明明車仔麵專門店 (軒尼詩道) (已搬遷) 新店位置

由於在灣仔返工，所以都會在灣仔一帶搵食，而我自己喜歡食麵多於飯，所以車仔麵都是我最愛選擇之一，因為快靚正，而今次就跟同事試左明明車仔麵，而我點了豬紅、水餃、豬腸米線。豬紅食落不會散開，豬腸亦很乾淨，水餃亦落足餡料，我最愛的就它們家的辣醬，食得辣的可直接加進去，但我喜歡辣，但食不到很辣🤭所以叫店家另上，讓我慢慢加進去。而同事點了蘿白、生菜及牛腩油麵，油麵沒有鹼水味，而蘿蔔非常清甜，牛腩很入味亦很淋。這間車仔麵對我來說，都算不錯，但需要早點攞位才可以堂食，唔係就打電話叫定外賣，去到就有得攞，快捷方便。

不知為何灣仔有兩間明明車仔麵可能是太受OL歡迎的緣故吧早前Klook有優惠只做這間分店是四餸套餐+飲料可惜只限2:30pm後使用即是要晚餐才可以吃其實熟悉灣仔的都清楚，入黑後的灣仔是沒有人的灣仔的食肆午餐絕對是比晚餐貴的言歸正傳，這是明明的餐牌與平常的車仔麵店一樣，都有很多選擇這次我選擇了瑞士雞翼、雲吞、柱侯牛腩及墨魚卷配烏冬（沙嗲汁）份量其實意想不到的多而且比一般的車仔麵店更乾淨、衛生碗碟是乾身的、新的、完整的推薦吃瑞士雞翼及柱侯牛腩反而墨魚卷及雲吞有點dry，沒有什麼味道豆漿是預先包裝好放進雪櫃的事前我還以為出面再吃一點東西但吃完後發現十分飽肚幸好沒有眼寬肚窄，做大晒鬼

如果只求飽肚又不太貴，呢間店可以領“OK"。本想給ok, 但又真俾唔出手，怕令其他人覺得還可以。 總結：我絕不再光顧，因為又唔係好食，又唔係好服務，又唔係抵食到爛，又唔係店面舒服乾淨。腩汁麵冇腩汁色水，更冇腩汁味。問阿姐有冇落腩汁，佢話：咪落了囉！然後九秒九閃走！餃子好大隻不過好鹹蘿蔔雖稔但唔甜同有點渣魚球… … ok, 唔難食但亦唔係好食我係俾間店外觀吸引了才入去，但入到去冇晒好位，焗坐牆邊，即是桌子兩旁是後欄定廁所，都唔想望和研究。香港係吋金尺土，但做生意就要諗吓點收納。唔注重整齊，都唔緊要，你有你亂，我有我發盲食，但明明有後門唔關好，放晒蒼蠅入來，邊食邊撥烏蠅。另一境界是食食吓個女職員在我斜對面換鞋著襪，幸好冇飄來臭腳氣味，但… …不雅。

由於住附近，經常都會食下，越黎越差每次叫外賣，次次都出錯，米線同我換米粉，雞翼同我換雞翼尖，通菜就俾我韭菜🤯🤯返到屋企一打開真係無曬胃口，呢間已經黑名單！Bye最後一句，服務態度真係好差！

Well，夜晚學完車，就係港島區食埋個飯先番屋企啦。經過見到有間車仔麵檔，我見裝修夠懷舊經典，就走左入去食啦。好有趣，有木櫈仔坐的。跟住我點左個三餸車仔麵食。味道正常，普通啦，價錢都一般車仔麵價。對於當時好肚餓的我就已經夠了。正正常常，一間主要食裝修的車仔麵檔。同點都好過食三哥。

