影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
食家推介
今日陪媽咪睇完醫生，便在太子附近搵餐廳醫肚，見這間新開張不久，媽咪又想食中式點心，就即興試試呢間，點知一入到餐廳，都未坐底已經要受氣，但因就到午飯時間怕轉其他餐廳要等位，所以就算侍應態度惡劣都照坐吧！ 我們點了3款點心及一個蒸飯，等了約6 7 分鐘先來一個鮮蝦腐皮卷，味道正常，然後差不多再等了5分鐘再上蝦餃拼粉果，不知是否蒸得太耐，粉果皮原全塌下來，用筷子一夾成個粉果爛晒，d粉果皮痴到成對筷子分唔開，蝦餃也是一般般，然後等緊蒸飯時聽到附近幾枱都在叫侍應跟進個蒸飯，原來他們已經等了超過二十分鐘，侍應回答是這樣的，要食就等下啦！成餐飯不停也是聽到那些侍應勞勞嘈嘈，大多是在閙d食客，尤其門口收銀的那個女人，最後上枱的鳳爪排骨飯我只可用5 6分就要食完，因我們只坐了三十幾分鐘，侍應就不停用各種說話趕我們快點交枱，留意到當時還是有其他枱是沒人坐的 整體用餐感覺很差很差，無下次
繼續閱讀
放假想瞓晏啲，但屋企長輩又想去飲茶？好彩依家多咗好多點心茶餐廳，真係由朝食到晚黑都得。嚟到太子嘅新贊記點心皇，點心全部即叫即蒸，食物出品唔錯，價錢又抵，又唔使加一，就連長輩都話正！贊記蝦餃皇晶瑩嘅蝦餃皮包住大大隻嘅鮮蝦，份量十足，爽口彈牙。鴛鴦燒賣新贊記點心皇嘅燒賣，有牛肉燒賣同鮮蝦燒賣，叫鴛鴦燒賣就兩款都可以食晒。鮮蝦燒賣除咗新鮮彈牙，餡料仲加上冬菇，令味道多咗一份層次。醬皇蒸鳳爪鳳爪吸收晒豉汁嘅香味，夠晒入味，又夠軟腍。牛肉球牛肉、馬蹄、芫荽、陳皮等製作而成，再加上喼汁調味，口感彈牙，味道充滿層次，但最正當然吸收晒牛肉香嘅腐皮。珍珠糯米雞糯米飯滲透住淡淡嘅荷香味，入邊包住鹹蛋黃同豬肉，夠晒飽肚。香煎蘿蔔糕蘿蔔糕煎得乾身又夠香脆，啖啖都有蘿蔔絲、臘腸、蝦米，非常滿足。蜜汁叉燒腸腸粉皮非常嫩滑，加上叉燒蜜汁嘅味道、芫荽嘅香味，而且係新鮮叫即叫即蒸，好好味。
繼續閱讀
位於太子❣︎新贊記點心皇❣︎超推薦比大家，所有點心即叫即蒸😋👍🏻全部熱辣辣，全日免加一服務費😀👍🏻茶位都只係$7，性價比高，點心有水準，地方乾淨座得舒適，難怪成日爆場有時重要等位添。❣︎蝦餃拼粉果❣︎$28兩個人食岩岩好😋每樣兩粒，蝦餃皮薄爽彈，粉果清香足料，口感煙靭。❣︎孖寶❣︎$41豉椒蒸排骨，排骨鮮嫩😋👍🏻肥瘦適中。鵪鶉蛋燒賣，味道鹹香，口感嫩彈飽滿。❣︎鮮蝦腐皮卷❣︎$29有成3大件😮超抵食👍🏻腐皮炸得金黃薄脆😋👍🏻餡料紮實，口感酥脆。❣︎豆沙煎堆仔❣︎$21🌟推薦必食之選😋👍🏻熱辣辣，脆卜卜，煙煙韌韌甜度適中，一啲油膩感都冇。❣︎雲耳冬菇蒸雞飯❣︎$50雞飯仲跟埋例湯👍🏻今日係白菜豬骨湯，啲湯無味精架🤤超豐富足料，雲耳多到滿瀉，冬菇好大件，蒸雞好嫩滑，加埋我至愛嘅芫荽，飽肚又滿足。
繼續閱讀
新贊記點心皇😘😘😘新派點心皇太子茘枝角道新點心皇店鋪、專攻廣式點心Yum cha、益街坊、推出孖寶$41（早上7:00-11:00、下午茶2:00-6:00）（粉紅色字為孖寶點心）鍾意嘆番一盅兩件的我、仲可以日日唔同款式、有排嘆、超值抵食😍😍✨贊記蝦餃皇鎮店之皇、主廚精心製作、煙靱有嚼口皮、皮薄晶瑩剔透、包裹饀料大大隻蝦仁、爽口彈牙！✨香茜牛肉腸粉外皮白滑軟糯、卷着充滿香茜的免治牛肉、軟綿濃香牛味、淋上甜豉油、錦上添花、提升味蕾口感😁😁✨黑椒金錢肚厚切金錢肚、黑椒汁炆至入味夠軟腍、伴菜蘿蔔條都入晒味道、creamy 🤣🤣✨香煎蘿蔔糕－年365日都可享用、「贊記」有供應、餡料蘿蔔絲、蝦米、臘腸、煎外層香脆、沾辣椒醬、滋味又惹味！✨金珠鹹水角外層炸脆金黃、內軟綿綿、鹹鹹甜甜的肉粒、添上一番味道！✨香煎魚肉尖椒青尖椒又長又厚身、塗滿魚肉膠、煎香、淋上豉油、出色又滋味😁😁✨鳳爪排骨飯早餐之寶、孖寶配搭、豉汁鳳爪+排骨、粒粒飯香、有嚼口、淋上甜豉油、飽肚滿足😌✨芒果布甸店主親自用心製作、🈶️質感、芒果味道特濃、🈵️🈵️果肉、享用時淋上花拉、口感層次豐富！😘😘新贊記點心皇太子荔枝角道33號百匯軒地舖港鐵太子站C1出口、步行約5分鐘
繼續閱讀
去完旅行想食返中菜 決定去呢間新開嘅點心店飲茶🫖點心全日時段都劃一收費 係平日會有啲優惠 價錢幾公道實惠 嗰日2點幾去都滿座🥹叫左幾款點心全部都幾好味🤤仲好大份 —蝦餃拼粉果 $28 一次過食到兩款點心🧆兩款都脹卜卜外皮幾煙靭 唔會蒸到爛哂 內餡又好足—百花釀魚肚 $30有啲似棉花雞咁軟綿綿 配上蝦滑 —脆皮鮮蝦腸 $34比酒樓嘅腸粉仲大份🤣裡面包住油炸鬼 非常脆口又無油溢味 啲蝦好彈牙 口感有層次—合桃包 $24呢個特別 口感好鬆軟 入面包住合桃蓉 仲有少少合桃碎 又唔會過甜 好食😋—豆沙煎堆仔 $21夠熱夠脆 有芝麻香又有豆沙香 香口🫶🏻—蜂巢黑糖糕 $22聞到好重黑糖味 蒸得比較黏口 可以做甜品—凍菊花茶 $7/位茶芥可以轉飲呢個 夠大杯又清甜 解膩一流
繼續閱讀