新軒尼詩茶餐廳 (已結業)

今日去旅遊展, 本身想食附近既車仔麵, 但因為裝修所以去左附近呢間野....屋企人叫左個炒貴刁($55) 同 蔥雞飯($55), 炒貴刁冇咩味同炒得唔夠香, 蔥雞飯係一大碟飯加一碗啡色汁, 裡面浮住幾粒仔雞肉, 見到已經唔想食...我叫左個黑椒牛仔骨($55), 入面係BB仔拳頭大小既薯仔 (因為我要薯菜, 所以本身以為係薯條+雜菜) 加三片牛仔骨, 一片中SIZE正常(其實都係好細), 一片小SIZE一半係肥肉(本身咁細細片就算), 最後最大嗰片差唔多全部都係肥肉!!!   我明白牛仔骨有機會係有肥肉, 但都唔好咁過份, 咁都可以俾客食, 可唔可以為客人著想下, 得嗰三片, 仲要有超過一半食唔到....之後叫左個肥男人職員講, 佢頭一句答: "係咁O架, 10塊有1塊係咁", 答得咁理所當然, 仲要係冇得換, 因為黑椒牛仔骨"佢話"賣哂 (雖然我走既時候, 佢個活動式屏幕餐牌仲顯示有呢樣選擇...), 佢問我要唔要換, 但因為我嗰牛仔骨等左好耐先黎, 屋企人已經食左超過一半, 同埋真係 炒貴刁 同 蔥雞飯 都唔掂唔想食, 對其他野冇咩信心, 所以食完就算...最後花$55食到既係:

今日下午過左黎灣仔呢邊做野，完左喺附近隨意搵間茶記食tea，見佢親裝修左，幾企理，就同幾個同事入左去食。新裝修，都坐得幾舒服門口啲麵包望落都幾吸引叫左個熱狗餐，個包有烘過，條酸瓜醬幾好，酸酸甜甜，唔會有太多醬，感覺健康啲，無沙律醬咁肥，nice!生炸雞脾拼薯角，個雞脾炸得啱啱好，個皮好脆！入面仲有肉汁唔會乾，隻脾係有腌過，好似落左小小咖哩粉，調味幾好👍🏼呢個一口西多我地揀左紅豆餡，本來都驚唔夾，但出奇地夾又好味喎！我個fd話好似多士+紅豆批既混合體，個多士炸得好脆，入面包住軟綿綿既紅豆餡，好味呀！🤤🤤呢個真係有驚喜！個肉醬意粉等得最耐，15分鐘左右，但真係即焗，送上台係熱辣辣，淨係呢點已經加分！叫左4個下午茶餐，埋餐都只係$150，好味又抵食！👍🏼👍🏼👍🏼

上星期六同男友去「design inspire」睇展覽，因為晚上約了朋友吃飯，所以隨便找一家茶餐廳吃個下午茶。食物都係一般嘅茶餐廳嘅下午茶菜式$37 以灣仔區黎講算接受到。生炸 或 滷水大雞脾 配薯條 - 我點嘅係生炸脾，首先佢黑到咁，餐廳係拎左滷水脾去炸。第二我見唔到隻脾那一部分「大」，而部分位置就其實已經煮到甩皮甩骨，肉質已變梅及鬆散。配嘅薯條就得13條，份量非常少，而且炸得未透。法蘭西多士 - 賣相叫做正常，份量都沒剛才炸脾咁過份。但原來呢份西多士入面係一滴花生醬都冇落。雖然唔知係唔係大部分茶餐廳做法唔同，但以我個人間中食嘅西士都係有嘅，所以我就唔係咁滿意喇。除此之外，餐廳衛生欠佳，係我坐個位度發現到有上位食客留下嘅渣滓，sip左係枱玻璃下。各樣總結，我真的不能接受，後會無期

2018年10月2日。灣仔。晴。呢日又到灣仔工作，午飯時間嘅灣仔周圍都打仗咁因為遲咗食晏，結果不堪設想。。。當所有餐廳外都排咗條多過10人嘅長龍嘅時候，要趕住食晏嘅我哋，見到呢間餐廳尤如清泉無長龍，即有位時間無多，咁就入去啦餐廳環境有啲陰暗，無論枱、櫈、餐牌都好黐笠感覺好污糟，完全唔想掂到任何物品食物選擇都幾多嘅，有午餐、常餐，仲有其他不同名目嘅餐要快就緊係嗌午餐啦～午餐有5個選擇，揀咗咖喱吉列豬扒飯，配凍檸茶等咗5、6分鐘就到啦豬扒炸到黑蚊蚊，睇落都已經知道好唔健康肥豬肉成份好多，肉較少咖喱汁極少，但味道係正常嘅飯量亦可以凍檸茶無特別要求少甜，但係一啲甜味都無咁嘅環境、咁嘅食物質素，要收我$52，實在覺得過分總括而言，呢間餐廳不可一，不可再！

