旬彩火鍋

營業中

休息中

昨晚路過Megabox, 去了10樓冰場附近的食肆街，見到旬彩火鍋做一人自助火鍋晚市定食優惠，一於試下！我們二人點了B. 美國牛板腱 $98及 C. 美國SRF 極黑牛 $108（連60分鐘自助吧）！想要多份肉可以加錢$30-$70追加！👍兩款牛都不錯不會很多肥肉，C 款牛味較重而且較大塊！自助吧有醬油、炸麥樂雞、菇飯 （可惜濕左d) 、即食麵（出前一丁、辛辣麵）、各式丸類及少量蔬菜，還有少量甜品、西瓜及雪糕雪條（有款韓國雪條）、沙冰、各式罐裝及紙包飲品等！雖然沒有海鮮類、餃子類、肉類等，每款選擇又不算很多，對於一般日常晚飯突然又想食一人火鍋，而每樣食少少食量不太多的話，已相當豐富，價錢亦跟外面食一碗拉麵差不多！推介！👍

上星期去megabox，試咗一間日式涮涮鍋放題店「旬彩」，可以任食120分最，設有A至D餐選擇，價錢由$158 至 $398，最貴$398 可以任食日本黑毛和牛，而最平$158 亦有美國肥牛，真係平絕全場！ 餐廳面積都幾大，開揚光猛，坐位都幾寬敞舒適，主打一人一鍋，非常衛生又方便。湯底有日式湯底如壽喜、昆布等，亦有香港限定嘅豚骨、豆乳、蕃茄等。食物方面，是以QR code落單，包括了肉類、壽司和少量海鮮等，上菜速度非常快值得一讚。自助區亦有不少火鍋食材，應有盡有。還有甜品區和飲品區，較特別有自助式日式刨冰，仲有多款口味選擇。今次試了$398，可以食盡所有牛肉。黑毛和牛淨係個樣已經冇得輸，油花非常均衡。次一級有美國SRF極黑牛、美國牛板腱，同樣不錯。另外有西班牙粟豚，肉嫩甜美。而最有驚喜係美國肥牛和美國精選牛肉，質素絕不比黑毛和牛差。如果想平平哋打個邊爐，選B餐$198 就CP值最高，可以食足120分鐘大滿足！

今日就同朋友去左旬彩火鍋打邊爐放題晚市火鍋可以選擇唔同既肉類套餐, 任食120分鐘, 一人一鍋, 總共有8款湯底選擇, 除左常見既日式湯底, 仲有柚子貝柱湯底, 柚子清新香甜, 令食材更提鮮套餐D有唔同款式既肉類, 包括美國精選牛肉、美國牛板腱、美國SRF極黑牛、日本黑毛和牛、西班牙栗豚, 黑毛和牛油脂分布平均, 肉味香濃, 另外有多款自助火鍋配料, 包括蔬菜類, 菇類海鮮類有沙白任食, 肉質鮮甜無咩沙, 仲有多款壽司任食, 包括北寄貝壽司, 鰻魚壽司, 整體幾新鮮甜品區域除左日韓雪糕雪條, 蛋糕, 豆腐花, 啫喱, 仲可以自製刨冰, 加入白玉, 珠珍等飲品方面包括罐裝同紙包裝既汽水同茶飲, 仲有鴨屎綠檸檬茶, 雪梨茶

👧🏻😋👅🍽✨抵食震撼價放題-🌈 晚市120分鐘火鍋放題只需$158起, 包括 🥩肉品 🍣壽司 🍲一人一鍋湯底 🥘主食小食 🍢火鍋配料 🥤飲品 🍰甜品雪條🌈 四個套餐由$158到$398, 只係可叫肉類既分別, 食完我感覺呢度賣點係食物多元化, 而最初級$158包既美國肥牛都好好食真心唔差; 糧尾恩物想食到飽揀A餐都制得過-🥩 肉品💯$398 D餐先有既日本黑毛和牛固然出色, 嫩滑帶油香, 但我個人偏好 $238 C餐都有既美國SRF極黑牛, 肉質實淨少少但都滑同埋肉味更濃💯$198既B餐起就有西班牙栗肉, 有驚喜, 幾滑同埋好鮮甜; 但食食下先發現原來所有餐都冇雞肉, 係美中不足既地方!-🍣🥘壽司/主食/小食✨壽司選擇唔多亦唔算好靚, 但$158都包壽司放題已是夫復何求🤣 如果叫貴餐就主攻靚肉!✨熟食有日式蘑菇飯, 麥樂雞, 燒賣, 墨魚卷, 煉奶饅頭, 過下口癮都唔錯-🥤🍰飲品/甜品💯除左盒裝罐裝來貨, 最正係自由斟鴨屎香檸檬茶, 百香果蜜, 花旗參蜜, 唔會太甜好飲💯甜品都係簡單款雪糕雪條, 豆腐花, 蜂蜜蛋糕, 檸檬撻, 最愛自取既雀巢純乳酪!

