新華茶餐廳

營業中

休息中

常餐有餐包、奄列、雪茶肉絲米和茶走。對於不太餓的我，份量好足夠。雪菜肉絲米的米粉好爽口，每一口都有「嗦嗦」聲，完全不會軟身! 好滿意!雪菜的味道剛好，不會淡而無味。雪菜肉絲帶辣味，為味蕾帶來一點刺激，好開胃!這是我最喜歡的雪菜肉絲米!奄列的蛋皮是全熟，完全沒有蛋漿，圍邊有點焦脆，完全合乎我的口味!火腿略帶鹹味，且每條有些許厚度，滿足。火腿均勻分佈在奄列中，不會只集中間部分，使每一口都有蛋皮和火腿。這是我最喜歡的奄列!茶走不會太甜，雖然帶有茶味，卻不會澀，茶和奶取得平衡。

朝早食早餐，由將軍澳出黎深水埗。係另一間號稱最好食既茶餐廳食到隻隔夜蛋撻，非常難食。唔忿氣過黎新華食番隻正常蛋撻補數。好唔好食有樣睇，呢間既蛋撻起碼最基本，夠熱，蛋香，穌皮夠鬆脆。

真係好多年冇食沙嗲牛肉麵，因為真係搵唔到一間好味道。諗返起以前喺長沙灣食過一間懷舊冰室，終於今日要去探一探佢其實都幾隔涉，即刻冇直車到囉 ！佢又未至於令到我想轉車都去食嘅一間。終於還自己心願，亦都確定唔需要再去啦。好普通嘅一個茶餐價錢都係咁上下啦40幾蚊，所以原來澳牛都唔係好貴。個沙嗲汁OK嘅，不過牛肉就鹹到一個點😮‍💨其他都係正正常常囉，反而我轉咗個多士我又覺得幾好味（有啲質感），可能我本身喜好多士同埋最憎佢呢個卡位要間塊板喺中間囉，Covid都完咗啦！ 搞到逼迫澀澀咁 去就成個鐘食就食10分鐘其實佢出名蛋撻㗎，不過點會食得落呀，買返屋企決定揀雞批，可能太耐冇食過我覺得好食。 又令我諗返起⋯⋯⋯ 😣

時間：2024年5月28日   約下午七時半至八時地點：長沙灣青山道 新華茶餐廳當晚叫豬扒飯，賣相同味道唔算差，尚能接受。可惜不幸遇上意外，跟餐叫咗一杯涷鴦少甜少冰，飲到杯底先發現有一隻大型蛋白質，應該暫時會暫停再拜訪。老闆同樓面侍應有即時道歉及向我反映當日有進行滅蟲，但當時候實在太震驚，完全無法相信會發生在這間餐廳身上。及後老闆有提供免單及再次道歉。但後面考慮再三後，決定反映事件給食環署跟進以保障其他食客安全。

最近看到不少YouTubers再介紹蛋撻。San話經常在家中出現，於是找個時間過來一試。本來只有打算吃一兩件蛋撻，但是見到最低消費是$22，蛋撻也只是$10一件，於是叫了一件雞批。第一件酥皮蛋撻並沒有太驚艷，蛋味可以，但不算太濃，味道比較清甜，酥皮還可以，屬於比較輕盈的口感。不過剛好有一盆剛出爐的，於是多叫了一件。這次的酥皮蛋撻，入口蛋味更豐富，酥皮略為焗得焦香，十分好食。果然蛋撻就是要吃剛出爐的！至於雞批，味道一般，可以忽略不吃。

關注組經常有網友談論嘅新華，今日就專門拜訪，酥皮蛋撻皮層次唔夠多，但茶走濃滑細膩😋Sun Wah is one of the most popular cha chaan tang in Cheung Sha Wan that people usually visit for their HK style milk tea and egg tart. The puff pastry of the egg tart was not as multi-layered as expected. But the Milk Tea has a good blend of black tea, dairy, and sweetness.

