新陶園海鮮酒家

營業中

休息中

次次黎都揀呢間，因為好鐘意佢個辣酒花螺 ，味道超好，酒味適中椒鹽瀨尿蝦亦非常出色，唔會死咸😋 撈飯好正楊洲炒飯亦好好食😋炒得粒粒分明鋪頭環境好好，乾淨又闊落👍🏻

因為喺隔籬舖頭自己買咗啲海鮮帶過去加工，所以啲海鮮嘅質素同餐廳無關但係餐廳嘅加工都做得幾好🦀鹽焗奄仔蟹啲蟹膏真係好多 雖然係滯咗啲但係真係一定要食😚啱啱焗完出嚟熱辣辣好好味又唔鹹🦀薑蔥炒蟹啲蟹新鮮炒好入味又好夠鑊氣只不過係鹹咗少少😂稍為失色🦐豉油王大蝦大蝦都幾新鮮炒得好入味😚鍾意重口味嘅人必食！我最鍾意成隻咬因為可以食埋啲皮😂唔好睇佢咁脆但一啲都唔會戒到嘴 特別係啲蝦膏位真係不得了🦪酥炸生蠔生蠔都炸得好酥脆好juicy🐟清蒸黃腳立條魚好新鮮好大條😉佢唔會蒸得太過火🍴豉椒炒蟶子買咗啲大大隻嘅蟶子王，所以炒落就好Juice好入味仲要啖啖肉好夠鑊氣😋🍴白灼東風螺東風螺好新鮮好甜😚

流浮山食海鮮應該係任何一個香港人心目中都係代表了挂，但係貴係真貴，自帶海鮮加工費都會好貴，但係又值得去食既，一魚兩食，魚片炒西芹、炸魚，連骨都炸酥脆，好香口，聖子、膏蟹仔，唔大，但係好多膏，肥美，椒鹽鮮魷，勁大碟，好入味，呢個餸都好餸酒，通風餐閒中一次兩次好啦，龍蝦伊麵，龍蝦係細小小既，呢個就比較中規中矩啦。流浮山食海鮮除左貴之外，應該無咩大缺點，哈哈

今次我就來講下我試過啲海鮮嘅真實招數。首先，啲上湯龍蝦伊面，湯頭鮮甜到彈牙，龍蝦肉滑嫩得嚟又保持住彈性，食落口感無得輸🦞！攞碟蒜蓉粉絲蒸扇貝嚟講吓，肉質爽口，蒜香粉絲吸晒海鮮精華，每啖都令人難以忘懷😋。至於啲炆鮮鮑，我要豎起大拇指👍。汁道完美轉化鮑魚嘅海味，滋味豐富，鮑魚腍滑有口感，不過我覺得鹹香再重啲就攞晒廿分。咪話我唔提提你，呢家店嘅蒜蓉粉絲蒸象拔蚌仔同炸生蠔，真係夠晒夠鑊氣添！蒸象拔蚌粉絲夠味，透着一股地道海味，而炸生蠔外皮炸到啱啱好，蠔肉入口即溶，鮮美得來又保持住彈性，一試難忘。整體嚟講，今次食海鮮嘅體驗真係好正！地道港式處理海鮮嘅手法，真係做到平民化之餘又唔失格調。我會再嚟呢家店嘅！🍽️

今次去流浮山食海鮮試吓新意思，平時都係食開龍蝦焗伊麵，今次試吓龍蝦炒飯，我都係覺得同伊麵夾啲，炒飯同個龍蝦醬汁唔係太夾😂豉椒炒蟶子好大碟，好有鑊氣有冇炒到老，口感好好👍🏻西蘭花炒龍躉肉，啖啖肉🥰魚肉滑，唔會炒到老❤️

朋友返香港去流浮山食海鮮新陶園酒家必食酥炸生蠔（新鮮蠔味香脆，好味到筆墨難以形容）椒鹽鮮尤（椒香野味）豉椒炒聖子 （豉汁好香聖子吾韌）辣酒煮花螺（酒香湯濃）上湯焗龍蝦（龍蝦多肉新鮮彈牙）

I love a good seafood feast and was told saikung and aberdeen are places for tourists. Locals come to lau fau shan. My friend recommended this restaurant and i'm so glad I tried !The crabs and lobsters were huge!!! Not only were they flavourful , even the meat had absorbed the seasoning, yet it wasn't overpowering as you can still taste the freshness of the crab and the lobster. The dessert was also very yummy. Loved the steamed coconut milk, it was sweet and smooth and a great end to the meal.