星期五10:30pm關門，8:35pm話cut單無得叫120分鐘放題，我話接受小過120分鐘都唔比叫係乜玩法，哥仔話因為之前有客戶對於小過120分鐘的安排有意見，所以統一關門前提供不足時就不做生意所以只能提供半自助60分鐘套餐寧願不做，真係估佢唔到，不合邏輯的做法，斬腳趾避沙蟲，搞到全家要轉場到旺角，停車場費油費都蝕埋，其實排隊都排左幾分鐘仲話夜繽紛，咁就冇得食，希望唔係因為怕沒時間清潔而推掉生意啦

質素唔得，唔推薦。芋絲煮完係膠黎，即時同職員講有問題，叫職員收起有問題食物，會食死人，但職員沒處理到，而食物bar仍然有有問題芋絲。大家入去食真係要小心，如果其他食料有問題，相信店家都唔會處理。食物種類都算OK基本嘅嘢都有嘅。但甜品沙冰真係唔掂，超伏。熟食有4樣，蒸魚蛋燒賣嗰啲。味道一般。環境都算新，但係啲木器具有啲霉。座位如果坐齊人都會有啲迫。飲品種類都OK 都係一般常見嘅放題飲品。整體嚟講都唔推薦去。

尋晚就去咗食呢間日式火鍋放題 位置勁方便我，因為係megabox 姐而價錢都唔貴，最貴既set 都係$398 不過！已經係日本黑毛和牛！！ 🤩🤩一人一鍋，可以自己揀鍾意既鍋底，而加湯，出面可以自己fill 我呢就要左個壽喜燒湯底，甜度適中，唔會太甜！配上靚靚既牛肉 🤤🤤 就啱啱好啦而揀好餐同湯底，佢哋會每樣肉類都上 比你食住先，而且亦會介紹返邊種打邊種，方便你之後encore 而叫得呢個餐，黑毛和牛當然係重點啦！你望到佢油花好靚！更重要嘅係 佢次次黎既水準都好穩定！🤩🤩🤩 我哋都食咗好多份 至於其他肉類，我就推介牛板腱，相對無咁肥，肉味會比較突出 ，平衡下口腔既油膩感 另外，仲可以叫啲壽司黎食，雖然款式唔多，但係好食架！ 另外，呢度既飲品都好出色！竟然有自家製既花旗蔘蜜，鴨舌香檸檬茶等等！ 😎😎呢個真係值得一讚！至於甜品方面，有西瓜啦、蛋糕仔、雪糕、仲有可以自製刨冰corner !!

任食火鍋壽司放題$158起，最貴套餐$398！$398呢個餐比上一個價格相差$160，就係多左日本黑毛和牛！牛味真係唔同啲，係有性價比既。其他幾款肉就係爭啲，但都唔差，賣相都靚。不過我唔知點解明明我每款叫一碟，拎完野飲同調味料，枱面上已經每款比左兩三碟我！真係「受寵若驚」～一人一鍋可以各自選唔同湯底，八款選擇之中，香港限定的柚子貝柱湯最為特別，聞到柚子清新香味，但飲落又唔會好酸。日式火鍋湯底都幾清，所以我會去自助吧拎啲蘿蔔，豆腐等加入湯底，越煮越甜。手機落單除左肉，就只有壽司，雲呑，蜆及魚麵，還有額外付費食材如生蠔等。個魚麵都有驚喜，口感彈牙。除左超過三十款自助火鍋料，熟食有燒物及炸物，飲品有幾款茶及汽水櫃，甜品除左雪糕雪條，仲有豆腐花同自助刨冰，多款配料任加！我覺得個大阪牛乳雪糕幾好食，口感偏軟綿，有點似土耳其雪糕。

