日牛涮涮鍋專門店 (已結業)

好喜歡有唔同嘅湯底選擇，仲可以一人一鍋！最鍾意壽喜燒連🥚蛋👍👍雖然訂咗位，但係去到餐廳，想搵一個服務生都冇，連行都入餐廳都搵唔到，得啲客人喺度！服務員都唔知去晒邊🤦🏻‍♀️呢樣我覺得餐廳要留意一點，就算幾忙都好，都要有服務員係店面！食物方面都幾滿意！有唔同嘅蔬菜，丸類，仲有菇類選擇，幾鍾意個烏冬，除咗白飯仲有款好特別嘅飯，好重黑胡椒味！重有肉類任食有唔同種類嘅飲品任你飲，甜品重有frozen yogurt😊👍

有次經過Mikiki 見到呢間食日本鍋嘅餐廳中午4人同行3人收費，就可以食到火鍋‘放題，咁抵就梗係若埋朋友一齊去啦，中午都唔使點等就有得食。可以先自選湯底 跟住可騎食牛定豬，我就揀左壽喜燒鍋，甜豉油湯底，咁係太甜。放題都幾多料揀 菜有油墨菜，生菜，娃娃菜，仲有菇，丸同埋烏冬揀。飲品就自由添飲，另外有個乳酪雪糕食添。值得食就係佢地嘅粟米 雖則細細舊 但就好清甜 當然一個人都食左5 6舊 可以清清食肉啲肥膩感蕃茄鍋 真係有蕃茄肉嘅湯， 好香濃鮮茄味，試左一啖 酸酸甜甜都幾開胃。總括黎講中午黎真係好抵食!平均1個人都係60幾蚊倒，就有咁多嘢食。

午餐和同事來這裡食，平時通常在九龍城區揾食多，但區內好似無午市日式火鍋放題，九龍城去Mikiki 車程只需3-4分鐘，非常方便。我們選了最平的任食set, （豬肉,牛肉&雞肉）,都只是$108! 好抵食！出面的蔬菜配料都好新鮮和乾淨，又有乳酪雪糕，又有汽水任飲！平時去茶餐廳食個燒味飯加飲品都要$70-80，呢度確是超值！由於我們坐枱是窗邊，所以環境好舒適寫意！奈何我公司的午飯時間只有一個小時，想食耐少少都唔得，幸好他們的上菜速度快，亦沒有漏單，服務好好！

很喜歡日牛，原因係放題得嚟亦不至於放縱，特別係午市時段，只有一盒肉，其餘都是蔬菜，所以好飽得嚟但感覺健康。上年成為和心會員後，就更加久唔久幫襯一次。是日幫襯晚餐。我老公十分愛位於新蒲崗的分店，因為唔需要等位，坐得舒服，侍應服務好，老公最喜歡其白幼麵，口感好好。我本人則愛其雪糕及蔬菜，食多碟蔬菜都沒有罪惡感。之前熱飲只有綠茶供應，但近年更添置其他茶包熱飲，包括咖啡。而雪糕醬亦加了朱古力脆皮。可見餐廳的誠意。今天試了秋日新湯底，咖哩蕃茄，咖哩味濃！真心推介。

9點半宵夜時段食得過唔駛等位，去到就有位坐一安排入座就已經叫我地揀湯底先叫左個胡椒和牛湯底，係試過咁多款湯底我覺得最好食最夠味嘅仲有任飲任食，仲有乳酪雪糕食牛，豬，雞肉都任食坐位闊落，地方都叫乾淨

今天平日晚上去吃。二位90分鐘。無問題。入到去店內坐唔夠十抬客。於是要求坐窗口（是四人抬）但被拒絕。店員又一樣又各樣。我話我食完都未坐滿拉。於是拂袖而去。又唔係得你一間餐廳。

公司成班男人都好鍾意去呢一間餐廳......因為佢哋用一個普通午餐嘅價錢.....就可以任食食到佢哋想嘔....我哋仲好醒.....因為如果食不同肉類放題就貴d....大概120元位....！如果淨係揀一盆肉.....其他配料任食.....就圍番每人80元.....最重要係有乳酪雪糕飲食......呢杯雪糕出面一杯都要幾十蚊......裏面環境都幾大....都坐得舒服.....出面d配㪵任攞任食......質素都幾好到左我個飯後甜品時間.....乳洛雪糕任食....仲要朱古力醬朱古力配料....所所有有都任添任加........問你死未.....

