新麻蒲 BBQ (新都會廣場) (已結業)

已經很久沒有吃燒肉，今日決定放縱一次相約友人來到了位於新都會廣場的新麻蒲。我們點了個牛肉套餐1(2人套餐)，套餐已經包括了多款開胃前菜，例如泡菜、紫菜、芽菜、洋蔥等，以及1份部隊鍋。部隊鍋有午餐肉、香腸、肥牛、年糕、豆腐等配料，更備有爐火滾起公仔麵，熱辣辣非常暖胃。肉類方面包括有1碟特級霜降牛肉拼秘製牛助排。霜降牛肉，油花分布平均，肉質嫩身。牛肋排經醃製，帶甜味而且充滿油香，切成一口size，方便食用。另外1碟LA牛肋骨，牛味香濃。除了牛肉，套餐亦包1碟雜錦拼盤。拼盤有大蝦、豬肉腸、蔬菜類和年糕，非常豐富。大蝦新鮮肉質爽口，年糕經烤烘外脆內煙韌非常特別。還有滑溜溜的爐邊蛋。此套餐並不包括飲品，我們分別點了藍天檸檬汽水和青檸柚子梳打。

近排因為疫情關係, 大家都無乜心機, 而壞消息總是接踵而至….唉…人生無常! 日子總要過, 路總要行, 希望大家都身體健康! 相約韓烤, 都有好一段時間無 BBQ! 來一客牛肉套餐! 包括霜降牛肉, 秘製牛肋排, LA 牛肋骨, 韓式什錦拼盤 (有年糕, 菇’sss, 芝士豬肉腸, 蝦, 脆肉瓜! 再加一個牛肉部隊鍋, 爐邊蛋及前菜任食, 看似好少, 但實質份量不少, 非常飽! 牛肉滿有肉味唔靭, 燒時油脂流落盤, 好肚餓!!! 當牛肉燒得甘香再夾生菜, 就算不沾醬料依然夠味道! 蝦大大隻, 雖然係雪藏蝦, 但無雪味! 燒年糕外層卜卜脆, 內裡煙靭, 好得意啊! 部隊鍋用上韓國麵, 大量大蔥, 年糕, 午餐肉, 香腸片….成件事好滿足! 湯底下有少少泡菜, 整個湯辣辣的不嗆喉! 註: 店員服務好貼心周到, 不是走來睇睇有冇需要幫手, 但又唔會打擾客人, 讚! 

今日年初二，外邊冷青青完全沒有過年的氣氛，突然想食泡菜，冷麵果d, 又醒起葵芳呢間店有開門就來食。今日店內人唔太多，侍應生們都好好帶了口罩去服務大家，值得讚賞。一座低就拎左四小碟前菜， 分別係泡菜，青瓜，豆腐和芽菜， 我特別喜歡他們的泡菜味道一流。今日只點了一個烤肉配冷麵加酸梅汽水。烤肉送來時，睇落乾了一點，但食落就唔錯，有dd淋，冷麵係我鍾意食的款式但就覺得入面有酸羅白唔太配，反而多一點雪梨會仲更加好食。 杯酸梅汽水好一般，下次飲其他。

今次食既依個係ss1既牛肉套餐 當中既食材同份量吾會太多，岩岩好夠2人食包括有特級霜降牛肉100g 依個牛肉不得了 據說係由廚師親自嚴選最好既牛肉，只會從中挑選出百分之五既A++鮮肉，另外仲有秘制手肋排，手肋骨，特級韓式雜錦拼盤（年糕，蘑菇，烤肉香腸，大蝦） 由於佢會分開炭燒同湯 所以想要香口野味既 就選擇燒 而有d食材適合落湯既(年糕) ，咁就非常適合放入湯度慢慢吸收精華冬天最適合就係對住個煲，又暖身又暖胃 慢慢食到夠鐘先走都完全吾係問題，加上爐邊可以無限加蛋， 雖然大約要等15分鐘先熟，但好味香口程度絕對會令你不停追加。

