新花清湯腩餃子專門店

營業中

休息中

上次平日7pm 嚟嘅時候，所有餃子都賣晒💔今次6:45pm 就到左，本身店員話馬蹄餃賣晒，但老闆真係好好人👍，知我想一次過試晒三隻味，就話將剩番果幾隻都煮埋比我☺️ 三併湯餃子 (9隻，$43) (7.5/10)🥣野葛菜生魚湯：當初都係因為比個湯吸引所以嚟食。湯底果然冇令我失望，真係非常清甜，野葛菜味突出，飲完喉嚨好舒服好滋潤。🥟韭菜豬肉餃：韭菜同豬肉比例剛剛好，韭菜味香濃，好有住家包嘅餃子嘅感覺🥟椰菜豬肉餃：椰菜爽口鮮甜，豬肉都新鮮，整體味道唔錯🥟馬蹄香茜芹菜豬肉餃：芹菜味搶左芫茜味，同埋芹菜有少少苦，馬蹄就幾爽口，三隻嚟講呢款比較遜色

睇fb有人介紹過新花，話支持小店，經開佐敦行過嚟試下；店舖雖小，食物質素卻不錯。牛腩河，湯非常清甜，牛腩有咬口重牛味，牛腩炆得唔係好淋，但絕對係好食既，返而要咀嚼多幾下，食得到肉既原味，蘿蔔應該係分開煮既都好食。馬蹄香茜芹菜豬肉餃，即包即淥，馬蹄芹菜爽，芫茜味香，豬肉味平衡，皮薄，食完一d都唔口渴，啖湯略嫌淡少少，不過呢個亦都係佢既賣點；相比過往食過葛菜生魚湯餃子既店，我覺得佢係做得更好，因為有d少店為左要特顯佢既湯同餃子既味道，味精會落得比較重手，呢度餃子既調味非常出色。咁岩睇住兩個阿姐係度包緊，自家製有水準。$43有9隻，抵食。如果要午餐好似仲平d。辣菜脯同另一款菜脯碎亦都好惹味，辣味出色，相比之下辣椒油好普通；見到隔離枱嗌牛三寶湯飯，亦非常吸引。店舖偏細，食完要即走，因為近飯市時間開始旺，所以外賣不失為一個好選擇。

講到食牛腩的麵家基本上周街都係，不過要分普通牛腩、牛坑腩、爽腩及崩沙腩的舖頭就真係好少見，呢一間係其中一間。有選擇困難症的我最後揀咗連皮瘦崩沙腩米粉。$52的價錢，有大約5至6件崩沙腩，另外有一舊白蘿蔔，都算抵食。崩沙腩的牛味很濃很香，雖然是瘦的卻又不會太韌，味道唔錯。蘿蔔就普普通通啦，唔係同d牛腩一齊煮嘅，如果係就會正好多，因為d蘿蔔會吸晒牛腩嘅精華。

以為已是下午2:30可以點下午茶，原來才2:20，未夠鐘，幸好侍應哥哥表示無問題，開心就係咁簡單。點了野葛菜生魚湯餃子，餃子選了馬蹄香茜芹菜豬肉餃，下午茶餐送餐飲，點了熱奶茶。馬蹄香茜芹菜豬肉餃的配料很正，很有層次感，馬蹄切細粒很爽，配以香茜及芹菜，兩款較濃味的蔬菜配得非常Balance，誰也沒有搶走誰的香味，同時亦感受到餡料的鮮味，值得一讚。尾中不足的是野葛菜生魚湯的味不夠濃，與太子那家同樣以此湯作招徠的餃子店立即比下去。幸好此店的餃子在我心目中仍勝一籌。

乾淨企理好味的街坊食店！沒有坑，全部好食！住周圍幾年，終于發現，并現在納入飯堂名單，推荐：馬蹄芹菜餃，清湯牛腩，咖喱牛腩，鹽焗雞，好食！准俻以后請朋友就這裡，忠實粉絲！哈哈~6

十月頭，台灣附近打風，內加繼續爭秋奪暑秋老虎，熱到33點幾度，11:45左右，在油旺遊來遊去還是未找到合心水的食店，就熱到暈眩之際，經過這小店，見內裡有四五枱客，以為會有驚喜，誰知一肚氣...店內外都貼滿多張崩沙腩、坑腩的大大圖片，酷愛此味的我立即點碗一嚐，豈料要崩沙冇崩沙、要坑腩冇坑腩，寫單姐話得招牌牛腩，我說要半肥瘦腩，另加馬蹄水餃🥟及$10檸檬薏米蜂蜜飲。蜂蜜飲先來，清甜潤喉，印象稍為好番少少，殊不知來的是......6件腩入面，3件極瘦3件極肥......好喇，當大家溝通有誤會，我要嘅係每舊半肥瘦......餃子🥟3件，全非馬蹄，而是韮菜，餃子皮還有點爛爛泡泡......湯底，唔該唔好講到自己整埋啲咩特色蟲草花湯底又鑿人加多10蚊，這基本湯底如鹹水一樣都做不好，河粉，一餅餅......冇食早餐餓底嘅情況下我食剩半碗河及一件鞋過鞋底的腩，去唔去幫襯自己諗。

需要食個early dinner 而又唔太肚餓既我選擇第2次光顧"新花餃子清湯腩".咁岩見到6點前有下午茶，即時點左 "煎餃米線" ($30)新花有幾種唔同既餃子揀，但比我揀既話，唔使諗一定all in "馬蹄香茜芹菜豬肉餃". 因為一般既白菜同埋韭菜豬肉間間都有得食，但係馬蹄香茜少見d, 同埋兩者其實係perfect match (唔使擔心芫茜味會太濃）， 叫煎餃既話更正！其實tea time 得4隻餃子唔多夠，下次lunch time 要食夠6 隻先夠喉～