經過呢邊搵地方醫肚，行左幾間茶記都唔吸引，直至行到呢間........冰室 feel喎，食個午餐＋個例水......都應該好正丫（自己諗）。黑椒雞扒火腿飯🙄請唔好誤會，味道冇問題，非常之正常，雞扒一般茶記既味道，黑椒汁夠濃夠辣，上枱仲熱辣辣添，個份量就真係震撼......半塊雞扒＋半塊火腿（或者係2/3塊）開二，我見到隔離枱碟炒飯非常之精緻（碟細/份量亦不多）我叫左多飯先有咁大份，可能習慣左茶記碟頭飯抵食夾大件，呢度果份真係少得離普，$59。凍奶奶亦都一般般。地方企理光猛，坐位窄dd；可能蛋撻好好食掛.......但食完碟飯都費事買。而家係租貴食材貴，定係食水太深呢？？好多茶餐廳都會改靚/細塊雞扒，可以做雞球或雞皇，都冇半塊上枱咁誇吓嘩

復活節食「蛋」怎會少得港式酥皮蛋撻呢？我今次選擇去呢間老字號茶餐廳，因為全香港只剩返4間有閣樓的茶餐廳，而呢間就是其中之一間，梗係要見識一下啦😁🥚🥧 熱辣蛋撻 (HK$10)．呢度出品嘅蛋撻是街坊推介的招牌菜之一．填滿滿的蛋漿，口感奶滑，甜度適中，不過蛋味比較淡．暖暖哋嘅撻皮厚身，但層次不太分明，但口感有啲酥脆嘅🍗🥧 雞批 (HK$13)．呢款好少見，只有某啲茶餐廳有出品，所以見到餐牌有就叫嚟試下．可惜是室溫溫度，口感唔夠酥脆，餡料比較肥膩，麻麻哋，唔知如果可以要求叮翻熱食，味道會唔會好啲呢？🤔🥛☕️ 熱奶茶 (HK$22)．叫蛋撻食又怎可以不配搭一杯熱奶茶呢？．厚身嘅奶滑口感配香濃嘅紅茶味，味道不錯👍🏼

而家香港老字號嘅茶餐廳真係越嚟越少，新開茶餐廳食物質素都唔係特別好，唔會話想食完再返嚟食。所以有時我都會特登去搵啲老字號嘅茶餐廳去食佢哋嘅早餐。最鍾意就係試杯熱奶茶同埋沙嗲牛肉麵啊。☕️香港長大既我真係覺得香港港式奶茶係無敵㗎。早餐開咗一杯熱飲沙嗲牛肉麵一個餐包同埋可以選擇煎蛋或者火腿奄列，火腿奄列真係好多火腿啊，奶茶香濃，沙嗲牛肉麵都好味新開好多時都係得熱水咁既完全唔同。 🍜 個環境都夠晒懷舊啊，亦都乾淨！

本身係一個百分百嘅奶茶控，閑時會發掘好飲嘅奶茶，今日嚟到新華茶餐廳⋯嘆番杯佢哋出名嘅奶茶☕️果然係名不虛傳，杯奶茶超正👍🏻茶味香醇，茶同奶嘅比例恰到好處，仲有陣陣回甘

電視節目效應，今日一家大細去咗新華，食情懷(細個會去附近街市跟阿媽買餸），所以嗌左老式炒粉麵系列嘅黑椒豬扒炒意粉，屋企人叫咗咖喱牛肉飯，小朋友食咗佢至愛嘅火腿通粉，飲咗熱奶茶，凍奶茶，凍檸茶少甜，食完之後個肚有空位，嗌多咗個新鮮熱辣辣酥皮蛋撻。今日嘅碳水化合物攝取量超標，但係絕對值得，尤其是係個黑椒炒意粉，裏面嘅料頭有韭黃、䓤段、芽菜同洋蔥，啖啖意粉食落口感有層次，黑椒味足夠但係唔搶喉，今日天氣凍返，食完個人暖笠笠，整體夠味，唔太大碟啱啱好，就算唔落豬扒都開心。屋企人個咖喱牛肉飯味道正常，杯奶茶都正常，比較香，飲完冇飽滯頂胃嘅感覺，個蛋撻冇得彈，新鮮、鬆化、唔會太甜，好耐冇食過呢種感覺。今日坐閣樓，好好彩一上到嚟就有張四人枱，下次試吓坐卡位。同場見到隔籬枱一對年輕父母帶着幾歲小朋友，爸爸慢慢教小朋友每樣食物係乜嘢嚟，延續香港飲食文化🫶

