日滿屋 (已結業)

其實九龍城平時真係好少嚟，但因為有個朋友剛搬到附近，所以就嚟探一探佢順便就到九龍城廣場食晚飯。一行入九龍城廣場翻新晒，好靚！而其中就有一間食肆好顯眼，又係我哋最愛嘅放題，再加上都唔係太多人等位( 不過都要等咗10分鐘 )，咁梗係唔好放過啦；一於試試佢。入到去叫嘢飲先，飲品list 除咗有一般汽水外，仲有一D特別嘅熱飲 ( 熱生薑茶，熱玫瑰花茶)。雖然我叫咗啤酒，但我都試咗我朋友細細啖，個味都濃，飲落去唔係溜嘢。而啤酒有三至四款，咁我梗係叫一D平時少機會飲的啤酒。沖繩啤酒 & 哈爾濱啤酒沖繩啤酒個罐超靚，原來係特別版，喺出邊就見唔到，個味道就dry 少少苦澀味都ok哈爾濱啤酒疑似老闆娘介紹，佢話佢自己鍾意呢一隻多d，而我自己就覺得個味易入口，易接受少少甜，飲落去幾舒服另外，應該疑似老闆娘嘅女人走過嚟我哋張枱仲要好好傾，仲要俾咗兩杯靚sake 我哋試，真係好好飲。一款叫 “雅山流” 聞落去好香，飲落口好醇。好啱女士飲一款叫 “超特三千盛”聞落去就知係sake中嘅梗嘢，味濃。好明顯你男人酒嘢食方面，其實都有好多選擇。刺身方面，因同枱得我一個人食，所以冇叫好多，怕叫得多就食唔到熟食三文魚，劍魚

已經好久沒到過九龍城廣場了，剛好跟朋友一起到九龍城附近覓食，就找上了這間新開的日式放題，環境不錯坐得還算舒適，看到餐牌上有很多放題店也沒有的赤貝刺身，就點了來吃，味道很新鮮，之後也有嘗試到其他魚刺身及壽司，味道鮮甜值得一讚，至於炸蠔和天婦羅炸得新鮮熱騰騰而一點也不會油膩膩，炸蝦脆得吃得我連蝦殼也吃掉，朋友點了蟹王粥和牛柳粒。因為我戒吃牛肉所以沒吃到，但遠處也嗅到牛肉和蒜粒的香味，而且牛柳看來很嫩，而蟹粥因為我討厭吃有殼的東西所以只吃了粥，粥充滿蟹的精華味道，可以跟澳門水蟹粥一比高下，炒年糕比想像中有點辣，但對我來說剛剛好夠辣，十分惹味，店子可能還是新開的關係，有送到一盤特別的刺身，海膽好好味，如果青口能幫開殼就更適合我這種討厭剝殼的懶人了，全店最好吃的還是在大多數放題店已絕種的赤貝，如果海膽也很點就更好了

前文提到佛誕假期那晚來吃放題, 熱食比魚生刺身好得多, 所以今日同老友記仔再聚, 二話不說就再約在此店吃set-lunch, 一來地點方便、二來俾多次機會睇吓服務會否日比夜殷勤多呢?!  三來貪佢夠新肯定唔駛同人迫坐得舒服傾到偈.....Honey睇到呢度又會笑我長氣   ok, let's go!  Go Go Go~~~約了一點, 我同 honey 先到, 果然去到任坐, 但偏偏唔派我哋去卡位, 要我哋坐去大長枱排到啲枱密晒嗰區, 捐入梳化嗰邊空間得幾吋唔夠一隻手位嗰啲枱呀, 何必呢?  我honey係順得人, 照坐喎, ok!  其實都真係無咩人, 排鬆少少, 高檔次少少做旺咗先"有咁逼得咁逼"把啦!   好似今日咁, 數埋都無五枱客, 睇怕今日唔會漏單同招呼會周到啲喇啩...午餐有好多款, 熱鍋/刺身/壽司餐一共幾十款; 老友記仔食牛肉鍋定食, 無影她食物的相片...所以不評了, 到一點, 多番兩三枱客, 睇怕今日午市係咁上下.  希望佢慢慢儲番啲客啦.  我同honey分別叫咗滑蛋豬扒同豬軟骨定食, 每客午餐跟一個蒸蛋及加7蚊有一杯"特飲", 叫咗草莓爆珠同熱情果爆珠.大概

