新金湖海鮮酒家

營業中

休息中

之前天后誕回來幫手，夜晚又來過呢度食飯。覺得食物係唔錯，所以得意帶內地同事今日快閃一日長洲順便嚟呢度食個午飯。基本上都係公道嘅，雖然我哋叫自選套餐食。都有講解自選套餐嘅份量會少啲，尤其是海鮮嗰度。咁所以海鮮嗰度瀨尿蝦就另外叫$298斤。中型size呢個價錢有少少貴，不過炸得幾脆，速殼都食埋。炒青菜同埋乾炒牛河都係另外叫嘅，個牛河幾有鑊氣，但係佢比太多牛肉太少粉，啲同事覺得唔夠飽😂。教返其他食物先，個椒鹽人魚都幾彈牙，將瞓唔算厚個南瓜骨都好香口又夠熱辣辣，可惜南角落得唔夠多，如果再落多少少就正啦。豉椒蟶子同埋辣酒煮花螺佢話同正價小菜份量一樣，咁我就覺得個花螺就偏少咗啲啦，好彩喺自選套餐裏邊嗌同埋啲花螺好似溝咗唔同種類同埋啲肉有少少唔新鮮，如果下次食嘅話可以skip。個蟶子雖然係細隻嗰款，但係都幾好肉，可惜個醬太杰身，有少少似漿糊咁。咁扇貝嗰度跟餐係有五隻，咁加多一隻都係$25都係叫正常價錢，粒元貝都幾鮮甜撈埋啲粉絲蒜蓉一齊食真係一流。食飽飽再望掛喺上面㗎橫額，先醒起有個芝心丸冇叫，我記得嗰個真係好好食，下次一定要再食。

我哋一行24個同事，連鬼佬同上海老闆都讚不絕口，食物新鮮又大大碟. 我哋食唔晒，打包咗乳鴿，咕嚕肉的同炒飯返屋企，隔咗幾個鐘，家人都仲話好好味地方都乾淨（洗手間就一般般😅）老闆友哥超好人，員工友善。推介

無諗過三年後變化咁大，D野難食到極點⋯⋯😭餸菜價錢平均$90，埋單無啦啦每人收多$10服務費⁉️🙈🙈無標明一直為炒飯而來，以前最正嘅瑤柱蛋白大地魚炒飯，今非昔比，飯霉爛唔見大地魚，單點$88極之不值。椒鹽魷魚唔脆，無味，份量少。鴛鴦骨，雪藏味濃，賣相差，見到無食欲衛生差，碗洗不乾淨，個碗捽極都唔乾淨好想撐本地食肆，但真係好難撐得落餐廳老闆，廚師咁無誠意，也很難吸引更多回頭客，無可奈何被騙一次吧⋯⋯

假日到長洲走一趟， 天氣相當好， 決定到海邊食海鮮晚餐。 見到呢間唔係人太多， 就坐低試下。 呢間有散叫或者套餐 ， 諗住簡單啲 ，所以就揀咗個四餸套餐， 當中有唔少餸菜可以選擇 。我地就叫左椒鹽鮮魷， 蒸扇貝， 咕嚕肉， 同埋八珍豆腐煲。 餸菜都幾大碟， 呢個價錢黎講， 質素唔錯。 椒鹽鮮魷魚炸得香脆 ， 味道亦都唔錯 。 八珍豆腐煲幾好味，材料都很足。 咕嚕肉大大碟 ， 好味道相當抵食 ， 但係扇貝就一般啦。另外，男經理態度友善， 好有禮貌 ，招呼不俗。

