新麻蒲 BBQ (東港城) (已結業)

🌟燒肉其實呢間舖頭都有幾多烤肉款式揀 首先講吓牛肉🐮🐮🐮秘製牛肋骨 LA牛肋骨 薄切特級牛舌 牛肩胛肉 呢幾個都幾食好 肉質新鮮嫩滑 調味啱啱好 唔會太咸太甜😚-🌟豬肉🐷🐷🐷豬肉方面都有幾多選擇 招牌護心肉 秘製豬頸肉 大葱烤腸 而小編最鍾意既就係厚切新麻蒲五花肉😋五花肉嘅肥肉同瘦肉比例非常均衡 肥肉嘅部分又唔會過分油膩燒完之後 表面烤得微焦微香 入面仲有柔軟 每啖都feel到滿滿肉汁 配埋泡菜 真係好正🤣其中令我驚豔嘅係烤豬皮 烤豬皮外表焦脆 內部鬆軟-🌟炸雞🍗🍗🍗新麻蒲BBQ今次同NeNe chicken合作✨估唔到放題都有咁多選擇包括原味 辣味 初雪 大蔥炸雞 連新出口味都有 青芥末白群主炸雞每款口味都好好食小編會推薦蒜香醬油炸雞 外皮炸得酥脆 內裡肉質鮮嫩 仲有濃郁蒜香味同醬油香氣令口感更加豐富-總分：8.5/10新麻蒲BBQ烤肉炸雞放題真係冇咩挑剔 質素高 選擇多 性價比高除咗泡菜同生葉免費添加 竟然仲有爐邊蛋 有時食肉食到好膩 食返啖蛋解膩一流🥹 百事同七喜就免費無限添飲 如果想叫其他特飲 就要加+$28

今日好想食韓燒，就係東港城搵左間燒肉店就近食我地叫左1️⃣四人烤肉拼盤💰768裡面有好多肉，啱曬食肉獸，包括1特級霜降牛肉120g2牛板腱160g3秘製牛肋排肉120g 4厚切豬五花肉180g5秘制豬排骨150g6豬護心肉80g7綜合蔬菜🥬我地一致認為牛質素幾好，好有牛味，霜降牛肉雪花分佈很好、牛板腱肉味濃厚，而且肉質柔軟，好食😋另外🐷五花肉燒完油脂豐富好食😋套餐仲包括三款烤物，我地揀左1迷你芝士辣炒年糕2香腸年糕串3芝士栗米辣炒年糕好香辣，好味道；芝士栗米超級香甜、奶香味十足，用黎包燒肉食，好邪惡😈另外仲包括四個飯、四杯野飲，真係食到好飽，完全食唔曬消費價錢：3人💰844.8，人均281.6結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️餐廳名稱：新麻蒲BBQ（東港城）餐廳地址：將軍澳重華路8號東港城2樓225號鋪

店內寬敞,抽風尚可,拼盤套餐不錯,寧靜舒適環境,order了$438豬牛拼盤烤肉套餐,包兩款小食,兩碗白飯/紫菜飯,兩罐汽水,仲有一個特別小小嘅泡菜蛋(依個無限添加),推介可一試

將軍澳任飲任食炸雞烤肉 呢間係我近期食過性價比最高 只係$166/位 將軍澳同大埔有分店 講多無謂 （餐牌睇圖）.新麻蒲韓國烤肉店聯乘NeNe Chicken 推出左任食韓燒‼️每逢周三至周五 $166起任飲任食14款烤雞同十多款烤肉 招牌/韓式甜辣/白郡主/蒜香醬油/初雪/芝辣初雪/大蔥/秘楓糖/大韓廚師/青陽辣椒白郡主/隊長辣/咖喱 / 青芥末白郡主/煙燻紅寶石辣醬⭐️初雪/咖喱😋必點 大量甜芝士粉/咖哩粉⭐️韓式甜辣 😋叫韓式炸雞必點 ⭐️大蔥 😅只係原味 加左蔥絲 小普通 唔建議👍🏻雞肉仲要唔乾 咬開有汁 可睇圖.燒肉都多選擇 但我最鐘意係⭐️秘製豬皮 😋重醬汁 燒到皮位金黃色超正⭐️厚切新麻浦五花肉 😋韓燒冇可能唔點五花肉 勁厚👍🏻其他 護心肉 牛舌 豬頸肉都唔錯.甜品得一款 唔提啦飲品得 七喜 百事only加$38任飲韓國啤酒加$28 任飲水果梳打加埋都只係$200.呢到黎到晚市唔多人 空間又夠大爐邊蛋食少少就好 唔係重點雖然keep住狂食肉 會好快飽但始終唔貴 食肉獸應該幾易回本整體性價比高 會回頭攰 簡單紀錄住咁多先.#hkfunfoodrecord窮遊香港#hkfunfoodre

