新金榮小廚

營業中

休息中

假期拎完野比朋友懶得煮飯的我打算買炒飯返屋企食算， 點知去到新金榮小廚比佢的鑊氣小炒菜式吸引住，忍唔住叫多幾個小炒回家嘆，冇計啦！限聚令又冇得堂食，唯有買外賣食。今晚就係比以下幾款美食吸引左：⚛ 尖椒醬爆豬頸肉 ～ 尖椒夠辣夠刺激味蕾， 豬頸肉入味成碟大大碟。⚛ 蜜椒薯仔牛仔粒 ～ 甜絲絲的蜜糖平均沾係已炸過的薯仔和牛仔粒上，中間仲有一點點黑椒我香味， 滋味到暈，我和屋企人好快清哂呢碟。⚛ 椒鹽雞軟骨拼椒鹽鮮魷 ～ 香口野夠惹味冇的得輸啦！⚛ 揚州炒飯 ～ 我成日覺得要知道果間野d野食廚師炒的野掂唔掂，只要叫碟炒飯食就知， 呢間師傅炒的飯粒粒分明材料又多，夠哂鑊氣。過左限聚令，一定要過來堂食先得，因為我好鍾意大排檔風味，香港人的特色。

今日又去屯門搵食，這條街特別多大排檔，這間比較多人等外賣，就幫襯一下。小菜、羊腩煲、打冷，很多選擇，好耐無打冷啦，竟然有至愛嘅蠔餅，啱晒！蠔餅 有大或小款，大有3塊，份量足，蠔🦪仔好足料，啖啖都有蠔，蠔細細粒又脹卜卜，無腥味，無沙，香酥脆，好邪惡😋鵝片 鵝片🦢肥美，滷得入味，肉質非常嫩滑，有肉香，連皮一啖食，滿口油脂香，連豆腐和花生🥜一樣滷得好入味。水煮牛肉 滿滿紅油，麻辣味重，牛肉鮮嫩，加埋香芹、大豆芽，更添滑溜惹味，辣味慢慢滲出，夠香夠麻。

最鍾意食打冷嘅我，屋企附近有呢一間好出名嘅打冷店，而且價錢一啲都唔貴好抵食！因為疫情關係，仲可以大大碟咁拎返屋企外賣咁食，但係鑊氣仲係好足！我哋全家人大概四五個人食，四碟小菜已經飽到可以第二日繼續食🤣首先係呢個金銀蛋豆苗，最鍾意食豆苗嘅我，佢啲豆苗至少夠新鮮！而且個上湯都夠味，好適合送飯食！而呢一道餸，食落口外脆內軟，而且酸酸甜甜咁，好開胃！而呢一個菠蘿咕嚕肉要整得好食，其實都好難，但係佢除咗啲肉夠多，炸得夠好之外，佢旁邊嘅配料，例如青椒、洋蔥等等，都要炒得香先夠入味，所以呢個位佢真係做得幾好！加埋呢一個火腩豆腐斑腩煲，除咗夠足料之外，佢啲半肥瘦嘅燒腩仔唔會好鹹，而且亦都唔會好難咬個種，啲豆腐亦都好夠味，一個字真係好正！

在旺角麒麟徑是熱門吃大排檔的地方時時都座無虛席熱鬧非常新金榮小廚及姊妹打冷小炒是同一間店，浩浩蕩蕩佔了這條街一大部份.即使夜晚禁堂食，外賣的人流還是絡繹不絕主要是有鑊氣夠火喉，而且份量足，我也外賣回家在家感受大排檔的滋味。鐵板京蔥爆牛肉 - 爆香！大姜大京蔥大洋蔥大大片牛肉，材料實在，一看就想像到廚師開猛明火，毫不客氣地放着材料，給力拋鑊地炒。牛肉好入味即使連京蔥也很香。燒汁茄子牛柳 - 茄子及牛柳同樣沾滿燒滿，甜鹹交替好惹味。火腩豆腐斑腩煲 - 有火腩又有斑腩，一次過滿足兩個願望，入茨令這個煲菜暖得窩心。菠蘿生炒咕嚕肉 - 甜酸甜酸很開胃，而且咕嚕肉好多，一個小菜夠兩個人食呢。繼承了大排檔的鑊氣，即使外賣回家，也吃得出火候加持的那種香。外賣自取有八五折，四個菜不用$300#新金榮小廚 #新金榮大排檔 屯門麒麟徑3-8號地舖