求其上網睇吓有冇推介，筆者介紹這間新金湖性價比高，所以試吓。首先這間海鮮是離碼頭最遠的，沿途也有超過10間海鮮店鋪。入到去已經預留一張比較大的枱，有足夠凳放東西，每張枱的相隔距離亦相當充足，坐得幾舒服，普洱茶夠熱。我們三個人，點了一個$388的套餐，有椒鹽賴尿蝦，四隻蒜蓉粉絲仙貝，蒸黃立䱽，蒜蓉炒菜心，一個老火湯。另外再加一碟豉椒炒蜆，一支Hoe啤酒，埋單$510左右。椒鹽賴尿蝦比較細隻，食落去冇乜肉，味道可以，始終係椒鹽炒，所以比較鹹。蒜蓉粉絲仙貝蒸得過熟，味道好鹹。蒸黃立䱽質素及味道過得去。蒜蓉炒菜心比較老，唔好食，蒜蓉落得太多比較鹹。老火湯幾好味。另外加炒蜆$98，幾大碟，不過就超級鹹。食完會有一塊蜜瓜送，但唔夠凍。環境可接受但海鮮質素整體感覺一般，食完之後覺得非常鹹，好口渴，或者其他小菜會出色，價錢合理，但在我們來說，幫襯過一次便足夠。

請大家不要重伏！海鮮又霉又難食！瀨尿蝦不是新鮮炸出，一上黎係軟皮蝦！聖子又鹹又霉又有沙，點做到？？仲要特別小心點飲品，留意餐牌價錢！所謂平價海鮮不過如此！老闆真係不憂無水魚～長做長有！

呢排天氣回暖 假日決定同朋友一齊去長洲玩下順便踩吓單車食下大魚蛋 玩咗成日之後夜晚就決定去食海鮮之後先返去中環碼頭 今日我哋就揀咗呢一間 新金湖海鮮酒家 玩左成日 叫返幾個海鮮嚟食下我哋叫咗白灼海蝦，椒鹽賴尿蝦同埋蒜蓉蒸帶子 海蝦都好新鮮 雖然白灼 但我哋都食到每一隻都好鮮味 唔會話有霉情況 所以連埋辣椒豉油食就已經好好味 椒鹽賴尿蝦一開始睇落有少少辣 食落味道都好好 唔會話有太乾嘅情況出現啦 蒜蓉蒸帶子冇乜特別 正常以上嘅水準 就唔會話有特別太大驚喜 最後加咗幾支啤酒同埋個炒飯就食飽

由於有家人住在長洲，所以間唔中都會落去這間海鮮飯點食晚飯，大部分時間都是自家購買海鮮再取到飯店加工，海鮮品質有保證 。但今次人少所以選擇店內的經濟7餸套餐，椒鹽魷魚、椒鹽九肚魚、雜菜煲、避風塘炒蟹、咕嚕肉、蒜蓉蒸扇貝，另加蕃薯牛柳粒、鍋貼小棠菜和潮式蠔餅。椒鹽九肚魚和椒鹽鮮魷炸得很香很好味，外皮沒有想像中咁厚，但避風塘炒蟹就有啲失望，可能係套餐所以隻蟹嘅size很細，肉質也不是太鮮嫩，蠔餅也不是想像之中的潮式蠔餅，蠔肉有少少腥唔好食，番薯牛柳粒和咕嚕肉做得很好味，整體食物都可以。

𝒞𝒽𝑒𝓊𝓃𝑔 𝒸𝒽𝒶𝓊 #行過好多間海鮮舖，價錢都差唔多，於是入去呢間試吓，諗住冇咁多人，但係人手實在太短缺，不斷揮手落單都冇人過嚟，嘢食　於都等咗好耐，最終取消埋個手撕雞😿今次試左：1-豉椒炒蟶子2-蒜蓉粉絲蒸扇貝3-豉椒炒蛻開價海鮮價錢嚟講都唔算太貴，三款248，四款328，五款408 。如果服務態度再好啲就好點了，希望可以增加人手改善問題🤍📍 新金湖海鮮酒家 (長洲)長洲北社海傍路9號A地下#foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃貨#香港美食 #吃貨 #吃貨女孩 #吃貨日常

