明師傅甜品 (已結業)

平時食甜品都係去松記, 今次過左隔離試下呢間先, 見到menu裡面好多選擇, 於是叫左個"無敵西瓜盅", 樣貌好吸引, 上面一大個雪糕球, 可以自選雪糕味道, 但雪糕質素一般, 西瓜盅內的生果有西瓜、蜜瓜、菠蘿、椰果、 西米等等, 好新鮮同好甜, 再加上放係側邊的一小杯西瓜汁, 非常冰凍, 夏天食真係好正!! ($36)

是次試食，點了一個黃金潛水艇 (芒果雪糕 + 芒果 + 西米 + 菠蘿) 及 朱古力雪糕班戟朱古力雪糕班戟讓人有點失望，奶太少，食落有食水製朱古力雪糕的感覺，但朱古力味卻算濃。黃金潛水艇有新鮮菠蘿 芒果雪糕是正常的 (不像朱古力雪糕那麼不像樣)西米, etc各有涵料也不會讓芒果Fans失望的

一心來食鮮果糖水，見咁多人，應該唔太差，叫左個芒果潛艇，嘩！一食落口酸到，以為食緊菠蘿，D芒果汁又溝埋D奶好怪，勁難食之後男友叫咗個火龍果雜果，見賣相唔差，諗住幾好啦！點知。。。果本火龍果汁勁怪D味，仲好多生冰未打碎，最好食係D椰果囉！其它生果都好唔新鮮，點解普通生果都可以咁難食，食咗兩啖巳放棄，冇下次

好早食左晚餐，所以8點幾食個甜品就岩岩好，今日唔想食松記，所以過左隔離食明師傅。有啲比較特別既甜品，唔會來來去去都係雪花冰、涼粉、西米露咁。OREO布甸呢個好重OREO味，真係好似食緊OREO餅咁，不過食多兩啖覺得有點兒膩。涼爽我超鍾意飲椰青，所以叫左呢個。仲有個熱既版本但因為有我唔鍾意食既湯圓，所以無叫到。椰青入面有生果、椰果同朱古力雪糕。隔離個樽仔係椰青水，幾青甜，可惜個椰青太老，刮唔到椰青肉出黎食，我聽到隔離有一、兩枱都係咁。如果可以食埋椰青肉就100分喇。

屋企係嗰度附近，間唔中都會去樓下度食糖水，雖然好多人btw唔使等好耐，去親咁多次見人食無敵西瓜盅，今日終於一試，西瓜盅裏面有生果同埋雪糕，佢仲會比番一杯仔嘅西瓜汁比你。生果ok。 佢哋嘅焦糖燉蛋送多生果，幾好啊唔錯

午餐時段有點飽滯，況且自去過銅鑼灣吃抺茶後，一段小時間沒吃過甜品，於是其找間甜品店。明師傅來過兩次，分別吃過不同甜品，今次又想吃其他的。椰汁西米涼粉。是一款極為普的甜品，黑色涼粉配椰汁可以說是絕配，涼粉不苦，但椰汁未算香濃，只有淡淡的椰汁，加上西米，使整個甜品增加了口感。火車頭有三雪糕：曲奇、士多啤梨、朱古力。每款雪糕旁加上了oreo 原塊朱古力曲奇，再在雪糕上加上朱古力碎和其他配料。由曲奇雪糕吃起，味不濃但有曲奇味道，士多啤梨較濃，最濃的是朱古力。火車頭主要是吃雪糕和oreo餅，也是較小朋友喜愛。在下來到明師傅，實質是為了雪糕和消滯而來，這才點了火車頭呢。

雖然價錢唔算大眾化,但知道呢間甜品店專門製作酒店級的甜品,所以朋友想試下~服務態度不錯,座位闊落,具時尚感的裝修,室內燈光很光猛 焗栗子西米布甸 $24SIZE唔算細杯,熱騰騰的~布甸口感有少許似燉蛋的口感,的確有很多西米,一上菜果陣已嗅到很香!而栗子方面,慬限於差唔多食到一半,才在碗布甸內看見一整粒,唔係太美觀, 如果好似店鋪門口貼的食評中果張圖片咁就美觀多了~加上不太爽的是,在店門外貼的推介食評中所提及的部份甜品,在店內完全沒有供應的,教人失望.. 看來又唔似係季節性供應…朋友Ada點的麵包布甸配煉奶,味道也是不錯! 朋友Ocean點的是 法式焦糖燉蛋,呢間新店的燉蛋每次都係凍的… 佢話味道ok!我地3人點的甜品賣相及口感也是差唔多,哈哈!!

