新記越式牛肉粉 (已搬遷) 新店位置

繼續單拖係長沙灣覓食🙊 今次路過新記越底牛肉粉，見門面裝修一啲都唔起眼，但竟然有人排隊等入座，一於試下先❣️點左生牛肉湯河$44，落單一陣就有得食，仲跟左一碟芽菜、九層塔。生牛肉有6片左右，即刻試吓啖湯底，顏色好深，係好濃既牛湯😋 成碗好快就被我食哂😂👍🏻 河粉份量唔多，大食既人可以未必夠飽，但對於我一陣準備上瑜珈堂，份量就剛剛好。值得一提係店員服務態度親切，價格親民，下次會再試下其他湯河同小食👍🏻====================推介度：❤️❤️❤️❤️CP值：👍🏻👍🏻👍🏻👍🏻好味指數：👅👅👅👅====================

長沙灣找到一間性價比高的越式牛肉粉小店，員工非常親切有禮貌，下單出餸速度快。點了好幾次外賣，不同的餸都很好吃，雖然是外賣，可選擇分湯款色有好多，粉麵可選金邊粉、河粉和檬粉。檬粉可以做撈檬試了幾款包括牛柏葉，牛腩和豬頸肉檬粉牛的湯底是牛肉湯，也可轉清雞湯牛柏葉檬粉份量很多有生洋蔥及牛柏葉牛柏葉很易咬開，因我比較喜歡清湯，清淡一點還有會配搭芽菜，越式香葉和辣椒牛腩檬粉牛腩有牛味，厚切牛腩有咬口都是配清湯有很多蔥和芫茜，可自行加辣椒令味道更可口最喜愛是香茅豬頸肉檬粉豬頸肉份量都是很多，香茅煎的豬頸肉很香口每次都會再點一杯熱奶茶，茶底很濃，份量比例配合很好十分推介這間充滿人情味的小店！！

轉角位的一間越南小店有三人經營, 好像是一家人兩位年長的在開房式廚房，一位年輕的女士在店面有點家的感覺, 會提醒小心地滑. 是有禮貌的.晚上9時來到, 兩個人來食宵夜點一個火車頭河粉, 一個小食和飲品食面加飲品只需$7越式火車頭河粉 $58有生牛肉, 牛筋, 牛腩, 牛丸, 牛柏葉每款兩件左右湯底濃味又清, 越式湯底牛丸好好味呀, 有汁!牛筋是白雪雪的, 夠稔, 但不少味網絲春卷 $33一碟有四件新鮮炸, 正常, OK!⭕️全店職員戴上口罩 ⭕️進店前量度體溫 ⭕️多處提供酒精搓手液⭕️座位間有膠板相隔

今日老婆午餐吾想食飯， 想食湯麵咁啱經過這間新記越式牛肉粉, 店子不太大，大約十零二十個位左右，裝修簡單。 剛好店舖唔太多人，便決定一試。生牛肉河粉一下單，店員隨即報上金不換和辣椒及青寧，芽菜。 不一會生牛肉河粉到了，湯底有很濃郁的牛肉味，牛肉片切得很薄及牛肉很有牛肉味， 但略嫌河粉分量太少。 配料有種蔥花和洋蔥再加上落埋金不換， 辣椒 ，青檸整個湯底即時變得清新及有令人開胃的感覺。牛腩湯河，牛腩筋肉均勻，大約有五六件，炆得好林，湯底大至同生牛肉湯河一樣。絲網春捲，上枱時金黃色咬落去熱辣辣脆卜卜，但份量就好少。小店地方不大，但環境清潔，食物有質素 ，價錢也可以，值得支持。

牛湯底，牛油雞翼、，香芧豬扒、炸春卷必食。牛湯夠濃，食多年仍然能保持水準牛油雞翼，外脆內軟，再加上已調味嘅蔥花，好好味呀香茅豬扒，軟林林，從未食過咁好食嘅豬扒炸春卷贏咗好多間大型店舖啊👍🏻👍🏻👍🏻👍🏻👍🏻

呢間鋪系公司附近，之前都食過幾次，但每次都系食撈檬，撈檬汁比得好大方，有兩盒。今次試下湯河，好好食，湯好濃。店員態度好好，外賣好快就有。雖然豬頸肉類既都加左價，但系都系系接受範圍內，之後都會繼續幫襯熟牛肉湯河

