新蒸武門 (已結業)

觀塘工廈cafe,西餐廳就去過好多啦，但中式野又唔係酒樓既就冇去過，今次去呢間新蒸武門算係我係觀塘區既新嘗試!見到其他blogger 話冇味精，的確係吸引到我同老公 因為我地都唔鍾意食太咸同多味精既中式菜。由於太肚餓，極速點左3餸1湯，個湯係燉我地一人一盅。花旗參海底椰花膠燉湯，係就係冇味精，不過連鹽都冇落 個湯有點似水，不過料好足。蟹肉扒西蘭花，蟹肉同蛋白份量好多，夠鮮味。蒜蓉粉絲蒸蝦，勁多蒜蓉，蝦都算新鮮，醬汁都做得唔錯!紅棗杞子荷葉蒸雞，呢個反而偏咸，不過用紅棗同杞子令到整道菜變得滋補。最後，要講下杯茶，非常養生，而且茶杯係傳統中式茶杯，別有風味。環境尚算寛敞，一圍12人也擠得下。總括黎講，價錢偏貴，但尚算不過不失，而且較一般酒樓健康。

經常出街吃飯的都市人，總會有掛念家常便飯的時候。最近與同事發現了公司附近有家標榜無味精的餐廳，今晚OT過後便拉大隊一起去尋找家的味道新蒸武門位於駱駝漆大廈3座一樓，在觀塘區工作的朋友一定不陌生當晚是星期二平日，晚上7點多到達，入座率也有8成入到餐廳，牆上寫滿餐廳推介甫坐下，店員先遞上紅棗枸杞菊花茶🍵姫松茸燉豬展 $42@燉湯一喝便知完全沒有下味精，陣陣的姫松茸味很香很濃郁，出名餓湯水的我不消一會便把整個湯喝完翠肉瓜雲耳炒百合 $88加入百合來炒翠肉瓜，帶淡淡花香，味道爽翠清甜，有時候清一下味蕾也不錯霸王雞$108入口嫩滑，與葱油一起吃味道更佳，令人讚不絕口籠仔蒸龍𧄌腩 $148，荷葉完美地包在籠底，使得蒜香不會流走，以蒜蓉來蒸煮龍𧄌腩惹味非常，送飯吃絕對一流埋單每人約$250，比酒樓貴少許但吃得到的就是沒有味精最原汁原味的食物。健康是自己的，正所謂一分錢一分貨，你們懂的

養生到爆既餐廳～‘0’味精呀～少油少糖少鹽👍🏼👍🏼👍🏼👍🏼👎🏻如果你出街食係要濃味鑊氣，唔似住家飯，絕對唔係你選擇～👍🏼如果你好like住家飯，一定要出街食都無味精同清淡健康，lee間絕對係你選擇～我就係like養生既，茶開始就已經養生（有菊花，杞子，山楂，紅棗，茶葉）🥃養肝明目，消滯補血😝是日燉湯$42： 有嚮螺，海底椰，杞子，淮山，排骨等（好夠熱，適合秋燥嗯～雖然係淡口dd,但算可以既，如果用多少少瘦肉/落d無花果/粟米/蘋果，個湯會更清甜）三色拼盤$128：牛展，豬蹄，鴨舌，點醋食～ （同出面食既冷盤味道好唔同，無濃烈既酒糟味/鹹味，係肉本身鮮味再加點醋）濃湯節瓜浸魚滑$78 ： 家的感覺，上面既菇係最濃味架lar濃湯雲耳浸龍躉腩$148: 家的感覺，清淡的，食物本身既味道$5xx /2位 （其實唔平，所以鐘意食lee間既人係要like零味精，淡味，要找住家飯既fans先得，否則你會一點都覺唔值啊）

