新羅寶韓國餐廳 (已結業)

long weekend最後一日連機場人流都多左, 新羅寶偏貴但都坐滿7成!見到有唔少韓國人在此用餐!!8點鐘去到唔洗等位。唔算肚餓所以只係叫左個雜菜沙律($55)同一碗湯($12)。餐牌上沙律係配fresh fruit sauce, 點知都係普通沙律醬估唔到唔叫dinner set都有配菜食! 仲要幾好味 沙律菜的份量同種類都合格, 湯是紫菜瘦肉湯, 熱辣辣幾好味餐廳入面的侍應都好似係韓國人居多, 服務都幾周到!會時不時行埋黎睇下台面壺水夠唔夠熱, 凍左就幫你換!Dinner set 價錢由$88-$168 不等, 唔算貴!

時間真係過得好快 , 轉眼間已經跟佢簽左份 "合約' 25 年啦, 除了多左2 個小朋友 ,唔經唔覺人都老左好多.....我兩早已向公司請假 , 原本預備拋開2個電燈泡 , 來個二人世界去廸士尼玩一天+ 自助晚餐 , 但可惜天公不造美 , 連續幾天都天陰陰, 4月19日一大清早已經開始下大雨, 一直落個不停, 心情差極了 中午時間老公提議去機場行行啦, 屋企樓下有巴士站直到機場, 連雨傘都不用開, 一來聽朋友說過機場客運大樓2 期有好多商店又有4D立體電影院 , 二來可以出去行行總好過在家發呆, 一於行動 ....去到場機食完下午茶, 想買飛看戲才發現4D立體電影院裝修唔開, 天呀 !!!! 又一次愚弄我們了 (>.<) 不過最後都好彩有大發現 ---- 新羅寶早兩年前去過尖沙咀美麗華商場內的新羅寶, D 韓式燒肉好好味, 除了十多年前去韓國旅行 , 導遊帶我們去通常只有當地人幫襯正宗地道韓燒之外 , 尖沙咀新羅寶可說是我們在HK試的好味韓燒之首了, 可惜價錢比較貴了一點 , 不可經常幫襯.今次的大發現, 仔細看清楚是同一集團分店, 即使要多等約兩小時才是晚飯

很久沒去新羅寶了，今次去機場分店~近入口處的檯上放了幾款食品, 讓客人自取, 看似行貨的雜菜沙律, 原來幾好味, 不大家想encore時, 才發現已經清倉。 在首爾吃過南瓜粥後, 喜歡上此物, 可是這裡供應的, 就屬行貨. 牛骨湯也只屬一般, 不過始終是免費供應的, 就不能苛求了. 還有前菜六款, 是可以添食的. 豆乳冷麵看似新奇, 但豆乳湯是無味的...... 涼粉拌雜菜也是貪新鮮點的, 所謂的涼粉有點似蒟蒻但較腍身, 雜菜之中有芝麻葉之類味道濃烈的菜類, 加上微辣的拌醬, 醒神開胃.炆牛肋骨又腍又入味, 好吃. 配料有蕃薯, 倒是第一次見. 蠔仔煎餅足料飽滿~尚有其他食物，在此不贅。食物水準穩定，價錢合理，難怪位處terminal 2也有不少顧客。

兩個人..叫左勁多野食..全因有張..食$400可用$200既COUPON..

睇完清明上河圖，急不及待來機場醫醫肚。每人叫左個set dinner, 我叫的是燒牛肉跟雜錦飯。燒牛肉份量得幾塊，好入味，雜錦飯有隻煎蛋，跟鋪到滿滿的配菜。家人叫了炆牛肉，雜錦石鍋飯，人蔘燉雞，他們的評價都很好。前菜有多款，全部都細細碟，好開胃。南瓜湯好特別，杰身，甜甜地，唔似平日飲開糊狀的南瓜湯。環境好舒服，店員都是外藉人士，略懂廣東話，跟他們對話很有趣。服務一流，一個set dinner 都係一百蚊左右。

之前答應左仔仔去360玩，這個星期日終於實踐左，買左套票去玩，所以好抵，去完搭纜車，再去睇4D電影，玩左一day，原本套票包餐券，不過想同仔仔食好D。之前上網check過terminal 2有新羅保，朋友送左coupon,所以去試下.三個人叫了牛肋骨(原味), 海鮮薄餅, 沙律1.       燒牛肋骨: 香軟多汁, 很好!2.       海鮮薄餅: 很多料, 味道不錯.3.       沙律: 賣相吸引,食落又幾好食, 菜是自家種的,保正好!機場新羅保環境好舒服, 仔仔食得好開心,有coupon好扺食!!

這陣子,公司成日都要我出TRIP，今次schedule仲要有D急, 飛完上海又飛回香港,轉機去吉隆坡, 今次要響香港機場hea四個鍾,唔知點算.平日只係都幫襯機場速食餐廳,好快食完,之後就唔知去邊到hea.同事話Terminal 2,有多D野食野, 簡了一間韓國餐廳,叫新羅保, 去食韓燒,可以hea多點時間。這間餐廳環境不錯,叫了烤特級雪花牛肉, 烤起來好香,味道不錯,好香濃牛味,保留到好多肉汁。還有叫了海鮮薄餅和石鍋雜錦飯, 好好味道，海鮮薄餅用鐡板上,熱辣辣,質地煙煙”un” “un” 好好味道。食完後, 我哋仲hea了一會玩iPad, D服務員都幾有善,見我哋食完仲唔走都冇叫我哋結帳,仲幫我添茶，不錯不錯!

既然未有食評, 就寫一篇給這店子吧.都唔係好記得好唔好食, 只不過係同同事行過, 隨意走到這裡, 坐下才知是新羅寶.set lunch 好像約 hkd100 一款, 有許多泡菜.我點了石鍋飯, 幾好食.機場員工有折, 但忘記是七折或是八折相對之下, 比在其他分店抵食...