日山 (海運大廈)

營業中

休息中

❝東京一星米芝連過江龍Sukiyaki名店🔥🐮一試究竟～😳⁉️❞繼中環Wine and Dine之後 @diningcity_hong_kong 呢個月可以book到2024香港美酒佳餚巡禮旗下活動「品味香港Chill E.A.T.」超過300間餐廳低至6折既精選套餐優惠😍即日起做到30/11✨趁今次機會去左想試好耐既東京一星米芝連過江龍Sukiyaki名店 @hiyamahk 疫情前一席難求(宜家易book好多啦🫢)Dinner Set $1,198 pp.包7道菜 有2片大大塊A5和牛肉眼Sukiyaki🐮🔥廚師會幫你烹煮 但唔係席前而係喺餐廳大廳旁邊既煮食區🫢睇唔到烹煮過程 以Sukiyaki體驗嚟講有點失色🤔壽喜燒和牛片厚身大塊 好嫩滑軟腍入口即化 沾生雞蛋同配飯食一流🥰用上秘製壽喜燒醬汁 保留東京本店傳統正宗味道😚整體性價比未算高 lunch可能更抵食😳個人覺得比預期中普通 沖住「東京米芝蓮一星過江龍」嘅銜頭去可能會有點失望🥹但環境的確幾唔錯 望住維港靚景 haha Sukiyaki我還是想去轉日本食😆🇯🇵꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍日山 尖沙咀廣東道

上年老公生日食過覺得幾好味，所以今年又返嚟回味下牛魔王就梗係叫和牛盛宴，估唔到今年味道同用料都升咗level！先嚟前菜5品盛，店員介紹返每樣係啲咩，然後介紹埋食嘅順序。淨係靚靚擺盤已經賞心悅目，由青梅凍同番茄開始清清個口先，鮟鱇魚肝甘香綿滑，再去到鬆脆嘅牛肉鬆盒、香脆嘅和牛多士，每一樣都好似輕輕同味蕾熱咗個身咁，如果再配返支香檳或者sparkling 就一流喇！然後係A5和牛肩胛肉刺身，伴黑松露及魚子醬。黑松露唔係醬而係即刻喺你面前一片片咁批落嚟，食之前已經聞到好香！本來我覺得油分多嘅肉係要燒到香口先好食，但估唔到俾呢個配搭下嘅和牛驚艷到我！和牛軟滑嘅油脂香、加上魚子嘅鹹香、再加埋松露嘅菌香，真係非常出色！然後係和牛紫菜脆餅，舊年都有，一食驚為天人。雖然今次天人去咗刺身度，但呢個脆餅仍然勁正，魚子醬、山葵、海膽、和牛、飯同紫菜，有無得再夾啲？🤤然後回歸基本嘅煎和牛柳，用靚靚嘅和式器皿裝住，牛脂香即刻出晒嚟，配搭旁邊蒜片蕎頭青椒仔食用又即刻無咁漏。跟住落嚟上嘅牛肋骨辛香煮味道開始加重，甜甜地，少少刺激，牛同配菜都炆得好冧，好入味跟住嘅炙燒內裙燒得香口，口落非常好肉味，齋食已經好好jap，

今日放假同女朋友去尖沙咀行街唔知食咩好行行吓街見到日山之後就入咗嚟食，未入門口已經感受到服務態度和藹親切環境都令人好舒服❤️，食物方面都真係好好食（因為都係第一次食）食過其他壽喜燒但好多都係麻麻地，好多人都覺得日山貴但我覺得香港地一分錢一分貨🤣，無論食物環境服務我都覺得值得呢個價錢🥰我諗我之後有任何活動我梗係朋友家人生日或者求婚我諗我都會揀返日山，因為真係要大讚服務同埋食物都真係冇得輸😉 🙈🙈

餐廳門口裝修華麗，沿路走進餐廳有綠油油嘅樹葉，給人一種平和的心情，令人放鬆。沿路走到座位，味道一陣陣飄過來！令人期待！7道菜 有2片大大塊A5和牛肉眼Sukiyaki心廚師會幫你烹煮 壽喜燒和牛片厚身大塊好嫩滑軟腍入口即化 沾生雞蛋同配飯食一流感用上秘製壽喜燒醬汁 保留東京本店傳統正宗味道❤️❤️❤️

一入黎reception到埋位坐低侍應服務態度好好有詳細介紹食物種類同食法好貼心❤️食物用料新鮮 環境優美 景色一流再次多謝貴餐廳帶來美味食物優質服務幸福感滿滿的一晚🥰

餐廳門口裝修華麗，沿路走進餐廳有綠油油嘅樹葉，給人一種平和的心情，令人放鬆。沿路走到座位，香氣一陣陣飄過來！令人期待！服務質素100分食物上枱時，看到和牛的油脂分明，肉汁香嫩。嚟到香港一定要食！