今次黎到觀塘搵食、聽朋友介紹話呢間野D中菜唔錯~就試下佢啦! 佢係一座工廈入面既、個位置都算易搵, 係apm行過去5分鐘都唔洗~~一坐低首先飲一飲佢個"萬壽無疆" 既茶, 好有拍戲feel阿! 佢有菊花、山渣等等。成個感覺好清甜、又好開胃wor....食野食到有D油膩飲佢就最岩啦menu有好多中式湯水wor.....最後我地叫左個2人餐, 好似咩都有!是日令湯係:香菇雪朵花膠雞湯真材實料既湯, 好足料! 飲得出佢無加味精、因為相對淡口、飲到食材既原汁原味冰鎮鮮鮑魚。個鮑魚有小小韌不過好大隻涼伴手撕雞。呢個好香花生醬味、撈得好香! 宮廷香辣雞! D雞炒到表面好香脆、而且有好香辣椒味、好香口! 而且雞肉唔會炒得過老 ! 香辣得黎又唔會太油膩金銀旦浸時蔬。食到咁上下食呢個無咁油膩既蔬菜就最好啦! 都幾好味蒜容粉絲蒸蝦! 呢個最好食係墊底既粉絲!! 因為佢吸哂蝦既鮮味、同埋個蒜容都好香!! 個蝦就正正常常啦時菜炒龍躉球。龍躉球好彈牙、一D腥味都無、而且都係岩岩熟、無過老! 仿鮑絲蝦仁炒飯~ 炒得好干身~唔錯唔錯其實叫左咁多野....我地得兩個人食架咋!! 真係好有住家菜既味道、而已無落味精、絕

街外食物雖然好食，但都偏重味，食得多開始覺得味蕾有點失靈，便會想食得清啲，令自己舒服啲。今晚因為唔想煮所以嚟呢間在公司附近嘅餐廳，之前中午嚟過食過蒸餸午餐，覺得真係無味精，所以帶老公嚟食感覺光猛咗，白色的枱及椅子，感覺好精神！是晚餐牌，全部散叫，另外仲有本Menu可選仲有套餐第一次嚟食晚餐，一坐低便會奉上熱茶，唔好心急，要焗先出味，不過啲水可以再熱啲！飲落有啲酸尾尾，係山楂，一定係想食客開胃啲，食多啲勒！菜膽花膠燉雞叫個燉湯滋潤下先～好清，飲落去好舒服，無味精～正！濃湯紅棗杞子浸菜食菜有益，加埋補氣血嘅紅棗，明目嘅杞子，適合我呢啲手腳冰冷又長時間對電腦嘅人～而且濃湯其實清而不淡，好味～翠玉瓜雲耳浸海蝦（8隻）上湯充滿蝦的鮮味～老公將所有湯都飲晒，原因係蝦頭位置𠝹開咗～等蝦味出晒嚟～翠玉瓜同雲耳都爽爽～而且蝦腳蝦頭的角及鬚都處理掉，十分細心～大大隻蝦，新鮮～香菇杞子北芪銀山焗雞佢地幫錫紙改左個美麗嘅外號-銀山～因為有北芪一齊焗，雞會帶點藥材味，烹調時間剛好，雞肉很嫩而底下嘅粉絲就吸晒啲精華～正呀！同埋片北芪原來係甜㗎呢度嘅調味雖然輕手，但更能嚐到食物原味道，感覺更健康

周三同家人揾食。。從 open rice揾到呢間。。就訂枱試下酸梅豬腳。。爽口而吾太酸。。好醒神煎 蓮藕肉餅。。好香口又吾油燻蹄。。味道略淡但亦算吾肥鹵水牛展。。 爽口。。吾錯冷盤大肚婆炒飯。。 薑味濃郁。。飯粒乾身燉湯非常清淡。。經溝通後自行加鹽。。因店員話所有菜均少鹽少油。保証不加味精籠仔蒸頭腩。。味道清香黃金蝦。。敢講全晚最濃味嘅菜。。但咸蛋黃未有搓鬆。。好多一舊舊咁留在碟上。。可惜霸王雞。。雞味夠又吾肥。。好味每位均有自己焗杯飲八寶茶。。真係周到但記住落單要分閞。。因一次落單佢會好快出哂D菜。你食吾切就凍哂註:佢地真冇落味精。。因平常食完飯後。。例必要飲番支綠茶。。。但今次我真係完全吾口喝。。抵讚

