新興發粥店

營業中

休息中

到了星期天，又是早晨聚會的時間。往乘巴士途中忽然粥癮大發，剛巧腳步就停在此店門前，也就因利乘便，進去吃些東西來止止癮....是朝對有味粥不感興趣，況且也是時候清一清腸胃，所以就來一碗米王，另外再加一碟炸両就可以了...米王的質地甚稀，而且米粒雖是已煲至開花，但份量甚見不足，綿滑是絕對稱不上的。跟家樓下的有利，水準何謂相差十萬八千里遠矣....炸両的腸粉皮不算很厚但不夠滑口，再加上米香是欠奉的，豉油亦調得有點過鹹，不過最壞透的是那腍得可以的油條。之前的食評亦曾約略提過一古怪現象 --- 就是通常在早上大部份粥舖的油條理應是新鮮即製，但許多時卻不知何解在炸両內的油條就尤如用上隔夜貨色般的，淨叫油條就能吃到新鮮貨。要在炸両內夾入新鮮油條處理，理應不是一件太困難的事吧而且一碟炸両往往要收您八至十大洋。要求高一些，不是很過份吧.....越想越不忿馬上放低錢，揚長而去....

在土瓜灣既所有粥店,這間新興發既味道都真係唔錯,價錢又合理,沒有情人既情人節晚上食粥做晚餐都不算差,我叫左一碗皮蛋及第粥,幾大碗,都幾多料,粥又夠綿,味道唔差,不過太多蔥,好似唔夠飽,再叫多個炸兩,裡面D油炸鬼都仲好脆,而且又夠哂熱,再加埋甜醬同麻醬真係冇得彈

lunch唔知食咩好, 見間野無咩人就是是入去食下la食左個炒米+炒面$6有曬2樣, 話好食就唔係好好食但$6就有一大碟就真係好抵la個fd食炸兩, $6好大碟, 有成3條見佢係即整既, d油炸鬼仲好脆仲飲左杯豆漿, 幾甜下, 但ok既, $4一杯, 抵

上班路過，肚子咕咕作響，食碗粥入去，止住先...下火加炒米，粥底始終不及家附近嘅有利好，但又不算太差，不太稀又不太杰，料亦算足，皮蛋當然不是什麼溏心貨，瘦肉條亦不及紅磡生記嘅入味及鹹香...炒米味道好"清"，冇乜師傅味，稍嫌芽菜不夠多...平平無奇嘅水準....

區內的粥店,十居其九也是賣有味粥作主力,這間近欣榮花園的新興發,是其中之一間.糧尾時段去就最岩,因為一碗艇仔,加碟炸兩,都係$15.其炸兩的粉皮是即拉,也是可取之處,當然內裏的油條就不是了.其粥底偏向奶白,都有米香,不濃不稀,以$9一碗艇仔粥來講,用料算足,起碼也吃到成口魷魚鬚同魚肚.兩者組合,未算是區內最平.更平的選擇?都有,隔離的沾仔記大粒雲吞,鯪魚球麵$12一碗.對面的亞妹小館,一個客飯$14,還有例湯送.

豬紅粥$9 + 魚片粥$12 ~ 兩碗粥料份量夠多又鮮味,但過了幾小時後才知其實味精太多了,不停飲水至黃昏.

好奇怪點解張相入面係空空如也?無他嘅，因為食完先醒起唔記得影相，想補飛都嚟唔切...咁都可以證明D嘢唔太難食la，差唔多清晒倉..一早講過，朝早想係土記附近食碗熱辣辣嘅粥及油炸鬼，選擇不外乎都係嗰幾間，好快就會試勻晒...今次唔選擇食米王，轉而叫艇仔。料多--- 魷魚鬚、豬皮、花生、牛肉...樣樣有齊，但食味普通；炸両入面嘅油條仍有微脆，已是萬幸...相信已經食勻呢頭嘅晨早粥舖，係時候揾日返去樓下有利食嗰碗靚白粥嘞...