日作食堂

營業中

休息中

同事lunch time過嚟食午市套餐我叫了一個D餐嚟到之後見到啲烏冬細細碗以為份量好少點知都食到我超級飽整體來說不錯⭐️👍🏻下次想試吓魚生飯🩷然後我們另外也叫了一個炸蠔小食🦪好食👍🏻好新鮮熱辣

天氣開始轉涼 ✨呢個時候最適合享受熱騰騰的鍋物咁岩睇到觀塘的日作食堂推出左鍋物 一於試下佢 暖暖身😍😍地下鋪頭好易搵!! 環境好舒服Ah❤️日作波士頓龍蝦海鮮野菜鍋（蕃茄豚骨湯）$270🍱鍋物set 有兩款前菜:四季豆同埋洋蔥 味道清淡~大大隻蒜蓉波士頓龍蝦 搭配豐富的青口、蜆肉😍蕃茄底湯濃郁而不膩 酸甜適中 又幾開胃~~珍珠飯的搭配都非常到位 粒粒分明❤️北海道白金豚肉鍋150g（美肌豆乳昆布湯）$196呢道鍋物選用的北海道白金豚肉 比較少見肉質滑嫩 油脂分佈均勻🥩豬味都幾香美肌豆乳昆布湯的湯底以豆乳為主 清淡得黎又不失鮮味入面有豆苗、菇、紅蘿蔔 好豐富😋茉莉奇異果綠茶 ($22.0)茶香同奇異果的果香交織 清新可口又唔會太甜 正好中和咗鍋物的濃郁🥰綜合水果冰茶 ($28.0)冰茶清爽可口 搭配咗多種水果乾感覺幾清新 ~

成日經過觀塘，行過都對呢間日式飯堂好有興趣，但太匆忙又真係好難黎到座底享受，今晚約到朋友終於可以一嘗芝味。一行到入黎真係冇令人失望，滿滿既復古風，好有舊時代感既擺設，又有啲學校枱凳裝飾，真係好吸引。每張枱都有期待去坐下。佢地主打定食更係唔好錯過，我地點左自家制和牛漢堡伴焦糖洋蔥配月見燒肉汁定食。 黎到個飯冇諗過咁大份。 和牛漢堡好厚身，打爛上面既月見蛋黃一路切落去好精彩。 個飯食黎好焦香，和牛漢堡加埋蛋黃好滑嫩，勁好味。 配埋蜂蜜紅棗茶好養生，滿足既享受。另一個係五目海鮮香濃蕃茄豚肉湯讚岐烏冬定食。 好大隻海蝦，超爽甜。 蕃茄湯好好飲，唔係茄膏開既，好足味。 而且都好多蜆，最正係一粒沙都冇，配埋柚子桂花烏龍茶，好香桂花襯柚子一流。仲有焦糖明太子玉子燒都好有水準。 好厚既燒蛋，軟綿香滑，面頭既焦糖真係一絕。果然呢間日作飯堂真係好正，下次一定要再黎食。

觀塘工業區呢間日系裝修嘅餐廳環境好靚採用懷舊校園風格👍🏻難得朝早黎到試下佢嘅早餐✨有飯又有烏冬同toast鹽燒三文魚柳；漬物；香蔥玉子定食 $68三文魚大細適中，魚肉唔乾而且冇雪藏味👍🏻蛋炒得十分滑🤤🤤🤤仲有黑豆漬物唔會太硬而且少少甜甜地味增湯有蜆肉❣️紅蘿蔔同白蘿蔔昆布白飯仲有飯素好好食😋安格斯牛肉濃蕃茄豬骨湯稻庭烏冬 $58番茄湯味濃郁！酸酸地好開胃稻庭烏冬煙韌而且都幾大個份量比想像中多👍🏻牛肉唔會太肥又唔會太薄😙追加小食忌廉蟹肉餅$12炸到脆卜卜幾creamy🥹香蔥玉子卷 $15甜甜嘅玉子燒加埋蔥好香✨一啲都唔老！凍抹茶牛奶，焙茶牛奶兩杯都唔會太甜而且保留到抹茶焙茶本身嘅香味🍵

