻多D，但都幾新鮮，似即炸的。都尚算好味，奶茶都幾冰凍，奶茶都算可以的。價錢是$40元，尚算抵食，下次我會再光顧這食店。

無咩要求，只係想要求走青既蚵仔肉碎粥。竟然成碗荽茜同個阿姐講，仲大聲話走青唔包走荽茜喎。可能真係大陸文化同香港本化唔同。定係佢已經加咗荽茜落去煲走唔到呢？連隔離個阿叔都叫佢換過啦都無走到青無諗過要服務，竟然客人要求都唔理仲打橫黎講。只能夠祝佢生意興隆

呢間餐廳已光顧了很多次, 無論食品水準, 價錢, 份量都非常合理,  每款小菜都很有家的感覺! 款式又多款, 又有蓀魚餐, 例湯亦是大大碗的, 白飯又可以加 , 

在那裏工作，在那裏吃飯，就是我的模式。今天來到深水埗，最先想找一些特色老店吃午餐 ，可是天氣太熱，見到有餐廳有位便走進去，這間餐廳食物種類很多，由小炒去到粥粉麵飯也有，選了很久，也是點了我最愛的肉餅飯😂😂😂。我點的是鹹魚蒸肉餅飯，用來送飯，真是一流。肉餅肉質不錯，一吃便知是新鮮豬肉，肉質彈牙，豬肉味濃，不錯的肉餅口感，可惜鹹魚欠缺香氣，完全吃不到鹹魚的香味。整體味道不錯， 連凍飲56元。ps.冷氣非常足夠

必食即蒸各式腸粉：(鮮蝦腸，牛肉腸，豬肉腸，魚片腸，豬膶腸 )由當年2000年既$8蚊一碟食到依家2014年$15蚊一碟！十幾年時間水準都系一樣既蒸腸粉 因為系即叫即蒸所以好滑同熱辣辣 呢度各式小菜都吾錯 特別推介「梅子排骨」 <<甜甜酸酸仲有好香梅子味開胃!!豆腐蒸肉碎 肉碎蒸蛋撈飯一流

簡單講〜〜我係豬肝腸狂，出面d腸粉，一係豬肝鞋口，一係腸粉皮厚過張被冇米香！里度既腸粉合晒我要求之餘都係13蚊！邊度搵？！重有豬心湯米粉，好食到叫救命！出面食過係大大舊，里度豬心切片，所以好入味！

十一月上旬•晴時值二零零九年十二月十二日，晚上七時四十五分。在深水步地鐵站走出來，東亞運的足球決賽正進入加時的尾段，成條街都在睇波，連賣蛇的都在出面檔口的電視看著，放下生意不顧。那我也找間有電視的餐廳，睇埋個結果才繼續行程。來了這裡，因為煮麵的還在專心煮麵。是一間街坊食店，環境及衛生一般，但價錢不貴，人客不少的。在餐單上發現有牛尾麵，來一碗吃一吃如何？牛尾麵是煮好的牛尾加麵，牛尾不熱，吃起來還是韌韌的，要花上一點牙力去對付。麵鹼水味濃重，過水不清，水準一般。不過港隊最後以12碼嬴波，真的有波入，有撲救，不是死守等運到，打得很不錯的。放下17蚊，行出街，真正全城歡騰。