日月茶點點心專門店 (土瓜灣)

營業中

休息中

日月茶點點心專門店 (土瓜灣店)住左係土瓜灣10幾年，呢幾年開次次飲茶都去呢間🫖☕️點心質素好過好多大型連鎖酒樓呢間茶樓雖然細細間，但好好生意🤩即使有兩層食飯時間要排隊等位茶位只係$6一位，冇加一服務費🍤春風得意腸$35可以話黎到必叫😋軟糯嘅腸粉抱住脆口嘅炸蝦，口感豐富👍🏻不過以前有8舊，依家得返6舊，唔夠喉😭😭🍄‍🟫香菇蟹籽燒賣$30🥟鮮蝦菜苗餃$25呢個蒸餃好食過酒樓嘅鮮蝦餃，入面包住豆苗同鮮蝦❣️家鄉鹹水角$23🥜潮州粉果$23🍄姬松茸湯鮮竹卷$25又有湯飲，又有鮮竹卷食，入面包住全部都係🍄‍🟫🍄‍🟫🐔醬汁蒸鳳爪$23🦐鮮蝦腐皮卷$26🥢蔥花蝦米腸$23📍 土瓜灣下鄉道55號地舖（港鐵土瓜灣站A出口）

星期日同媽咪嚟土瓜灣食點心簡左呢間日月點心小店坐位少 2人需要搭枱叫左芋角盒入邊芋頭餡料好豐富炸得好香脆呢個好推薦另外仲叫咗叉燒腸粉、菜苗餃奶皇包、紅棗糕、花旗參燉竹絲雞湯叉燒腸粉好滑菜苗餃菜苗餡多奶皇包唔係流心 但都好好食紅棗糕好彈牙好推薦如果喺行開附近可以嚟食

今日中午去食， 坐樓上，有碟腸粉半個鐘都未到，我見鄰枱則剛坐低一陣，腸粉就送到，我叫亞姐幫我追，佢話跟單，我話鄰枱遲來都有腸粉，亞姐話佢哋先落單，我頂，真係嬲，我哋食晒5個點心鄰枱的人先到，呢個阿姐唔想跟就喺度亂咁噏， 我踢爆佢佢跟住又話好忙唔得閒緊單，垃圾服務，冇下次

入到舖頭裝修還可以，但你想叫嘢食時，枱面點心紙，牙籤咩都冇，你要夥計𠼝，三個女夥計圍住傾偈，同佢講多句都嫌你煩，態度差到一個點，先叫一壺香片，只有少少苦味，冇茶香，點心等咗25分鐘，嚟到蝦餃皮超厚蝦還可以，有少少筍粒，最慘係一個鳳爪排骨飯，用極度難食來形容，啲飯好似未煮熟咁，排骨浸雪味！只可以同佢講一句，多謝以後不來！

土瓜灣精品點心🥟即叫即做，新潮概念融合傳統工藝點心控千祈唔好錯過😋🟠 蜂巢芋角盒 - $27 / 3件鬆脆香口，大量芋泥包裹住咸香肉碎及蔥花，味道新奇特別，值得一試🟠 千島醬脆皮蘿蔔糕 - $30蘿蔔糕煎得外脆內軟，配搭千島醬及木魚碎、毫無違和感，食到停唔到口！🟠 春風得意腸 - $35米漿唔會過厚，用蟹籽襯托、包住炸過既薄脆蝦肉，層次豐富有驚喜，必食推介👍🟠 菜苗餃 - $25 / 3件皮薄晶瑩剔透，大量菜苗配搭蝦仁、鮮味清甜🟠 蝦餃 - $32 / 4件皮薄煙韌，大大粒蝦仁🍤 非常鮮味🟠 燒賣 - $30 / 4件豬肉，冬菇味好香，唔算好大粒但整體飽滿彈牙👍

星期六去土瓜灣搵食，無意中見到呢間日月茶點點心專門店，門口排緊長長嘅人龍，見到咁多人食，都忍唔住入去試吓。入到去，見到店內裝修簡約，但好乾淨整潔。點咗個套餐，有蝦餃、鳳爪、排骨、燒賣。每樣都好食，真係食到停唔到口。價錢都好抵食，兩個人食一餐都唔使$200。蝦餃皮薄餡靚，蝦肉彈牙鮮甜，鳳爪入味爽口，排骨肉質嫩滑，燒賣外皮香脆，內餡充足。