好耐都無食韓燒，但又想食埋其他韓式料理，咁啱朋友話呢間唔錯，都正正常常的菜式選擇種類還好，想試唔同嘅肉，最後揀左2人套餐，睇落都幾豐富，有海鮮，幾款唔同味的肉，鮮菇，同細小份量的部隊鍋。先講下配菜，去食韓國菜，配菜都係主角嚟咖。不過呢間就款式簡單，辣泡菜，涼拌綠豆牙和洋蔥。講番海鮮同肉，份量就啱好，唔要求肉要好高級，但如果加埋五花腩就完美無瑕。其實有少少鐘意個拉麵鍋，材料恰好，我地2話不說就清晒整體份量足夠小胃口的女孩👧，不過大食的話就...p.s 食韓國菜點可以唔飲小小啤酒，個人喜好😊

新麻蒲 #葵芳兩個人去嗌左個二人牛肉套餐，抵食得來質素又唔錯！二人肉套餐包括有特級霜降牛肉100g、秘製牛肋肉120g、LA牛肋骨120g。另外仲有個雜錦拼盤，包括年糕、蘑菇、芝士豬肉腸、大蝦。咁都不特只，仲有埋個部隊鍋，入面有肥牛、餐肉、紅腸、年糕等等。另外仲有少少海帶作前菜，另外仲有啲洋蔥、香蔥、芽菜俾你整生菜包。仲有任添嘅泡菜爐邊蛋，包保兩個人食一定飽！啲肉嘅質素都幾高，雪花分布平均又靚。雖然部隊鍋入面嘅材料份量唔算好多，但係當食個公仔麵送牛肉都唔錯，同埋啲路邊蛋撈埋落個一齊食都好正！店員服務態度仲好好，當日我朋友着緊白色衫，佢哋主動提供圍巾俾佢！味道: 4/5性價比: 4/5

天氣開始轉涼🥰又係韓燒時間🤤🤤🤤·🥩今次第二次黎食牛肉套餐🤤最鍾意套餐咩都有，岩哂樣樣都想食既我·🥰3層架頂層有大蝦🦐豬肉香腸同埋年糕；蘑菇🍄中層同下層都係牛肉🥰霜降牛肉；牛肋骨；牛肋排🤤配埋泡菜；爐邊蛋🤤好開胃！最鍾意牛肋排，醃料醬汁帶甜度，提升口感🥰·🥘部隊鍋.🤤晚餐唔食澱粉質真係爭咁d野～加埋部隊鍋剛剛好！·📍新麻蒲葵芳興芳路223號新都會廣場L1層185號鋪

平時英式三層下午茶就食得多今次食韓式三層燒肉肉下午茶🥩🥢 之前都有食過..係坐得幾舒服抽風又做得好..唔會大油煙食完唔會一陣味😜😜😜😜叫左SS1牛肉套餐鐵板既一邊店員落左蛋醬,慢慢煮熟個SET係以三層架上有蝦,少少蔬菜,冬菇,腸仔等中間有霜降牛肉🥳肉味香濃下層就有牛肋排 🐮🐮🐮🐮牛肋排脂肪分布平均，而且味道都好好燒肉可以夾埋生菜，醬料同埋泡菜一齊食鐘意食生蒜既朋友仔可以問店員拎另一邊既爐就煮緊部隊鍋入面有麵啊,韓式年糕,肉,午餐肉等好滿足..好飽💖💖💖💖另外見到佢旁邊貼住個幾得意既餐牌係韓牛蛋糕🎂🎂🎂🎂🎂如果朋友揀生日都可以嚟呢一度慶祝

