影片
以上資料只供參考, 請與餐廳確認詳情
第一次食韓燒食到咁嬲！同男友喺cwb行街行到七點幾，我提議食韓燒。男友一聽到就話要去tst高麗。八點半到達時發現，點解唔使等位，仲有差不多一半空位嘅？Anyways, 之前分別同男友和朋友來過不下十次。事格兩個月，怎麼食物都變得這麼鹹？？？全晚最好吃的可算是墨魚丸和鯖魚。其他東西都咸到出汁！！！仲有，燒到大概四十五分鐘既時候，我地請waitress幫我地更換鐡板(下圖是我們鐵板當時的樣子)。誰知她說了一句，＂重用得架＂就將塊雞扒放上個鐵板到，之後就走行開左。當時我同男友真係呆左@.@最勁嘅係，過左一陣我地聽到後面嗰枱叫人換鐵板，點知另一個waitress 同佢講，＂食韓燒塊板係咁lung架啦！＂跟住又行開左。這間餐廳不論食物質數還是服務都退步了許多呢！最終我倆走的時候都是不飽的>.<
繼續閱讀
新年假期朋友出來聚一聚，結果愛吃肉的男生朋友提議吃韓燒 我之前一共來了這一間兩次，並不是我特別愛吃烤肉，而是身邊的男生都是單純的食肉族 :S 任吃的烤肉怎麼可能被放過呢我們一早訂了台，所以不需要等，可以直接進去在等待肉烤熟的時候拿了一些小菜壽司就普通，不過覺得這一次比之前幾次好一點小菜嘛，我就盡挑自己喜歡的，像是泡菜，蘿蔔，豆芽和菠菜各式肉類都吃了些，味道是ok的，只是本人對大量烤肉不是太有興趣人參雞湯還可以，不過煉奶＋饅頭就不行了，饅頭是冷的而且好硬！最後的涼粉太甜了，感覺好像在吃人造糖一樣
繼續閱讀
約了班朋友食韓式自助燒烤 於是訂定位一行六人來到 都要在門外稍等 等了十五分鐘才入坐卡位梳化 新鮮既蝦 早早沽清 有點失望其他肉類都頗多款式 牛肋骨同牛仔骨是晚較佳豬扒,雞扒味道好咸 肉質較實而壽司檔既壽司賣相差 飯又散 味道唔鮮 其他泡菜,炒飯,炸春卷小食都一般推選甜品 '士多啤梨JELLY杯'美味可口
繼續閱讀
我從沒有寫過食評, 這次破例是因為這餐廳實在太過份, 太沒禮貌, 足使我有這動力. 我們共五人,到逹餐廳後, 很快就點好菜, 之後有一個黑口黑臉, 問他問題他只是點頭示意巳聽到而沒有任何回應的餐廳仕應, 因他送餸時, 是用上半飛半掉的大聲掉下枱. 所以我們對他特別深印象. 但當時想, 下午時份, 60蚊不到的套餐, 唔好要求咁多. 所以並沒有理會或郂意去談論. 到我們只是食到中段, 餐廳仕應就要求我們埋單. 又想, 埋左單都可以食啫. 哈, 誰不知, 以下落o黎是, 不停有人走埋我們的枱上收野, 收無可收, 我食緊的食物, 也想收去. 我忍不住跟他說, 我並未食完. 但這也不能阻止到他們停止在我們的枱上抺枱, 再舖上新餐具的舉動. 我們其中的兩個朋友, 因有點事, 提前離開. 而我巳給他們氣得餘下的食物也沒心情食. 正考慮離開. 但那餐廳在我們還未離坐時, 巳帶了三個新的客人, 座了我們的枱子對面. 這不時茶餐廳, 什麼時候可以搭枱????若我們坐著半天也不走, 也是我們的不對. 但我們食飯時候是12點半, 我們離開時是1點零5分. 他們這樣的經營手法, 真的衰過大排檔. 這餐廳繼續用這方法趕客人走, 遲早也沒有人再幫襯.
繼續閱讀
百零蚊任燒任食的確幾抵，結果要限時食，只可以燒個半鐘，原本你情我願冇問題，但係呢間啲侍應，未夠一個鐘就拎張單嚟叫我賣，都算，賣完單就開始車輪戰式收嘢，最後廿分鐘唔想再燒想食其他熟食啦，班友見你熄咗火直頭連餐具都收埋你！我响銅鑼灣分店未試過咁囉，人太多就開多間舖，唔好催命符咁趕人走吖！
繼續閱讀