影片
營業時間
今日營業
11:30 - 15:30
18:00 - 21:00
星期一至日
11:30 - 15:30
18:00 - 21:00
以上資料只供參考, 請與餐廳確認詳情
影片
相片
【豬扒、滷水豬大腸、鮮牛肉、米線、膠質豬骨雞湯】
+375
+25
食家推介
星期五晚放咗工，同朋友嚟試下最近元朗谷熱話嘅方太小鍋米線，地址寫喺教育路，但原來要轉入條內街度，唔留心嘅話都有少少難搵㗎。七點半嚟到全店滿座，望落個個似係啱啱坐低食咁，唯有出去兜個圈再返嚟啦，大概七點十左右返黎，今次就好啲喇，有兩個門口位唔使等😆店內係寫紙仔落單，湯底有六款口味同一款乾撈，餸選擇唔算多，麵底只有米線或紅薯粉，但就有台式特飲，睇下食咩好先。⭐膠質豬骨雞湯朋友揀咗豬骨雞湯，要唔辣的，餸就揀咗爽口牛丸、蟹粉包、同惹味炸雞扒，而個湯底本身已經有芽菜、鮮腐竹、金菇、雞絲同炸醬，上枱時熱辣辣大大碗，湯頭濃郁鮮味，飲落真係會黏住個嘴唇，幾正喎。⭐皮蛋芫荽藤椒湯自己就點咗皮蛋芫茜藤椒湯口味，餸揀咗麻辣巴沙魚片同溏心蛋，但可惜溏心蛋賣曬了。而呢款湯底本身有芽菜、鮮腐竹、皮蛋、炸醬、芫茜同油菜，上枱時已聞到藤椒香，真係色香味俱全㗎。辣度要咗小辣，加埋藤椒麻麻辣辣咁幾惹味，魚片好滑兼且無骨啖啖肉，越食越上癮，最後差唔多飲曬啲湯，正喎😋⭐鴨屎香檸檬茶 & ⭐可樂飲品跟餐有優惠，自己點咗呢個鴨屎綠嘅檸檬茶，茶底幽香，微甜啱啱好👍朋友話佢對台飲冇興，所以踏實啲叫咗罐可樂就算了🤣湯底真係唔錯，下次嚟試下其他口味先。
繼續閱讀
門面似Cafe再望招牌原來食米線見幾多人食 米線控趁熱鬧又去食😂藍白色設計 環境較細容納人數不多但開放式廚房擴大空間感 無乜油煙大 中 小辣 亦有米線 紅薯粉可選每款米線都已有特定配料而芽菜 鮮腐竹係每款必有的有其他餸自由配搭 每款+$𝟖/$𝟏𝟎༯ 惹味炸醬干撈（米線）$𝟓𝟎不愛芫荽直接走青 小辣食落唔辣一上枱見到大量炸醬(˶‾᷄ ⁻̫ ‾᷅˵)餐廳秘製的花椒芝麻醬幾香口咸度剛好但花椒味不太明顯內已有不少雞絲（可以話係雞肉）牛丸+$𝟖 正常發揮咬落爽彈鮮牛肉 +$𝟏𝟎 十分嫩滑軟腍༯ 膠質豬骨雞湯（紅薯粉）$𝟓𝟎睇名個湯底好豐冨好濃飲落都算清甜 味精不太覺膠質感係有但唔重 少失望( ･᷄ὢ･᷅ )個人認為如可走辣 味應該更佳內已有炸醬 金菇 雞絲蟹粉包+$𝟖 以為係特別/自家 實質普通丸川味豬腩肉 +$𝟏𝟎 都幾大嚿😳味濃肉質軟 肥瘦可接受不太膩🍜整體來講好大碗且本身已有配料另唔另再加配餸都好夠食👍🏻+$𝟔有可樂或雪碧其他特飲跟餐$𝟏𝟓 單點$𝟐𝟓༯ 芝士奶蓋炭燒烏龍奶茶深愛芝士奶蓋的我見有當然要試吓口感綿滑奶香 奶蓋略少芝味一般奶茶加分 甜度可以炭燒味濃香༯ 鴨屎香檸檬茶入口香氣較強帶微甘 微酸而不澀感覺卻少了份茶香◡̈ 以上食評乃個人意見僅供參考◡̈ 價錢僅供參考一切以餐廳為準
繼續閱讀
方太小鍋米線位於元朗教育路鴻發大樓地下主打米線以及紅薯粉同埋特飲方太家傳糯米酒糯米酒釀濃醇馥郁同時溫和甘甜配搭芽菜、鮮腐竹、金菇、蟲草花以及雞絲滋補輕盈配料建議搭配鮮牛肉柔軟嫩滑以及炸鮮蝦雲吞薄脆鬆化極濃鮮茄酸菜湯極濃鮮茄混合秘製酸菜酸甜醒胃同時可以選擇酸菜麻辣牛肉或者川味豬腩肉配搭芽菜以及鮮腐竹推薦額外加配滷汁炸大腸肥嫩柔韌以及惹味炸雞扒金黃酥脆宇治抹茶紅豆米麻糬鮮奶米麻糬軟糯同時紅豆蜜甜可以平衡宇治抹茶鮮奶苦澀薄荷朱古力碎碎朱古力濃郁同時薄荷清爽配搭奧利奧餅乾碎口感豐富
繼續閱讀
方太小鍋米線元朗教育路87-99號鴻發大樓地下A號舖元朗大街小巷雲集咗好多美食，今次去咗一間小巷內嘅小鍋米線，舖面乾淨企理，座位唔算迫。多款湯底選擇，自由揀餸。方太家傳糯米酒$55（芽菜 鮮腐竹 金菇 蟲草花 雞絲）配料一啲都唔少，有糯米酒嘅香味幾特別，紅薯粉滑溜彈牙。惹味炸豬扒+$10又脆又惹味，幾好食😋滷汁豬大腸+$10乾淨無臭味，彈牙入味。麻辣酸金湯$55（芽菜 鮮腐竹 煙鴨胸 麻辣巴沙魚片 秘製酸菜）酸酸哋幾開胃，不過小辣嚟講真係有啲辣😆個人覺得呢個湯底好啱配紅薯粉。除咗自選餸仲有鴨胸同魚片，好抵食。惹味炸雞扒+$10炸嘢真係幾出色，肉質保留到唔乾身，好食👍🏻台灣腸+$8有幾條，正常水準。跟餐+$15有特飲，嗌咗芝士奶蓋朱古力同炭燒烏龍黑糖珍珠奶茶過吓口癮。
繼續閱讀
🌟 方太家傳糯米酒米線糯米酒米線 $55 ⭐⭐⭐⭐⭐超正啊！啲糯米酒味香到癲，個湯底好有層次感，飲落去個胃都暖笠笠。米線夠彈牙，唔會太淋，啱啱好！真係抵食！炸鮮蝦雲吞 跟餐加$10 ⭐⭐⭐⭐⭐嘩～真係勁！個皮炸到金黃香脆，咬落去咔嚓咔嚓咁，個聲都已經好正！仲要啲蝦餡勁新鮮，肉嫩多汁，仲有啲碎蝦仔提升口感，鮮味十足！呢個$10真係超值到癲！整體評價：個餐$65真係抵食！又有靚湯底，又有脆卜卜嘅炸雲吞，真係一個字「正」！小貼士：炸雲吞趁熱食最脆 一定要加$10試下個炸雲吞！超抵！ 如果鍾意香口可以加啲辣總結：個lunch真係抵食到爆，炸雲吞更加係驚喜，一定會再嚟！
繼續閱讀