新田茶餐廳小廚

營業中

休息中

見大家郊友團，好多時搵隱世或者田園餐廳，環境同食物都好正，但係有時價錢就同市區不相伯仲，有時仲可以媲美中環同銅鑼灣嘅價錢。🚘🚖🚘🚖🚘🚖🚘🚖🚘🚖🚘🚖🚘🚖今日我嚟咗呢間村民常常去嘅一間村屋茶餐廳，因為係村民餐廳當然環境冇人世餐廳裝修得咁美麗。🏠🍵🏠🍵🏠🍵🏠🍵🏠🍵🏠🍵🏠🍵呢一度嘅乾炒牛河真係超有水準，性價比超高！如果你哋有時間或者經過呢邊記得你試吓啦

今日同老婆去呢間噉嘅新田茶餐廳食嘢。第一杯嚟嘅奶茶唔夠奶叫佢加啲奶佢個白癡夥計居然加咗煉奶。佢嗰個白癡夥計話畀佢聽仲傻下傻下，一味淨係講唔係我加嘅唔係我加架，喺度卸曬膊，點知老闆娘換個杯畀我哋又係唔夠奶。叫佢哋幫我哋喺個杯度再加啲奶。點知佢個老闆娘的動作嚇左我一跳。將杯奶茶倒剩三分一。再加奶落去，半杯奶茶都唔夠。嗰個咁嘅老闆娘鞋口鞋面，好似欠左佢咁，唔想做生意咪話接埋佢唔好做囉。以前杯奶茶都好地地嘅，而家越整越差都不在話下，最重要係態度問題，做老闆娘做到咁衰樣，不如咪做。

下午一個人買咗個外賣，呢間餐廳其實已經好耐，呢一區嘅人通常都會係呢間餐廳食嘢，味道唔錯，今日買咗個午餐50幾蚊唔算好貴，最重要嘅係佢哋嘅服務態度其實不錯只不過做街坊生意說話嘅時候比較粗魯，但其實我真心覺得好正嘅，其實同佢已經開咗好多間茶餐廳了，但多數人都喺度食係有佢嘅原因！大家可以試吓

是日因為工作關係再有機會到此午餐，還記得上年3月尾果陣帶幼童軍在附近小學球場進行露營活動，最後一天負責人就訂咗呢間店的飯盒，我幫手俾錢時發現原來佢地係用私家車送外賣😱😱今次我帶咗旅遊巴司機和同事仔來，原本想試吓去新田購物城，點知今日因為有活動唔俾泊車，旅遊巴泊在文天祥公園就行過去午餐~~~今次同事仔點咗欖菜肉鬆炒四季豆~~~司機叔叔就點咗炸菜蒸鯇魚，個司機叔叔大讚不錯，仲叫埋另外兩個同公司的司機叔叔來開餐~~~今次我要主動問阿姐先至有湯飲~~~而我就點咗快餐A的茄汁豬扒火腿飯，幾大份，估唔到有我唔太喜歡的雜豆，所以我都係食唔晒每次來呢間店食午餐都覺得好大份，今明兩日同事都在附近工作，原來被安排在米埔村工作的同事都係訂呢間店的外賣，估唔到呢間店的外賣服務咁專業可以送去咁遠

肥師奶夜收工 唔得閒煮飯比肥先生食快快趣趣搵間茶記醫下肚呢間茶餐廳平時都有食開貪佢夠就腳又開得夜最緊要係碟碟都夠鑊氣今晚叫左2個小菜尖椒炒豬頸肉豬頸肉爽口 冇”蘇”味有時最怕入口一陣味 值得加分尖椒略嫌唔夠辣但勝在豆豉椒絲落得夠足好惹味西檸雞柳就爭少少個皮唔夠脆入口大啖肥膏成件事好油呢個就冇下次喇但平時食開啲炒粉麵飯都唔錯住開呢頭既過黎試下都幾好最方便係可以八達通比錢 又近小巴/巴士站

事隔年半又再來呢度堂食，今個月頭我幫手帶幼童軍露營，成班小朋友食外賣，30碟飯分60個飯盒，佢地仲揸私家車送貨，真令我佩服。今次堂食係因為我要去米埔幫WWF做哺乳動物的研究，諗住帶定個餐盒裝半碟飯當晚餐今次跟上次不同係阿姐唔會即刻俾湯，而係問我要唔要湯，可能係佢地怕浪費食物~~~我叫咗咸魚雞粒炒飯餐，碟炒飯真係好大碟，我只是食半碟，炒飯中規中舉，係油比較多，本身放入餐盒打算晚餐食，點知晚上唔夠時間食，留在第二日午餐食，轉咗兩次餐盒都有至少3ML油在底，好在我連續兩日都要行超過2KM的路，否則我一定又肥唔少= ="加埋凍飲埋單只係$44，仲可以用八達通找數，感覺真係好方便

