日本雪糕物語 (金馬倫道) (已結業)

今日行尖沙咀時，被一間賣好多日本食品既店吸引左（後來發現係一間低調既零食物語😂），發現入面有賣好多感覺日本直送既雪糕類產品，例如Lawson成日見到既雪糕。最驚喜既係，呢度竟然有得買cremia啊！太開心啦，因為我只聽過太古有，原來唔洗過海，黎到尖咀都有得買！呢度既cremia有多種味道，加左抹茶粉既就最吸引我啦，因為就算係日本都無見過加抹茶粉既配搭啊。其實佢連榴槤味都有38蚊-45蚊杯，其實都唔貴，同日本500yen比唔差得幾多嗚哇 好感動 係香港都食到雪糕本新同日本既係一樣，偏煉奶味既嫩滑雪糕，一食難忘加上口感極好既白之戀人餅造既雪糕筒，絕對會令人唔捨得食曬但因為佢好易融，所以你不得不加速食曬佢而今次既抹茶味cremia，上面既抹茶粉令到呢杯完美既雪糕再加多樣我最愛既味道，簡直係錦上添花當然，食要小心，因為一野吸一啖氣既話會索曬d抹茶粉入喉嚨，我都咳左下煉奶加抹茶好好味好滿足推薦離開店面，越諗越覺得店內所有產品既價錢牌係邊度見過，靈機一觸，原來係零食物語果d！即係誠其實雪糕物語係間會賣雪糕既零食物語。雪糕物語呢條line絕對開得好啊

每次去日本都一定要每日最少一杯Cremia先至肯罷休🍦佢可以話係我最期待係日本食啲嘢！亦都係我嘅日本回憶～相信好多人喺日本食得好好味，一試難忘！終於係香港都有得食啦🤩🤩仲有啲新嘅口味，例如榴槤味～＄45一杯小小貴啦，到日本一樣嘅味道都係值得！今日就試咗呢個朱古力味🍫真係做得返日本cremia既味道出黎😋雪糕奶粉味重，雪糕筒係白之戀人果隻餅雖然大陸都有得食，但係大陸嗰隻cremia味道同日本真係差咁少少呢個可以將日本味道還原😍好幸福！

有幾多人曾經為左呢杯雪糕去日本食呢? 宜家都唔使專登去日本食了, 因為香港已經有得賣了, 而且仲有香港首推既香港限定榴槤味雪糕, 不過之前聽朋友說味道唔係想像中咁好味, 今日再一次來到, 食返個原味止下癮先~ 一如以往既奶香雪糕味, 味道真係唔錯的! 而且食佢地呢個雪糕筒先係皇道~有別於一般既雪糕筒係用上白之戀人既餅底做成, 呢個就係我成日食佢既原因之一喇!雪糕筒甜甜的, 真係好好味, 話咁快就食晒成杯了,真係有點唔夠喉 不過價錢方面個人覺得真係有點貴喇~~~~~如果可以平返少少就更好了

好開心係香港都食到cremia!而且味道同係日本食係一模一樣！🤤用北海道產既新鮮忌廉製作而成既雪糕奶味超濃郁，奶味勁重，而且好軟滑。雪糕脆筒同日本一樣都係用曲奇口感的餅乾製作而成，充滿牛油味！而且雪糕筒好新鮮，好鬆脆！🤤🤤

之前去日本旅行特登試左，真係好濃好好味，知道香港都有得食，即係衝去食，睇下係咪一樣！雪糕用左北海道鮮忌廉同埋脂肪成分比一般雪糕多，所以奶味好濃郁又入口即化。平時食雪糕我唔鐘意食個筒，但cremia個筒一定會食埋！因為佢同白之戀人餅乾個味好似，好食到停唔到口。 我覺得同日本食到嘅味唔係太大分別，經過會再食！

作為一個好鍾意食雪糕嘅人，去到尖沙咀又點可以唔食又日本飛到黎香港嘅過江龍雪糕🍦 Cremia呢？相信每一位去過日本嘅人都會食過呢隻雪糕，佢嘅牛奶香味真係好濃郁，濃到好似煉奶咁，但又有牛乳香味。雪糕嘅質感有如絲一般幼滑，真係好食到停唔到口。

买了朱古力味软雪糕，好吃！快去吃45元一个。是个路人问我都是这么说哒！牛奶味超级浓，不是肤浅的那种，有回味的，不甜，正好！还有水果味，店员说牛奶味比较淡。所以当然选牛奶味浓的啦！有点小贵，但是不是每天吃还是可以的。

前幾天跟朋友在尖沙咀喝完下午茶，饞嘴的我們又嚷着要吃雪糕，不得不佩服我們的胃口。在尖沙咀吃雪糕當然要選擇原本只是日本獨有的Cremia。現在在世界各地也看到這個雪糕的蹤影，讓我們這些粉絲可以隨時享受這杯極度神聖的雪糕！我點了一杯原味，牛奶味萬分濃郁，幾乎有一點煉奶的味道。質感非常幼滑可口，有如絲質一般，實在讓人停不了口。雪糕筒就像日本著名的餅乾「白之戀人」， 十分香脆，有如為其加上神來之筆，如虎添翼。

