新記芝士麵 (已結業)

💛 新記芝士麵 (尖沙咀) 💛..............................每次行尖沙咀肚餓都會諗起新記因為尖沙咀嚟講 新記算係平嘅黃店🥺行開尖沙咀又想食平既黃店 呢間都係個唔錯嘅選擇🥰荃灣嗰間仲正 黃到金 金到殘眼 店員都好金💛.🔅店內有海量文宣、反送中口號(荃灣店仲多)🔅醫護人員一律免費..............................～餐肉芝士汁撈公仔麵（下午茶）$45+ 凍飲 $6.揀得新記 當然係食佢個招牌芝士汁啦🧀餐肉就唔多講啦 都係普普通通兩塊餐肉但個芝士汁真係唔講得笑🤤新記嘅芝士汁係金金黃黃 聽講係由4種芝士溝出嚟😳同間舖一樣都係黃到金 超吸引～所以無論係睇落 聞落 食落都好正😍麵上面嘅芝士汁多到你根本睇唔到下面有咩😂雖然個麵底偏少 但係大量芝士汁一定夠飽😋鐘意食極邪惡但唔食拉絲芝士嘅朋友一定要試😈.～新記炒飯 $54.由於👧🏻係正宗飯桶 所以佢揀咗個炒飯嚟食😂本身都無抱咩大期望 因為新記係主打芝士汁但又估唔到個炒飯都幾高質😳推薦！個炒飯有豬頸肉 火腿 紅腸 腸仔 雞蛋🐣睇落好似細細碟 但食落其實好夠飽炒飯好有鑊氣 碟底無咩油但炒到粒粒分明🤤成碟

記住記住記住，抗疫不忘抗爭！為了防止疫情擴散而減了飯聚，那就一個人去黃店做孤獨的美食家吧！「新記芝士麵」雖然出名，但由於位處香檳大廈暗處，人流極少，相信它受疫情的影響比街鋪食肆的更嚴重！前晚十點半左右，「新記芝士麵」已提早關門，搞到摸門釘；今晚專誠八點半入座，目測全店不多過十人，唉。作為黃店，門面當然貼滿反送中文宣，藝人相片就只得男神古天樂和葛民輝，good taste！第一次來，我就點了招牌菜終極芝士麵，加凍檸茶盛惠69元。終極芝士麵（$60）滿碗都是厚切豬頸肉和紅腸，再加一片荷包蛋，蛋漿混埋流心芝士，非常juicy！凍檸茶（$9）覺得芝士太溜的話，當然飲啖凍飲！一般冰室口味，涼透心！

今天在尖沙咀附近看看有沒有口罩，順路去吃東西，找找附近屬於香港人的食店，找到這家。看到市面冷清，他店舖有零聲幾個食客，心中滿是擔心食店是否能捱過寒冬。我們點了兩個芝士麵，芝士味香而不膩，豬頸肉口感和味道都不錯。到我們結帳時，店員表示醫護人員不收費，我們兩人其中一人是醫護人員，打算給至少其中一份錢，但他們堅決不收，我們想放進捐款箱也說老闆話請你們食😢他日香港情況好時再付費😢真是感到人間有愛！香港人之間的感情其實很深😢希望大家身體健康，一起為香港的身心繼續打拼💪🏻加油！

I have heard so much about Sun Kee’s cheese ramen and it has been on my list to try for a while, finally, my chance is here! They are famous for their cheese ramen with seared pork jowl, naturally, that is what I got to start with! I was not sure what I could/should expect, after all, this is a cheap local eatery, and it is not reasonable to expect good quality cheese, but so many people liked their cheese ramen so it should be good yea? I was hoping for some kind of surprise while keeping my ex

下午茶時間，行過尖沙咀想搵啲特色啲又唔太飽嘅嘢食，所以就搵咗呢間芝士撈麵嚟食啦。呢度其中一款出名嘅係豬頸肉芝士汁撈公仔麵，所以就嗌咗碗嚟食下。🍽 豬頸肉芝士汁撈公仔麵$50濃濃嘅黃色芝士汁鋪滿曬喺碗公仔麵上面，我覺得嗰啲根本係芝士醬多個芝士汁，而且食前聞到陣香味，個人更加肚餓。 而豬頸肉佢應該用咗蜜汁嚟整，食落甜甜地好似叉燒咁，但冇叉燒咁韌，食落啖啖都係肉。 總之，食落去每一啖都好有芝士味 ，麵質又唔會好冧，但係價錢相對嚟講就貴少少，如果佢份量多番啲就好喇。

