新藍塘餐廳麵包公司 (已結業)

堅道上的新藍塘,相信是一眾高主教,明愛學生之集體回憶.聽過中學時,讀高主教的朋友回憶昔日生活,曾經在此向明愛"秘書妹"搭訕.門面同內籠極為殘舊,一邊賣麵包,一邊賣快餐,正正是上兩三個年代的港式快餐店.本來想吃個芝士漢堡,但已賣光,見還有快餐,就來一個.是日快餐是咖喱牛腩飯,加粟米湯,不要汽水要奶茶.$31一客,相信是最平了,我說是此一帶.忌廉粟米正是昔日小時候,上快餐店吃的味道,質感杰但味道偏稀.口味會隨著年紀而去進步,小時候覺得好吃,今天或會覺得不外如是,幾時都說,小時候吃過的味道,是最難忘.偶然回憶一下天真無邪時光,粟米湯幾淡也是甜.咖喱腩飯碟頭大,一早整定備用,在爐內不斷保持熱力,就算幾硬的牛腩,點都整到稔熟鬆化入味,所以去著這類ready-to made的快餐店吃牛腩,一定無衰.

返工出入在中環，未到一點等食晏，外賣方便好簡單，日日如常好悶蛋，尋找美食莫等閒，幸得良朋攜上山，懷舊美食超晒班。一嘗蘿白牛腩口感重，二嘗咖哩雞味香又濃，三嘗黑椒雞扒奇脆無窮，清靚例湯免費送。 是次消費每人: HKD 31 (超抵價)清潔分全滿(超罕有)！！！蛋糕鬆化又香口，人人食到唔停手！！(HKD $4- $25 - 新鮮熱辣，小心燙手！)爆呢正既香蕉蛋糕、好食到無朋友既紙杯蛋榚！！！

九月中旬•晴 有時會想吃一些簡單的東西，想起都有一段時間沒來這裡了，就來吃個碟頭飯。 午市這裡人很多，絕大多數也是附近返學的學生，又或是對面地盤的工友。午餐幾款選擇中，見左右隔離十居其九也選枝竹羊腩飯，也似乎不少人是因此而來的。很久沒吃窩蛋牛飯了，就來這個，要中湯及熱咖啡。 中湯是冬瓜湯，清清的，不錯。很喜歡蛋，最喜歡溏心蛋，也喜歡窩蛋，所以返學的時候，是三日唔埋兩日就吃窩蛋什麼什麼的。將生雞蛋混入碎牛中，沒有不好吃的道理，拌起扣了底的飯底來，不消一刻已經全部消滅掉。 咖啡也香濃，夠力度讓我捱埋個下午。 埋單31蚊，十分鐘吃完兼埋埋單，十分有效率的一餐。

由小學二年班,食到廿幾年之後仲食緊佢個濃到化不開的咖喱汁----牛腩炆得軟且淋,咖喱香而不辣,(太辣D細佬點食?)佢呢個咖喱同香滑咖喱屋果D唔一樣,2種野....呢度D咖喱係一家大細岩食既,椰汁亦很重...但呢度D咖喱由於椰汁重,所以唔係好『澿』留..我試過;吃剩一半的咖喱牛腩放在桌上,大半天後,打開想再吃..已變酸了呢度黑椒汁好野味...可試試黑椒雞扒

因老細既事, 上左半山, 中午就自然地係山上搞掂. 係堅道, 西式的餐廳也許太貴了, M記是有的, 但不感興趣. 心中知道, 堅道好多茶餐廳. 本來打算誤打誤撞, 有間燒臘就準備入. 若不是同事仔發現對面馬路間藍塘, 都唔知道原來有好野.在外面看, 是一間古早味的麵包鋪....(哈哈, 而家古早味, 古法已經變成常用詞). 再細心看一看, 有lunch menu的, 再深入少少望入去...原來內有雅座, 咁兩個人就決定過馬路. 入到黎, 原來是一間古早味的冰室. 服務半山student同打工仔. 不過可惜, 沒有嘉諾撒商科既靚妹仔係度食, 冇得邊昅女邊食飯.....店內, 大部分是長者, 服務同食客也是. 前鋪麵包蛋糕香噴噴, 快餐果part也一樣香溢. 大叔伙記笑口笑面的. 介紹是日快餐. 於是, 同事仔要了一個著仔雞飯, 而我就另外向炒粉麵既餐牌看, 叫一個燴牛脷飯.牆上大字報, 除了Menu外, 亦登出兩段報道, 說出多食咖喱減中風機會, 多吃洋蔥減老人痴呆機會....好明顯, 呢度既主要客源, 係附近既老中環街坊.食落, 兩個飯, 味道都偏向清淡. 好開心食得出是沒有落味精的.