早上喺觀塘做完嘢，時間大約11點有啲尷尬，途經呢間Cafe見仲有朝食，環境望落好舒服，所以入去試吓。周圍望吓見到黑板上畫咗好可愛嘅Chiikawa早餐時段就嚟完，所以得返一兩台客。用QR code落單叫咗份日式嘅all day Breakfast，可以免費添飲咖啡或者玉露茶。早餐好快送到，聞到撲鼻嘅香氣，仲要熱辣辣。多士暖笠笠表皮脆內面軟沙律菜加咗芝麻醬，更有日式風味。雞蛋好滑，腸仔係雞肉腸，煎到皮有啲脆。仲有蟹肉忌廉薯餅，煙肉同雞扒。雞扒就唔算好嫩。因為我唔食哈蜜瓜，所以只能夠淺嘗面頭嘅乳酪。之後坐咗陣，嘆多兩杯茶先走。

一切開見到咁生咁紅嘅漢堡扒完全唔夠膽食，我知牛扒可以食生啲，但漢堡扒、免治牛肉經過絞肉機處理都已經有接觸細菌嘅風險，如大腸桿菌、甲型肝炎、黃金葡萄球菌、霍亂弧菌等😥於是問咗店員，卻話係正常的，佢地係做七成熟… 咁就唯有照食啦，漢堡扒食落去基本冇味，唔juicy，甚至有啲腥。焦糖洋蔥唔錯，但無法彌補整體平淡，整體口感非常單調，非常失望。另外，小菜（蓮藕、青瓜）記憶點不深，尚算清新，而麵豉湯味道則太淡。環境部分，校園風裝潢，空間闊落，星期日午市毋須等位。加一埋單$185，觀塘區而言性價比低，不會encore。IFC 挽肉與米 $138已可享三塊高質素juicy漢堡扒、白飯任添，甚至有海景。個人認為環境適合早餐時段當café工作，惟用餐時間只有1小時。

午餐由百五至二百多元一位牛舌飯套餐，麵豉湯內有兩隻蜆，味道不錯，牛舌質地夠淋，飯裡面汁幾好味，但不是日本珍珠米Qr code 點餐，有圖夠清晰坐位唔太窄前菜包括黑豆同酸椰菜

觀塘鴻圖道離開APM大約五至8分鐘路程，有間日系Cafe，裝修以木同麻色系列為主。有小學讀書時候嘅枱椅，亦有體操堂跳馬嘅擺設，整體Cafe好寬敞。午市定食有10款選擇，包括慢煮牛舌，漢堡扒，鰻魚烏冬，，三文魚炒飯，吉列豬扒等等。可以追加溫泉蛋，餃子炸雞炸蠔，甜品仲有卷蛋，芝士蛋糕，雪糕。嚟到日系餐廳，當然要食吓魚生飯，一碗魚生鋪滿油甘魚，帶子，吞拿魚蓉，牡丹蝦，夠fresh，整個set包埋麵豉湯前菜。另外天婦羅魷魚係小食推介，份量都唔少，粗粗的魷魚，兩個人加兩碗飯，魷魚都食唔晒。最後來個cheese cake先圓滿。

觀塘區想搵間坐得舒服少少嘅日本野都唔容易，我鐘意呢度百幾蚊有定食有兩款前菜，有湯有菜感覺好健康。日作極上刺身丼有中拖羅、油甘魚、赤蝦、北海道帶子、吞拿魚蓉同三文魚籽，非常大堆頭，魚生仲多過飯。 款款都新鮮厚切，吞拿魚蓉同三文魚籽撈飯一流，赤蝦夠厚實夠甜。五目海鮮香濃蕃茄豚骨湯讚岐烏冬用料十足，有大蝦、魷魚、青口、蜆同腐皮福袋。 當中大蝦啖啖肉好鮮甜，係平時大蝦意粉作為主角嘅king size。 蕃茄湯底好濃味，烏冬夠彈牙。抹茶卷蛋同焦糖雞蛋布甸睇得又食得，唔會太甜，同朋友share食岩岩好。