成日見人哋post，今日終於都食到！喺尖沙咀食完一間相當難食嘅晚餐，要搵甜品醫肚。突然醒起Cremia 近排係尖沙咀開了店，就當然去試試啦。原來間店係零食物語裹面，第一次食揀左朱古力味同抹荼味。其實都只係在原味雪糕上灑啲粉。要小心啲食，因為啲粉好易哽親。其實雪糕嘅牛奶味味都蓋過啲粉⋯唔加都得XD雪糕超濃牛奶味！好正！仲，有個蛋糕皮做嘅雪糕筒，好特別好好好好好味！連唔鍾意食雪糕嘅男朋友都讚！

食完飯轉戰食雪糕，之前喺日本無機會食，今次可以食翻夠本啦。喺出面個cashier俾咗錢，再攞張飛俾店哪嘅店員整雪糕。- 軟雪糕（$38）舔咗啖，勁濃嘅牛奶味，好似飲緊杯新鮮牛奶咁，口感勁幼滑，雖然溶得好快，不過我都食得好快。個cone同平時食到嘅唔同，味道似係白色戀人餅嘅味道，我唔太鍾意哩個味，因為太甜。- 金枕頭榴槤味軟雪糕（$45）金枕頭榴槤原來只係喺原味雪糕嘅基礎上撒上榴槤粉？雖然係有好大陣榴槤味，不過就搶咗雪糕本身嘅牛奶味，我就覺得麻麻地啦。

係日本食過唸款雪糕，所以當知道係香港有得食時，就同朋友弓齊去左食喇！cremia軟雪糕 $38好幸福，可以食到呢個雪糕😝😝同日本食到既好似，質感一樣好軟滑，味道creamy香濃，甜度高，但我接受到，對於我黎講唔算太膩，配埋勁似白之戀人既脆筒，好吸引呀🤣🤣佢會比張$5現金卷下次用，cremia雪糕都未食完，我又去買多支雪糕🤣🤣皇牌朱古力及宇治抹茶雪糕 $38抹茶味雪糕係幾失望，冇咩抹茶味，味道仲有啲假，朱古力味就吸引得多，濃味多啲啲，而且仲有朱古力味脆筒揀，夠晒脆，如果想食抹茶雪糕，我會選擇Via Tokyo/ sweet house cha cha～～餐牌

聞說好出名，終於都可以朝拜一下。揀左個朱古力味既黎試下，天氣凍食雪糕，另有一番風味。果然名不虛傳，雪糕奶味香濃，反而顯得朱古力味較啖，但~ 食既朋友要注意朱古力粉係會好易跌落衫上個cone好好味，好似雞蛋餅feel 咁，唯甜左少少。下次可以試榴槤味

約了朋友在The One看電影，時間還尚早就到附近的雪糕物語吃甜品 😋 一向是甜品控的我其實老早就知道幾個月前已經開了這間雪糕店，但每次都太多人，不想排隊的關係就等到現在才去試～最出名的莫過於Cremia雪糕系列！其實這系列除了原味還有抹茶味都很吸引，但所謂抹茶味只是原味雪糕再on top加上抹茶粉就貴$7！於是我和友人都選擇了原味。由於當時店內沒有很多人，我們在cashier買了就可以直接到雪糕機位置取雪糕～雪糕外型很美觀，吸引我們的還有雪糕筒，有別於一般雪糕店，味道有點像白の戀人的餅乾，但口感硬一點。雪糕味道就有非常濃郁的牛奶味，而且非常滑。有待改善的地方就是，由於雪糕牛奶成份高，拍照後已經開始有少少溶（我真的只拍了一張就趕快食）。在吃的途中也有少量雪糕從雪糕筒滲出😞 但整體來就味道不錯，值得一試！

暖翻少少又係食雪糕既時候，前排真係太寒冷 開咗好耐既日本雪糕物語，今日終於一試。。。上次去日本都因為餐餐食得太飽所以冇食到！！所以今次食都係幾期待既但呢杯creamia雪糕($38)正式成為我食過最甜既雪糕第一啖食落去係有驚喜既，雪糕好滑好重奶味但奶味重到覺得自己飲緊全脂奶咁。但就比較易溶同有點過甜。雖然整體味道不錯，但冇咁甜就perfect了但個筒都唔錯，好脆好重既曲奇筒，同雪糕好夾，但都係偏甜。筒好食既，仲要食極都係脆

食雪糕‧最好玩!! 當我一發現CREMIA軟雪糕的脆筒使用牛油曲奇皮製作, 我已經食指大動!! SY一知道可以食雪糕, 非常興奮. 當我們走入雪糕店, 小朋友問:「雪糕物語係咪抄零食物語呀!」 我:「唔係呀...其實, 因為依度都係零食物語開囉」 盲目追求「限定」兩個字的我, 第一時間被CREMIA金箔 $88 (期間限定) 所吸引... 原味CREMIA售$38, 即是一片正方形金箔值 $50, SY說:「真係成塊金貼上去喎...但係E張好似我美工堂褶千羽鶴D紙咁...$50蚊貴唔貴呀? 爸爸」 簡簡單單豪一次吧! 雖然我也吃不出金箔的味道, 但原味CREMIA超軟滑、奶香濃得不得了, 好好味呀! 另外, 陳總先生推介我食榴槤味 CREMIA($45), 我最初以為是整個也是榴槤, 原來是原味灑上金枕頭榴槤粉... 我:「我唔食得榴槤都接受到喎!! 係幾特別, 不過我驚榴槤迷會嫌棄味道不夠榴槤」 SY要食宇治抹茶($45), 他一邊食一邊大讚:「好北海道牛奶呀!! 綠茶粉又唔係太苦, 啱晒我...正」 不過, 師傅不停向我們說:「你哋要快D食, 因為 CREMIA 有