早在禁晚市堂食之前一晚我哋就去何福堂嗰邊食次打冷因為相信打冷舖只開晚市禁晚市堂食的確打擊好大所以就去回味一番新金榮可以話係我好細個已經嚟食由我中學食到去而家做嘢都係相當有風味而且可以話係屯門小有嘅“打冷街”黎得食潮州打冷當然唔少得炸嘢類，鹵水類同埋海鮮類呢度基本上應該要有的都有鹵水鵝片鹵水汁相當入味，加埋個醋就相當醒神鵝片切得薄薄地，唔會韌，真係食完一塊接著一塊鹵水鵝片下面亦都有豆腐墊底同埋有花生鹵水豆腐可以話係送飯恩物花生就作少許點綴當前菜豉椒炒蜆啲蜆大大隻，食落去好彈牙脆卜卜而且豉椒汁好香濃啲蜆肉都夠入味所以認真唔錯炸蠔餅炸蠔餅嘅性價比就最高啦我哋只係叫咗個細蠔餅非常大的份量真係兩個人都食唔曬蠔餅嘅蠔係相當足料啱啱炸起嘅炸粉令到成塊餅都係好鬆脆最後配埋支啤酒可以話係冇得輸啦埋單嘅時候，姐姐都話生意難做表示在禁堂食期間都有羊腩煲外賣特價大家可以試下啦

過了屯門交收，之後去了新墟周圍行逛，順路經過這間新金榮小廚，小菜款式很多，而且價錢都是$50-60起，所以買了幾個小菜返去做晚餐。蜜椒薯仔牛仔粒牛仔粒嫩腍，肉質鬆化，有黑椒香味，加上走油的薯仔，表面脆裏面很腍，送酒一流。椒鹽豬扒豬扒份量十足，唔會太薄，但入口很腍，帶點椒鹽香叶火，十分惹味，又是送酒菜。火腩豆腐班腩煲非常足料，火腩用了半肥瘦的燒腩仔，唔會太咸，肉質鬆化，豆腐嫩滑，班腩很大件，而且炸漿唔會太厚，炆得入味。滷水雜錦有鵝腸、墨魚、雞腎、豬耳及豬腸等等，一盒裏面可以試到多款的滷味，豬耳爽口，墨魚彈牙，雞腎有咬口，鵝腸爽脆，滷得入味又唔會太咸。另外外賣左個羊腩煲第二晚食。

又要work from home，一家人喺屋企又唔想煮飯，今日有我哋兩個外賣仔落街買飯食，行到去屯門何福堂買小炒。好，睇吓有咩好食先。蜜椒薯仔牛柳粒，好大盒好足料，薯仔同牛柳粒一樣咁多，薯仔炸過，食落甜甜地，牛柳粒帶少少脂肪，食落柔軟。啫啫雞煲，醬汁濃郁，雞件啖啖肉，拌飯一流。沙拉大蝦球，酸酸甜甜沙律醬，仲有海量菠蘿，蝦球大大粒咬落啖啖肉。金銀蛋豆苗，有肉當然要有菜，我哋都鍾意食金銀蛋時菜，因為濕濕地容易入口，豆苗好新鮮深綠色，夠大碗。

同朋友黎左屯門呢條有名的小炒街度食飯，限聚令前的一餐，梗係要盡興啦。成條街都係食打冷小炒，氣溫雖然涼左，但無阻食客坐門口，影完相不久啲枱就坐滿啦，氣氛熱鬧。韭菜豬紅豬紅好滑，硬度適中不會一夾就散，而且非常入味，微微辣很惹味，嫌不夠辣可以點下旁邊嘅辣椒醬，沾一點更出色。份量很足，下層韭菜大概佔三分一左右，滿滿是豬紅不吝嗇。馳名鹵水鵝上枱已聞到滷水香，鴨肉鮮味，啖啖肉，骨薄且不算肥，皮下脂肪不多。下面有幾片滷水豆腐，吸了鴨油好好味。潮式煎蠔餅叫了份細蠔餅都有兩大塊，半煎炸十分香脆，蠔仔鮮嫩肥美，中間夾著芫荽香好好味呀。黃金四季豆再黎係朋友至愛的鹹蛋黃系列，揀了要四季豆，嘩，大碟到離譜呀！鹹蛋黃下得重手，超多鹹蛋黃，每條四季豆都厚厚的包著，味道濃郁勁滿足！蒜蓉豆苗炒帶子最後整返碟菜，蒜蓉炒夠香口，豆苗軟嫩，帶子鮮甜彈牙，好味好味。咁好餸就要送下飯，叫左白粥同白飯，意外地係熱㗎，食開嘅打冷舖好多都係凍飯，呢度有熱飯熱粥食正喎。小菜好味，非常大碟，價錢又不貴，唔怪得咁多人黎食呀。