食物質素和服務態度都非常好。前菜豐富，壽喜燒牛肉五成熟恰到好處。我們還被upgrade到semi-private are，享受一流的海景。雖然價格稍高，整體用餐體驗非常不錯。

喺香港食有質素嘅日本菜，晚餐動輒過千。今日嚟到已壽喜燒出名嘅日山享受佢嘅日山午餐，既論飽覽維港美景，亦享受到由日本入口高質素的食物原材料。無論係日本產白米飯、溫泉蛋到A5和牛，全部都新鮮又美味，如此高品質美食埋單亦不過四百蚊。前菜及小鉢料理包括鮮甜蒸蛋，味道清甜又開胃。微鹽枝豆、炆雜菇及蜆肉蘿蔔絲，既精緻又有不同清香及鮮甜口味；前菜以梅子啫喱清理味蕾。今次主菜試吓薄燒A5牛肩胛伴溫泉蛋丼。漬物配味噌湯是傳統風味。半生熟牛肩胛多汁嫩滑，攪拌溫泉蛋及芝麻醬汁十分惹味。最後以檸檬雪葩甜品清潔味蕾作結。雖然當日天天陰多雲，有維港美景依然送飯一流，亦係打卡好位置。

日本過江龍顛覆了我對傳統壽喜燒的體驗、當日光顧Lunch , 第一次體驗了壽喜燒不會在你面前即席示範、反而讓你體驗了付了一級水平價錢、但去了大戶屋一樣、再加上超9 流侍應服務、話說本人要求壽喜燒四成熟、侍應會妙筆生輝地回答 「盡量啦、我唔敢包㗎」 到牛肉連同生雞蛋端上的時候、正常要伴飯、但那碗珍珠米遲遲未到、繼續等影響牛肉質素、不等便會太膩，唯有選擇前者、吃好白飯才端上、次序完全不對、當你第二片牛肉（最後一片） 上的時候、白飯變涼了、次序完全錯誤、簡單一句這個地方食飯體驗了機會成本的準則、有得必有失、到你想追加的時候蠱惑的餐牌混洧視聽、我已上當、請大家小心

日山。日本米芝蓮一星既壽喜燒。店內環境寬敞，不過坐位就唔算多，能夠保持適當既距離用餐，預早訂位就能夠望住維多利亞港既海景嘆壽喜燒，每道菜都會有店員介紹，亦都由店員為你烹調壽喜燒。今次選擇日山和牛盛宴 $1698 per person （嚴選七個A5和牛部位 腰脊.肩胛.牛柳.牛肋.內裙.西冷.肉眼）前菜- 季節前菜五品盛刺身- A5 和牛肩胛、黑松露、魚子醬向付- A5和牛腰脊紫菜脆餅燒物- 香煎 A5 和牛柳旬砵- A5 和牛牛肋肉、辛香煮強肴- 炙燒 A5 和牛內裙 壽喜燒- A5 和牛嚴選 肉眼、西冷 部位各一片 野菜五品盛飯 / 烏冬- 日本米飯、漬物及味噌湯或稻庭烏冬(冷/熱)果物—日山·松 $1298 per person 前菜- 季節前茶四品盛刺身- 北海道海膽、拖羅、生蠔蒸物- 清酒蒸鱈埸蟹酢物- 赤貝、車海老壽喜燒- A5 和牛嚴選 肉眼、西冷 部位各一片 野菜五品盛飯 / 烏冬- 日本米飯、漬物及味噌湯或稻庭烏冬(冷/熱)果物

A5牛肉好正，服务好，环境好。日本百年老店，米其林推荐。今日点的银鳕鱼西京烧正是肥美，寿喜烧为日本正宗认证和牛，香滑入口即化，仲有茶碗蒸也是鲜滑清甜，超级推荐！

環境優雅，服務體貼周到，和牛係最靚嘅部位，入口即溶，配菜非常有心思，尤其喜歡梅子啫喱，梅子酸酸甜甜，令到味蕾完全醒覺，我覺得呢度完全值得嚟，桃子汁也非常清新，總之值得嚟！

Our experience was exceptional from start to finish. The staff were highly professional and even surprised us with a complimentary room upgrade. The food was delightful, especially the beef, which was tender and flavorful. Each course complemented the others beautifully. Above all, the welcoming nature of the staff made us feel right at home.

維港海景，秋色瑟瑟。食物水準高，服務人員稱心解釋每度菜，前菜生𧐢有驚喜。和牛壽喜燒如果熱D更隹。套餐份量足夠。甜品都不錯。不過海景位置有限。整體嚟講都值呢個價錢。

環境ok, book 左6:30 店員主動帶位到近海景位的位置，上菜時主動介紹每款食物名稱每道菜式的溫度上菜時適中，味道都唔會過鹹，整體用餐體驗唔錯。唯一美中不足的是，食和牛碎脆脆的時候比較狼狽，手殘既我跌到成身都係