出世左咁多年，其實成世人一直都未食過韓燒，所以今次探朋友，都想試下食下午市韓燒，聽講新都會開左間新韓燒餐廳，所以特登黎試下。依間餐廳就係天仁隔離，隔離仲有間係韓式烤雞既Nene chicken，可以比人任君選擇，幾好等左一陣我地就有位，入面多數都係卡位，我地兩個人食，都有六個人既卡位，好Spacious好闊落，私隱度幾高，值得讚!然後我地睇一睇Menu，都有幾多花款，有午市既飯餐，亦布D燒肉Set，又有D散叫既燒肉食物，又有甜品，又有酒飲，好正，睇Menu都要左陣時間呀。但店員都唔會催我地，幾值得讚。韓式Menu!幾特別既係佢有個韓牛蛋糕，岩晒食肉獸!諗完一輪，我地都係決定食牛肉套餐Ss 5($408)，有豬肉、牛肉、海蝦同菜，而且有個部隊鍋，都係我想試既韓食。想叫左兩杯野飲，一杯藍天檸茶同一杯柚子Soda。韓式餐具，小心辣口~落左單無耐，店員就比左D前菜我地，只係前菜都有六樣，仲可以無限Refill，真係不得了!圖上面左邊起係芝麻醬沙律、韓式醬+芽菜同生菜圖下面係昆布、生洋蔥同泡菜。全部都好好食!仲可以係咁Fill，當然我無咁做啦，因為仲有好多野食店員然後拎左個爐，係爐邊加上蛋漿，有

今日去哈佬喂，出發之前就餐勁嘅，費事入到去被人”湯”。於是去咗新都會果度搵食，行咗一輪就比新麻蒲BBQ吸引咗去，佢門口menu大大塊好容易睇。等咗一陣就入咗去，門口望落好似有啲細，不過入到去都幾大，而且啲位好闊落，全部都係卡位，有梳化，唔使坐木板凳/鐵皮凳咁逼澀。本身諗住叫個午餐就算，但係諗住放棄今晚果餐食飽啲，所以就叫咗個二人餐，牛餐套餐1。未叫之前其實店完已經送咗啲前菜來，所以一路食一路睇。叫完個餐無耐開始上送，先來嘅係套餐前菜。哈哈，又有前菜食，呢餐唔飽都幾難，店員重問我地要唔要添前菜...講返前菜，一開始有泡菜，海帶同生洋蔥，每樣都好好食，清而不淡，泡菜唔係太辣，我諗係譚仔嘅11辣，係一個對食得辣嘅人黎講唔存在嘅級數，對我黎講數接受到。之後set爐，因為個餐送爐邊蛋，set爐果陣set埋同上餐前前菜。同一開始果啲大有不同，又係啲似，有沙律，生菜同辣醬大豆芽。沙律隻汁好似溶咗嘅芝麻雪糕咁，好香甜，好新鮮嘅配搭。 大豆芽撈辣醬好似食泡菜咁好爽口，開胃。生菜最後我地拎咗去烤嘅... 食前菜期間已經上埋肉果啲同部隊鍋，太多野了，無遐兼顧啲肉，就開中火將佢地圍起爐邊慢慢烤，再食其他野。佢

經常中午黎哩間食，依家中午做緊優惠，有3送1，即係4個人只計3份餐，好抵了仲有4款不同的前菜，前菜可以無限添加新麻浦部隊鍋：都幾好味，一個人食都好飽伴冷麵/冷麵：伴冷麵係辣嘅，面相對會再軟熟小小。冷麵係唔辣，口味會清淡D，面會爽口小小，個人係比較偏愛食冷麵，覺得真係好好食，我會加醋及加不同的前菜拌著面食，泡菜同面一起食，再黎一啖肉，正啊牛肉湯：會配一碗白飯，湯裡面有牛骨同粉絲，食完都幾飽嘅溫馨提示: 如果覺得冷麵比較淡口，可以考慮加不同的前菜，特別泡菜，青瓜伴著食，又或者可以試下伴冷麵，味道本來都好足