等好朋友落堂，逛完激安，已經9點幾了，附近既食肆仲未關門既鋪頭唔多，最後揀左食芝士撈面。。。好耐無食過喇，係模糊既記憶裡尋找新記芝士麵既店鋪，因為它係響一個大廈裡面隱蔽既地方，夜晚好像得佢開門，其他都關哂，所以會有d驚。。。。濃濃既芝士，超邪惡的！好黃色😆不過難得可以傾下計，就放肆一下吧🤣 成碗撈好都仲係啖啖芝士，食完一整碗麵都唔會覺得太膩。。。我地兩個都食哂，讚👍🏼豬頸肉芝士撈丁 $50雞翼芝士撈丁 $50咸檸7 套餐加$14

由上環出發跑到尖沙嘴，途徑被戰火摧殘的中環，不禁為之惋惜，但慶幸的是生活還可以繼續，步可以照跑、野可以照食、食評可以照寫。今次品嚐位於“金宵大廈“———香檳大廈的新記芝士麵，筆者分別點了位於餐牌第一及第尾的終極芝士麵及勁辣川椒牛肉飯。終極芝士麵：美國芝士加牛奶煮成的芝士醬加上出前一丁配以瑞士汁作主要調味的紅腸、豬頸肉的配搭，整體上過於膩。勁辣川椒牛肉飯：瑞士汁+某康購得的桂林辣椒醬組合有小聰明配搭的感覺，因為感覺瑞士汁在料理中常使用。體驗文化：5星、食物：3星、營養：食後建議運動。結論：旅遊必試1次，但重點並非食物本身，而是餐廳的存在。

話說係尖沙咀做完facial，想搵D啱一個人獨丁丁食嘅餐廳，身為芝士控嘅我就忽然諗起新記芝士麵醫肚🧀-豬頸肉芝士撈丁$50以前新記芝士麵係用卡夫芝士、巴馬臣芝士同忌廉芝士製成嘅，顔色偏奶白色。但今次食，芝士味道比以前更香濃，顔色係黃色，原來再加咗車打芝士，唔怪得好味過之前，賣相更吸引👍🏻每一條麵條都有濃濃芝士，溶度剛好！-至於豬頸肉都係我每次必點😋店家會先用椰糖、花奶、老抽醃製超過一日，再將豬頸肉由生肉燒至熟透，成塊肉都帶焦香，個邊好香脆，肉質爽口！真係不可以錯過呀👍🏻-一個公仔麵雖然份量唔多，但有芝士加持，一定會食得夠飽😋(呀呀呀食完呢碗，又要跑返二十個圈先抵銷返😝)

原本大老遠黎到尖沙咀 目標係試新野點知局勢緊張 9成鋪頭關門大吉 我內心真係好驚 但係唔食野今晚會餓死 研究命仔緊要定肚餓死慘？唔 做仔飽鬼好啲 所以是但食吧😕我同友人心有靈犀諗到一間 生死關頭我地都有心靈相通？(我又誇張左)新記豬勁肉芝士撈麵8-9年前食過後就無食了局勢令啲度水靜河飛當所有鋪頭關門時 唯獨佢門大開好記得入去 我第一句講 請問係咪開緊門佢地答我 緊係開 門為你開嘩 人情味芝士豬頸肉撈丁芝士雞扒撈丁唔 兩張相 我知睇唔清 我認我影得唔好芝士味濃郁 好食 可以滿足芝士獸 不過速度會越食越慢 因為會有種膩感 個人覺得豬頸肉較好食滿足了

今次心血來潮黎新記食芝士撈麵 今日就嗌左豬頸肉芝士撈公仔麵 雞翼芝士撈公仔麵 同蜜汁龍鬚（姐係魷魚鬚）芝士撈麵如以往一樣好重好濃芝士味 一上台其實只見到芝士 啲芝士係蓋晒個麵 豬頸肉都有七八塊 夠淋 而雞翼就有三隻 味道冇乜特別 不過整體都好好味 蜜汁龍鬚係甜食 份量都ok 甜甜地幾好味～