星期六去長洲一遊，到晚餐時候，見這餐廳坐著不少客人，以為值得一試，但結果中伏，兩人用餐，點了海鮮套餐內的四款海鮮 - 避風塘炒蟹、辣酒花螺、椒鹽瀨尿蝦和豉椒聖子，絶對想不到，每一款的海鮮都係死去多時的下價貨，蟹肉更是［梅］的，中伏！！

呢餐又係上年食嘅，記得係聖誕節最後一日假期，當日落大雨，所以間間餐廳人都唔多。我同朋友二人去咗新金湖海鮮菜館食，位置係碼頭附近嘅餐廳，佢距離碼頭係最遠嘅。叫咗個6款海鮮小菜餐，都係4百幾。呢啲餐嘅海鮮唔好預係新鮮，每款都係細細件，不過起碼味道煮得ok。蟶子，鮮魷好野味。雜菜煲同欖角醬爆骨份量勁大份。開邊蒸蝦就少少霉。

性價比：⭐️⭐️⭐️回頭率：⭐️⭐️⭐️（五⭐️為滿分)疫情嘅數字大幅回落，當然去遊山玩水同埋食吓晚飯。趁着假期去咗長洲，知道多人都早啲食飯，之前人哋教，買海鮮當然係去街市買再拎去餐廳加工，但因為朋友係長洲人，所以佢介紹呢一間。芝士焗龍蝦伊麵底龍蝦最好食嘅方法一定係芝士焗，再配埋伊麵底索晒啲龍蝦芝士汁 🤤🤤🤤🤤🤤蒜蓉粉絲蒸扇貝發明用粉絲蒸扇貝嘅人真心勁粉絲吸晒啲蒜蓉海鮮味同埋豉油簡直無敵仲叫咗椒絲腐乳通菜同埋欖角骨質素正常，普通大排檔嘅質素

嚟長洲點可以唔食海鮮今次我哋入咗沿海一間海鮮酒家【新金湖海鮮酒家】我哋點咗一個三餸餐(💰$243)ღ椒鹽鮮魷ღ🦑即點即炸，香口、好味！食得到鮮魷口感，唔會係一大啖炸粉！推介🤩ღ蒜蓉粉絲蒸扇貝ღ🐚正常味道略嫌扇貝太細粒ღ瑤柱雜菜粉絲煲ღ🍲呢個粉絲簿有少少驚喜第一啖食落去好香蝦米嘅味道而且好足料唔錯唔錯！其實長洲有好多間海鮮酒家價錢其實差唔多食物亦都大同小異要入邊間真係合眼緣不過坐喺海邊食海鮮真係好正

上年同一時間來這裡，叫左同一批食物，本來滿心期望，好可惜，今年水準卻勁下降，碟頭又細哂。其實坐低時見到冇乜客都知出事。首先叫左孖寶之一的蒸開邊蝦，哇，點解縮哂水！真係難為個廚師，可以用咁好刀功，片到啲咁細嘅細蝦米仔，墊底嘅粉絲又碎淫淫，成碟食哂都唔知食左啲乜落肚。孖寶其二係蒸海上鮮，條䱽魚仔係普通街市$30貨色，但反而同舊年一樣，雖然冇驚喜但亦冇乜唔同。個另外叫的海鮮豆腐湯就明顯「渣」左好多，冇嚟魚鮮味或豆腐味。唯一仍然算好食係個外加的鮮墨魚。餐廳長期有一枱煲煙客打躉大聲吹水，又嘈又臭。兩個人一共食左近五舊水，舊年都差唔多，但今次覺得好唔抵，冇下次了！bye bye

昨日一行16人，先往張保仔洞探秘，往五行石打卡。大家都高高興興享受當下大自然風景，盡情拍照。行回長洲碼頭，往新金湖海鮮菜館吃海鮮午飯，早已經訂座及海鮮佳餚。位位都好享用海鮮美食，鮮味、新鮮、滿意。現附上圖片，滋味盡在不言中，請睇相片吧！