接駁地鐵站，享有商場之便，以及在OpenRice網上訂位，非常適合快閃朋聚。 首先，泡菜爐邊蛋是韓燒賣點之一。隨後奉上四小碟：泡菜、蘿蔔絲、海帶以及涼拌薯泥。味道非常一般，泡菜、蘿蔔絲都偏乾身；海帶的白醋味較為濃烈，稍有過酸；涼拌薯泥一言難盡，泥蓉十分濕潤及稀爛。但是，作為不額外收費，份量十足，還可以任添的條件下，是沒有太大感想。 1) 韓牛豬肉組合包括有：韓牛西冷、牛板腱肉、特選黑毛豬肋排肉及護心肉。牛肉的質感、新鮮程度明顯比豬肉來得更好。然而，黑毛豬肋排肉亦有少許驚喜。個人建議將其烤得微微焦脆，會保留肉汁，又保持爽彈的口感。 餐廳將各種韓式料理都放置在餐牌之中。雖然每款菜式味道並不是達到極致，但是能提供炸雞。冷麵，湯品及煎物等食物，也極不容易。

🔹將軍澳//新麻蒲BBQ🔹人均約$100🔹▫️火山芝士泡菜炒飯 $92超級邪惡，芝士份量都好多，食落去係有少少流🤣但係鍾意食芝士嘅一定鍾意！🥹泡菜有少少辣覺得幾香😛推介推介❤️🔹好飽評語好耐冇食過新麻蒲🤣🤣以前有好多間分店！以前返學嘅時候成日食套餐三送一，四個人一齊食lunch係啱啱好！估唔到而家仲有keep住呢個優惠😍而家睇返得返兩間🥺🥺好好珍惜😝🧠回頭指數：8️⃣🧏🏻‍♀️打卡港女：7️⃣🌬冷氣溫度：7️⃣🚽廁所評價：6️⃣🧾性價比呢：7️⃣

呢度 tea time 時間無咩人，大把位俾你坐🧎🏻‍♀️$38 有3件炸雞好抵食香脆可口，無骨，啖啖肉原汁原味，有個酸酸甜甜嘅醬汁俾你點吓食完會想叫多碟再食😋$58 火山芝士泡菜炒飯每口濃郁芝士伴蛋好惹味，好開胃，食到飽咗都唔知🙈呢個好味到，我哋叫多一個拎返屋企食服務員幾好，話無得外賣，但佢話可以叫咗先，再俾個盒我哋打包走🏃🏻‍♀️如果想慳埋晚餐，建議可以叫多幾樣拎走做晚餐😋

燒肉質數平民得黎有質數 ，最愛食牛肩位肉汁多又香重牛味！，燒肉旁邊位有蛋夜，有得食泡菜蛋，好過癮，有時lunch都會食佢地 好多選擇 必須之選係佢哋既石窩牛肉飯同豆腐湯，係我中意既味，豆腐不算太辣太小小甜味，最重要價錢平！

環境／設施－每個爐上邊有抽氣扇，所以全場唔油煙，又多款燒肉、熟食和飲品選擇特色－4小碟及泡菜爐邊蛋任食，勁開心，好開胃評分－🌟🌟🌟🌟6點去到無乜人，位置任選，坐低叫餐就送來4小碟我地點了士多啤梨梳打，柚子味真露，皇牌牛肉組合，海鮮煎餅，全部都好好味😋😋（1）士多啤梨梳打-調配得好好，梳打同士多啤梨糖漿比例剛剛好，小朋友好開心好鍾意飲😍（2）柚子味真露-韓燒絕配，真露👍👍（3）皇牌牛肉組合-牛，全部都係牛，唔同部位，煎出來有不同口感，有極級霜降牛、秘制牛肋排肉、秘制牛排骨、牛肋骨、牛板腱肉，我最鍾意食牛肋排肉，煎出來好有牛味，油脂分佈比例又剛剛好，食落口唔覺漏又有口感😋😋😋（4）海鮮煎餅-好足料，又香口，未燒好嘢牛之前，可食住等😂