无广！一家只做附近生意的早茶小店，就在土瓜湾街市附近，我每次去土瓜湾都会吃这家，人多的时候可能要跟其他人拼桌哦！每次喝早茶必点虾饺、凤爪、排骨、烧卖，都很好吃😋这家的金钱肚值得提出来说，因为份量真的很大！毛肚很大很厚一块，并且很软糯一定要搭配一盅汤！！！喝完整个人都舒畅了😌😌！！！！！！！！！！！！！！！！！！！！！！！！！！！！！！

平時星期六最鍾意同屋企人去飲茶，自從一間喺咪境界嘅點心舖執咗之後，我就冇預過另一間好食嘅點心鋪了🥹直至遇到日月茶居🤣佢哋嘅點心每一款都有一定嘅水準，絕對比起區內所有茶樓更加好食🤣我個人最欣賞嘅就係佢哋嘅蝦餃，蝦餃嘅皮好煙韌，餡料亦都有大大隻蝦喺裏面😍再加埋佢哋勁香嘅自家辣椒油真係勁好食！第二樣推薦嘅係佢哋嘅叉燒包，我本身已經係一個鍾意食蒸包嘅人類，佢哋嘅叉燒餡令到我重新愛上咗叉燒包！叉燒包嘅餡料一啲都唔肥膩，甜得來又唔會過甜！好食！

星期六到土瓜灣搵食，無意中經過此小店，滿滿的食客、還有門外排隊等候的街坊，愛吃點心的我瞬間拿了籌號😁不足5分鐘已有位「搭枱」了，飲茶常見的，不見怪，最緊要好食對不對？春風得意腸粉，外皮略嫌冷了點，裡面熱脆兼備，不錯不是流沙版的奶黃包，味道ok la菜苗餃多菜，外皮沒有蒸過久淋淋的感覺，頗新鮮👍🏻👍🏻鮮竹卷，裡面多菇+蔬菜，應該沒有肉，似素食幾好食，不是來貨的味道👅燒賣👍🏻 有咬口的蝦肉，不會太肥膩灌湯餃不推薦，不太知道在吃什麼😂😂價錢親民👍🏻👍🏻 平均每人$90即叫即蒸，所有點心也不錯！

今早..唉呀 被嘈醒左， 早左好多好多到土瓜灣～ 可以試佢喇😍～係點心關注組留意左佢好耐喇，來壺中式提神茶（即著洱），心大心細 食2定3好 ～ 首選 罐湯餃（唔係度度有得食），好足料，個湯又鮑魚又花膠又蟲草🌸、🥟餃內既蝦唔係用加工爽爽蝦 佢係有肉感；二選 珍珠雞 、 一籠2隻😋一人食 慢慢試😗

喜歡吃中式點心來到土瓜灣試試這間日月茶點蘿蔔千絲酥$25鍾意煎炸食物必試蘿蔔絲酥熱辣辣非常酥脆香菇蟹子燒賣$28大大粒足料燒賣真的是傳統點心必選五指毛桃瘦肉燉雞腳$30試試燉湯每月1-15日有兩款16-31日另外兩款足料老火湯無得輸蟲草花膠灌湯餃$38又一道傳統點心配合醋令湯的味道更有層次韭黃鮮蝦腸$26腸粉嫩滑鮮蝦彈牙瑤柱珍珠雞$26兩大隻充滿荷葉糯米香份量剛剛好可惜眼闊肚窄只能試幾樣點心下次一定要再來試試其他點心

