影片
開飯介紹
日本黑毛和牛主題燒肉店，任食各個和牛部位，而自助區提供各款水果、熟食、沙律等，合共數十款美食讓你盡情品嚐。
繼續閱讀
營業時間
今日營業
12:00 - 22:30
星期一至四
12:00 - 15:00
17:00 - 22:00
星期五
12:00 - 15:00
17:00 - 22:30
星期六
12:00 - 22:30
星期日
12:00 - 22:00
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
食週末午餐， 分定食同套餐！ 定食得60 分鐘 套餐 就120 分鐘！ 質素好一般 我哋3 個人 點左雞，豚， 牛. 食定食，真係好趕😅 質素好一般… 好彩有個沙律吧同飲料任飲兼有開心果雪糕…. 講真 … 1 個鐘 真係食唔到好多野. 會考慮再去.. 抵食 呀嘛！ 仲有一樣野 就係個日式咖哩汁.. 同熱狗 我本人鍾意食
繼續閱讀
平日星期三下午2:20分到，當然唔使等位直入，室內地方大，好多卡位，單人座位也有，因為平日唔多客人🤭，佢畀咗四人梳化卡位我，坐得寬闊舒服😍。我點咗一人餐，99蚊牛舌定量(60分鐘)嗰個餐，保守估計有20塊牛舌，個餐有麵豉湯，飯&泡菜， 再加出面自助任食bar: 日式咖哩飯， 一啲生果 例如西瓜哈密瓜， 甜品( 日式大福 蛋糕仔)，汽水，雪糕(有軟雪糕 &維記迷你雪糕糯米糍)，炸物等，同埋沙律菜 ， 另外可以自助攞啲蔬菜嚟燒 (有秋葵、冬菇、紅椒、青椒、黃椒等等)。 食完發現最好味係佢個煲日式咖哩🍛， 內面啲牛肉炆得夠入味又夠腍，而且仲好濃鬱牛肉味， 牛奶軟雪糕🍦嘅牛奶味都好重，係出乎意料之外有驚喜，好味💯!埋單連加一 $109， 個人覺得 cp值一般，出面啲食物 質素好一般 ， 略有粗製濫造， 亦選擇不多，我就覺得60分鐘夠曬🤐🤐🤐。如果係大食量嘅話，係可以 百零蚊 吃飽個肚，但係咁樣純粹係重量不重質😅。
繼續閱讀
2點先入去 2:10落單 大概2:20已經有人拎張單過嚟埋單 2:35已經叫人走 好癲！前後食咗半個鐘都冇 完全唔夠時間食嘢 嘢食味道係可以嘅 不過食嘢時間極少 唔會再去嘅餐廳！
繼續閱讀
平日下午 商場哩個角落 都小貓三兩隻今日假期 一上到離 這兒 變得水泄不通人們的談話聲浪與號碼機的呼喊 吵鬧得很餐牌近來更改了一點發現有90分鐘的選擇但細心查閱之後 它有一個“bug”就係 只要你枱有友人唔食牛嘅咁你就同哩個90分鐘無緣其係要迫人一定要食和牛先有90分鐘嘅話可以出個有 雞&豬拼和牛 嘅啫係咪歧視啲唔食牛嘅人同其他食牛嘅朋友離食先！？咁冇辦法啦 成隊人都小鳥胃咁 無謂揀食放題只有硬揀60分鐘嘅定食冇90分鐘 亦都無謂揀太多貴啲嘅定食一入坐嗰下 記得先要去拎嘢食因為本身食燒肉得60分鐘 時間已經好短佢計時仲要係前枱一撳張單出離嗰下已經開始計時然後先帶你去個位度 再比個code你落單再篤埋下單已經又少咗五分鐘上肉大約5分鐘 即係燒嘢嘅時間夾埋少咗10分鐘所以 一入場應該一個留守落單其他人出去夾一堆嘢返離 倒晒落個網度燒先再出去拎飲品同掃熱食拎得進 網上啲菇菜 都可以夾晒係一個碟度再夾晒啲肉落網燒 先再開始食啲菇菜鐘意食飯嘅 可以先𢳂定一碗咖哩餸飯食完啲菜 先反反啲肉 再出去拎蛋糕生果拎完返到離 啲肉就熟得七七八八 可以夾離餸飯食倒晒啲熱食入胃 就可以拿拿林啪埋啲生果&蛋糕嘢飲可先不必咁急要飲晒先出去拎一碗 雪米糍 再唧啲雪糕食食埋甜品先斯斯然 拎埋未飲完嘅嘢飲離場因為一夠鐘 就會有侍應離 有禮貌地“催”你離座咁又冇話錯嘅 我都乖乖趕緊離座講完食嘢流程講下啲肉一路食一路嘅feedback 係啲牛肉或和牛 都好大陣雪味對雪咪敏感嘅人 記得要配汁 同燒燶啲反而 兒童餐啲肉重好過啲和牛可能兒童餐啲肉去得快啲？或者本身佢就有啲燒汁醃住 所以冇咁覺有雪味？唉 專登點一個最貴嘅和牛定食試點知 反應話啲肉差 唔抵食啲雞肉豬肉 就應該正常發揮 因為友人冇feedback我又冇食或者可能 定食同放題 出嘅肉會有所出入？燒秋葵同翠玉瓜 反而係有讚揚另外 甜品中 啲椰果同蘆薈其實係match唔到其他嘢食 有點夾硬離最後有個敗北係 冇咖啡奶茶飲或者可以茶包加牛奶雪糕 變奶茶？！ XDD最後有讚過嘅係 座位舒服囉不過 冇得揀90分鐘食 咁趕 舒服得去邊最後最唯一值得一讚嘅係每個侍應都好有禮貌👍🏻👍🏻👍🏻總括離講 係自己笨 點咗一個最貴和牛定食如果全枱人都點99蚊嘅 食60分 其實都抵食嘅同一定夠飽 都明嘅 香港地寸土尺金都要將價就貨 一貴香港人又寧願北上其實假都要食到咁趕不如假期咪鬼出啲平定食啦收貴啲啲 食長啲時間 比啲好少少嘅肉 寧願少啲啲客好過啲位都供不應求啲人撳完飛 一見等得耐咪又係走兒童餐哩樣好嘅 始終小朋友食得啲乜咁先吸引到啲家長 就算帶住個小朋友 都有意慾離食
繼續閱讀
星期日60分鐘午市套餐+buffet bar任飲飲食，基本上時間真係唔夠，不過當日我哋太肚餓，一早開咗打工仔lunch time模式，首先出去拎飲品同小食，飲品有超過15種選擇（啤酒要另收費），而小食就有沙律、炸雞、章魚小丸子、薯條、炒什菜、咖喱牛腩飯，refill得好快，水準都唔錯。另外仲有幾款蔬菜for燒烤，因為有太多嘢食，每樣試啲都會好快飽，所以我哋就求其叫咗兩款較平嘅燒肉套餐。🥢燒肉五品（牛肋肉、橫膈肉、牛舌、豬頸肉、雞腿肉） 包泡菜+湯+飯 $119 ⭐️⭐️⭐️🥢燒肉三品（豚腩肉、豬頸肉、雞腿肉） 包泡菜+湯+飯 $99⭐️⭐️⭐️燒肉質素好一般，呢點我哋都預咗，只係貪佢百零蚊有得任飲任食，同埋雪糕甜品都任食，如果下次再嚟馬鞍山，一定會再嚟食，真係大滿足！二人共消費：$240
繼續閱讀