因為十點要補課. 我七點幾食完早餐到九點幾已經好肚餓了.所以去左呢度睇下有咩麵包買個頂住肚. 咁岩芝麻包＄２.５出爐. 平時唔中意食芝麻的我就要左個試下畢竟佢得呢盤係新鮮. 拎上手仲熱辣辣. 個種感覺令我好開心 食落去. 好軟熟呀. 因為仲係暖所以好好食而且佢密度好高. 冇空心. 而且唔會死重牛油味. 佢好似我之前食個個硬豬包的味.推介！之後個日我又再去買個. 但佢今次未出爐. 不過我拎左番學校叮.感覺都係一樣咁好食. 仲有貼番之前食評的相

放學肚餓. 又買包食. 係門口見到丹麥條個款幾吸引咁. 就買條食喇. ＄４.５係門口隔住玻璃睇好似好細條咁. 但點知佢夾完俾我先發覺幾長下. 聞落好有牛油香.一咬. 都幾鬆脆下. 層次真係幾「酥」！食落好重牛油味. 同油油地. 提子份量唔多 得幾粒.食到四分之三已經好飽了. 但我本住唔好浪費的心態食埋佢.所以食完真係飽到滯左. 大食的朋友可以一試！

路經見到好多麵包. 好多都想試.最後揀左個賣相最好的硬豬包. ＄２.５買完拎上手. 嘩. 好重好墜手下喎. 佢好硬身. 食食下發覺個硬豬包好實心.味道係普通白麵包味. 但我就係中意呢個平凡的白麵包味.佢面頭好脆身. 好好食. 係就係硬左小小.但我覺得係我食過之中最好食的硬豬包.

老餐廳!佢地部收銀機好老下,話唔定係香港最老既收銀機之一D野同出面D茶餐廳差唔多,份量OK地方小小殘,清潔同服務都合格

去field trip時時候..經過尼間好有feel... 感覺很舊的面包店...俾佢深深attract住,,之後就入左去買左1包 $5 的蛋糕仔..而個fd就買左1包 $5的cookie !cookie就林身... 似蛋糕多d... 蛋糕仔就幾好味.. 1口1個.. 有口感 !雖然面包款式都唔夠宜家d 連鎖店多同attractive,但個種懷舊feel就真係值得去下

5/4(六) 2pm週六的下午,閒著是絕頂幸福事!讓自己多點私人空間,獨自到半山一帶探路.途經此店,被其多樣化的麵包櫥窗所吸引,進店購下十字包$3.5,紙包蛋糕$3.5,芝麻豬仔$2.十字包--符合一貫的硬實特質,若麵粉香重點便完美了.紙包蛋糕--蛋糕蛋香透頂,香軟萬分,上品!芝麻豬仔--較為遜色軟豬;麵粉香度稍為薄淡,幸而軟豬密度及軟度尚高,$2,經濟經濟!下次登山時,來此吃個早餐未嘗不可!

似是快餐格局先買後取，原來與茶餐廳形式無異。先買個硬豬仔及紅沙包作堂食，雖然不是新鮮出爐，味道唔錯。豬仔包皮不脆，但不會又硬又韌可以接受。紅沙包仍然鬆軟，紅沙不太甜。再來一碟紅酒燴牛利飯，是港式煮法，由於落單前已吩咐「少汁」，所以汁的份量剛好，不會過多令到飯很漿很糊。牛厚切，好有嚼勁，咬口度非常好。奶茶很濃得來沒有口感覺，只是沒有甘香味道。當我們在影牛飯時，侍應阿姐很好奇，我以為佢禁止影相，方知她不停說影啦影啦，影靚D喎。反為搭的阿叔，點解影相...影來做乜...咁都好影既...

(3/12/07)記得以前好鐘意吃,這裡的提子丹麥條,今日懷舊買o黎回味。很油很油,而且唔香酥味了......

好奇而已。以一間專做外賣生意的快餐店而言，為什麼樣樣都貨真價實、物超所值，但只有這個大合桃撻要$17？？一試，原來這個如紙碟般大的巨型合桃撻，撻底像牛油曲奇皮，很鬆化（但仍可更鬆化），合桃勻稱地排在小心壓好的撻皮上，雖不知合桃本身是否新鮮貨，但焗到「變成」新鮮貨卻不足為奇。更何況，在其他地方不曾見到有如此巨型的合桃撻呢。

今日上左半山去搵frd,然後一齊食lunch,去左呢間叫新藍塘既舊式茶餐廳，雖然有d舊但都無乜所謂啦,叫左個雞脾飯,真係大件挾抵食，勁大隻雞脾超正,學生加兩蚊有罐汽水,每人都係20蚊!