旺記飯店 (已搬遷) 新店位置

friends in town so we decided to have something local and this place wasn't planned... wandering around in CWB and was told this street have plenty of good restaurant... so we chose the seat outside to give a different experience to my friend~~~this is a Chiu Chow Style... and we ordered: Goose... ok tasty... but is not a big portion... nuts with sweet sour veg... nice with congee... squid and pig intestine... ok 4season bean with pork... VERY SALTY~ deep fried fish (9 stomach fish) haha.. v

14/05/2010驟雨近來聯絡了不少舊朋友去聚下舊, 我們都有6-7 人, 友人更提議去打冷, 我們都順應了他的要求, 他介紹我們去了"旺記"食宵夜, 我都是第一次去, 過往都好少去打冷, 因為我多數都約朋友都是兩至三人&怕吃不消, 難得今天那麼高興又人多, 當然要去享受一下食下東西再談笑風生旺記都有不少名菜, 墨魚餅,欖菜肉鬆四季豆,沙拉骨, 蠔餅也是本店的招牌菜, 夜晚更吸引不少放工一族到此宵夜一聚, 飲杯酒暢談一番, 晚市更似大排檔般, 會設了一些座位在道路上, 更方便了不少吸煙人士可以一邊食東西, 一邊可以吸煙, 更令感到香港大排檔的風味, 晚市真是非常熱鬧, 雖然今天有些少驟雨, 店鋪更設備雨傘, 不會讓客人淋雨一坐下來, 我的友人更急不及待叫了不少食物, 因為大家都已經好肚餓了,我們叫了幾支可樂&啤酒, 這裡的可口可樂是大支裝, 有355ml, 不久店員的效率真是快, 小菜更好快地送上, 之後我們也馬上開餐了....... 炸墨魚餅-----外層炸得金黃色又香脆的墨魚餅是即叫即炸, 入口脆卜卜,充滿墨魚的香味,入口更是爽口彈牙,配上那個甜酸汁更是令人開胃,用小籃盛著有十件

之前黎過食兩次, 已經覺得好好味, 所以今次特登再黎食...特別要食蠔仔粥, 我地兩個人叫左一窩蠔仔粥 + 鹵水鵝.蠔仔粥 ~ 真係超好味, 足料不在話下, 味道亦都好好呀....必食之選呀...!!!鹵水鵝 ~ 鵝肉帶少少肥膏, 正...!!銅鑼灣打冷必定會食呢間....令我回味無窮呀..!

除左呢度的打冷, 好多人都未必知道旺記另一必殺技係羊腩煲!我都唔知架, 係個friend 帶我去買才知!叫了個特大的, 係攞走, for 6個人打邊爐的; 180蚊!我俾錢都在諗, 貴成倍, 有冇好食成倍先....返到"基地", 一倒入個爐, 才知冇介紹錯!首先, 個湯底夠味夠濃夠肉味!好香. 第二, 羊腩夠多, 舊舊都係肉, 少骨, 肥瘦適中, 少許蘇喇, ok 喇~~第三, 好重要 - 多枝竹!!!! 乜都假, 呢項都十分重要架!就算d 羊腩俾班friend/ 餓鬼10秒內食晒, 個湯底仍然好強勁, 繼續打多兩個鐘,加了幾次水都仍好正 - 旺記係不錯呢, 朋友冇介紹錯.會再幫襯呢!

今天不知做什麼，真的忙得透頂，最後晚了很多才下班，而女友剛好又在老銅，一於捉了她一起去吃夜宵。本來見寒風颯颯，真的很想吃煲煲仔飯，正想走去久違了的新翠華，怎知一走進門，問阿姐還有沒有煲仔飯供應呢？答案是太晚了，沒得賣了，真的令我好生失望，唯有走過對面吃小菜。此旺記我真的是第一次吃，見大家都是坐街吃的，真的很有老港滋味，寒風一吹，真的幾好受的，但就只有秋冬兩季才可享受這股滋味。也很肚子餓了，先點吃吧，主力也是我吃的，所以只點了一個煲仔菜及一個炒飯。煲仔菜要了火腩大鱔煲，店員端過來時，菜還是挺熱的，怎知吃至中途，已開始涼了，可知道煲仔菜最重要夠熱，但其實此點也很難怪店家的，但坦白說，撇掉上述的因素，此菜也真的不太好吃，鱔碌太過硬身，扣上的汁不夠香，主要也是加生粉水的茨汁，而不是以煲仔的熱力迫其汁進食材內，以茨汁掛在鱔肉上吃，味道溜於表面，而來貨的火腩唔靚，瘦的如柴皮，肥的又很肥，但又不太有油香，腐竹太硬身，此碟菜如非我很肚餓，真的是沒有可能吃光。生炒牛肉飯反之不錯，飯是炒得粒粒分明，縱然加了蛋來炒也很夠乾身，無論飯及蛋也夠乾身，而且每口吃起來都有蛋香，牛肉粒夠多，飯底夠熱，加了點蔥花提味，