兩個人食飯不知道選什麼好，見餐牌上有二人餐，裡面有很多種菜式，就點一個試試。一坐下便有一杯紅棗菊花茶，甜甜地。頭盤竟然有鮑魚，超值，爽口又大隻。手撕雞，喜歡花生醬味道夠突出，雞肉份量很多。香辣雞有鑊氣，稍為辣一點，非常惹味。燉湯裡有豬肉，蟲草花，菇等等，菇味濃郁，清而不膩，湯上面沒有一層油，非常健康，湯壺很保溫，吃了半餐飯湯還是熱的。斑球是龍躉斑塊，魚皮煙韌允滿骨膠原，不腥。西蘭花和三色椒都很爽口很甜。炒飯裡的蝦仁非常爽口，加上菜粒，一口吃出幾種口感，吃完碟底沒有油，好食又健康。

宜家觀塘既工廈有好多隱世美食, 今晚就俾我係駱駝漆大廈搵到一間食家常小菜既小店。一坐底, waitress 就以9 秒9 既速度幫你倒茶, 呢到飲既茶唔係普通既菊花普洱茶, 而係用紅棗,菊花, 杞子,茶葉沖泡既八寶茶, 仲要用舊有的茶杯, 好特別, 見到D 料已經感覺杯茶係安神明目。餐牌上好多選擇, 有冷盤, 海鮮類, 肉類,時菜, 湯/飯, 有選擇困難, 仲有餐可以揀 。先黎一人一個菜膽花膠燉雞湯, 平時D 雞湯會有一層油, 但呢個好清, 飲得出無味精, 個湯好足料, 有花膠一齊燉, 女人需要膠質, 岩晒。 涼拌手絲雞- 雞絲, 青瓜絲, 蘿蔔絲全部都切得好幼細, 同好香既麻醬芝麻拌勻食, 係一個好開胃既前菜。冰鎮鮮鮑魚- 鮑魚夠爽口, 雖然係冰鎮, 但唔會係凍到硬實, 配埋涼菜一齊食, 更加好味。蒜蓉粉絲蒜蝦 - 滿滿既生熟蒜舖滿蝦身, 另有粉絲金菇墊底,再放於荷葉上一齊蒸, 一上枱已經有好香既荷葉味, 蝦肉爽口, 粉絲金菇吸晒蝦同荷葉既味道, 更加好味。宮廷香辣雞- 炸得金黃, 炸得外脆內軟, 少少辣, 加埋花生碎舖面, 更加惹味,  最岩送啤酒。時菜炒龍躉球- 龍躉肉好嫩, 唔

又有機會到觀塘工廠大廈的私房菜吃晚餐！這區的工廈真的隱藏了很多美食，沒有朋友介紹真沒可能懂得自己去找！一坐低來的茶經已十分認真，朋友說這是八寶茶，有點甘味又有少許甜味，總言之就是開胃。店主介紹吃套餐可以試到最多款式的菜。這晚的例湯是蟲草花茶樹菇燉豬展，湯料又多又入味但沒有太油膩，很適合我口味。冰鎮鮮鮑魚爽口彈牙～最後一款前菜是涼拌手撕雞。廚師一早把雞肉絲和醬汁撈好，有少許麻醬麻油味但不太濃不太膩好好吃！其中一款最讚菜式！宮廷香辣雞比想像中沒那麼辣，雞肉很嫩滑～大大隻的蒜蓉粉絲蒸蝦雖然只是每人一隻，但份量大得驚人，蝦肉很鮮也爽口，連蒜蓉粉絲一起吃超級棒！最後還有時菜炒斑球、浸時蔬和蝦仁炒飯！每樣品嚐一、兩口經已飽得我們第二天也不用吃飯

