新聯輝餐廳

營業中

休息中

兆康商場新聯輝茶餐廳，冇嘢多，人多，選擇多：燒味又有，茶餐又有，炒嘢小菜又有但係我最喜歡嘅，就係每日都有唔同嘅蒸魚選擇靚啲嘅蒸魚餐， $60至$100不等，但係午餐通常都有一個蒸海魚或者涼瓜炆魚套餐，熱飲$56 ，凍飲$59 你睇吓呢個蒸海斑，連埋凍飲$59，咁鬼厚肉又滑，仲想點呢🤣

1早嚟食早餐，叫咗個阿姐幫我落單，我指住個餐牌係一個喇沙嘅套餐，我話要魚腐麵凍檸茶跟住佢好似聽到又聽到咁唔知做乜喺度整吓啲餐牌又整吓啲餐具，跟住佢先淡淡然攞本簿出嚟我又要再講多次，跟住佢鬧我話＂你冇講你要喇沙，我一陣間會寫錯，會比人鬧＂我心諗我頭先望住你，再指住個餐牌同你講，係你自己唔知做乜嘢唔睇，跟住我望住佢，我話唔好意思呀阿姐，佢仲要啤番我轉頭。

兆康商場有三間茶餐廳🍽這是其中我之前沒有到過的［新聯輝］從西鐵站C出口出經輕鐵站進入商場，上一層左手邊行到盡頭即百佳對面內裡環境較為殘舊，食客也不多今次同朋友去試咗他們的早餐1️⃣我點了沙爹牛肉米粉配炒蛋餐肉2️⃣朋友則點了雪菜肉絲米粉配火腿奄列3️⃣餐飲都點了凍檸茶這家餐廳主要做街坊生意👨‍🌾以方便快捷為主 食物的口味和質量都普普通通，勉強可以接受算是合乎日常消費的標準不要抱有任何期望來就好了😁

食物質素一般 職員完全沒有禮貌 完全無視顧客 寫單的態度有十分之差 只是區內算是可以入口的餐廳 如果這區重建 這間餐廳一定不可以留下食物不是很新鮮 只是表現一般的普通處理方法 餐廳環境我起身非常一般 餐具也十分骯髒 職員無視客人的情況可以多到成5分鐘 擺放食物也是很不禮貌 完全沒有尊重客人的專業性 職員會指罵客人 只是會和同事傾偈不會理會客人看見圖中的煎蛋，也完全沒有誠意去製作出來 途中的沙嗲牛肉有十分不新鮮 整體來說，每次來到都是吃到一肚氣 絕對不推薦任何人來這間餐廳

用餐時間（3:10pm tea）follow@wojengyea/@wo!正嘢 for more food info🐒 支持我哋發掘更多美食 😋豉油王魷魚鬚炒油麵 🍝呢個下午茶菜式喺其他餐廳少見，點都要試試佢。油麵炒得好好食，熱辣辣又夠味，勁多魷魚🦑（起碼有15至18嚿），食完之後變咗做魷魚人lol。師傅落咗洋蔥🧅、蔥、芽菜落去炒，成件事冇咁寡。見佢落咗隻蛋去炒🍳，可惜成隻蛋炒到燶哂，而且吸晒啲油，膩到食唔落口。🗑️食頭兩啖還好，食多幾口覺得都幾油，食完發覺成隻碟底都係擸擸令。🍽️茶水☕杯奶茶中規中矩，茶味都算香濃，但偏向苦澀嗰隻，飲完條脷會苦。個人偏向鍾意奶味較香濃嗰隻奶茶，要比例適中，攞個平衡先會滑。餐廳氛圍兆康苑都算係一條舊屋邨，估呢間嘢都有返咁上下歷史（俾錢時候問老闆佢又講唔出😂）。地下懷舊地磚，簡樸裝修同我之前2005年嚟食嘅時候一樣，當年往事，回憶湧現。🎈

去到兆康站想搵野食，見到呢間比較多like 所以入嚟食。入到去2:00都算多人，揀左張近水吧嘅枱，坐低一陣，有個阿叔叫我坐過一兩個位，我就即刻照做，然後食物到，我食食下，佢一手張我放袋嘅櫈推入，完全無同我講聲，俾佢嚇一嚇。都算，俾多啲位佢哋出餐，點知過咗幾分鐘，後面張枱坐左個後生仔🤦🏻‍♀️ 難道咁樣唔係仲窄咩？點知同一個阿叔行過隻手仲撞到我，sorry 都無聲。唯有我自己轉左另一張枱。點知後尾有一對夫婦坐左我第一張枱，佢話阻住出餐嘅位。😫😫😫我淨係想安靜食餐飯，阿叔點解要咁做。

食物選擇都多價錢都算可以。但係侍應態度超差，催交枱俾說話人聽話自己睇唔到嘢，叫我大大聲讀想食啲咩俾佢抄低隔離大把枱，淨係叫我快快脆脆食完交枱未經我同意擅自郁我啲私人物品唔會再幫襯

心血來潮想食燒味行過兆康即管睇下有冇得外賣番去好在e間新聯輝有燒味！可以滿足到我估唔到都幾多人叫外賣叫左個燒味雙拼 燒肉拼鴨 $82價錢可接受，冇堂食真係生意難做啊！俾完錢等左冇耐就有，都算快 睇外賣包裝好似好細盒但打開睇其實份量都ok 賣相都幾好個底仲有幾條白菜仔😂買到去雖然凍咗但係啲燒肉個皮仲好脆味道唔算太鹹肉質唔會好鞋又唔肥整體來講都幾好至於燒鴨都不過不失真係啖啖肉好少肥膏不過食落有少少碎骨要小心啲食總結而言，無意發現呢間茶餐廳嘅燒味都唔錯，可惜黎屋企太遠…