💛❤️🧡瘋狂食泡菜爐邊蛋🍳前菜任添 蛋蛋任食食韓國嘢總係離唔開泡菜，估唔到連爐邊蛋都有泡菜😛酸酸辣辣嘅味道，啱晒夏天啦🤤💚前菜💚 任食一坐底，店員會送上各款前菜🥢有泡菜、海帶、雲耳、薯仔絲🥔樣樣都咁開胃，食完可以refill🫶🏻❤️皇牌牛肉組合❤️ $408入面有4款牛肉，有👉🏻極級霜降牛100g、秘製牛肋排肉80g、秘製極級牛排骨80g、L.A.牛肋骨100g、牛板腱肉100g，牛肉好新鮮 燒完肉味濃郁🥩最鍾意佢嘅極級霜降牛，油花分布完美🤤另外都好欣賞佢哋嘅秘製醬汁，將牛肋排肉、牛排骨，醃得入味又唔會喧賓奪主🔥🤎牛胸肉大醬湯🤎 $78湯料豐富，片片豆腐 片片牛胸肉，令湯底更香濃！大醬味道鹹香又鮮甜，同白飯好夾！🍚💛泡菜爐邊蛋💛 任食爐邊蛋好滑好香，食完可以向店員示意加添，店員效率都好高，唔會等好耐！🍳依度嘅嘢食都係足料大大份，份量都適合分享🤤唔夠嘅，可以瘋狂refill佢嘅前菜同埋泡菜爐邊蛋呀！😛BTW記得save post，方便向店員查詢有關菜式啦❣️📍新麻蒲 BBQ📍將軍澳坑口重華路8號東港城二樓225號舖

父親節大家同左爸爸食飯慶祝未呢？🥰 我哋就去左新麻蒲食佢啲嘅4人 Family Butcher Box啦😋 好耐無一家人去食韓燒 呢個餐真係好豐富丫😍前菜同爐邊泡菜蛋都係任食架😆 4人豪華燒肉套餐有一個好吸睛嘅燒肉盒 入面有8款燒物🤩 包括招牌護心肉 厚切五花肉 特選黑毛豬肩肉 薄切特級牛舌 LA牛肋骨 秘製極級牛排骨 蘑菇拼盤同頂級芝士豬肉腸🤤 我哋最鐘意食就係秘製極級牛排骨同埋招牌護心肉 韓燒嘅肉醃製左特別好食 甜甜地 香口美味😋 另外頂級芝士豬肉腸質素都好好 咬落啖啖芝士汁 好juicy👅除咗8款燒物 另外仲有主菜3選2 我哋揀左石鍋牛肉拌飯同牛肉炒粉絲🤩 石鍋牛肉飯配嘅甜辣醬真係幾好食 味道岩岩好 留左少少點五花肉都好正😆 牛肉炒粉絲彈牙 甜甜地都唔錯😋飲品可以揀4杯水果梳打或者一支米酒 食燒肉特別想飲有氣嘅飲品 我哋就揀咗四杯梳打😍 分別揀左檸檬 熱情果 蜜桃同西柚🍹 檸檬真係必點 超清新👅 呢個4人餐真係好豐富呀 食到一家人攬住個肚走🌟

今日掉低男朋友自己去咗食韓燒🤭因為真係好耐冇食過燒肉啦😍近近地我就去咗將軍澳東廣城食「新麻蒲BBQ」啦😚新麻蒲係No.1韓國最大燒肉店集團✨ 而且仲係特式「爐邊蛋」始祖😚 品質當然有保證😋 餐廳裝修都幾寬敞，職員帶我入坐之後就奉上餐前小食😋 餐前小食有泡菜，用麻油醃製過嘅海苔同木耳，仲有薯仔絲添💕佢個木耳好好食❤️未上主菜已經比我食哂一碟😙之後職員會奉上生菜🥬同整爐邊蛋🥚蛋入面加少少泡菜，令到蛋食落口感更豐富😙之後我叫咗一個皇牌牛肉組合，佢總共有4款嚴選牛肉，分別係極級霜降牛，秘製牛肋排肉，秘製極級牛排骨，牛肋骨同埋牛板腱肉😚無論係食肉獸定係牛肉愛好者都必定要試啊❤️另外我仲叫海鮮嫩豆腐鍋😚微微嘅辣味真係好醒胃❤️而且配料真係又足又多，啲蝦仲幾大隻添❤️超級滿足啊