與家人在駱駝漆大廈購買家品後，順道來新蒸武門吃晚飯。茶芥是$10一位，以傳統有蓋「萬壽無彊」茶杯放入紅棗、菊花、杞子、茶葉沖泡，幾種材料各具補血、明目、降火之效。花旗蔘花膠海底椰燉雞湯加入了圓肉，猶以花旗蔘味最突出，花膠的膠質感反而不太明顯，整體味道不錯，$42定價合理。土魷蓮藕煎肉餅有咬口，肉餅不會過實，蓮藕也增加了爽脆度。濃湯紅棗杞子浸小唐菜穩打穩札。黃金蝦富有咸蛋香，蝦碌大隻爽口。古法黃酒煮雞很入味；木耳切得頗大件；雞件肉味肉質俱佳。豉汁蒸倉魚蒸得剛好，魚肉嫩滑；墊底的豆卜更是盡吸魚和豉汁之味。新蒸武門晚市以家常小菜為主，而且定價合理，吸引不少家庭客。

觀塘工廈中我比較喜歡的餐廳要數新蒸武門了、上次跟朋友去過、發覺好多菜式都很美味、昨晚再帶家人去吃一遍、多人又可以多點幾款。甫坐下就送上養生茶、有紅棗、杞子、菊花、清熱明目、潤澤順喉。豉汁豆卜蒸倉魚 $118新鮮蒸起、豆豉薑䓤味道好香、淋上豉油熟油、魚肉結實但滑溜、啖啖肉、不怎麼喜歡吃魚的我都覺得幾好味！土魷蓮藕煎肉餅 $85這個是必點！！肉餅煎得香口、表面微脆而肉餅保持著juicy。加入土魷跟馬蹄的更加有咬口又略帶清甜👍🏻黃金蝦 $178 蝦肉好新鮮、結實彈牙、被滿滿的鹹蛋黃覆蓋、送飯確實不錯。紅棗濃湯杞子浸小棠菜 $78 清清地以上湯浸菜、又有冬菇、紅棗、杞子、感覺滋補。是晚例湯是花旗參海底椰花膠燉湯 $42、好重花旗參味、海底椰清清甜甜、感覺足料滋補、無味精。湯壺送上時超熱、記緊要等一會才喝啊！

再來工厦覓食， 係呀， 順便去 shopping 嘛 要去補充體力， 兼要補充＂骨膠原" 記得 Colleagen 是經消化系统吸收的， 則是日常飲食去攝取， 甘大家就可以 keep 住靓喔 先來 ＂菜膽花膠燉雞＂濕濕個口，不過要小心，好熱的 但我最愛熱呼呼的，冬天更好呢！ 花膠， 大家都知是女性滋陰盛物，再加上用燉的烹調方法， 原汁原味， 鎖住營養， 令它不會流失 甘就入哂我體內啦 籠仔蒸龍躉腩 ~ 伴着豆腐卜和粉絲，差點和朋友大打出手， 爭着吃啦 龍躉的魚油全瀉進去， 加上籠仔蒸法的香氣； 當然龍躉魚腩滿是骨膠原。。。 很滑很新鮮 愛煞了!蟹玉扒西蘭花 怎麼每道菜都甘啱我倆，可能大家心情好，好朋友將轉新工，升官發財 ； 而事實 d菜很鮮美，炒得火喉啱啱好， 蟹肉也伴入蛋白去炒，相當滑溜溜呢！走之前，大家都抛下同一句話 "下次要帶亞媽來試下" 我們都很孝順啊！再讚多一句， 職員們服務態度很好， 令我們有回家的感覺， 所以不會趕着回家看「愛.回家呢」