係呢頭返工，兆康呢幾間茶餐廳成為飯堂之一。平時間唔中都會黎食，因為真係冇乜好揀。但上兩次黎食都遇到極差既體驗。第一次：個好大聲既呀叔侍應上菜，一野pat落張枱度，D汁彈到我同事衫褲都有，然後sorry都冇句扮睇唔到，要大大聲叫佢返黎先係咁意放卷廁紙係度。第二次：埋單，同同事分開比錢，個同事搵緊散紙，而後面又冇人等，所以我就等同事比左先，點知個收銀呀嬸：「等咩姐！你比先啦！」我問左佢一句：「好急咩？」佢即刻著哂火咁：「係呀！我好趕呀！快D比啦！」係呢頭返左幾年工，都食過唔少次呢間野，但今次真係忍唔住要上黎負皮佢。以後冇咩事都唔會再食。大家如果想食個lunch都受氣既話可以一試

呢間野我同男友成日都黎買飯。值得一讚嘅係D燒味唔錯，燒肉係一層一層有時仲有油雞髀，其他野食都幾有鑊氣。不過呢度個收銀個女人態度差到爆，已經唔只一次用簡稱去落單，又叫你講全名。到講全名，佢又話你講得唔清楚（其實係佢寫野時係聽唔到野），態度仲要衰聲唔耐煩。大佬！我係客黎架，咩事買個飯都要受你氣呀？今日係第3次我真係忍唔住上黎寫食評！睇返其他食評，原來唔只我一個覺得佢態度差。其實呢間茶餐廳D野整身真係唔錯，又唔貴，我男友當正係飯堂，但就係呢個收銀女人搞衰晒！好心就叫佢返屋企啦！

平時真係好少可以起到身食早餐，不過呢一期又鍾意行下路上下兆康苑食早餐，除咗麥快餐同酒樓之外，新聯輝都係一個唔錯選擇。。。如果喺九龍區食一個早餐大概都要$35或以上， 不過呢度一個雪菜肉絲米加火腿奄列多士，再加一杯熱飲都只係$32，價錢超值。。。米粉選用左銀絲米粉，較幼身，比起粗身既東莞米粉更好食。雪菜肉絲份量比較少可以再多少少😂火腿奄列多士就正常，如果火腿可以再炒熱啲就更好。。不過$32可以食到飽飽，真係唔容易，所以要求真係唔多 希望可以繼續以優惠價做街坊生意！！

第一次黎兆康食野（其實係第一次黎兆康呢個地方），得罪講句，呢個屋邨舊到我以為去左50年前嘅香港😂😂😂同個friend求其入左呢間新聯輝食野。呢間感覺係舊式茶記，但好大間，有好多張圓枱。Lunch黎到坐到7 8成滿，都幾勁。叫左兩個炒粉麵。乾炒牛河估唔到幾好食，係好油，但都好惹味，而且份量都好足，我個男仔friend 都食唔哂😂我個魚香茄子炆米都ok，係略嫌茄子份量唔夠多，淨係米粉份量極爆多，大碟到不得了😂

假日的早上是如此滿座記得兒時的每個星期日，都會與爸媽妹妹到家附近茶餐廳可是工作了，已不固定放假，星期日的早餐，沒享用好久了每桌有數個膠杯，是放帳單用的老闆可真是聰明每人拿住一張，要不弄髒，要不吹走豬排甚乾，可有奄列為此早餐提高分數茶餐廳做的奄列，就是與別不同水吧師傅該是很喜愛牛油的，因每次牛油都厚厚的奄列就是尚有少許未熟才好味西式的奄列我尤其討厭早餐至十一點半，最能照顧賴床一族健康的麥皮常早早賣完很是欣賞呼籲客人可叫少飯，減少浪費環保，每人都有責任！！

同朋友經過兆康，求其食個dinner , 我叫左個芝士海鮮焗飯$49，朋友叫左個什會湯米線$37。焗飯非常穩陣，係有焗過既。之前食過上水廣場個間茜X既焗飯 , 佢真係好似冇焗過，就咁淋個汁上去咁樣。呢個焗飯都幾足料，有塊大魚柳係入面，d 芝士又唔會太多太肥膩，剛剛好，整體我認為係好過商場既連鎖西餐廳個D $50-60既飯餐。平時去開商場，入去個D扮西餐廳既茶餐廳，茜X , 香港達X/椰XX , 紅螞X , 都唔知叫乜野食好。牛扒又乾又鞋，焗飯又冇焗過既，豬扒飯塊豬扒又凍既，意粉又煮到淋patpat等等。我朋友叫左個什會米線，個湯底當然係hea 既味精湯，但勝在十分足料，有豬肉片，雞肉，叉燒，蝦仁，魷魚等等。

你間茶餐廳係屯門輕鐵站隔離個商場，餐廳嘅裝修已經幾殘舊，顧客除咗街坊，仲有喺附近工作嘅人，見到仲有唔少老人家係度傾計。屯門既早餐原來已經接近$30。午餐價錢親民D，一律$45，選擇也夠多，有蒸肉餅飯、叉燒炒蛋飯、干炒三絲河、梅菜粒肉飯、豉汁豆卜蒸排骨飯、粟米雞粒飯等等，連一杯野飲，加咗錢算貼地。茶餐廳啲飯份量都幾多，不過如果食唔到咁多，可以提早同店員講。我叫咗一份京都豬扒飯。首先估唔到一份入面有咁多豬扒，有啲意外！另外要讚一讚豬扒煮得好腍，肉質好嫩滑，意料之外既美味。難怪呢度咁多街坊幫襯！