同屋企人嚟新麻蒲食韓燒，叫咗個2人份量嘅燒肉餐🥗前菜有泡菜,木耳,海帶,薯仔另外有生菜比我地包住啲肉食🥬燒肉附送爐邊蛋，爐邊有泡菜，可以撈埋蛋一齊食🍳🥩皇牌牛肉組合$408極級霜降牛100g,秘製牛肋排肉80g,秘製極級牛排骨80g,L.A.牛肋骨100g,牛板腱肉100g整體牛肉醃製的味道好好食😋最鍾意食牛排骨同牛肋骨牛板腱肉有口感，偏厚身，霜降牛偏薄身🦐海鮮嫩豆腐鍋配白飯 $58海鮮份量多,湯微辣,撈飯食好夾😋但係覺得豆腐鍋啲豆腐太少,唔夠喉😆😆

•新麻蒲BBQ🍢🥩🍖Shin Mapo BBQ 將軍澳韓燒烤肉店🔥🧡🧡🧡🧡🧡～～～～～～～～1️⃣皇牌牛肉組合($408)＊內含4款嚴選牛肉，牛魔王必試😌😌😌分別有極級霜降牛100g、秘製牛肋排肉80g、秘製極級牛排骨80g、L.A.牛肋骨100g、牛板腱肉100g，睇個樣都勁豐富同吸引😋😋😋一次過試齊咁多款牛👍🏽👍🏽🤤🤤🤤＊極級霜降牛油脂分布極重，咬落去爆油出黎🤤🤤🤤係油膩之選😛😛😛但筋位比較多，好難咬同吞😂😂＊牛板腱肉就係小編最愛，油脂分布無咁多，肉味都係咁香😌😌😙😙😙整體黎講所有肉都醃得好入味，掂埋個醋汁酸酸咪咪咁可以解膩🙂🙂＊另外燒烤附送埋爐邊蛋🍳🥚爐邊有泡菜碎，員工上爐時會倒蛋漿落去，樣樂吸引但食落啲蛋好鞋口好老🙈唔知係咩原因😮‍💨(Score:4/5)·2️⃣牛胸肉大醬湯🍲($58)＊大醬湯都幾香牛味，入面有金菇、豆腐、芽菜同幾片牛肉，個湯微辣，但幾惹味，撈飯食一流🍚😌👍🏽(Score: 3/5)·其他：＊韓式餐廳又點少得前菜，前菜有泡菜、木耳、海帶、薯仔絲同埋生菜，生菜🥬係包住啲肉食無咁油膩，但衛生程度有待改善，攞起塊菜就有蚊飛出嚟，夾起泡菜都有隻蚊走出嚟🙈＊除左烤肉，仲有炸雞🍗

唔知大家今日母親節點過呢🌸？草根2姐妹同媽媽去咗食燒肉🔥🍖點咗個新出嘅4人餐，share俾大家參考吓先😚🫶🏻。分量都真係多好多，夠6個人食，限聚令而家放寬到8人，可以約埋一班朋友去食😆。.📍Family Butcher Box 燒肉套餐($888/4人用）呢個4人餐包8款烤物同2款韓式主食另外可以揀4杯水果梳打/米酒1枝🍶坐低先送上4款前菜食住先.今次嘅肉大部份都醃咗，食落甜甜地好啱我哋口味呢個餐有齊豬肉同牛肉🐖🐂，7款肉1個蘑菇拼盤肉質軟腍幾好食，冇筋又唔會太肥五花肉同牛排骨超厚切😍份量足又夠吸睛牛舌有𡁻頭唔會太韌👅，芝士豬肉香腸都好正🧀另外仲提供泡菜爐邊蛋🐣同生菜🥬.主食3選1，我哋揀咗火山泡菜炒飯同牛肉炒粉絲粉絲煙韌味道偏甜，不過牛肉嚡口🐃 泡菜炒飯一定要撈埋啲蛋趁熱食♨️微辣加上芝士真係好惹味🫶🏻成個餐分量好足食到勁飽❤️‍🔥🔻厚切五花肉Pork Belly (180g)🔻招牌護心肉Pork Skirt Meat (180g)🔻特選黑毛豬肩肉Black Pork Shoulder Butt (150g)🔻薄切特級牛舌Sliced Ox Tongue🔻L.A.牛肋骨L.A.Galbi