放假翻公司執小小手尾然後就開始肚餓，情不自禁如喪尸般系街上遊蕩，經過見到間車仔麵都半爆左，作為獨食者當然都會有位可以坐，同埋醒起灣仔近金鐘果邊都好似有間一樣的，開得分店應該唔會差得去邊掛……然後就點左咖喱魚蛋，支竹，紫菜，特製酸辣菜，加支維他奶可惜啊，世事往往都是令人感到驚訝，包括我啦麵到，第一件事就飲左啖湯，味道幾好夠濃，然後扯左一大啖維他奶解渴，不得了咖喱魚蛋，普普通通正常野支竹同紫菜原本應該是幾好食，不過浸完湯之後啦喔，:-(哎不得不講個酸辣菜，唯一一個挽救點，可能是因為本身對辣比較有好感，加酸都算開胃不過總的來講就是性價比差太遠啦，一試無妨，再試不行

放工同同食想簡簡單單食啲嘢，都9點幾10點，餓到已經無乜要求.....見到明明唔使等位就入去啦咁，知道佢喺灣仔頭都開左另一間分店。🍜公仔麵+酸齋+豬軟骨+咖喱魷魚+蒜辣汁🔸車仔麵食三個餸係基本！🔸要讚嘅係公仔麵仲係硬硬地唔會林！👍🏾🔸酸齋正路，豬軟骨OK，咖哩魷魚估唔到幾正喎😻另外叫左個淨餸，車仔三寶（蘿蔔+咖哩魚蛋+咖喱魷魚），覺得除左咖哩魷魚，其他都唔係特別好味，可以唔叫。😾🐔蒜辣雞翼尖🔸以為會有啲似B仔嘅皇牌雞翼尖，點知完全唔係嗰回事，麻麻地！-總括來講，明明車仔麵可以簡簡單單嘅一餐，車仔麵/粉麵黎講好味嘅仲有好多選擇，下次再同大家娓娓道來！😽

今日醒起自己係klook有價值$20既分要用，決定係呢間明明車仔麵用左黎買張自選四送車仔麵coupon,包飲品先$43，減左$20先$23。咁就搞掂一餐午餐，抵。呢度裝修係老香港風格，但係座位唔多，如果平日中午多人嘅話應該都幾逼的。因為我係星期六中午去，所以人唔多，落左單之後2分鐘已經上到菜。呢度配料幾多款揀，劃一收費$10一款，菜、肉同價。既然價錢一樣理應係叫多啲肉類嘅，但係呢排食得咁多嘢，決定一丸兩肉一菜，所以叫咗一份通菜、蟹籽丸、豬軟骨、牛腩。湯底揀左清湯。麵底要左米粉。夠曬大碗，足料，食完一定夠飽。

反完工，因為天氣麻麻地，所以就近係巴士站附近食個粉算數。可能因為落雨天，雖然間鋪唔大，但都仲好多位。落單係由自己剔，中意食咩剔咩。好多選擇下。本人叫既係豬軟骨+辣酸菜+辣汁米粉。個辣汁佢會放係個匙羹度，若果你唔係咁食得辣可以唔洗落晒，而我，當然落晒啦。仲加左檯面辣椒先夠味。都ok.唔會齋油。豬軟骨D肉淋得黎都好入味。但對於食肉怪既我黎講，份量係少左d。哈哈。爽口既辣酸菜都係每次黎必點既野。酸酸辣辣好滋味。因為無河粉，所以叫既米粉，米粉並不十分入味。河粉或者會好d.