一入到餐廳，老闆已經笑容滿面地招呼我地，原本我地兩個人在繁忙時間坐一張4人枱已經預左要搭枱，但老闆好細心，安排其他客人去樓上一層，盡量減低對食客的影響! 來落餐和送餐的伙記都非常親切友善，今時今日去茶餐廳有咁賓至如歸的感覺真係好難得!食物方面，餐牌有好多選擇! 我地叫左星洲炒米&乾炒牛河，兩碟都好岩我地呢d上班一族的女士們，一點都不油膩，份量剛剛好，價錢合理! 如果外國人想一試香港地道茶餐廳風味，去新軒尼斯係個好選擇!值得推薦 - 香港難得的有良心有溫度的茶餐廳!!

2018年8月灣仔軒尼斯下午茶☕️有段經歷想了很久，到底應不應該post上openrice 呢？不過作為食客，我真的想反映一吓自己在餐廳用餐後的食後感。讓彼此有更大的進步空間。當日打算行美食展之前，我和朋友經過灣仔，便走進軒尼斯餐廳食下午茶。朋友點了豬扒包餐，而我原本就點了雞脾拼薯條餐。下午茶餐4隻雞翼？事原係咁既......落單既時候，我order了生炸雞脾🍗+薯條餐的（當時位職員照落單），隔一會職員跟我說：雞脾賣晒！我接著說：咁轉生炸雞翼拼薯條吧！誰知某位職員捧餐遞給我的時候，竟然不是雞翼薯條！而是雞翼沙律！🥗👈沙律？就是我不想吃沙律才order薯條的！（因為這個生炸雞翼餐是可選擇配薯條或者沙律）為什麼職員這次不通知一聲就自行配了沙律給我？怎辦好呢？來了一份3雞翼+（我不喜歡吃的沙律）餐。雖然食得茶餐都唔預食到好飽肚，但係點算好呢？得3隻雞翼！無理由3隻雞翼+杯凍檸茶我要比$39蚊架跟住個職員話：咁妳唔食沙律，我加多隻雞翼比你喇！在我還沒答應之際，落單職員已叫廚房的職員炸多一隻雞翼比我！這便是以下相片中（4隻雞翼）的故事👇下午茶餐生炸雞中翼+凍檸茶 （$39）對不起d食物和餐廳廚房的

好耐冇嚟過諗住求其食啲嘢，又去返呢間餐廳，入到去裝修冇變啲人一樣都好有禮貌，諗住求其叫個粉食，有個哥仔話不如你試吓佢哋午餐牛扒飯，咁反正都唔知食乜，咁就試吓啦！個賣相好得意有隻兔仔茄，冇諗過呢啲餐廳都會整啲咁可愛嘅嘢🐰佢件扒超大件出乎意外，件扒好鬆軟，味道剛好，仲怕我食唔哂，點知我食哂個老闆仲問我好唔好食？呢個係佢哋師傅特製，佢仲話好食多啲黎食，比多啲意見佢地，而家仲有呢啲甘有heart 嘅老闆，真係冇得頂，我都唔客氣講下我嘅意見講食物👌不過啲裝修就。。。個老闆面紅紅都話會架，會裝修，依家主要搞好啲食物先，佢仲話你地啲客仔要多多支持。講真心，都值得試下，下次再黎我都會再試下

以前一直都有去開展覽，咁就曾經去過灣仔新軒尼詩餐廳度食嘢，嗰陣時去係抱住一個求其嘅心態，諗住食飽就算，點知食咗個午餐洋蔥豬扒飯，真係超級難食，我覺得$50左右連飲品真係唔抵。😡但係最近去完美食展，再俾多次機會呢間餐廳，再叫同一樣嘅嘢洋蔥豬扒飯，點知今次為我帶來嘅唔係失望，而係驚喜！以前嘅洋蔥豬扒飯冇洋蔥，依家有，不但只豬扒好大塊好抵食，味道仲好好，而且賣相都10分吸引，同樣係$50蚊，質素竟然大大提升🤤，我都忍唔住開口同老闆講以前同而家嘅差別，老闆都多謝我俾多次機會佢哋，佢仲叫我試埋佢哋嘅雞排，我睇都有其他客人食都係好大塊，嚟緊就電腦展，決定再去多次，試埋嗰個雞扒飯。我認為做飲食呢行其實好難，加上佢哋個場特別係中午嘅時候好忙，係咁嘅情況下都可以比到以呢個價錢呢個質素，香港茶餐廳嚟講係10分唔錯！加上我以前食過同埋而家嘅比較之下，我見到佢哋不斷既改進，加油，雖然打評論之前見到好多唔好嘅評論，但係唔緊要，正所謂唔可以一試定生死，我認為曾經覺得好差嘅朋友，都可以再去試多次，試吓佢哋而家嘅豬扒飯或者雞扒飯，加油，希望你哋嘅質素可以保持落去！👍🏼