去到流浮山梗係去海鮮檔食海鮮，呢度嘅海鮮新鮮而且經濟，又多選擇，最後去咗劉勝記海鮮檔買海鮮跟住就去咗新陶園烹調。其實都係住喺元朗朋友介紹，有信心保證。今次第二次嚟，一樣做得出色，澳洲龍蝦抵食，芝士焗加伊麵底，大大碟好夠食。豉油王大蝦，蔥蒜豉油好惹味，愛不釋手。蟶子王粉絲底清蒸，滋味無窮。油鹽焗重皮蟹，爆羔之選。清蒸東星班, 魚肉滑溜，有鮮味。陳皮蒸鮑魚，厚肉好味。酥炸生蠔，流浮山必食啦，大大隻又creamy. 對上一次食咗老虎斑, 二食好正。佢哋門口仲有啲小食，有一部份自家製，可以買啲手信返屋企食。

今天一行十二人齊齊到流浮山食海鮮，因為始終仍一是疫情的情關係，未能放寬與餐人數，所以十二個人只可以分開兩枱坐。進入餐廳内見到食肆陳設、面積都是一般，但與流浮山其他食肆來比較，餐廳面積都算是小。因為友人已一早預定好餐單，所以今餐只要静静坐著等吃就可以了。最先上枱的是炆斑頭腩，炆魚塊味道鮮美，魚肉亦夠大塊夠入味，連魚骨都有味，非常啱我這種喜歡啖啖魚肉的人。再來粉絲蒸扇貝，扇貝肉大粒夠大隻又彈牙，薑蔥舖滿在扇貝上，把醬油汁淋在上面，讓粉絲吸滿了薑、蔥和扇貝的鮮味，滋味無比。燒雞半隻隨著而來，始終是冰鮮雞的關係因此沒有什麼雞味，而雞亦不是燒的是油炸的，所以覺得水準麻麻。豉椒炒蟶子豉椒味很濃，聖子肉亦不算少啖啖肉夠新鮮，而且炒得非常入味，紅紅綠綠賣亦相當討好，夠味之餘口感亦頗佳。鹽焗奄仔蟹，蟹的個頭就略嫌細隻了一點 今次食的奄仔蟹可能不是最好時間，蟹的膏不多，但鹽焗的時間做恰到好處變了吃肉多過吃膏。芝士焗龍蝦伊麵底伊麵分量十足， 六個人根本吃不完，需要打包走，就算是龍蝦一人吃半隻亦覺夠，西澳龍蝦個頭大隻蝦肉又彈牙，最可取的是吃落沒有苦口的感覺。再來是一碟焗金蠔，上枱時已覺金蠔的外表有點黑黑的，

今次我TONY哥同11個人去呢度食海鮮 之前其實食過 但未去過佢話自己宗兄弟開的海鮮檔買料 於是咪試吓囉⋯⋯今次買了好多料 大家一陣自己睇⋯⋯咁我話呢堆海鮮total how much?個店主話一陣間新陶苑會同我計⋯⋯之前我們去開嗰度叫 劉勝記 人哋好均真 即刻比$⋯⋯我心諗 唔同真係識我？大約2個鐘頭食完 於是埋單 E..?點解得2項大數？1/$36502/$6600、$660？於是我問負責人 佢答1/係total煮功2/係買料嘅費用 3/係2只雞咁我追問：我地飲咗幾多支汽水？答：在$3650款項內包埋問：咁你又話只係煮功$？ 而家又話連埋汽水？？（你唔係外賣仔⋯⋯😆😆😆😯）咁 冇計啦 都要pay $…..不過下次我哋會去番 劉勝記買料 因為佢哋比較老實‼️‼️

母親節加埋餐廳食肆限聚放寬，終於可以一大班人食晚飯。一早留枱book 到8點尾場，比起早場6pm食得輕鬆，反而唔洗趕頭趕命趕交枱😌四圍枱32人既菜單：豉椒蟶子脆米粉底⭐️⭐️⭐️⭐️⭐️個脆米粉底吸晒聖子同豉椒既精華，又脆又鮮味，下次一定都要嗌大班兩味 - 炒球炆骨⭐️⭐️⭐️⭐️⭐️ 炆骨超出色，必食！香脆，味道啱啱好，鍾意新陶苑調味唔會太重手，唔會太咸太濃，留到海鮮既鮮味👍鹽焗奄仔⭐️⭐️⭐️⭐️⭐️流浮山必食椒鹽大蝦⭐️⭐️⭐️⭐️炸得鬆脆，唔油，嗰晚相熟海鮮檔中蝦賣晒，如果有中蝦會更出色，因為殼會冇咁硬，可以連殼都食埋。炸台山蠔 ⭐️⭐️⭐️⭐️火喉啱啱好，油溫控制得好，一d 都唔oily, 台山蠔肥美，如果可以配個泰式辣汁，一定可以食多幾隻。每枱八個人，但我地買咗每枱兩桶蠔，好食但份量真係太多🤣油鹽水花甲粉絲⭐️⭐️⭐️⭐️簡單好味咕嚕骨⭐️⭐️⭐️ 賣相ok，屋企人話不過不失（我已太飽食唔落）蒜蓉生菜⭐️⭐️⭐️ 冇晒菜芯，生菜又好甜wor(原來呢度冇牛肉炒菜芯，牛肉要自備🙈）