屯門都有大排檔的，而且好熱鬧啊！微涼天氣，去大排檔食嘢最有風味又暖胃。今晚去了新金榮小廚， 除了鑊氣小菜，還有潮州打冷。今日來試試小菜先。豉椒炒蜆$68,大大碟，價錢比其他餐廳便宜，蜆肉中等size, 尚算爽滑, 豉椒味夠香，汁比較多，但食落也不會太鹹，抵食！金菇肥牛煲$68, 也是經濟的價錢，有一大煲金菇肥牛加粉絲，見到都開心！沙鍋熱著上，涼涼的天氣，食完好溫暖哦。肥牛份量都不少，新鮮有牛肉味，又爽口，還有嘟嘟粉絲吸收肥牛煲的醬汁，味道真不錯！蜜椒薯仔牛仔粒$78, 非常喜歡這道菜，黑椒惹味，提升牛肉粒的香氣；牛肉粒外層脆卜卜，因為黏著蜜糖炒，帶焦糖香，但裏面肉質仍然嫩滑不乾身，很好吃！薯仔粒也非常美味，被蜜糖包裹著，外層爽口香甜，裏面又有薯仔香！椒鹽豬扒$68, 炸成金黃色夠乾身，灑滿炸蒜蓉，賣相非常漂亮，咬下肉質不算乾，仍然爽口。椒鹽鹹味越食越開胃，配啤酒汽水才是正宗享受！吃了四道小菜，埋單才$282,除了抵食大份，味道還很好，一定再幫襯！

今晚偷懶唔煮飯，又唔想食茶餐廳碟頭飯喎，屋企人提議就係屋企附近嘅大排檔啦😆😆揀咗大排檔老店新金榮小廚，有潮州打冷又有鑊氣小炒滿足晒我地，外賣仲有八五折😍原來好多間舖㗎所以就算堂食都唔需要等得太內，店員好Nice好有街坊feel☺️☺️除咗打冷、撚手小菜之外仲有打邊爐、海鮮來料加工加工都得㗎😆😆原來20年老字號㗎啦！打冷一定要食滷水我片啦！好香好入味，一啲都唔靱好有口感，滷水唔會泰龍保留鵝嘅香👍👍我就鍾意食滷水鵝雜 ，乜都有，墨魚大腸生腸豬耳豬頭肉仲有芽菜薦底添，非常豐富而且仲好大盒😜😜潮式炸蠔餅，點左一個細份！兩大塊超多啊😍😍配上魚露提鮮，非常香口，炸得酥脆👍👍咕嚕雞球，配料好多酸酸甜甜，中上水平整體嘢食唔錯😆而且份量超大呢，夠晒鑊氣😌潮式菜好地道，有下次👍

呢間d海鮮真係唔掂豉椒炒蜆，好多沙，索索聲，我媽lur左好大粒沙出嚟。 😥 啲椒係幾爽嘅。椒鹽鮮魷，冇椒鹽味，冇魷魚味，點喼汁食都可以入口嘅，不過我直接拎咗佢去點豉椒。雖然係脆。蒜蓉粉絲蒸象拔蚌，蒜蓉唔新鮮，有一陣噏味，象拔蚌蒸過龍，好韌，洗唔乾淨，有沙，以下附上圖片一張。係真係洗唔乾淨，啲腸嗰啲仲喺度。唯一唔錯嘅係欖菜肉鬆四季豆，幾好送飯，夠味，可能係因為前面果幾個海鮮太差。黃金蝦球，個蛋黃係炒得幾好食，不過啲蝦係霉嘅，癡殼到不得了。btw同店員講啲炒蜆好多沙，佢居然答我: 「係邊個介紹你食㗎？」然後就走咗。 😂😂😂期間有兩個伙記入嚟招呼，都無帶口罩（拉低左）