刺身係放題既靈魂，但明顯佢既靈魂已死，望個樣都睇得出係唔多新鮮，食落更加神奇，每一款刺身都係無味架，三文魚無三文魚味，帶子無帶子味，連最簡單既甜蝦都係無味架！松葉蟹肉白湯，聽個名以為好勁，點之原來係蟹柳絲粟米忌廉湯，重點係。。。無黎味道燒蝦，霉的，lur都lur唔切如果收費係$140我絕對接受咁既食物質素，但收到$260就真係要切底檢討一下。出面大把放題好食過佢。唯一讚既係新裝修，環境寬敞。

是日為佛誕公眾假唔駛返工, 約了老友記同我兩個honey一齊食晚飯, 咁honey好慷慨話任我選我梗係食好耐無食嘅"放題"啦, Yeah, let's go~~ Go Go Go~~~之前同honey講過話: 放題我唔夠膽試喎!]  因為個場搞咗咁多年都唔旺場無人氣, (話說以前樓上有間叫'甜之迷'做甜品做得幾好價錢又合理, 去親都無咩客...最終又係'摺'咗都好可惜!)  近年有咗吉之島至真係見多番少少人, 好奇怪呢處點經營咁大間放題餐廳呢?!  客流量唔夠多啲嘢新唔新鮮呢?!   honey話初開張個位又唔差, 要攞客口碑反而應該唔會好渣, 叫我:     晚市分6-8 及8-10兩時段, 我哋食早段, 食完可以上吉之島因為我好鍾意行佢嘅12蚊店好多雜貨賣(雖然改名叫Aeon百貨好耐但我成日都講錯話去吉之島!)  今晚都坐咗六七成客, 我哋早到又有訂位, 被分配到卡位區, 呢邊唔算迫算好坐, 好, 快啲寫order 紙先!  238加一汽水任飲, 因為無酒牌, 所以未有酒精類飲品,  honey同老友記無得飲啤酒, 感覺又無咁抵添.   食放題同食自助餐一樣我都係主力食生冷嘢,

話哂住喺附近，見呢間嘢新開無耐，裝修又唔錯，門口一大堆明星合照，應該都唔會太差啦，咪同老公嚟試吓囉…點知簡直慘不忍睹！😰放題任飲任食，一坐底疑似老闆娘嘅物體熱烈招待，感覺還可以，食物賣相也不錯，但味道質素就…刺身-- 有十多款選擇，任食喎，樣樣都叫d試吓啦，食完只有一種感覺→就係無感覺！完全淡而無味，就連基本嘅三文魚都無味嘅，北寄貝、甜蝦、帶子全部都無味，超鍾意食刺身嘅我倆完全食唔落！蒜片牛柳粒-- 無牛味亦無蒜味！牛油燒大蝦-- dry爆，咬落口完全唔知自己食緊乜！😖天婦羅-- 即炸，夠熱。但依然係完全食唔到咩味，就連南瓜同蕃薯都係，基本食物嘅味道都無！鹽燒牛舌-- 落單落咗3次先到！燒到成塊牛肉乾咁！咬都咬唔開！😠蟹子沙律-- 只有淡淡嘅沙律醬味全晚最食得落口嘅就只有個烏冬，起碼知道自己食緊乜！！兩人埋單$480，食物質素如此低劣，仲要不停漏單，從未食過一間日本菜係差成咁，簡直有被騙嘅感覺！😧😧