5號先出糧，長期糧尾既小弟，喺4號呢個極度尷尬日子！唯有搵啲平平哋，而且一個人食起來唔太古怪嘅食店啦車仔麵當然是不二之選，選個四餸面就已經有四種不同嘅口感和享受！應該係落雨嘅關係，店面冇乜人。首先講環境：尚可，燈火通明冷氣夠！唔知係唔係位置問題，唯一係聞到一些坑渠的氣味令整體感覺不太良好。我覺得車仔麵最講求嘅係餸菜選擇夠多，第二係靠湯底。我揀咗個四餸麵，黎結束呢個月嘅苦困四餸面上檯，老實講賣相已經好唔吸引！選了辣汁，但少得可憐連粒蔥花都沒有...睇來睇去都係得三個餸，叫店員來問才知道雞翼尖賣晒！但張單冇改？豬紅：好大陣血水味；南乳豬手：普普通通，有點淋；咖喱魷魚：唯一食得下，但應該是水魷班扮土魷🦑！口感淋但咖喱入味，湯底看似清淡，其實幾濃郁，唯一問題係飲完勁頸渴，冒着破產嘅危機都忍唔住叫咗支芬達埋單46蚊，係幾經濟？或者啦但如果係食呢D質素係咪會有第二次？可能要等到下個月4號再考慮⋯⋯又或者會加多少少食好D!嘢食環境今次來講，認真麻麻

不敢說是史上最難食，但肯定食完就想嘔嘅車仔麵，奈何港人就是冇要求，如此像餿水湯底的所謂車仔麵，竟然仲開分店，湯冇味，仲要唔熱，麵都未煮熟就俾人，傳來一碗渠味四溢的暖麵，吃了幾口，就難以下嚥，那天點了一碗豬紅紫菜魚皮餃麵，店員態度極度惡劣，十問九點九唔應，來到還裝出一副兇煞模樣，你估而家你做睇場咩？終於來了一碗份量少得可憐的車仔麵，豬紅像有便便味，魚皮餃仲未煮熟，至於紫菜就鬆散難夾，麵比化石還要硬，湯就有股酸味，像洗碗水，吃後肚有不適，不知是否關事？

一個人的晚餐諗唔到食咩就食碗車仔麵啦，入到去裝修都算乾淨企理，叫左個三餸麵，豬軟骨、咖哩尤魚同韮菜餃河粉，要蒜辣汁。首先比錯左豬手我已經扣分，跟住個韮菜餃係凍既，個汁完全無特別，湯底最失望，原全味精湯，食完唔會再來，葵涌廣場個幾間都好過佢

有些時候， 會食吓 ‘車仔麵’ ，雖然那些立什配料不太吸引， 而差不多每一間也是這樣的， 就如那些雲吞魚旦粉麵店的類別。車仔麵只是在那配料的範圍內， 任由您配搭， 選擇可由三至四款配料; 至二、三十多款的。今次試了; 墨丸， 彈完有得咬;蘿蔔， 大舊而冇渣;腐皮， 索湯便有味;豬大腸， 簡過夠乾淨;炸魚皮， 塊塊好很脆;瑞士雞翼， 多肉不太肥;重點是要跟 幼麺， 因為是 車仔麵 ，如是跟米或河， 就不是那個意思了，湯底還不錯很清香的，還有加了些少辣汁， 吊味而又可刺激味覺。

好多同事同朋友都話呢間車仔麵好食，好，就試下佢啦。 "上菜時" 好興奮，好大碗好多料。但係食落就好一般啦。油面 配 咖哩汁 及腩汁， 有少許咸。南乳豬手，只有咸味，可以甜少少，唔夠冧，唔夠入味。韮菜餃，一般。牛腩，唔夠冧，味道一般。甜酸齋，有甜有酸，唔差得去邊既。好可惜，除左無其他更好的車仔面，否則唔會再幫趁佢啦。明明啲人同我講好好味架嘛! 唔通夜晚黎食，無日頭咁好食? 可能食過好多間都更加好味。。。。。。。。。

經過開入內醫肚叫左米粉芽菜韮菜豬皮豬腸蒜汁凍奶茶少甜味道：較清沒過量調味👍🏻湯頭：一般車仔麵湯.唔咸已很好環境：算可以了服務：員工麵不錯.來到問岩唔岩有冇錯.👍🏻👍🏻👍🏻👍🏻👍🏻