六斤黃皮老虎斑兩食：炒球啖啖肉鑊氣夠，深海魚皮咬落去簡直係正到不得了，鮮味十足，班頭腩簡直就係香港版Fish & Chips , 外邊脆卜卜入邊10分滑, 真係利是薯片，食完唔好問我幾點，絕對係全晚高潮位，反白眼必需的，而且有老闆娘睇住，10分抵食，最重要係咁大條魚唔係每間餐廳都可以拿捏得咁準繩，多謝老友記赤米配上獨門辣椒油豉油，食完就好似過年食瓜子一樣一粒又一粒你到流浮山冇理由唔食蠔，所以又有糧食，酥炸同埋煎焗，豎起手指公，無言以對食海鮮除咗鴨脷洲、流浮山真係一個必去之地、尤其係呢一間、雖然賣海鮮但係絕對冇海鮮價

呢間餐廳喺流浮山來講，整體環境都非常乾淨，座位闊落，店舖大。自己帶海鮮入去加工，價錢合理。每樣海鮮都處理得非常好。特別係豉油蝦，真係超級好食！飯後有生果及甜品。

今日入咗流浮山食晚飯，見到呢間企企理理就入咗去，之後我哋去咗佢哋嘅海鮮檔揀咗少少海鮮返到去再加工，海鮮有白烚竹節蝦、豉椒炒蜆、花酒煮螺、鹽油焗奄仔蟹♥️第一味係白烚竹節蝦，蝦仔細細隻，可以連殻食之後有豉椒炒蜆、辣酒煮花螺都OK我哋仲叫咗個椒鹽豆腐，都幾好食點知去到隻奄仔蟹，其中出到嚟嘅三隻蟹完全唔似樣⋯我哋明明買咗三隻差唔多大細嘅奄仔，出到嚟係三隻都唔同size，有一隻仲唔係咁新鮮，但我哋揀嘅時候明明三隻係仲郁緊㗎⋯咁我哋就叫咗佢哋過嚟，以下係我哋嘅對話：屋企人：買三隻同樣大嘅蟹，但出到嚟三隻都唔一樣size，仲要有一隻特別細話事人：蟹係有大有細嘅屋企人：但係我親自去海鮮檔揀嘅，三隻都係差不多大細話事人：佢點樣嚟我就點樣拎去整，其實嗰間都係同我哋合作嘅啫（但海鮮檔嗰邊大大聲咁話佢哋係同一間公司，同埋我哋買海鮮嗰陣佢都冇收我哋錢，分明係自己友啦）然後話事人就叫我屋企人冷靜啲，話一係換過隻一係退返一隻嘅錢，即係$95，咁我哋梗係話退錢啦⋯我哋六個人，一共叫咗四樣海鮮，一個金沙骨，一碟油麥菜，一個乾燒伊麵同炒飯一共$1800

呢個星期食咗兩次，一次星期四，一次星期日。星期四嗰次真係煮得好，剛剛熟係最好味，而且有股香氣，係舊時酒家大厨嘅風味，好正，完全冇辜負到D海鲜。椒鹽瀨尿蝦 又香又鲜， 熱辣辣香噴噴 同炒嘅碎料又惹味。青島鮑魚 大大隻 好味，唔似大連鲍咁淋 有D似南非鮑。蒜蓉粉絲蒸大蟶子蒸得剛剛好，滿口蟶子鲜甜，又易咬。白灼花螺，可以食到花螺原味，點甜醬食已經好好味。鹽焗奄仔蟹，焗得乾身熱辣辣。 不過我個人鍾意食肉蟹或者膏蟹多啲。但個海鲜濃魚湯就真係唔得， 一D都唔濃，又淨係得幾粒菜飄下飄下🤪是次外來海鲜$1120, 加工費$400。星期日再食，煮得都Ok嘅，但同上次有距離，都好嘅，但唔係好好嗰種。呢次要一提嘅係炸生蠔，買咗一條裝嘅流浮山生蠔，淡而冇味，係完全冇蠔味，唔知係蠔嘅問題定出水過龍嘅問題。呢次買咗大蟶子，花螺， 重皮蟹，大扇貝，生蠔，海蝦。海鮮來料$960，加工费$560。