今日男朋友唔知做乜心血來潮話想同我去行下效外，癲鬼左！咁我地就傻下傻下咁去左九龍寨城公園行下。行到我地個人冇晒電之際，我地近近地就黎左九龍城廣場搵食。一上電梯，就見到呢間應該係新開既日式放題(門口都仲見到有花牌)。入到去感覺好好，好舒服，可能我地早食飯，入到去人唔多，Waitress姐姐仲好Nice咁比我地自己揀位，嘻嘻~ 我地揀左近窗位置。好多時出面啲日本餐廳都裝修得好暗，扮到好似好好情調咁~ 呢度好唔同，有一大排窗，對住個花園，因為時間仲早，外面仲有陽光，感覺好SUMMER，啱晒我地今日既Style~ 哈哈哈哈！正諗住叫野食既時候，有個看似經理既人行埋黎打招呼問我地食咩，仲介紹我地佢呢度既套餐。心諗放題都有套餐？？呢個時候，我既親愛的拋下一句，嘻嘻~ 經理講到套餐比放題既質數好，既然係咁，我地就相信佢，決定要套餐食好啲獎勵自己。黎喇~黎喇~首先黎既有刺身拼盤，好靚靚，即刻相機食先！個樣就好夠靚喇~ 拼盤有帶子，大蝦，三文魚腩，海膽同藍鮨吞拿。刺身好鮮~ 佢地好NICE地將個大蝦既頭同尾都分開左，可以就咁一啖就食左佢，唔洗整污糟手黎自己撇個蝦尾，真細心。三文魚腩好肥美，仲有傳說中既藍

為左哩間餐廳先註冊會員寫食評, 本來無諗住寫所以無咩影相,星期六晚 $238再加一 (火鍋另加$20一位), 唔算平所以覺得d野應該係要唔錯先岩, 不過好失望~門口有好多相, 細細粒~何國榮~仲有好多無睇係邊個~餐廳應該會新開, 裝修幾好坐得舒服~ 當晚應該未領到酒牌所以無提供酒精飲品, 但係任飲入面是包埋酒精飲品的~ 比左錢, 無得飲~其他都係氣水之類, 有幾款台式飲品可以揀, 唔錯~坐低就送凍海鮮拼盤- 有海膽, 帶子刺身, 有頭甜蝦, 青口, 螺, 蟹腳~                              除左帶子同甜蝦之外, 其他野都實在可有可無蒜片牛柳粒- 上枱時睇落係一督既~ 入口即溶-- 霉! 未食過霉既牛肉~ 我以為係罐頭~                  點知有舊大既入面係鮮紅色~ 又霉又生~ 無影相亦都無投訴~刺身- 大路野~三文魚~吞拿魚~甜蝦bla bla bla~全部普通~ 旺角區百幾二百既放題質素好過哩間野~        有帶子刺身, 不過唔係帆立貝, 係好細既帶子, 而且口感係爽的?壽司- 大路野, 有另一張紙叫"創作壽司" 鵝肝帶子听落好勁~

那天下班後和朋友於此食飯，最近才知道原來用餐當天，這間店只是試業中，但也已經吸引不少人去食。好！這間放題真的是非常值得推薦！！！這間放題的賣點是即叫即整，就是因為即叫即整，因此等候食物時間也需要一點點兒時間。可是那些食物也是熱的！我未試過一間放題那些食物是出煙的，就連那些逐碟計錢的壽司店也做不到！那些炸物全部都差少少熱親嘴巴，係誇張到連點炸物既汁也是出煙！真是非常好吃！而壽司方面，擺放得十分精美，那些三文魚和飯的比例剛好，不會飯過多而三文魚好似一張紙咁。特飲方面，賣相很美，影相一流，然而味道方面略為淡了些。我食個日，每枱均送一盆海鮮刺身，當然如果覺得好食可以再叫，那些刺身很新鮮！很好吃，帶子有點入口即溶的感覺。那天沒有特別為食物們影什麼照片！但真的很好吃！價錢會貴點，畢竟開於商場內。！！想提醒一下，如果只是為了吃到飽，不介意味道的，請去其他地方食吧！但如果在意味道而不介意食幾多的，這間真是值得推薦！連細細粒也為這間店代言！！！