推開石頭紋玻璃木門，被懸掛在上方的鈴鐺聲音牽引視線。探頭一看，實木鐵抽屜的校園桌椅整齊排列，牆壁上的黑板被白粉筆寫滿，還有體育課的跳馬木箱.....(1) 鮭魚山藥燒 + 醬油溏心蛋帆立貝湯烏冬麵鼓湯、日式涼拌洋蔥或是柚子醬椰菜，賣相還好，味道也是還好。山藥燒比起一般大阪燒，以山藥泥取代麵粉，口感與飽腹感都變得相對輕盈。但比較難控火候，導致味道帶苦。至於帆立貝湯烏冬，鰹魚昆布味道可以再重一些些，效果更佳。十一月渡口，收起了春夏。舊址已經變成現在的「日作食堂」。改天找您吃上一頓飯，可好。👨

🐟日作原條鰻魚野菜炒飯 $196原條燒鰻魚加炒飯底，鰻魚啖啖肉冇刺，肉質嫩口，用蛋，紅蘿蔔同粟米炒嘅飯好有鑊氣，粒粒乾身分明，用嘅係珍珠米好彈牙🍹綜合水果冰茶 $28加$28升級飲品嘅水果茶好解渴，唔會好甜，茶底香味濃🍱日作極上刺身丼 $240有兩隻大紅蝦刺身，兩片帆立貝，兩片油甘魚，一片赤身一片中拖，仲有拖羅魚蓉同三文魚子，好豐富，尤其是兩隻蝦非常大隻成隻手板咁長，刺身魚片亦好鮮甜🍹紫蘇青蘋果綠茶 $22有淡淡紫蘇葉嘅清香同蘋果味，飲落好fresh🍑白桃卷蛋 $42一碟有三件，卷蛋嘅cream 好香濃仲加咗白桃肉，食落好清甜一啲都唔溜，怕甜嘅都一定食到，蛋糕濕潤軟綿

自己好鍾意食日本料理，觀塘有咁多好嘢食，當然都有好選擇啦😎 經過呢間日作食堂，覺得佢嘅外觀裝修好有傳統日本風格，又見到佢嘅晚市套餐好吸引，有好多唔同嘅選擇㗎，全部都係我鍾意食嘅日式料理😍 一個套餐包咗定食、日本珍珠米（炒飯及烏冬除外）、麵豉湯、前菜同埋飲品🤗 仲可以追加小食同甜品添🥳 今日嘅前菜有豆卜同埋青瓜，兩款都有少少調味好開胃😍冰火燒菠蘿 🍍 平時行山都會食冰菠蘿，估唔到日本嘢食都可以有冰火燒菠蘿🤣 燒得好特別，菠蘿面脆脆地又有少少甜甜酸酸🤩岩鹽燒手羽 🐥 食日本嘢一定要試佢啲串燒，呢個雞翼係用咗鹽調味，都幾好食😊五目海鮮香濃蕃茄豚骨湯讚岐烏冬定食 🍜 其中一款我最鍾意食嘅定食係烏冬，佢個海鮮蕃茄豚骨湯底真係超正，好香嘅蕃茄味好惹味 🍅 仲有豐富嘅海鮮添😉 鐵板野菌蒜片M5和牛粒定食 🥩 M5和牛一定要試😛 鐵板煎得好香口，入口即溶，仲配埋野菌同蒜片 🍄‍🟫 呢個和牛配日本珍珠米一流 🍚 凍焙茶牛奶 🧉飲品一定要試佢嘅焙茶牛奶，好香焙茶味😇綜合水果冰茶 🍹如果想飲果茶嘅可以揀呢個，又有士多啤梨又有藍莓，甜甜哋幾好飲 🍓