同朋友係赤柱出番黎,,搵dinner食黎左呢間, sat night都要等下架佢原來同一條街有兩間, 去左新個間幾乾淨, 都舒服既叫左 蜜汁燒鱔: 無想像咁出眾, 豉椒蒸仲好食, 但唔係唔好食, 份量較少蝦醬通菜: 鹹左d, 蝦醬味唔係好重辣酒花螺: 真係辣架(試過食廟街某店的, 完全唔掂), d汁幾好味, 但酒味唔重, 份量ok, 唔算多椒鹽九肚魚: 滑, 但每舊都係好小段, 中間條骨要吐出黎,,唔記得之前食, 係咪咁京蔥爆牛肉: 有牛味, 蔥多, 但唔夠香全部菜上碟時都熱辣辣都送得飯架每款價錢$45-$60左右侍應叔叔們唔會話好有笑容, 但都有效率同禮貌既招牌菜仲有墨魚餅.......等..下次再係cwb搵食, 再黎都唔錯

都食左十幾年有多除左舊舖仲多左間新舖擺街台當然唔少得個晚特登去搵下呢d集體回憶佢地又撐起埋d太陽遮成條街都好有feel黎得緊係叫番鵝片啦保持水準嫩滑好味又唔會梅梅地個咸菜魚又夠晒入味椒鹽九肚魚夠晒脆口又做孖裝加士伯特價怕熱又唔食煙就食餔好d不過我寧願坐係街邊歎下越黎越少ge大排檔風味d伙記服務態度確係好好

上星期四見好耐無去食潮州野..所以放左學我就提議去登龍街度食潮州野啦..唉..老闆必叫既咸菜魚...原本佢又想叫蠔餅俾我食..不過我今日想食炸大腸..因為太耐無食過突然好想食..再叫多個涼瓜炆田雞..再share一碗白粥其實係cwb我都唔係太知邊度有咩好食既打冷..所以每次一想起食潮州野我都會來此店.最喜歡來此店係因為d叔叔好nice真係好好..就算食物好一般,但佢地既笑容都令我會一次又一次再來幫襯.當晚叫既3款菜都唔錯, 最唔得算係個田雞啦..d肉好似唔夠彈..反而炸大腸真係好好味又唔會好油(重點係可能我太耐無食啦).另外咸菜魚都唔錯, 只不過我覺得當晚既魚就好似"梅"左少少..

工作繁重，連夜加班，放工已經是晚上九時許。簡單與同事來到旺記填填肚子便是。旺記的環境，幾個字便說完。假天花、白光管、白瓷磚、圓凳配摺檯；簡單來說就是上了鋪的大牌檔罷。不知是否年前因食物中毒事件被衛生署查封關係，店面比想像中整潔。由於「半晚餐、半宵夜」關係，我們只點了三數款菜式。蠔仔粥：分大小兩種，叫個小的也已夠兩人吃。小小的蠔仔也有鮮味，配上潮州粥，再加少許胡椒粉，不錯。 炸墨魚餅：鎮店之寶，用小籃上檯，細細塊但居然有十件。表面香脆，內裡墨魚夠彈牙，絕對是首選推介。 豉椒炒蟶子：肉夠嫩，汁夠濃，但不太乾淨。 蜜汁鱔球：煎得夠香，配上甜甜蜜汁，不過略嫌太甜，畢竟不是甜品哩。 蒜蓉炒芥蘭：夠鑊氣，菜夠嫩又唔苦，八十分啦。 加上啤酒，每人也不需一百元，經濟實惠。

一月廿日(星期二)晚上依舊去練跑,不過今日不夠冷氣,跑了一會就沒了!下午時到OR找到旺記,今次吃蠔餅吧!同時老公又剛好想吃!今次是登龍街第三擊,之前吃過有新翠華和pho!店子都算乾淨整潔,我們當然與其他食客搭檯吧!由門口行至座位,我們都見到食物的賣相相當吸引,鹵水鵝看來好吃,其他炒聖子都不錯....可是得我倆吃不到太多吧!唯有留點下次再試!我們相討後決定叫蠔餅,一碗蠔仔粥,炸墨魚餅以及蜜汁炸鱔蠔餅:即叫即炸,新鮮,蠔的份量不算多,而且比較多麵粉,還是陳勤記的好吃!蠔仔粥:幸得老公叫一碗,否則........一碗兩個人share都夠了!都好味道,而且蠔仔小小,吃起來也有蠔的鮮味!粥也融入了蠔味!炸墨魚餅,有六件,好吃,都算值得推介,我覺得有酒家的水準!蜜汁炸鱔是最好味的一道,不過唯比較凍了點!