今日同朋友夜晚就食咗呢一間嘅火鍋。之前都食多幾次午餐，大概＄70到嘅半自助火鍋但係肉呢就係冇得任叫嘅，所以晚餐我都冇估吾到佢會係有得任叫嘅啲肉。不過我覺得如果晚餐要比多少少都合理嘅。跟住點左兩個＄148嘅火鍋有雞肉豬肉同埋牛肉，但份量好少，心諗＄148份量得咁少真係搵笨，跟住我就問佢係咪得呢兩盤架咋，跟住佢話可以任叫，我就如夢初醒咁樣先知原來係放題。如果放題就唔同講法喇， ＄148以佢牛肉嘅質素來講可以任食就真係幾抵食，而且嘢飲係任飲添，仲有自助嘅乳酪雪糕俾你食。半自助方面嘅嘢食仲有多款蔬菜啊丸類呀麵呀嗰啲。跟住我喺餐牌度見到有個寫住加＄15就有任飲生啤,不過個侍應話要全台加先得，咁我只係同另一個朋友食飯所以兩個人加埋只係加多＄30就可以任飲生啤，咁所以我就加左，之後埋單都只係每人＄180度， 10分抵食。

中午真係好少打邊爐，但見到呢間午時四人同行三人收費，已經包邊爐蔬菜配料任食，咁抵當然要試下！肉有豬、牛、雞揀，最平$69，食好d當然就再貴少少湯底有幾款可選，今次揀左蕃茄湯，顏色就夠但蕃茄味不足。至於肉份量還可以，肉質普普通通，當然以呢個價錢黎講算係不過不失。邊爐一人一窩，完全可以按自已口味落料，不過因為窩比較細，湯好易滾瀉，要小心。配料選擇唔算多，但個人覺得可以接受（畢竟平！），而且蔬菜大部分都幾新鮮，鼓勵我食得健康d哈哈主食有烏冬、蕎麥麵、飯揀，唔怕唔夠飽。飲品同乳酪雪糕都係任食，臨走整番杯雪糕，prefect!而且座位夠闊，裝修亦唔馬虎，星期一至四午餐冇限時，係入面慢慢食都真係幾嘆～講真唔期望有超好質素，畢竟價錢仲平過去連鎖快餐店食。食物質素不過不失，亦都坐得舒服，性價比可以話係極高！

如果你有潔癖、食得慢、對某d食物敏感、偏食，如唔鐘意食豬、牛、雞⋯⋯但打邊邊時又怕別人的豬、牛、雞⋯⋯傷害左你既湯底，呢間就最適合拿！一人一個小煱，自己一個電子爐，火喉大少任意自由喜好調較，食得快又怕煙可以熄左佢，食得慢又唔想d野滾下滾下，又可以熄左佢，非常個人化，好值得推介！場內仲有長腳蟹+$80任食，size 算大，一個半小時任食，真係手腳慢d，名符其實都搞到倒捨羅蟹！飲品食物係任食，價錢適中，選擇齊全。

同啊媽又來打邊爐我地都幾鍾意食呢間因為呢度有好多菜食啊！如果怕肥又想打下邊邊呢度真係唔錯肉類通常我地食完第一round都唔會再order唔係d野唔好食而係我地想主力食多d蔬菜類我地食basic gei套餐有牛肉、豬肉同雞肉可以任食無特别upgrade但都好够食雞肉好滑，牛肉我唔食啊媽話牛肉唔錯豬肉唔會太肥薄薄地，好快熟，好好食雖然話要减肥但呢個乳酪雪糕太好食點都要食少少怕肥，只好同啊媽share一半每人食少少開心下就算雪糕得一款，但topping有好多配料可以落雖然我地無落好多，不過都好開心有好多topping可以揀雪糕滑溜，帶有微酸yummy差唔多走先見到粟米仔出場呢度d粟米仔特別爽同甜雖然食飽左但點都要食番兩條先滿足為左健康，我地無飲汽水不過口味都算多!兩個人食得好開心，又健康，最難得有咁多款新鮮蔬菜食下次再來!

