新聚會 (已結業)

之前同事帶我來這小餐館,很特別的一間餐廳, 同事說是私房菜, 但是其實應該說是家常小菜。帶老公來撐檯腳,慶幸即日打電話訂檯都有位,眼見坐無虛席。每天都有五樣小菜供選擇, 每人揀一款吧。今次選了蘿子雞球&馬蹄蒸肉餅先來湯, 蓮藕好爽口, 湯足料而且夠味(今次是小妹第三次光顧, 這裏的湯真令我回味)蘿子雞球原來是加了酸薑的咕嚕雞球,很是開胃, (現在回想還在流口水:like 馬蹄蒸肉餅肉餅不過蒸得太硬, 軟硬適中,咬落還有爽口的馬蹄。味道唔太濃個人認為這裏的飯菜都不落味精,健康而有家的味道 最後附上甜品, 紅豆沙是次紅豆沙淡而無味, 似是加了水,第一次光顧不是這樣子的, 較令我失望。78蚊, 中環地段, 有湯有糖水, 這樣的質素, 值丫!

想搵一個清靜又唔貴既開餐地方既中環人有福了！雖然一早已經聽過佢既大名，但係之前比佢既「會員制」嚇怕，以為呢度只係招呼達官貴人用膳既私竇。今日訂枱先至知原來餐廳喺訂枱方面唔係咁嚴緊，只要講得出會員「陳先生」、「黃經理」等等generic既名字就已經OK，非常user friendly！不過，由於餐廳採用會員制既關係，所以一律只接受訂枱，沒有booking 既walk-in客係絕對入唔到去架！餐廳位於皇后大道中近中環中心一棟較為殘舊既商業大廈，從行人天橋行過去唔駛十分鐘就到，非常就腳。裏面地方唔算太大，不過五臟俱全。除左一般梳化等等既私人會所必備之外，重有電視機不斷播緊24小時新聞台，咁樣財經人就絕對唔駛擔心miss 左任何重要消息啦，非常睇貼！坐低冇耐，侍應首先奉上熱茶，然後細心地問我地今日想食乜。由於例湯同埋甜品已經set好晒既關係，每個人只係需要喺menu裏面5選一，選擇要乜野餸/主菜就可以。花生眉豆雞腳煲豬骨湯︰第一啖入口已經感覺到老火湯火喉十足，落足心機一朝早預備材料去煲，唔係普通貨式。花生同眉豆煲得好腍好易入口之餘，雞腳同豬骨既味道亦都因為煲既時間夠足而滲晒入湯裏面。雖然係咁，

歡送一位同事兼慶祝另一位同事生日，想找個較靜的地方午飯，方便談天。想起這裡環境較靜，小菜也不錯，於是選了這裡吃午飯。青紅蘿蔔湯 x5：十分清甜，應該是無味精的，很有住家湯水的感覺。菜甫叉燒煎蛋：煎得漂亮，沒有燶。叉燒粒略嫌少，整體味道還可以。薯仔咕嚕肉：味嚕肉不肥，口感和肉味不錯。薯仔夠粉，但只有四五小件，份量太少。汁料酸甜味適中，十分好味。粉絲肉碎浸白菜仔：白菜仔鮮嫩，肉碎不肥，粉絲略嫌太碎，湯底不太鹹，是清新健康的餸菜。火腿麒麟魚片：金華火腿片很夠鹹香味，魚肉鮮味，冬菇夠焾。梅菜蒸雞：雞件肉質一般，反而梅菜鹹甜適中，與雞件同蒸，味道十分配合，很有驚喜。翠玉瓜炒蝦仁：脆玉瓜很多件，蝦仁爽口，還配有雲耳，十分健康的餸菜。白飯 x5番薯西米露 x5：很少見有番薯煲的西米露。淺黃色的，煲得很溶，西米很多，不太甜，好味！每人七十元，價錢合理。餸菜勝在似住家餸菜，沒有味精，味道不太濃，感覺較健康。而且由於位置不顯眼，顧客不多，所以是一處與朋友同事靜靜地邊吃飯邊談天的好地方。