日本過江龍，首家海外分店，晚市120分鐘火鍋放題最平$158，呢個價錢真係算平，一共有4款套餐D. 日本黒毛和牛 $398一人一鍋，分別揀咗昆布及旨辛湯底，昆布清清地，唔錯～ 旨辛微辣，相對惹味啲！呢個餐最吸引一定係日本黒毛和牛，另外仲有美國SRF極黑牛、牛板腱、肥牛、精選牛肉及西班牙栗豚，頭盤分別每款肉兩碟，之後都可以任加！日本黒毛和牛，油脂分佈幾平均，肉質軟嫩，有少少爽口嘅感覺，點少少麻醬仲好味😋自助區有蔬菜、丸類及一般火鍋食材，亦有幾款熟食，飲品除咗一般罐裝飲品，仲有橙汁、香水檸檬茶等等雪糕除咗雪糕櫃入面有嘅，另外手機落單仲有幾款韓國雪條，朱古力雪條幾好味手機可以order壽司及火鍋配料，一定要食蜆，新鮮冇沙，好飽滿！

去了香港名物IKEA逛街後，選了一家日式火鍋放題店。選了最好的旬彩春夏限定 $398/位 放題晚市火鍋（包括美國精選牛肉、美國牛板腱、美國SRF極黑牛、日本黑毛和牛、西班牙栗豚及多款壽司任食😋）它是一人一鍋的，適合不同口味的朋友聚餐。它一共有八個湯底任君選擇，還有四種是香港限定的口味。這次選了壽喜燒鍋和香港限定的豚骨鍋。壽喜燒鍋不會過甜，把肉和海鮮的精華牛進去後，變得非常好吃。而豚骨鍋本身比較濃鬱，為食材增添了不少香氣，特別適合煮蔬菜。配料區有多達二十幾三十種，適合我這種貪心的胃🤭可以每款拿一件，樣樣吃一點🤭也有很多相對貴價的食材包括羽衣甘藍，辛辣麵等等，丸類也不是便宜貨。⭐️特別推介美國SRF極黑牛，相對脂肪較少，因此吃得到肉香。⭐️而日本和牛的脂肪當然相對較多，吃的是脂肪和肉配合的香氣。⭐️西班牙栗豚有驚喜，肉質柔軟，豬的香味，一湧而上！⭐️ 蜆蜆也推介，新鮮飽滿，有海水味也沒沙，吃了20隻😂⭐️壽司還好，畢竟不是專門做壽司的，建議把胃的空間都留給肉肉和配料。最重要是環境非常衛生，職員收碟很快，亦很有禮貌！

九龍灣MegaBox都有唔少餐廳選擇，呢日去shopping見到呢間日式火鍋店，裝修幾靚，空間感十足。餐廳主打日式火鍋放題，平日一人一爐價錢由$158起至$398，120分鐘任點任食。湯底選擇都好多，包括有壽喜、旨辛、昆布、飛魚湯、豚骨、豆乳、蕃茄及柚子貝柱湯。最重要係一人一鍋，可以按自己喜好揀選心儀嘅湯底。由於朋友係肉食愛好者，我哋點咗$398嘅餐，入面包括: 美國肥牛、西班牙栗豚、美國精選牛肉、美國牛板腱、日本黑毛和牛、美國SRF極黑牛。牛質素相當高，牛味濃郁，入口嫩滑。除咗牛之外，豚肉質素都好好，入口充滿濃烈嘅豬肉味。餐廳亦有自助區，提供有前菜、多種蔬菜、菇類、豆腐、丸類、小食等。麵食則有辛辣麵及出前一丁，簡直係打邊爐必食之選。自助區亦有飲品及甜品提供，包括果汁、汽水、茶飲等。甜品有沙冰同多款配料選擇，亦有雪糕、乳酪、豆腐花等，相當多元化。餐廳地方寬敞，環境舒適，晚餐放題呢個價錢已經有日本黑毛和牛同美國SRF極黑牛，其他食物質素亦相當不錯，抵食之選。

Megabox開咗間日本過江龍任食火鍋，dinner超多人食！🍲旬彩春夏限定 $398/位 放題晚市火鍋美國肥牛🌟西班牙栗豚美國精選牛肉🌟美國牛板腱日本黑毛和牛🌟美國SRF極黒牛一開頭每款會送上兩碟～黑毛和牛油脂多但口感會軟嫩啲。SRF極黒牛偏瘦，淥到啱啱熟就要起。相對地牛板腱就真係肥瘦有緻，嫩得嚟唔油膩，肉味仲好濃。掃QR code可以再落單嗌肉，仲有少量火鍋配料可以嗌。最特別係有壽司🍣任食，過下口癮都ok。自助區仲有蔬菜、麵、丸類。自助區有麥樂雞、墨魚春卷、燒賣。之後仲refill咗日式炸雞🍗。唔係講笑，我哋覺得啲來貨唔錯，忍唔住食咗唔少😂。甜品有乳酪、豆腐花、刨冰、雪糕、雪條～

