日泰郎放題料理 (已結業)

一個字講曬:差(細閱下文，絕非打手)此店無論食物質素，員工態度，環境方面都不停挑戰我既底線食物質素:話就話有日泰食品，但係種類不多，冇特別既種類。刺身係一間放題既主菜和靈魂，而此店既刺身更係一試難忘，唔涷，有雪味，有根，可以話係差過魚尚同爭鮮，第一次挑戰底線。叫左個三文魚頭，我X，果舊黑色既物體，就好似我對鞋既鞋底，望到都冇胃口，真心想知哩舊炭，究竟埋沒左幾多良心先可以夠膽攞上張枱度。第二次挑戰底線。加88蚊食生蠔，唔單只有沙，正常人都知D蠔一D都唔生鮮，重要張開爛左既蠔都攞上枱，其實開蠔果個有冇專業道德，知唔知開爛左既蠔係唔可以放上枱，應該係我一生人中對生蠔最絕望既一次。第三次。員工態度:相信大家都知道食蟹要用開蟹工具，至少都有把絞剪。我叫左長腳蟹腳啦，點知佢冇比開蟹工具我，冇就就緊係問佢攞㗎啦，點知個waiter西口西面禁望住我，我心諗，你累我明，但係做得依行就預左㗎啦，你西口西面禁對住我都冇用，唔通要我自己去攞咩。第四次。員工要收碟我明，但係都唔係好似鬼禁浮黎浮㗎嘛，又唔係唔知通道唔寛，點行姐。第五次。到埋單，我叫左埋單，等左十幾分鐘，我連張單都未見到。第六次。環境:地滑，成個溜

價錢雖然便宜，位置在夜總會附近，室內非常嘈吵，地面很滑，老人小朋友要小心。員工表現差，經過見到碗碟，當睇唔到，態度差冇禮貌。食物質素差中之差，加88蚊可以有生蠔等等既食物，一黎叫左20隻生蠔，生蠔食落去淡而無味，冇用海水淨係用淡水洗，食落口仲有沙，完全係垃圾！其他野食都係差，食物溫度係凍既，選材係用最差既食材。呢間係第一間令我打食評既店鋪，如果各位諗住貪平既，千奇唔好黎呢間，否則後悔莫及！

從來都未試過因食物質素而寫食評, 但今次實在難以接受.1. 超漏單, 19:20落第一張刺身及燒物訂單, 去到19:30仍沒有食物奉上, 經追單後才有少許食物上枱. 往後所有order紙, 都係要樣樣追, 但都係唔齊數. 2. 無論燒物, 小炒, 或烤物全部都只有微温, 甚至只燒一面(如秋刀魚, 羊架, 牛仔骨...) 3. 所有熟食都勁多油, 見到都唔想攞尼食. 4. 網上訂座所贈送之食物, 唔問唔會提供. 5. 埋單時才說只限現金結算, 因我們使用左2人同行, 1人半價優惠, 但入座前/網上訂座時從沒提及. 總之, 這間食肆沒有下一次.

眼見網上訂座有折扣，便與友人到此一遊。一分錢一分貨，食物稱不上美味，只能夠稱上”能果腹”的程度。 一入座，枱面尚有垃圾 刺生質素一般，當中的瀨尿蝦最為不堪，味淡肉質霉，鮑片瘀黑 燒豬頸肉太硬太乾 鵝肝帶子／三文魚／吞拿魚壽司苦及霉 軟殼蟹手卷無有其他食評般”的色”，反而一大舊，熱飯凍蟹 椒鹽豆腐沒有椒鹽 比較好的食物有炸雞軟骨／雞翼／椰汁糕 最好是可樂 最後人均170總結：難食，不推介，大部份食物不是難食便是無味，而且即使出席亦被餐廳將預約作缺席處理。。。。

第一次試用tablemap訂枱再用whatsapp與曰泰郎確認萬無ㄧ失 場內座位舒適坐窗口位置可看对外樓店員服務也算满意 食物種類算多 魚生 炸物 湯烏冬 小炒 燒物 甜品湯羹 飲品

海皇翅鹹到卜x! 落單半個鐘至到。人手明顯嚴重不足，反映佢老闆十分懂經營！唉唉唉。失望到貼地。會考慮最少一年後才再來。仲有啊，青魚扮三文魚，魚目混珠，離普至極！！