中西區一向是美食「臥虎藏龍」之地，到處都有「x x 學會」之類的樓上食肆；門面雖說是「Members Only」，但實則只要你訂位時以急速聲線說：「哩~ 我係你個熟客陳小姐個同事啊！我係幫陳小姐訂位，四位唔該....」十次試、九次靈。是日光臨的「新証美食」，位於「中環中心」隔鄰一幢舊式大廈的七樓，非常隠閉。這次沒有出動「陳小姐」訂位，皆因飯局是由一位喜歡捐窿捐罅的友人安排。「新証美食」英文名叫「Sun Sec Wine & Cigar Ltd.」，名字有點怪；向侍應查問一下，原來「新証」就是「新鴻基證券」的意思。莫非這裡就昰以往「新鴻基證券」供員工食雪茄、飮靚酒的俱樂部？室內佈置懷舊，滿牆都是七、八十年代已發黃的照片，或許是以前「新鴻基證券」要員之類的合照吧。這裡午餐一律賣 $70，主菜五揀一，餐牌就簡單地印在白紙上，純撲得有「鹹魚白菜也好好味」的感覺。「霸王花甘荀煲唐排」是日中湯，味道比較淡。只要是沒下味精的就好了。「麒麟石班」石班魚厚切，一片魚、火腿、冬菇相間，形態優美。石班滑腍無渣，羡汁甘美，味清細膩。「豉汁涼瓜炆排骨」重口味的香氣，超好下飯。涼瓜是炆到近附腍爛的那種，是本少爺喜

一月二十八日 (星期五)老公仔得到新同事的推介,發掘到這裡!位於近中環中心的一幢舊式大廈,頗隠閉的因為午飯時間例必滿座,最好事前預訂這裡每日都有不同款式的餸菜供應每日五款,今日與老公仔和另外一位同事到來選了其中的三款: 麒麟石班雜菌扒時蔬蕃茄汁煮牛柳另每位都奉送花生煲豬腳湯和雪耳燉蛋白糖水麒麟石班即清蒸石班肉,肉上火腿,石班和東菇魚肉鮮嫩,加少許蔥更覺香口火腿和東菇則屬一般水準蕃茄汁香濃,配上煙韌牛柳本是一流但牛柳真的太少太細塊了,有點可惜不過用蕃茄汁來伴飯又的確不錯雜菌扒時蔬是很清淡的一道菜蔬菜吃得出是新鮮貨,沒有味覺享受,但勝在夠健康老公仔已來過很多次他坦然今次的水準僅屬一般就給它多一次機會,下次再來一試每道菜連例湯甜品只是$65(即不用加一)而且環境清靜,很適合細訴傾談只收信用卡的,有興趣來試的記住帶!

在同事介紹下，第一次來這裡吃飯。門面和裝修很特別，像高級會所。餸菜的款式已定，亦規定餸菜的數量是按人數而叫的，所以我們六個人一定要六個餸。由於只有五款餸（本來是有六款的，但其中一款剛巧沒有），所以其中一款要重覆。節瓜肉片：味道尚可，肉片較少。黑椒香茄牛腩：番茄汁加黑椒味，味道醒神。牛腩太過細碎。上湯粉絲津白：很清淡。雜菌蒸豆腐：雜菌味很特別，豆腐尚可。味菜炒洋葱：由味菜、洋葱和一片片不知什麼腸炒成，味道一般。中湯：樣子不討好，但出奇地好味，清淡又少油，不錯。甜品：當侍應說今天的甜品是清補涼時，大家都很疑惑：清補涼是甜品？？？然而，這個甜的清補涼，味道又是出奇地好味，清得來不太甜，不錯。整體來說，食物味道還算可以，但以這個價錢來說，不太值。

不知道貪吃同事 E 怎樣找到了此地, 自己也很有興趣, 便約埋一班部門同事吃個午餐.相比 Crystal Cafe, 這裡更私竇, 完全覺得自己在中區隱了形似的. 這裡傢俬擺設很富豪飯局感覺, 甚為優雅, 有點覺得自己變了富豪呢! 這裡沒有菜牌, 吃的一切由大廚主理人作主, 而餸菜較為家庭式.先來的老火湯火喉不錯; 預先訂了牛腩煲和蓮藕餅, 頗好吃: 牛腩是清湯腩, 不算肥但幾軟腍, 蘿蔔切薄片索湯一流. 至於蓮藕餅煎得香口又夠鬆, 送飯很好吃! 較有印象的是蒜蓉蝦乾南瓜, 雖然大量蒜蓉搶了其他的味道, 但也算是佐飯佳品. 其他如黑椒豬扒, 蒸鯇魚腩, 什菇生菜就相對一般.這裡是白飯任裝, 保證餸不夠, 也夠飽肚的.敬送甜品, 甜品也只是一般貨色.價錢偏貴一點點, 不過入來真係冇人知, 安全感大增.