📍Megabox新開日式火鍋店～晚市$158起就可以任食嘅火鍋放題，總共分咗ABCD四個set，set D $398仲可以任食埋日本黑毛和牛！套餐一上嚟會先上晒每款肉類，包括美國肥牛、西班牙栗豚、美國精選牛肉、美國牛板腱、美國SRF極黑牛同日本黑毛和牛。我哋都叫咗比較清味啲嘅湯底(柚子貝柱湯同蕃茄湯)，更加可以食到牛肉嘅甜味。和牛都幾薄切，淥2至3秒就食得，入口即化。嗰套餐仲可以任食壽司，叫咗幾舊試吓，就正正常常咁。出邊自助區就可以自己夾鍾意食嘅蔬菜、丸類、小食同甜品，菜嘅佢竟然仲會有花生苗同菜心揀。另外比較特別喺呢度會有自家製嘅竹蔗茅根、酸梅湯、花旗蔘蜜等等，都唔會好甜。食到最後除咗雪糕，仲可以DIY刨冰！

有一段時間都冇嚟MegaBox啦終於有時間過嚟試吓傳媒都有推介過嘅日本過江龍涮涮鍋放題😋 一人一鍋，大家都可以試到自己想要嘅匠人湯底。 湯底有分日本同香港限定兩個類別。晚市$398就可以食到日本黑毛和牛同埋美國S R F極黑牛，仲有壽司放題可以揀。火鍋自助餐嘅配料選擇豐富，仲有三文魚同埋雞肉，😍 好適合三心兩意嘅大家。特別要提嘅係佢嘅甜品同埋熟食區，有tart 又有豆腐花，仲可以自製沙冰🍧 超級多元化！茶水嘅供應亦都非常充足除咗雪櫃提供嘅罐裝嘢飲之外佢哋仲有竹蔗茅根、鴨舌香檸檬茶、酸梅湯俾大家選擇🥤簡單介紹吓D餐嘅肉啦🕊️ 🐮美國肥牛 & 🐷西班牙粟豚🐷粟豚口感較普通豬肉更加細緻！肉質更加柔軟，而且細嫩🐮美國精選牛肉口感偏瘦～🐮美國牛板腱肉質軟腍，而且有脆彈嘅口感🐮日本黑毛和牛有別於平時嘅西冷位，呢個用咗黑毛和牛嘅胸口位置。脂肪量低而且分散，所以口感比較彈牙有嚼勁🐮美國SRF極黑牛其實係日本和牛同美國頂級安格斯黑牛繁殖出嚟嘅品種😍 有日本和牛細緻嘅牛花，亦有安格斯牛嘅濃厚肉味，難怪口感咁豐富😋

食物質素是基本！對於我嚟講，最重要係同乜嘢人食、氣氛&舒適環境，仲有就係服務質素⋯今次去呢間就終於明白點解成日聽人講鍾意北上⋯⋯朋友話想試吓呢間，所以就即刻book枱試吓，裝修都好新，食物質素都唔算差，始終一人一鍋平民價錢，60分鐘午餐$108只有3片牛，雖然質素唔錯，但真係紙咁薄透光嘅，有菜有丸有出前一丁任食，汽水任飲，你仲想點吖⋯⋯呢間位於商業區嘅食店，午市繁忙時間都只係12:00-14:00，我哋book咗13:00，揀咗個60分鐘嘅午餐⋯好明顯我哋都係要返工唔可以坐大耐⋯14:00⋯帶位嘅長者女士就過嚟要求埋單同提我哋要離開，當時有兩位朋友唔想浪費，所以清緊啲尾水食物，亦都有朋友坐喺度食緊甜品⋯但係枱面已經無晒多餘食品，梗加已經冇再去攞任何食物或者飲品⋯當時已經半個場無客，梗加係無人等位啦⋯⋯不消2分鐘，佢又再過嚟叫我哋走，再不消2分鐘又再過嚟叫我哋走⋯我都有好好同佢講，朋友清埋窩𥚃面啲食物就會走⋯因為我哋都係要返工。我明白佢有佢嘅工作責任，亦都係講明60分鐘，自問都係好言雙向吖，但拜托注意一下態度同面口⋯餐廳選擇何其多，多謝你令我減少一個餐廳選擇嘅煩惱！！！最後必須澄清一點⋯