因為一套📺電視劇， 早幾日Lunch 突然同同事講起套近期好評的📺電視劇， 所以即興又走去食新記芝士麵🍝， 不過我今次我無點到招牌的豬頸似芝士撈公仔麵🍝， 咁唔食芝士麵， 都有好多選擇ge, 例如公司🍝炒麵都好好食ga.... 我見而家lumch 多左個🍛飯餐， 仲+$3 有埋熱飲☕️， 個 offer 好吸引， 所以就點左瑞士汁豬扒配司華力腸飯🍛。 個汁係同瑞士🦑蜜汁龍鬚一樣ga, 所以我好鐘意食， 但同事就話甜左dd, 呢d 真係各人喜好呀。

去尖沙咀做完野之後就醒起我好多年無去既芝士豬頸肉撈麵,就去再回味一下當時係平日既下午茶時間,店內無咩人,店內既staff 唔會主動望下你究竟ready to order 未, 等左好一陣子，佢先至行埋黎問我食咩,而staff個表情更係黑口黑面,好似我得罪左佢咁-.-但我好想食,所以由佢野食黎到,一如以往既心心眼點知,一食落口...哈......哈.....啲麵太過林...林到有啲似俾老人家食咁..而且無以前咁乾身豬頸肉: 有啲唔夠熟,有啲就超級韌-.-芝士:夠多又夠香濃整體黎講,我都係唔滿意..超級失望..服務態度非常惡劣..

你知啦，香賓聽聞會拆之前上網睇又話呢間野識飛咁一定要試試啦，驚佢小店好快汁嘛咁捉左女友一齊try try去到鋪頭2個侍應想做5想做咁咁由佢啦，黎食野姐，5係買服務睇個餐牌，e,原來間野星期6，日同假期野飲要正價，都5太常見wo其實，心諗係咪真係咁把炮吖咁叫左個豬頸肉芝士撈丁，同個檳城咖哩豬排煎蛋面點知就奶左野芝士撈丁5係5好食，但真係好普通，豬頸肉都5係好出奇，因為比芝士姐晒佢既味，我係食到有肉囉，同咸味囉好喇，伏野黎喇檳城咖哩豬排煎蛋面頂佢，佢擺上黎個陣我以為佢比錯碗面係清湯加辣油款，咁我地5好以貌取人試下d湯先，淡既，辣油勁多，勁辣，完全食5到咖哩味加左d辣油當左咖哩，5係下化，50蚊比碗豬排煎蛋面我呢間野野食本身麻麻，服務又差，環境同餐具又睇落5乾淨，連野飲都串到假日收正價d細鋪有時做5住5怪得人要怪就怪自己5肯用心做，做靚左個名就開始hea做試完一次知中伏真係搵鬼返黎食

相信新記餐廳既芝士撈麵 應該無人不曉 更加係芝士控必去的聖地🤣 之前試試都食芝士撈麵 今次就貪新鮮試埋佢地既泰汁雞扒飯🙆🏻‍♀️醬汁似用李錦記 叉燒醬為主 加左啲泰式辣醬的感覺 雞扒唔鞋口 無驚喜 就係你想像到的味道😂 而芝士撈麵感覺好似無以前咁好食. 豬頸肉芝士汁撈公仔麵 HKD50；不專業評級：5.5/10泰汁雞扒飯 HKD48；不專業評級：5.5/10.推薦度：🌕🌕🌕🌕🌕🌗（滿分十分）

在香港，不管住在哪個區，通常出門幾百米就有茶餐廳，差別亦不會特別大，一般都會在家和公司附近選擇。能夠令很多本地人都會慕名去打卡的就不常見，新記餐廳是其中一間。剛到門口，就已經被店內濃濃的芝士味吸引，豬頸肉芝士撈面是新記的招牌菜。撈面真的好撩人，味蕾根本經不起誘惑！上來就是一碗滿滿的芝士即視感，豬頸肉很大塊，但都被芝士遮蓋住了。一定要趁熱吃，放涼了估計有點膩，吃前先攪拌，每根麵條都蘸上芝士才夠爽！芝士汁又香又濃又滑，公仔面本身就很吸汁，芝士汁融入撈面當中，格外美味。