放假得閒搵餐飯仔食但又懶得諗食咩，所以呢D 大包圍既放題都幾方便一間食晒中(港)日泰菜重點包埋野飲同甜品，唔洗走黎走去 入到去基本上都算大同埋一入到去已經見到甜品放晒出黎都算有唔少款，重點係可以食先 XD個朱古力蛋糕OK好食，食左幾件 另外，野飲都幾多種出面都好似無咩會放咁多唔同既出黎韓國飲料比較多(!?)甜品隔離都放左少少熟食湯都有兩款，試左個牛尾湯都幾香下，少少油係面，接受到一開始飲碗，暖下胃，增加戰鬥力 當然食得日式野，一定點都會叫D 刺身同壽司老老實實，呢間野真係好多款野食水準就交返個性價比出黎火炙壽司算唔錯，刺身就唔會有雪個種味 不過個人最鍾意都係幾個小食炸蝦、椒鹽沙錐魚、椒鹽豆腐 好有大排檔既感覺，全部都好香口 帶子都好大隻，都幾肥美下入口大大啖，交左功課啦串燒都做到一般出面泰式串燒既水準唔會求其燒完出黎老晒個醬都香口，幾串真係唔夠，好快食晒呢D 懶人唔洗用腦既餐廳真係幾方便一間野岩幾個人唔同口味都得同埋水準都唔錯，唔怕有伏

日式放題一向備受港人熱捧，但市面上的日式放題餐廳大都千篇一律，欠缺特色。吃膩了一般的日式放題，便決定與女友來試試這間日式菜和泰式菜兼具的日泰郎放題料理試試！餐廳位於佐敦新寶廣場，位置頗為方便，而且佔據七樓全層，電梯門一打開便看到餐廳的大門。大門呈幽暗的紫紅色，感覺有點神秘詭異。餐廳同時提供日式和泰式兩種食物，所以點菜單的種類格外豐富。一路進來的時候，途經其他客人，才發現原來餐廳也提供火鍋料理！要配合不同的食物，當然少不了各式各樣的醬汁來作調味，當中味道酸酸辣辣的泰式醬汁正合我心意！【各式刺身】原以為餐廳要同時兼顧日泰兩款食物，部份可能會因此而失準。然而，率先送上的刺身賣相不但精美，而且三文魚、帆立貝和赤蝦等大都很有水準，鮮甜而味美，唯北寄貝比較乏味而失色一點。更甚的，是餐廳罕有地提供泰式生蝦刺身，其味道雖不及赤蝦般鮮甜，但配以泰式生蝦的酸辣汁來吃，整體依然出色！【軟殼蟹手卷、香芒花之戀、海膽三色花之戀】壽司方面選了較有特色的香芒花之戀和海膽三色花之戀。每件花之戀都是小小的一件，容易入口之餘又夠過癮。芒果十分新鮮清甜，而海膽雖然份量不多，但質素也相當不錯，兩者各有千秋。軟殼蟹手卷也同樣是

呢間放題有別於其他放題，唔只日本菜，連泰式菜都好多選擇。好似自助餐咁有沙津吧，各種湯品同熟食。甜品除左雪糕，仲有好多其他選擇，岩哂多心既為食妹。熟食方面汁燒魷魚，炸蝦餅同炸大腸、雞軟骨都唔錯，串燒亦燒得香口。另外仲有各種酸酸甜甜既泰式汁醬點。當然唔少得泰國招牌菜冬陰公，味度唔比平時既泰國餐館差架。壽司質素就普通，但係刺身又出奇咁新鮮，而且款式選擇多。好岩帶唔食生野既爸爸媽媽老人家食。

環境感覺似大排檔，有D污糟，仲好多（最少好幾枱）大陸人，我响自助枱度俾個大陸婆娘撞開咗刺身唔算好新鮮。芝士年糕，average，剛炸起仲係脆。燒羊鞍，味道ok,唔un。炒菜，略為多油，不過味道係可以的。炒蜆,葱油雞唔入味，味道浮於表面。魚露燒蝦，外表睇係燶燶地，但除殼後冇乜燶，入味。壽司啲飯可以雪一雪先，有D暖。燒鯖魚，有D腥。泰式蝦餅，脆，夠彈牙。泰式魚餅，好多油，得層皮，唔多覺有魚肉。總括嚟講，因為用咗7：30前離座，二人同行一人半價優惠，平均每人$170連加一，價錢算合理，如果正價$199再加一就真係要考慮下。

香港的放題店越開越多，以前說到放題總會想起旺角兆萬，但現在幾乎到每個地區也不難找到放題店了。朋友就發現了有間位於佐敦的放題店-日泰郎，除了有日食外，還有大量泰式小吃，一次就能滿足到兩個願望走進店內，人流也不少呢，部分前菜小食及飲品已放在場內顯眼位置，當中有大量沙津配料,迷你精緻的小甜品，而飲品方面除了有一般的汽水外，還有韓式飲料及啤酒坐下後，店員建議我們可多加$88把放題升級，即可冇限享用海膽燒法國鵝肝,五頭璣煮飽魚,北海道松葉蟹,加拿大即開黃金生蠔,炒珍寶帶子,日式蒜香燒和牛,吞拿魚腩刺身及澳洲紅!五頭璣煮鮑魚升級後的放題頓時變得矜貴多了，每次放題的頭盤由刺身變成了五頭璣煮鮑魚！鮑魚表面被染成淡啡色的，經煮過後入口帶微鹹，而且煮得夠腍入味，每人吃過兩隻後都表示要再來一盤海膽燒法國鵝肝海膽燒法國鵝肝同樣厲害，鵝肝被切成小份的，上方再放上一小片青瓜及海膽。兩者口感綿軟，入口先是感受到鵝肝的油香，然後是海膽的甘香，不過雖然每件份量不多，但多吃幾件還是會覺得有點膩北海道松葉蟹腳松葉蟹腳的賣相相對地沒有太過吸引，蟹腳不算太粗，所以內裡蟹肉不多，而且鹹度亦相對較高，建議可把蟹腳插在冰盆子上，賣相