星期五同家人去食晚餐。叫了最貴黑毛和牛。牛的質素可以接受。但自助吧的選擇真好少。調味料也少選擇。訂位時職員話恒生咭500元以上免加一。埋單又話星期一至四。服務員態度很差。無下次。日式火鍋店都係一樣。唔再光顧。

同媽咪來MIKIKI行街街  經過呢間餐廳，由出面望入去見到勁多款蔬菜同望落好新鮮，吸引左我地 注意。 於是我地行下街先, 行到餓先來食, 因為即日BOOK無位呢~我地行完去等位, 等左30MINS左右, 真係幾耐下,  好彩都好食, 無白等到。 不過下次可以早D book, o甘就唔洗等啦~ 入到來見到d新鮮蔬菜真係好興奮~ 除左疏菜，呢度都有好多野食 丸類都唔少 我同媽咪主打食菜類 超新鮮又多款!豬肉只係食左一round就無再叫肉類唔錯，食落幾嫩滑 乳酪雪糕好好味，勁多款topping乳酪雪糕同野飲都係任食呢度環境幾舒服估唔到有飯食，不過我地怕太飽就無試到d飯，下次可以試少少，話晒係用名貴電飯煲，可能真係特别好食都唔定。埋單每人百零蚊，超抵食!好食又满足!

凍凍地嘅天氣最適合打邊邊架啦 咁岩係新蒲崗做完野 吃一個人的火鍋😙 90分鐘 非常趕 幸好獨食可專心一點😂😂😂 隨便叫左特選試下 啲牛又唔錯喎下層重有豬肉同雞肉 份量一啲都唔少有5款湯底 㨂左最簡單嘅清湯 吃出鮮味😋 配料任君選擇 芝士腸 獅子狗 菜等等 包你一定飽😌 薄薄嘅牛肉片輕輕涮幾秒就已經熟透有牛味嘅 但咬口一般 而且湯底略嫌偏咸⋯配菜放得十分整齊 而且十分乾淨 蔬菜嫩綠 明顯店員有㨂選過才放出來👍🏼👍🏼👍🏼百幾蚊就可以大飽口福 滿意滿意😋😋

星期日去一田上倉，掃完貨2:30。四圍行搵野醫肚，見呢間火鍋店1人1鍋，價錢都係$69咁抵就入黎試下。坐位都好闊落，除非你超肥位同位之間有板隔開叫左最平既$69豬肩肉套餐，限時90分鐘骨膠元雞湯雞湯不算濃郁, 但都有雞味, 唔太咸自助區域分開2邊, 食物唔算好多，通常都係蔬菜類，有大約5款丸同3款麵，芝士腸當然唔少得. 另外汽水同乳酪雪糕都係自助任食既.肉同菜都係普普通通，同平時屋企煮既質素差不多菜新鮮既, 自助區亦乾淨企理, 冇一般任食火鍋亂七八糟既問題. 豬肉片薄切滾兩下就熟, 有少少騷但都可以接受. 最中意個豆腐, 幼滑如絲, 但一份得3細件, 一次要攞幾份先夠喉. 丸類冇咩特別, 其中三文魚魚蛋特別難食, 腥不特止, 仲要淋patpat, 如果食98蚊肉類可refill果個餐, 可以直頭唔食丸.最開心係有年榚😍, 煙煙韌韌吸哂湯既精華, 夠味又飽肚飲品方面有可樂雪碧同雀檸, 自己攞個杯無限refill, 雪糕微酸少甜, 配料有6樣, 醬汁有3款, 我選擇左朱古力豆+朱古力醬, 下次試埋佢個蜜糖醬先總括黎講係抵食既，$69蚊再+1 食到飽連甜品氣水