今日下午兩點左右，限聚令下仍見餐廳門外有幾位客人在排隊等位。因天氣甚熱，不想吃熱騰騰的湯河，與友人共吃了兩碗撈檬，一碗豬扒撈檬，一碗紮肉撈檬，另加四隻香茶茅雞翼和絲網春卷。香茅豬扒大塊而且厚身，肉質鬆軟，香茅味甚香，好味。檬粉爽口不黏，啖啖彈牙。配料充足新鮮，喜歡豬扒的朋友不要錯過。我雖沒有品嘗雞絲扎肉撈檬，但見我朋友食到絲毫不剩，應該值得一試。絲網春卷鬆脆，生菜亦非常新鮮，四塊春卷配以四塊生菜，吃不去全不覺油膩，沒配任何醬料亦相當可口。反而香茅雞翼令人並未給我太大驚喜。雞翼大小屬中等，亦有香茅味，但表面鋪上一層類似炸粉，雖使雞翼更有咬口，但與傳統的香茅雞翼不同，我個人更喜歡傳統的香茅雞翼。餐廳環境尚算乾淨，惟男職員上衣略有污漬及濕水，也許是午餐時間太忙。見街坊離開時皆都與職員有講有笑，可見平日街坊都樂於光顧。最後結帳只需要152港幣，包含兩款主食，兩款小食，抵食之選。

長沙灣做完嘢, 好想再試附近一間手打烏冬, 好耐都冇試過了, 可惜俾條長隊嚇跑了 見到呢間越南嘢, 喺正街口好容易搵到, 又未試過, 就試一試啦  好鍾意呢間餐廳, 其中一點原因係本地小店經營, 在香港我快被連鎖店重重包圍，最like 本地餐廳店內環境: 始終係一間本地小店, 唔似經濟雄厚嘅連鎖店一樣裝修得靚一靚 (裝修費喺食物價錢上反映了) 雖然係咁，但坐得舒服, 冷氣夠, 也提供凳畀你放低個袋, 唔需要你攬住個袋食得咁唔舒服~店員務質素: 幾好呀, 每張桌都有一大支酒精搓手液任用, 講真, 好少餐廳每桌都提供, 仲係咁大支哦!聽到街坊和店員的對話, 似係常客, 充滿人情味 食物方面: 我點了香茅雞扒湯檬, 個湯檬冇咩什麼大特別, 不過我食完之後有一點點口渴, 但係個雞扒就有驚喜!!!我冇期望過雞扒原來係咁大塊, 仲咁厚肉, 仲煎得好香好滑個價錢好貼地也大眾化，岩我呢啲平民贊

生牛肉湯河，源自越南，又名越南粉。小弟覺得喺香港好似好難食到一碗好好味的生牛河，當然其中原因係因為未食得哂香港每間有供應生牛河的餐廳，未能作出最全面的評價長沙灣嘅新記，都可算係我幾年來食過生牛河最好嘅一間生牛河$46 唔貴的，碗係熱，合格。幾年前食嗰陣有問個職員湯係咪自己煲，佢話係因為我話個湯好好今時今日再飲個湯，水準依然，好濃、夠熱，唔知係咪用大量牛骨煲唧啲青檸汁落湯，啖湯零舍不同對大食嘅朋友來講份量可能比較細，大家考慮加唔加底喇九層塔，我習慣用黎擺落湯度浸一浸，再夾返出黎，等香葉個香味滲入湯中生牛河個粉一定要幼、爽、滑粉身太粗一定肥佬呢度用嘅牛就一定唔係高級野黎，$46碗，我覺得都係壽喜燒嗰啲肥牛，所以碗河黎到，啲牛生生地我都等佢浸熟啲先食但啲牛係有濃嘅肉味凍檸茶正常一系列嘅醬料，最左邊潮式辣油就一定唔可以落喺生牛河個湯，完全唔夾唔駛問今日分享完畢，謝

我去過越南食越南粉//我去過美國食越南粉//我去過英國食越南粉//但每次記起朋友話美國英國啲越粉係好好食我就會掛住新記越南粉!!因。為。真。係。好。好。味！當然我明白各人有各人口味，有人鍾意評價個湯，有人鍾意評價件生牛，都有人鍾意評價條春卷，但不論牛肉定湯定乜，暫時我都未搵到另一間比新記更值得食。加上一流嘅服務態度，我見證過明明係客人無理，但哥哥仔都係好好語氣不停講唔好意思。我聽到都覺得唔好意思明明就唔係佢地做錯 不過在於服務性行業，哩啲就係敬業樂業之客人永遠是對的，欣賞欣賞!