老老竇竇，唔係Openrice搞咩和風祭campaign真係唔會留意到度呢間嘢，本住一試既心態，帶朋友黎食生日飯，一早係Table Map訂座，準時去到睇住個店員highlight我個booking我個Table Map都可以show缺席 ，我唔知係Openrice問題定間嘢既問題啦！已send enquiry比Openrice反映，但未有回覆。anyway，未發現「被缺席」前，我已經對呢間嘢印象好差。 因為首先，落單上菜，啲食物好唔新鮮，刺身完全無encore既意慾。 三文魚無鮮味（其實成盤都無）、帶子好腥、其他都幾大雪氣... 不過熟食帶子正常啲、青口都可以，但多春魚首先好似魚苗咁細，其次燒到乾柴咁，bad！ 海膽花之戀腥到喊，極唔新鮮 ；鵝肝帶子都好腥。鰻魚一般。雞翼又係煎得太乾，雖然味道不錯，但口感好差。 魷魚鬚更加啦...每款壽司都無新鮮既感覺...非常一般，坦白講，食爭鮮仲鮮啲。特登黎食日泰放題，但叫左幾款咖喱無黎，生蝦刺身又要再催先黎。泰式燒蝦更加追左至少5次 ！追到口臭！天婦羅唔知用咩油炸，一陣火水味... 全場只能讚佢有韓式飲品

呢到啲野全部唔掂，剌身係間日式放題既靈魂，佢啲剌身梅梅爛爛咁！好差！如圖，鮑片唔知擺左幾耐，有陣叔味，虎蝦都唔爽口，仲要係唔夠凍既，好失望！食食下仲見到塊三文魚有達黑色野係到，完全無胃口！呢個赤蝦剌身真係世界級，啲蝦腸又唔挑，仲要飛晒出黎，見到都反胃！我入座時間係6:00正，到走果時都係半場客都無！唔明點解可以hea到咁！豬頸肉！如圖！睇圖都見到佢又乾又鞋咁！以上三碟野都是十分乾，十分難咬！而且店員都十分無禮貌！有位男店員竟然在我在手機打字既時候，在我身旁灣低身睇我手機！十分唔尊重人！原先仲見到openrice咁多好評會唔差！世都估唔到會咁差！可能係我咁岩黑仔掛！絕對無下次！！！

今日幫朋友慶祝生日,因為聽人講佐敦有個放題幾特別，於是就去左試下，之前已經一直想食放題，但係一直都約唔到人去，而家終於有人約到緊係即刻食喇。一入去就感覺到舒適嘅感覺，地方俾人感覺都算寬敞。仲要望埋個街景，真係好吸引架生蠔呢個絕對值得一試架，生蠔非常之咁肥美，感覺好鮮味，都係第一次咁樣係放題咁樣任食生蠔。鮑魚你無睇錯只要你肯加小小錢（88蚊），你就可以任食飽架喇 ，而且呢度嘅飽魚好有口感，又唔會太咸，都係第一次咁樣任食刺身呢度嘅刺身真係幾豐富下，有咩都有啲，就連虎蝦都有，虎蝦係我最鐘意食嘅野黎，呢度嘅虎蝦大大隻仲幾鮮甜甜品呢度嘅甜品種類唔算小，而且仲有好多唔同類型嘅TIM。食左咁多真係令人驚喜，下次都要同其他人黎先得。

平時日式放題就食得多，但日式mix泰式就真係未見過，重點係價錢唔貴，想召集成班朋友齊齊食都無難度。強烈建議加錢升級，lv會大大提升。出面有自助小食區。仲有湯品。小食揀左泰式鳳爪，辣到不得了，但入口好爽脆。隔離是胡椒豬肚，非常暖胃，全晚共飲三碗！創作壽司都偏向細粒，但味道不錯，細細件可以試多幾樣。冬陰公用料超多，除左蝦之外，仲配上大量香料，又酸又辣好正！生蠔好大隻好新鮮，入口爽甜，encore四轉先夠喉！鮑魚我唔太喜歡，所以交由朋友解決，結果佢一人獨食10隻，睇黎應該都唔錯。刺身大部份都厚切，食落啖啖肉，而且新鮮甘甜，特別係帶子最好味。小炒和平時食的差不多。大讚炒蜆，鑊氣十足，食落濃味之餘唔覺有沙。蟹腳都唔差，肉質算彈牙，不過個人覺得少少偏鹹。炒帶子等左半個鐘以上，不過真心好味大推介，炒得香口不油膩，帶子厚肉又彈牙，好好味！