因為巴上要到觀塘聽講座，所以都順便去觀塘度搵食！享openrice見到呢間特別係「$50樓下」、「住家飯」、「媽媽的味道」，我便一頭人去試下！平日晚上的餐廳人不太滿，都會有幾檯客人！因為我一個人的關係，所以餐廳姐姐都無比套餐價錢牌給我！身旁的情侶則點了二人餐，價錢是$5xx!....而我則點了一道菜：冬菇蒸肉餅$68，另配白飯$12係幾好食，不過肉餅有點太「林」，可能我媽媽整個d肉餅健康d😂無肥肉餐廳另一特色是每位客人都有八寶茶（茶位每位$12），係幾特別！最後，埋單都要加一....成餐埋單過$100！我走時睇返個平餐餐牌，因為有一人set的關係，應該$50左右就可以落樓！所以，lunch好抵食，晚餐有點貴！呢餐健康、媽媽的味道，有點貴

今日同媽媽去左觀塘食晚餐，我地搵左一間好似半私房菜既餐廳，環境同食物味道都好有家既感覺。一坐低店員已經準備左一人一杯八寶茶，茶入面加左紅棗，杞子，菊花，圓肉等沖泡，飲落好甜好滋潤。身為平時朝九晚六既打工仔，平時都好少煲湯。見到呢度$42就有原宗燉湯，我地一人要左一碗。是日靚湯係花膠雪耳燉雞，入面真係超足料！入面除左有原條花膠，一大嚿雪耳，仲有冬菇，杞子等等既藥材，加埋瘦肉同雞，啖湯真係好鮮甜。而且應該冇加鹽，但都好夠味，更健康。雖然呢度叫蒸武門，但唔係得蒸既菜式既！我地一開menu就比呢個土魷蓮藕煎肉餅吸引住。估唔好上碟份量咁多，足足有八塊，而且每塊都脹卜卜。外層剪到好香脆，入面既豬肉油分剛剛好，唔會好油膩亦都唔會太乾搞到好鞋。加埋土魷同蓮藕更加香，好好食！另外要左一份芥末牛柳粒，用蛋黃醬加日式芥末撈出黎既汁包住一粒粒牛柳，有少少攻鼻嗰種感覺好刺激。而且牛肉本身都好淋，加埋配菜翠玉瓜同埋彩椒亦有助中和肉類帶黎既飽肚感，好睇又好食。食咗兩個偏濃味嘅菜式之後，我哋叫咗一碟清清地嘅濃湯雜菌浸魚滑。同樣份量亦都係嚇親，每一嚿魚滑都好大，而且真係好滑口感彈牙，有魚味但完全唔腥。而旁邊嘅雜菌經過上

今晚收工和家人到"新蒸武門”吃飯，主要是朋友介紹， 位置在觀塘工廈區內，雖然就近地鐵站，如非朋友介紹真的不懂到這裏來。餐廳位於工廈一樓，七點到樓下見人龍排隊搭，好彩餐廳為一樓，所以決定行樓梯，一入去餐廳，面積不大 ，已有幾枱食客。餐廳主要有散菜和套餐的選擇，若一個四人套餐大概是一千蚊左右，每人大概250蚊，晚飯價錢嚟講尚算合理，除咗價錢方面也得看看食物的質素如何。是日燉湯~淮山海底椰燉豬展，湯料夠清潤，燉得夠火喉，湯入口喉嚨很舒服。乾燒虎蝦欣賞是虎蝦夠新鮮彈牙，用酸甜醬方式製作更醒胃，不錯。薑葱霸黃雞雞肉夠嫩滑入味，完全不嚡，所以忍不住口食多兩件。蝦頭油炒飯飯粒炒到粒粒結實，配料蛋白、魚片頭切粒和菜粒等簡單材料，炒得很香卻沒有油膩感。整體不錯，家人有好評價，可以列入再食名單內。