收工前突然好想食燒烤野，無啦啦得兩條友點搞呢，諗起葵芳有間韓燒，有我最鍾意食既燒豬皮護心肉，五花肉，牛仔骨，豬皮落左單後好快店員就上前菜同醬料，之後就落蛋漿係爐邊條坑，等熟左就可以用匙羹畢起黎食，前菜，生菜，蛋漿都可以無限添食，食晒叫員工加就得，豬皮剪開細舊啲點黃豆粉食，豬皮好Q彈點埋黃豆粉會無左豬皮既油膩感，而其他既肉都好好味，一啲都唔會覺得雪死左肉質感覺，燒好用生菜加配料洋蔥包住食，正呀喂！

Lunch Set 都幾划算，買3送1 得3個女仔都要照食4個餐啦 首先會黎三款前菜，泡菜&海帶&洋蔥蔥。泡菜味道幾好，辣度剛好又爽脆。海帶就甜甜地，洋蔥蔥就無試到。叫左一個 $118 既燒烤餐，牛肉+豬肉各80g 大約有7,8片左右，兩款肉都有事前醃製過，帶有甜味，覺得牛好食過豬，因為豬實在太多位係肥膏，最衰無得轉做全牛 哈哈爐邊有泡菜蛋，熟得勁慢的，食到最後先熟，味道比較淡，要另外點下醬，先有返 d 味。全州拌飯，鍋既保温效果幾好，翻拌後都有飯焦出現，冒熱，非常正，加埋個辣醬，成個飯無得輸，幾岩我口味 呢個 $92 係牛排骨燉湯無得彈，牛排骨燉到好淋，好輕易就骨肉分離，拆散左人地骨肉都唔太好意思想提一提係個年糕，勁淋，連個年糕都燉到甜甜地第4個餐係海鮮泡菜豆腐湯，不過唔記得左影相入面 d 料都好豐富既，有海鮮，泡菜，豆腐，哈哈 XD海鮮就係蝦同埋貝殼類，份量都 Ok 既，夠一個女仔食飽。飲品方面，就比較差 d ...叫左酸梅汽水，伏味濃，同事話唔好飲，好怪雞。柚子青檸梳打水就正正常常咁。加埋都係 $321 , 如果4個人食係抵食既！除左飲品唔掂之外，食物味道係唔錯的！有機會下次再來

今日去咗這間餐廳BBQ，睇到個菜單好多選擇，最終揀咗我最鍾意食嘅五花腩。嚟到之後，個五花腩有三大塊，而且都幾厚肉，幾足料下嘅。系度BBQ佢會包埋啲前菜啊，好似有韓式泡菜，沙律等等個五花腩燒完嚟食之後，嗰個脂肪比例都幾好，咬落去好軟身，另外佢包左啲生菜，我都用生菜包咗好多五花腩，韓式嘅甜醬來食。另外我仲叫咗兩隻大蝦嚟食，呢兩隻大蝦燒到個殼有少少黑黑地先來食，就剛剛好，爽口彈牙另外我仲叫咗杯熱柚子茶。坐嘅位置呢度有好多卡位啊，所以坐得都比較舒服嘅。

星期六去咗呢間餐廳食野，噉我下午三点鐘去到呢間餐廳，店員安排左我坐一張四人梳化位，張枱好大，坐得自坐。睇完菜單之後，我就點咗點咗一個春川烤雞，呢個春川烤雞嚟到之後，原來佢係有雞翼同埋雞扒，噉於是乎我就即刻燒嚟食啦。我發覺呢個雞扒醃製嘅味道剛剛好啊，有少少甜甜地，咬落去好軟身啊。有陣時燒牛或豬的時候，燒完之後食落口會有少少硬嘅，但係如果你燒雞嘅話，就絕對冇呢個問題囉。另外我點咗一杯青蘋果果醋，呢個果醋甜甜地，有小小氣嘅，都吾錯呀。噉嚟呢度食BBQ，佢會畀好多配菜你嘅，包括有泡菜啦，一碟生菜啦，畀你夾嗰啲肉嚟食，另外佢哋仲會送一碟沙律俾你嘅，都幾貼心啊，因為食得肉多，都會想食下啲沙律嘅。價錢呢總共140元左右。