之前去過兩間ALOT設計既Café/餐廳，覺得食物幾高質、而且裝修幾清新日式木系、環境舒服之餘仲完全唔馬虎，所以最近就去左觀塘另外一間食日式定食既【日作食堂】食晚餐。地方好大、超級寬敞，有沙發、有餐臺仲有學校書檯、真係打卡一流。特盛刺身定食：每一份定食都會有一碗味增湯同兩份時日小菜。時日小菜唔好睇佢唔係main，但都幾好食、尤其當日個豆卜。特盛刺身包括三文魚、三文魚籽、劍魚、赤身、帶子、赤蝦、磯煮鮑魚同有一碗珍珠米。全部刺身都好新鮮、爽口同鮮甜，而且每一塊都大大塊，最特別係有磯煮鮑魚。現烤自家和牛漢堡配溫泉玉子大根柚子醋定食：和牛漢堡都算好大塊、裏面juicy啖啖肉、香濃牛肉味。大根柚子醋好refreshing，可以去除牛肉既油膩感、好特別。溫泉玉子畫龍點睛、好creamy。岩手縣南部鷄串燒拼盤：包括鷄胸軟骨、鷄心、鷄肝、鷄腿肉、鷄皮，全部新鮮燒起，好新鮮熱辣。鷄胸軟骨比較少地方食到，同平時既雞軟骨唔同、個軟骨地方比較脆同硬少少，肉比較少。鷄心、鷄肝用左醬汁調味，會減少本身内臟既味道。個人最推薦鷄腿肉同鷄皮，燒得岩岩好，唔會太乾、鷄皮好脆。焙茶Latte：焙茶味道濃、唔會太甜。柚子桂花

食堂位於工廈地下，佔地面積大，座位之間有距離，坐得舒服。裝修係校園風格，有以前學校嘅枱櫈和黑板，很有從前返學嘅感覺。餐牌主打定食，包括海鮮麵豉湯和前菜，還有其他小食和飲品。塩燒白金豚腩串和醬燒北海道帆立貝帆立貝大大隻，略嫌燒得比較乾。五目海鮮香濃蕃茄豚骨湯讚岐烏冬定食蕃茄湯味香濃，鮮紅色湯底見到實在嘅蕃茄肉，真材實料，喝一口湯，真係好濃郁。配料頗多：海蝦大大隻，微微煎過，肉質彈牙。硯同青口都無沙。烏冬煙韌，配上蕃茄湯一流。現烤和牛漢堡配自家温泉玉子大根柚子醋定食驟眼看以為這個配搭比較乾，但唔好忽略温泉玉子，絕對係畫龍點睛。蛋汁包住珍珠米，蛋香夾住柚子香，帶點清新感覺。和牛牛味唔太濃，但無筋易咬，整體唔錯。茉莉奇異果綠茶和紫蘇青蘋果綠茶2杯飲品都唔太甜，奇異果綠茶比較清新，青蘋果綠茶帶有紫蘇嘅甘香，適合減膩。定食份量非常足夠，環境又舒適，食得非常滿足。

星期日晚8.幾左右去到唔太需要等位好多人食Shabu shabu 環境有啲似日式校園風🏫每個餐都有珍珠米 麵豉湯同兩款漬物🥣招牌咖喱安格斯牛肉旋風蛋定食 $168🍛日式咖喱 味道偏甜少少辣安格斯牛肉味都香 牛嘅油脂就唔係好多🐄咖喱嘅蘿蔔好甜🥕旋風蛋大概六七成熟 仲有少少流心日作厚切吉列北海道豚肉眼扒定食 $168🐖珍珠米上面有少少飯素吉列豬扒唔算太厚身 炸醬整得酥脆豬扒係有硬身少少 豬臊味就冇 肉汁都唔多巨峰提子卷蛋 $28🧁可能佢個卷蛋係放喺冰箱裏面雪卷蛋比較實心 唔似瑞士卷個蛋糕咁軟身得巨峰提子味少少甜 唔係幾識食得出有巨峰提子果肉🍇