餐牌有8成都冇得點，原因係炒野焗野炆野花時間，所以只提供一般燒味魚柳，呢個價錢真係唔抵，唔係響附近返工返學真係唔會食佢，就算響附近做野我都唔會揀佢。只係路經嘅話其實附近大把選擇，好後悔揀左呢間食，以後都起碼睇少少食評先入座。

終極爛店，很後悔沒有聽取之前評論裡說這間店爛的人的意見。店主收銀員態度極差，聽錯order仲要賴到顧客頭上，一拍張台話我就係老闆，你想點？廚房幾個男店員還出來幫佢講野，大大聲鬧顧客。食物也份量奇少，且不新鮮，肥牛像是石頭一般硬。我咁大個人第一次遇到呢種爛店，一句話，祝早日結業。

已經10多年沒有在灣仔區食早餐了，新工作又回到灣仔區，今早返工早了一點，於是到軒尼詩茶餐廳食個豐盛早餐，價錢同其他餐廳差不多，但因為有2個舖位，總會有位置坐，入到茶餐侍應招呼殷勤，點餐手腳快，早餐點了炸菜肉絲沙嗲牛肉米粉，熱檸水，盛惠$36，味道普通，沙嗲牛肉老了一點點，但勝在湯夠熱，熱檸水的檸檬沒有苦澀味。

係公司做左差不多3年，不足2分鐘路程，也從未幫襯過今日點九，先做完嘢落去買外賣，見到有卡邦尼海鮮意粉諗住一試，等左好一陣，差不多15分鐘，中間收銀都幫我催左3,4次，終於有，仲記得每次收銀催，佢都話3號熱檸茶，3號熱檸茶...，肯定包括最後個次個侍應拎出黎經過收銀個時，個侍應望一望個外賣，照俾我，由於等左好一陣，又肚餓，快d返公司食，返到去就發現....唔單止嘢飲俾錯，連盒飯都錯...其實望真d隔住個包裝細心少少都不難發現個杯嘅顏色唔係檸茶，係奶茶，更何況企左係門口15分鐘望住個侍應，都幾確定係熟手侍應，發現唔到俾錯嘅機會大家心𥚃有數...平心而論，可能係收銀寫錯都keep住remind侍應係檸茶，3號檸茶...但最後扲出黎個陣，聽住、望住，都照遞出黎，唯一嘅解釋係寧願錯都唔想再整過...最後突登攞返落去，無俾佢地換嘅option，直接叫佢地退錢...唔想再等15分鐘...（可能都係錯，因為應唔係大意問題，而係態度問題！），同真心驚佢地加料！難怪做左差不多3年，位置連雨都唔洗淋都從來無同事介紹去li間，但本身無開Open Rice Account嘅我，都刻意開黎comment,另一原因

嗰日返工食lunch，喺稅局附近見到餐茶餐廳入去試吓囉。點咗個羅宋湯螺絲粉，羅宋湯味好濃，螺絲粉好多好大份。仲配牛扒同腸，牛扒煎得好行，腸好大條。仲加左杯茶走，茶味好香。

點左碟炒粉，野是ok，食到淨番45啖時發現條金黑色頭髮，於是同女服務員講，佢即時摞走碟野同其他夥計研究，當時無影低相做證據全因信得過餐廳，因我要的是道歉同態度問題！回來有個男廚師好串甘摞番碟野黎話無頭髮，叫我自己睇，呵呵好明顯頭髮比佢地撩走曬。我就索性穩前台老闆講，很失望是態度更差！話自己係塊鏡到望著員工，無撩頭髮走！態度真係好惡劣！！呵呵祝你快執笠吧⋯⋯老闆甘差難怪員工都差，人品本身就有問題！！做得生意，連最基本誠信都無，仲要屈番客轉頭，真係好差！奉勸各位朋友入餐廳前三思，我亦會告知身邊朋友不要去甘無品的餐廳。可悲的餐廳

乾炒雞球河全走，外賣速遞。但大會禁止街外餐廳送外賣入場呢，唯有親自走到大門自取。舖頭都會展都有段距離，幸好依然保持暖暖地。河粉炒得真的不錯，顏色均勻，夠完整不散濕濕。醬汁味道濃濃又香甜，泛著微微鑊氣，滿意滿意啊。只是雞球免強接受，質感有點硬實的無味雪藏雞。唔想再食會展劣質又昂貴既飯盒喇，雖然取貨較麻煩，但都要試試其他餐廳先得。端午節假期仲要返工，火都黎 ﹗點解香港珠寶展要按排係星期六、日及公眾假期呢？