今日午餐時間因為要行新田到元朗一帶，所以我又要帶同事陪我行~~~我地去咗新田郵局旁邊的茶餐廳午餐，雖然環境好一般，但我地真係唔知有乜地方可以搵到好野食(￣∇￣)其實我地一坐d阿姐已經放定一人一湯，我地就分別叫一人一個午餐，同事個午餐的餸大份到呢……而我就叫平兩蚊的炒飯，之後另叫凍飲轉外賣杯，最後我地平均每人$38埋單，感覺抵食夾大份，但我地食唔晒，如果女仔去食一定要叫少飯，我地同枱未開餐的男士見我地食剩好多誤以為好難食，其實係我地食唔晒原來呢間茶餐廳可以八達通找數，我仲俾咗現金，真係豬咗-_-#

在工作中醫肚，去嘅地方唔多，地方所限！我唔會挑剔！去到邊食到邊！正面唸亦會去平時去唔到嘅地方開下眼界！今日呢間食店！茶餐廳格局，店外面有桌椅！方便大家呼吸！我哋亦好少坐入面！因為唔知點解，店內濕氣好重！氣味好怪！ 而家天氣唔熱，坐外面仲舒服！不過出面都係馬路！但唔會大塵！大車經過會嘈啲！當我哋行到店外！我聞到一陣好香嘅鹹魚味！ 坐低問店員阿姐！佢話剛剛炸緊鹹魚！我即刻叫個「鹹魚雞粒炒飯」，同同事叫個「越式炒河」分享食（又可以試多一樣 ）食物好快到！先講新鮮炸起鹹魚粒炒出來嘅飯！飯粒夠鬆，乾身唔硬，鹹魚粒係有姆指指甲咁大，唔係平時鹹魚碎，新鮮炸起外皮仲脆，微鹹，送飯一流，雞粒淋身唔嚡，如果可以多啲菜絲，增加爽口口感就更好！再來越式炒河，材料好多，其實似星洲炒米嘅材料，炒蛋叉燒火腿洋蔥芽菜之類，即炒夠鑊氣，河炒炒得散唔會斷，而且幾滑，中間夾雜啲辣椒皮，味道微辣（同事試食塊炒蛋話好辣）我覺得剛剛好！幾特色！唔錯！ 餐飲熱檸水正常！夠熱唔澀！服務就有個別店員比較粗糙，落單女店員好nice,又爽手！但其中一個阿姐上菜，同事叫雞髀加兩份薯條（因為一個茶餐配兩款小食）阿姐上菜時見到係雞髀配薯

現在經常駒車前往落馬洲. 新田, 古洞的食肆, 是我的新target, 決定係食早餐呢一個時段, 盡量尋找, 品味呢一D公路茶餐廳. 而今次就黎到關口附近的新田郵局. 一找, 便找到4間茶餐廳, 1間貨場飯堂. 首當其衝的, 是九記停車場旁的九記棧. 呢一次就拜訪新田郵局隔離, 打正新田牌既新田茶餐廳.地方雖然在大馬路旁, 但係有少少優雅. 種了幾盆風水樹仔亦正好把大貨車的灰塵隔一隔. 陽光普照之下, 我點了一個豬扒麵併火腿. 坐在室外, 享受一下鄉郊的風味. 奶茶, 非常creamy, 奶味香, 茶味濃而滑. 一個工作天的早上. 要口感滑而香, 要提提神醒醒腦. 奶茶絕對不能少, 一杯好既奶茶更加醒腦提神.豬扒麵併火腿, 先來的只是火腿公仔麵一個. 一上檯, 姐仔連忙說, 仲有豬扒架, 另上. 而我就等一下, 一塊香香的免切豬扒到來. 而我第一時間, 便是把豬扒放進麵湯內浸一浸. 香煎的豬扒, 夠腍, 醃得味道夠, 若是再煎香多一點, 味道更加好. 麵底就是普通的光身麵, 火腿也是那樣子. 沒什麼特別.吃罷早餐, 到郵局辦完事, 再泊好部車, 又要開始忙碌的一天.