清湯腩超正！ 不過好肥現時處於新同狀態所以食嘅嘢唔怕如果一般怕食肥腩嘅話可以要求佢要瘦啲但係佢個湯底超濃牛腩味！😍我見入舖好多人都食餃子有次都有其他唔同嘅湯底好似蟲草花etc......下次有機會可以試吓佢個餃子先

bunny去佐敦 bunny食餃子1）🥟椰菜豬肉餃（4粒）+ 韮菜豬肉餃（2粒）$34老細話椰菜餃賣哂，所以換左兩粒韮菜，都好丫可以試多款口味！首次要大讚湯底，係野葛菜生魚湯，飲得出零味精，非常鮮甜！餃子都好鮮甜，皮算薄，料非常足！個人鍾意椰菜餃多d, 因為椰菜關係隻餃鮮甜d! ❤️❤️❤️❤️❤️❤️❤️❤️❤️9/10 2) 🐮 瘦香崩沙腩米粉 $42崩沙腩肥瘦適中，同埋肉味香！❤️❤️❤️❤️❤️❤️❤️❤️❤️9/103） 🦑香煎墨魚餅 $34一碟只有3件，本來覺得幾唔抵，但食落你就明點解得3件，因為佢真係全墨魚打到起膠零麵粉！好食！❤️❤️❤️❤️❤️❤️❤️❤️8/10

很喜歡吃清湯牛腩和喝湯，經朋友介紹去了這間餐廳，位置不易找因為頗隱閉。清湯牛腩做得非常好，點了一份淨食的崩沙腩和爽腩，肥瘦適中很好吃！我巳吃了很多不同的清湯腩店，我個人應為這間的水準暫時來說是最高的也點了生魚葛菜湯，似沒味精的，很不錯！比較弱的就是餃子了，餃子皮雖則薄但沒有什麼特別，煮得太淋了希望他們可以再改善這方面。而當中最大問題就是他們的店舖衛生程度，相信需要大大改善，食客才會吃得安心和舒服呢

如果係佐敦自己一個人食飯 我一定會揀呢間食過一次佢地的餃子真係驚為天人後來再介紹同同事一齊食 可以叫多幾樣 真係大滿足 野葛菜生魚湯 馬蹄香茜芹菜豬肉餃併椰菜豬肉餃 (9隻) $39呢個湯清甜又滋補 真係令人想encore 個湯本身我好怕香茜的味 但佢個餃食落又唔會太重味所有味道都係恰到好處 煎韭菜豬肉餃 (9隻) $39煎餃又係即叫即煎 外香脆內多汁 淨招牌牛腩(例牌) $135牛腩又大份 肉質一流唔會痴牙 而且白蘿蔔食落都好清甜同埋佢個湯又好夠味 係可以全部清哂 如果係好鐘意食湯餃的你一定要試暫時係我食過又覺得好好食的頭三位！

見呢間評語唔錯，價錢又抵食，所以熱辣辣都行過來食。睇圖見坑腩偏肥，崩沙有層皮，爽腩感覺良好，好似啱我多d，所以叫咗爽腩。$42賣相就無乜要求，味道果然又唔錯，質感真係好爽爽腩有層薄軟膠，爽軟而不硬 好彈牙，好d似牛筋，好正河粉份量適中，清湯好飲而且唔係味精湯。雖然環境麻麻，但味道更勝一籌價錢都好平民價，而且唔係度度咁清楚分爽腩，坑腩，崩沙腩。店員都有講分呢3種，睇下邊樣啱食。聽到隔離檯encore煎餃，等我下次再黎試下食。

I came because of my mum’s recommendation. Normally she hates eating out and complains about the food quality, but this time she was praised this place over and over again so much so that I decided to come check out myself.So when I got in, I didn’t realise not only do they sell beef brisket, they also do some other dishes such as drunken chicken and fried dumplings. As there were 3 of us we decided to try their 2 persons set meal and order a few other sides.I must say, I thoroughly enjoyed the

朋友介紹佢啲牛腩好好食，然後我唔知點解不停記住佢啲餃子好好食，結果到去食果陣真係覺得餃子好食過牛腩😂😂😂叫咗個二人餐一八八，加五蚊轉崩沙腩，其實我就唔係好識分，不過都幾正，牛味幾香同好鐘意佢上面層皮，唯一係啲肉食落有啲痴牙，另外啲蘿蔔好甜又好腍好正✨ 個鹽焗雞味道比賣相好，都幾嫩口，同幾濃味下，有人可能會覺得鹹咗啲。而煎餃都幾高質，煎到個面有少少冰花效果咁脆脆地，款式就雙併咗兩款，韭菜明顯係無敵啦，而馬蹄香茜都唔錯，茜味唔係話好重馬蹄粒仲好爽口添✨ 另外仲叫咗個煎墨魚餅，煎得金香又彈牙，不過三十零蚊得三塊唔抵食囉😌

要是每天吃也不悶！真的了不得蕃茄湯底夠濃哪裏來的豬潤，爽脆嫩口煎椰菜餃子，色香味盡在有個鯪魚球西洋菜湯飯為何西洋菜特別嫩滑🤔每次食都沒有失準👍最勁就係連杯凍檸茶都好飲過人【爽腩】老闆入到貨，一定要享受【冰火】聽個名都想試😝 牛油煉奶厚多士好好味。好好味。還有很多美食我只能夠講一試難忘，再試上癮唯一缺點，店舖太細少但我希望唔好變大。小小店舖才能保持最好水準《 奶茶及咖啡盡量❌唔好叫》