雖然以上館子來說，可算經濟和地方不俗，座位舒適，但以物值來說，如此菜式，以家廚來說，四人的份量，一佰元也不值．

這裡在商業大廈的七樓，異常隱蔽，地方又唔差，係除左嶺南及證券業協會外，另外一個行內人收料的地方。今日又一行四人來，交帶了要準備一張靜局一點的檯，就在房間裡面吃。入面如一個小型圖書館，有馮老先生的畫像，亦有電視在播新聞，環境不錯的。這裡的午餐是吃中菜，以家庭式的菜餚為主，清淡而偏向健康。五選一的菜單，四個人就索性要齊五款，分別是煎封紅衫魚、鮮茄肉片煮蛋、鎮江骨、蝦干蒸娃娃菜及什菌浸什菜。先來一碗湯，是節瓜鱆魚豬骨湯，沒有味精，火路一般，只是例湯，都算交了功課；幾個菜都分別上檯，份量不少。菜色味道不錯，以家庭式風味為主，多菜少油少鹽，幾合口味。個人而言，最喜歡那條紅衫魚，同埋蕃茄蛋都唔錯，鎮江骨就嫌佢甜了一點，排骨細細舊，無什咬口。飯後還有喳喳送，埋單300蚊，免茶芥加一，地方又適合傾野，非常之經濟抵食。仍然會是我們的私竇。

唔知係唔係因為經濟好轉，有一陳年項目終於收到錢，雖然唔係收齊但有份參與的同事終於有糧出。既為慶祝亦為聚舊，所以上星期安排在這裡食番餐。晚餐以自助餐形式進行，地點這裡的大廳，有舒服疏化椅亦可以唱K，想打牌的亦可以安排，但今日洋人多，時間又唔係多，所以只係傾下計唱下歌就食野。我們廿多人，私人會所的自助餐食物的種類當然不能與酒店的相比，但都足夠同幾好食。沙律吧選擇不多，只係菠蘿、粟米、番茄同生菜等，沙律醬都係得兩三款，但都算新鮮，不俗；冷盤是豉油雞同鹵水鴨胸，兩種都入味亦幾好食，呢兩味野都唔知可以食到幾時，一於食得就食；湯是一中一西，但就以個粉葛魚湯受歡迎過羅宋湯好多，連鬼佬都飲老火湯，真係比好多本地薑識食；熱盤有椒鹽蝦、咖哩鴨、清湯腩、粟米魚柳、陳皮骨同菜等，菜色份量足夠，亦夠熱，其中最喜歡吃清湯腩同陳皮骨，其他菜色就以椒鹽蝦較受歡迎；亦有肉醬意粉同飯，實食得飽；甜品是鮮果拼盤同芒果布甸，芒果布甸都算味道不錯。每位200蚊，酒水另計。包廳要廿人起，呢個價錢都算抵食。

唔係同事介紹，都唔會咁容易搵到呢度。其實這裡係一班新鴻基證券的舊部創立的聚腳點，淨係睇個大房入面大大張馮景禧先生的畫像就知。但就不用真的是新證舊生至可以訂位，但因為價錢唔貴又幾好坐，所以幾受歡迎，好多時即日訂都會訂唔到。今日四個人幫襯，地方是樓上會所格局，以深色為主，幾有格調，傾計食飯都唔錯。午餐有湯、小菜及甜品。今日湯是節瓜鱆魚豬骨湯，老火湯無味精，睇睇撈起的湯渣就知真材實料，幾掂；小菜有四款選擇，叫了蒸烏頭、吊片馬蹄蒸肉餅、糖醋骨同炒小棠菜，菜式屬家常小菜，不太油，有水準。其中以糖醋骨最好味，蒸肉餅都好送飯，蒸烏頭就仍有泥味，怕腥的未必鍾意。碟頭不少，幾位男士都算夠食；甜品是木瓜雪耳，不太甜幾清潤。侍應服務唔錯，招呼好亦好好傾，據講晚報時間仲可以安排雀局，幾唔錯的。訂位時可叫他們先把是日餐單傳真來看看，聽講情況許可下，事先點定菜都無問題。一湯一菜一甜品連白飯，埋單每位55蚊，幾好坐，算係唔貴。