放假日頭幫襯過日月茶點，見到佢有晚巿, 又有荷葉籠仔蒸飯，過兩日再同女友小熊去幫襯.話時話，依家D年青係咪唔中意飲茶? 不論壹點甜同日月茶點，以至酒樓，又真係好少見到有年青，好似今次幫襯晚巿，餐廳客仔清一色都係大叔同嬋嬋，最慘係講是講非講到有少少火藥味𠻹! 有咩事小熊你要保護我呀!籠仔飯點咗黑椒牛仔骨，另外灌湯餃，蒸排骨，金錢牛肚同燒賣都叫咗一籠.金錢肚係最欣賞，因為好多時食金錢肚都好韌，今次一D都唔韌，而且非常入味，讚!牛仔骨味黑椒味濃，我牙力夠，所以食牛仔骨無咩問題，籠仔飯亦沾上黑椒汁惹味不少.灌湯餃失望，一來份量比預期中少，二來有奇怪酸味，另外雖然有鮑魚，但味道同口感都好唔夾.籠仔飯新鮮出爐熱辣辣，而我又食到成身慶，但餐廳又無開冷氣，開冷氣又怕D嬋嬋頂唔順! 唉.... 都係快快食完快快走! 出面街仲涼過餐廳入面!

想食點心又唔想去酒樓，壹點甜又食到有D厭，好彩土瓜灣仲有唔少選擇，哩間日月茶點第一次幫襯，又睇睇質素如何先?日月茶點位處土瓜灣嘅買餸熱點，飲完茶就去買餸極方便.去到門口，又有人排隊，入面又爆場，細細間店舖竟然有6個樓面，中伏味大減.聽聞仲有樓上舖𠻹.點咗蝦餃，奶皇飽，鳳爪，叉燒腸，雞札同牛肉球.最失望係鳳爪，一來份量少咗D，二來鳳爪炸得唔夠耐，變成太有𡁻口，唔係我欣賞嘅口感.最掂係蝦餃，好多蝦餃內餡都無加入筍粒，所以係日月茶點食到有筍粒即時加分.牛肉球如果鬆軟D更理想.奶皇飽足料，但我更愛流沙飽.叉燒腸足料又夠滑，滿意.雞札用雞肉，芋頭，豬皮同冬菇制成，比壹點甜優勝，分別在於壹點甜用蟹柳代替冬菇，但我唔中意蟹柳之餘而中意食冬菇，一比之下當然日月茶點勝出.上點心時間快，冷氣足係另外優點.同壹點甜一樣，缺點係店舖細少坐得較迫唔太舒服.下次會試試灌湯餃同珍珠雞.

12月24日平安夜早上，揾食肥華和靚媽，都想飲一餐滿意的中式早茶，來迎接今晚開始的聖誕假期，所以就選擇咗到此店，飲早茶食點心，因之前已兩度光顧過此間新開小店，所得印像極佳，食物質素良好外，取價亦十分公道，整體嚟講，肥華評佢係一間平，靚，正，嘅點心專門店，亦為過，今次隔咗一段時間重臨此店，發覺食物質素仍然保持上佳水準外，舖内的工作人員，對舖面工作程序更純熟，在此店新張時落單，甩漏的場面已復見，所以此店值得繼續支持👍👍👍

尋晚同同事去咗土瓜灣新開嘅中式點心店「日月茶點」！😋我地點咗以下點心。。。1️⃣水晶鮮蝦餃$30外皮晶瑩剔透，蝦肉Q彈👍🏻2️⃣香菇蟹子燒賣$28豬肉新鮮彈牙，配上清香嘅冬菇，皮薄餡靚👍🏻3️⃣潮州粉果$20配料豐富，外皮煙韌👍🏻4️⃣鮮蝦菜苗餃$24多菜少肉，粒粒飽滿，蝦肉爽滑👍🏻5️⃣蟲草花膠灌湯餃$38配料竟然有鮑魚仔同花膠，好足料，湯底好濃郁👍🏻6️⃣滑雞扎$28包住又粉又香嘅芋頭、腍滑嘅魚肚、入味雞肉、冬菇，口感豐富😂7️⃣香茜牛肉腸$22濃濃嘅芫荽香，鮮嫩牛肉，配上滑溜腸粉👍🏻8️⃣白灼唐生菜$19正常發揮👍🏻9️⃣蜂巢芋蝦盒$24好少地方有芋蝦食，外皮炸到香脆，裡面有芋泥同炒香咗嘅肉碎，用心之作👍🏻🔟蜆蚧鯪魚球$24炸到外脆內軟，鯪魚肉新鮮👍🏻1️⃣1️⃣杞子紅棗糕$24甜度適中，口感軟糯👍🏻呢間嘅點心都係即叫即蒸，熱辣辣咁送上！🔥下次想品嚐佢地其他點心！食物高質、侍應態度親切！❤️