和街坊喺附近搵食呢間街坊朋友推介，應該好嘢嚟佢係小店，少人嚟吃就要搭檯老細/員工工作極速，但快得嚟好有禮貌嘅8:30pm入到，都full full地嘢食選擇唔算多不過小店嚟講又唔算少好多牛種類嘅粉麵不過我唔食牛嘅點了個扎肉雞絲湯河，免費轉金邊粉點完3分鐘內上檯湯唔算話好清，佢係濃味嘅另外，驟眼睇以為好少粉，但攪攪吓勁大碗粉出現了啲粉沉喺碗，"樣“散佢原來係勁大兜女仔食會好飽好飽金邊粉唔會碎濕濕，可以成柱夾起，好爽滑啲雞絲就唔係好多，香菜就好多遍佈一碗扎肉就有3、4塊都是厚切的唔係平時薄薄一片佢一片嘅厚度等於其他人3片我食碗粉，埋單時收銀的姐姐多謝前多謝後冇睇少銀碼細嘅客很難得～～

位處長沙灣一個角落的越式小店，<新記越式牛肉粉>細嘗越南🇻🇳風味，在地人大推的地道食店🍽濛粉唔會黏埋一舊舊👍🏻 春捲脆卜卜既外層夾住滿滿既材料，好好味不過只有3️⃣小舊，認真唔夠喉😭撈濛重點喺個甜酸汁度⁉️ 酸酸甜甜既甜酸汁加上蘿蔔絲🥕生菜、青瓜絲🥒 同花生碎粒🥜 勁清新🍀勁開胃到食完個刻真係仲想繼續食野🙈佢既生牛河、豬頸肉、扎肉、湯河都受到長沙灣街坊既熱愛💕 有機會再黎試下佢地😃

每逄星期四都放假所以要食就唔好星期四黎 上次特登黎想幫點知原來佢休息勁失望通常我係叫外賣拎番屋企食豬扒撈檬加小食越式春卷越式春卷係次次叫都係新鮮炸外脆內軟 非常好食佢魚露汁唔算太甜 今次食係偏酸小小撈檬最緊要睇份量 同魚露汁佢超大碗 一個人食實夠飽

係長沙灣番工，今日買左個外賣香茅豬扒湯河👍🏿佢既湯底有分牛肉湯同雞肉湯，我比較喜歡佢既牛肉湯，湯味夠濃，相比起佢既雞湯，湯味需雖然夠濃，但我就唔太喜歡咁油，加埋辣椒粒落碗湯，每一次都會成碗湯飲晒，好味道！😋佢外賣可以分湯上，比較方便，唔怕豬扒浸到林哂，河粉都唔會索哂d湯。豬扒夠大塊夠厚，食落唔會太乾身。整體來講呢碗湯河滿足晒鐘意食豬扒同埋鐘意飲湯既我😂如果唔鐘意食豬扒，佢仲有雞扒、半生熟牛肉可以選擇！我覺得最緊要係外賣夠快，每次打完電話唔洗5分鐘就整好包埋。而佢除左外賣，都有得堂食，環境唔逼夾，坐得都還算舒服。員工服務態度都好好，去過幾次就認得，仲會打招呼添。🤭

突然想食越南野 於是幫襯新記😆我嗌左C8鮮蔬香茅豬頸肉撈檬+D1香茅雞翼(4隻)😋豬頸肉好好食 好惹味👍🏻 但檬粉煮得唔好食 味道好一般 我求其扒d粉入口就算😓香茅雞翼大大隻 個皮脆卜卜 超好味 絕對會食過翻尋味😚總結:廚師整小食(豬頸肉、雞翼)的確有一手 但煮粉麵就差d lu