冬天來了，但人們對甜品的情意結一點都沒有減退。行下一間以白色為主簡潔的甜品店 - 明師傅。 我與朋友們各自點了不同的食品，我選的是一款冬季暖心甜品-熱椰皇。椰子都成得多，不過熱辣辣的椰子，配上椰汁西米露令椰子味更香甜之餘，又帶出了少小西米的口感。我將旁邊的椰肉挖出，切到一小片，與椰汁一起進食，口感會更好。故事會有高潮，這款糖水都有，幾粒芝麻湯圓成為了椰子中的深海明珠，甜中有甜，真的是甜到入心。由於小妹來說真的甜左些少，言而是還可以接受。

喺附近食完Dinner，過黎食甜品，親戚喺外國返黎，當地唐人街食既都係中式糖水，一入去到睇餐牌見到喺香港HIT左一段長時間既綿綿冰即刻決定叫黎試下，佢地叫左椰汁綿綿冰，我叫左石榴綿綿冰，另外同人親友叫左火車頭﹑朱古力綿綿冰﹑法式焦糖燉蛋﹑仲有一個叫甜心既糖水。椰汁綿綿冰︰親友第一次試話OK石榴綿綿冰︰幅圖明明係紅色，點知黎到係白色，店員黎到就咁放底無講係咩，我地都以為係椰汁綿綿冰，所以朋友食左啖，到個椰汁綿綿冰黎左，我地先知原來佢地食錯野，佢地第一次食難怪唔知咩味，只怪店員唔盡責放底就閃人！講返味道，我好鐘意食石榴，所以覺得好好味，另外，我加左黑珍珠，加嗰時以為係台式珍珠奶茶嗰D黑珍珠，點知原來呢間野既黑珍珠係即係蘭香子，蘭香子即係好細一粒透明但係中間有黑點既一粒野，個人都鐘意食，所以無問題。不過覺得店員落單既時候，係有需要講清楚呢粒黑珍珠唔係台式珍珠！火車頭︰好似香蕉船咁，不過佢無香蕉，有三個雪糕球，雪糕球左右兩邊放左OREO曲奇餅，造型好似火車轆咁，所以叫火車頭，雪糕味可自選法式焦糖燉蛋︰凍既，終於知點解連生果一齊黎，原來親友話個燉蛋好甜，應用係中和返D甜味用。甜心係椰子西米露芝麻

甜心 $33法式焦糖燉蛋 $27(好食指數:7/10)2013-09-02甜心係椰子西米露芝麻湯圓，甜甜地，不過不失。反而法式焦糖燉蛋幾rich，甜度啱啱好，表皮夠脆。

同男朋友行完荃灣又唔想返屋企行下行下就去左力新個邊...可能閒日冇咁多人，難得明師傅唔洗等位，緊係入去食次次都係叫呢兩個，不過真係超級LIKE上面個個係火車頭！可以揀3款雪糕加埋OREL 餅好似好普通不過真係幾好食又唔下面個個就係我最愛法式焦糖燉蛋呢個甜品真係有酒店既水準，必食！！

食完晚飯當然要食甜品先叫圓滿啦店內非常光猛，坐得又唔算好迫已經加左分啦比起其他地方，呢度的榴蓮奶凍份量非常大，仲上面頭加左一大舊榴蓮肉非常足料，奶凍本身好重奶味，要加埋榴蓮肉食先做到濃濃的榴蓮奶凍的感覺可惜奶凍唔夠滑，否則口感會更好榴蓮班㦸反而意想不到的好食，皮好薄，食落又唔硬入面有好多好多染有榴蓮味的cream，一切落去D cream係爆出來的，仲有少少果肉，食落去感覺好Rich，好正呀咁嘅價錢食到呢個質素的甜品，有賺啦

食飽晚餐行咗一陣, 朋友建議食埋糖水先返屋企. 本來想去松記, 但松水滿座要等位, 隔離明師傅就唔使等喎, 咪過呢間試下囉. 黃金戰士綿綿冰 $36.00--其實係芒果+益力多嘅綿綿冰, 酸酸甜甜配上朱古力醬, OK啦! 涼爽 $33.00--係椰皇倒起椰皇水, 加入水果 (西瓜,木瓜,蜜瓜,菠蘿, 火龍果) 西米, 椰果, 再喺面頭加球雪糕. 水果尚算新鮮, 但曲奇雪糕竟混有薄荷雪糕, 可能係上手"畢"過薄荷雪糕, 接手嘅又無將雪糕勺清潔乾淨, 攪到原本嘅曲奇雪糕味道怪怪哋, 唔好食! 店主應留意及改善!埋單 $69.00

每次黎荃灣一定揸車黎買甜品上次朋友介紹食朱古力mousse、焦糖燉蛋，好正牙今次我又買左2個焦糖燉蛋返去真係好好味架   個侍應提醒如果我唔食一定要放入雪櫃，好細心牙  

這個荃灣街角是甜品大戰區, 二十秒的步行距離內便至少有五家甜品店在此, 實在誇張。從 OpenRice 看了一些食評後, 決定選擇明師傅, 點選了其中一款「名物」 － 無敵西瓜盅 ($35)。賣相很壯觀, 上面一大球自選雪糕, 可是雪糕質素非常一般, 如果稍為調高售價換上較佳質素雪糕的話, 應該不少顧客會願意。西瓜內的陣容相當鼎盛, 包括西瓜、蜜瓜、菠蘿、西米、椰果 等, 生果甚為新鮮, 只是椰果沒有甚麼味道, 質感亦怪怪的。很喜歡附送的那一小杯西瓜汁, 無論賣相、味道和感覺也是一個 Bonus。