見"老花"一連三日都在此買羊腩煲食, 再問之下, 他竟說只買旺記, 仲已幫襯了5, 6 年, 仲話府近都冇邊間有呢度咁好食, 講到好似幫人賣廣告咁, 當真?!不過見他行動証明, 已一連食三日, 冒七孔流血之危, 已食了成隻羊咁滯, 睇落又所言非虛噃.今晚咁我都加入戰鬥, 食埋一份先!買了外賣, 118個大洋; 回到"機地", 倒晒入個兜度, 再開爐, 不出三分鐘便已冒出陣陣腩汁香味....先夾塊腐竹, 陣陣香咁已全數被吸收, 一放入口, 雖然係勁熱, 但濃味慢慢淡化我口中, 正呀.大家都在爭奪腐竹之際, 我已在食羊了. 不酥, 味道也不錯, 算啖啖肉架.再食少少生菜, 又是吸收了好香的汁, 再喝罐啤酒, 今晚總算不錯了.如果再多點菜就更好.另有說落個出前一丁, 會係天上有, 地下無咁好食, 都唔知係唔係, 有機會和豬豬一試先

24-12-07 平安夜dinner偏偏想平安夜食下中式晚飯黎到登龍街求其選了呢間舖名叫旺記食店但菜單寫都係叫旺記飯店同埋d 餸都係隔離拎過黎沒有甚麼特別打算點了1) 冬瓜油追煲$682) 蠔仔炒韮菜花$403) 兩碗飯$101)冬瓜油追煲: 老板話冇冬瓜, 因為冬天, 於是俾支竹我地老板話油追係咸水鱔, 平時食果d 係淡水鱔, 油追好少有貨等十分鐘上菜, 個汁好濃好香, 落左好多葱蒜, 油追有鮮味,而且肉質幼滑, 不過肥美一點就仲好吧份量就不太多, 同同一煲既火腩比例係五十五十, 應該改名叫油追火腩煲?2) 蠔仔肉炒韮菜花: d 蠔好細粒, 真係細到丁屎咁大粒, 食唔到甚麼鮮味, 可能都係因為太細粒韮菜花不過不失老板幾健談, 除左介紹油追外, 仲跟隔離枱既人講: 你見我成日企係度(門口)架, d 妹妹仔呢, 無論幾凍都好都讓半球架!環境都係一般打冷地方格局, 可能因為今晚真係好少人所以份外覺得清靜同唔會坐得迫埋單$118, 俾左$120, 不過老板就即刻多謝多謝冇打算找錢

有大概一年沒有來過這裡. 昨晚帶了一個混血兒同事來這裡宵夜, 感覺還是蠻不錯的. 大排檔格局, 千萬別期望什麼無敵服務, 無味精健康飲食之類的, 但可以擁有的一定是屬於香港的原本風味.兩個人點了兩餸一粥.蠔仔粥一大窩, 盛惠$45, 絕對超值, 兩個人每人最少分了5-6小碗, 味道頗算不錯, 蠔仔數量很多, 亦有蠔的鮮味, 米的軟度亦剛好. 最少, 在附近的潮式大酒樓亦不過爾爾.椒鹽瀨尿蝦, 同事讚不絕口. 雖然瀨尿蝦體型頗細小, 但風味搭夠, 蒜蓉炸得夠香, 鹽香四溢, 新鮮出爐熱辣辣, 絕對夠熱氣. 好味, 食左先算.炸大腸, 好味, 夠脆, 配上甜酸汁, 味道一流.別想在這裡找什麼大酒樓, 有名食肆的質素, 來這裡先考慮她的價錢和格局, 這裡是風味和價廉物美之選.

因為之前已經食過隔離嘅小菜,泰國, 越南餐廳, 今次想食下打冷, 呢間又幾多人, 就去咗呢間....點知"賴"嘢...先上一個鹵水大什($55), 味道都ok, 又有好少見嘅豬頭肉, 諗住好似幾好咁喎. 跟住等咗廿分鐘左右先黎蠔餅($48)同埋九肚魚($48). 嘩...個蠔餅真係未食過咁嘅样, 好厚, 好怪, 好難食, ok多蠔, 但係冇味,又冇蛋, 最經典係個蛋糕(*~*),里面d薯粉太多, 搞到個蠔餅好似蛋糕, 食蠔餅竟然好似食緊一個好難食嘅蛋糕咁,真係未見過!!!我地幾個人食咗一半, 就冇再食. 個九肚魚就普通, d肉好軟, 咬落去又係冇乜味!!再等十分鐘, 先黎個啫啫雞煲($50), 料好少...少得可憐, 得十舊八舊細雞肉, 味道正常, 但超唔抵!!只次一次, 下不為例!!

原來碟頭不少，一來有十件，大小如薑蓉碟，加上炸過的米粉鋪底，賣相吸引。蝦膠、墨魚肉和馬蹄所組成的口感不錯，頗爽口，加上酸甜醬，討人喜歡。可惜墨魚餅略薄，若能豐厚一點，效果更佳。