係屯門唸起想食打冷小炒第一時間實唸起何福堂龍頭店新金榮小廚今日仲同遠道而來的親戚合共7人特登去捧場結果剩下滿枱餸 掃興而走但真的大不如前 光輝不再完全冇諗過會發生簡直超級極度大失望等我仲叫九大鬼咁多餸………………………………………………生炒骨……暗瘀色鹵水拼盤……隔夜咁款火腩豆腐魚腩煲……鹹到爆粟米斑塊…… 勁多漿粉 偏硬蠔餅…… 勁油，粉漿多椒鹽鮮魷九肚魚…分量勁小蠔仔粥……一般避風塘茄子……偏乾偏鹹辣酒煮花螺……一般………………………………………………不新鮮… 超難食… 縮水份量我地6點去到食…冇乜人非繁忙時段…都煮到咁如果係繁忙時段… 不敢想像仲專登揸車同親戚嚟食以後都不會再幫襯求其街邊一間茶餐廳啲小炒都好食過佢………………………………………………我第一次寫食評只係唔想其他人好似我咁中哂伏食客都係求食新鮮食材最基本都做不到我肯比錢食但係唔好比隔夜餸我呀

星期五一班同事食飯，我就提議去何福堂打冷，個個都無所謂，於是就揀左呢間！新金榮真係西利，附近好多鋪位都係佢！由於我地晏晝6點幾到，所以未係好多人！冷氣機漏水，勁煩 唯有自己搬一搬位打開序幕-鹵水雜錦，嗌完點知大家都一般？石窩馬拉盞通菜，好惹味！椒鹽鮮魷九肚魚，同事最愛既香口野，好快清曬蠔餅（大）,有d烤漿邊位食到好多椒鹽定唔知咩調味料，但都好食既蜜汁薯仔牛柳粒，有d筋但都ok脆皮烤豬手，真係好脆再加3碗飯因為有同事渣車，所以靜係加左兩支啤酒5個人 埋單$620幾抵食呀，超級飽！

當晚問侍應，烏頭魚是否$98一條？對方說：是但坦單是128一條老闆說休魚期喎！我話淡水魚都有休漁期嘅咩！結果佢冇出聲，計番98元给我！鹵水拼盤，冇水味極度不新鮮，朱腸有異味！唯一好味的是：韮菜朱紅！而我們問侍應：清炒菜幾多錢？對方竟説不知道，可以說任何一款小菜佢只答什麼都不知道總結：食物只可算是維持生命的，個人覺得不會再一次去了！本人是一個廚師，他們只會整熟食物，不是用心去煮食，真的是一個不責任的廚師。

屯門人如果要講起食打冷，一定係會去何福堂，因為新墟何福堂嗰邊有一條街都係食打冷嘢嘅，好多人都會坐喺條街度食。不過今次帶埋老人家一齊去食呢，就唔係咁方便啦。好彩侍應都非常之殷勤，馬上帶我哋去有冷氣嘅地方。難得婆婆話想食打冷，噉就一定唔可以令佢失望喇，新金榮我哋都食過好多次，所以都馬上點返幾個小菜滷水鵝片。老實講我平時對滷水鵝都冇乜興趣。不過去到打冷鋪，見到啲滷水鵝片每個都係薄切嘅，識落唔會話好韌，質素唔錯。炸蠔餅。去食打冷點可以唔食炸蠔餅呢。呢間野炸蠔餅都係非常之鬆脆，亦都十分足料。椒鹽九吐魚，椒鹽魷魚。呢個又系另一樣一定要食嘅嘢，椒鹽九肚魚亦係非常香脆，係鹹咗少少，但唔行又點叫椒鹽哩。椒鹽魷魚都係一樣，仲好彈牙添。蒜香骨。蒜香骨分量都唔細，食落好香香蒜味，不過都係鹹咗少少。沙薑雞。因為其他餸食得太多，呢啲雞我都冇食過，不過婆婆都覺得幾好食嘅。總結嘅係，大排檔都係男人的浪漫，作為屯門人，同班男仔朋友都會成日嚟食，所以比個好評啦。