繼上篇介紹完長沙灣金園茶餐廳，今篇食評將會寫長沙灣區另一間老字號茶記 — 新華茶餐廳。現在，全香港僅存有閣樓嘅茶餐廳只有4間，而新華正正就是其中一間! 所以我們到達後就先上閣樓看看有冇位，可能是下午三、四點關係，人流不算太多，夥記姐姐好nice問我地食乜嘢，而且環境寛敞乾淨，幾有懷舊feel!我們即刻就order了這裡嘅菠蘿油、蛋撻、奶茶和生炸雞脾薯條! 個自家制菠蘿皮鬆脆包感實在，再加埋塊牛油咸香，一個字形容「正」! 食完菠蘿油梗係要試埋個蛋撻啦，蛋撻都係熱辣辣好新鮮，食到個撻底就有啲曲奇餅感，我個人就比較喜歡食金園個酥皮蛋撻多啲! 食蛋撻當然唔可以唔飲杯熱奶茶啦，我個人覺得新華杯奶茶比較滑啲、醇啲，啱我口味多啲!而我老公就話杯凍奶茶沒有多大特別，跟出面茶餐廳差不多!最後，試埋個炸雞髀薯條，隻雞髀係生炸嘅，但略為炸得乾左啲囉，味道都可以! 薯條都算炸得ok啦!總括而言，今天很滿足，可以在一個下午試到兩間香港老字號的港式地道茶餐廳，本小姐一定會再來!

長沙灣區2大傳統冰室，一間是「金園」一間就是她「新華」。以往一向有吃她們出品的蛋撻，覺得各有千秋，雖然個人較喜愛「金園」，但「新華」也不差，今天也是抱著這個心態，與友人打算到「金園」一試舊冰室常餐的味道，但是中午二點多，「金園」仍是大排長龍，所以便「稍移玉步」到「新華」吃，應該也差不多吧。怎料這是一個大錯特錯的決定。首先，入座後才知道沒有下午茶，友人滿心歡喜想試的炸髀薯條已落空，退而求其次，便是吃她們的干炒牛河，另外我則點了特餐，沙爹牛肉麵配餐包牛油餐包西煎雙蛋$54+$3(凍檸茶)牛油餐包西煎雙蛋牛油餐包：餐包沒有烘過或加熱，冷冰冰的，中間的確有牛油，但因為包不熱，所以不會溶化及溶入包中。煎蛋：一看賣相已經毫不吸引，油到反光之餘，煎的時間明顯不足，沒有脆邊，　蛋味也欠奉。　只看這個已經看得出她們的出品有多「用心」唦嗲牛肉麵比較正常，牛肉有４—５件，不會太嚡太韌，唦嗲味也沒有特別，是一般茶餐廳的味道，沒期望所以沒失望。可取是，麵沒有煮得太淋。　凍檸茶也一般水平。　干炒牛河 $54(沒有拍照)份量不算多，蔥及豆芽菜等配也極少，重點是沒有鑊氣，味道不足，河粉也沒有事先處理好，所以有部分的河

新華系蛋撻界佢認第二，都未必有人敢認第一，其他有人提起可能就系沙爹牛肉同埋奶茶。今日初一拜完年食吾飽，雖然新華今日都加價，但因為好耐無坐低試其他野，所以都無所謂。吾知道系咪初一定加太多，居然有卡位。如果喜歡，佢裝修當然系真懷舊，都算保持得乾淨。好老實，食完真系落差太大，以後只會買蛋撻。沙爹牛肉米(2分)— 沙爹味系OK，但吾算突出— 牛肉有肉味，但真系又鞋又硬。— 最離譜系米粉未煮過心，中間幾硬，最後食左兩啖。火腿奄列(3分)— 火腿算多但無乜味— 奄列就煎得幾香。奶茶 (1分)— 搵落吾香，飲落茶或者咖啡味都差— 最慘系飲完脷”鞋”咖啡 (2分)— 吾夠香

平時吃蛋撻都去買金園，畢竟話關注組第一名。但街坊告訴我新華比較好吃，抱著懷疑的態度去買了一個吃，新鮮出爐燙手蛋撻。酥皮非常好吃，複雜的層次感在口中蔓延，金園的酥皮比較厚，而這個酥皮很適中很有咬口，如果是喜歡脆一點的口感的話，會喜歡這個多一些。蛋漿香滑甜度很適中，金園的蛋漿較甜，連著厚厚的酥皮吃完整個會很膩，但是新華的入口輕盈，輕鬆KO一個。所以真是各花入各眼，我就鍾意新華多一點，感謝街坊介紹的驚喜！！