明星海鮮酒家 (已結業)

整理舊相時才發現吃過這麼一餐飯, 都已是3個月前的事了, 菜色很可能已經換了季, 所以這個食評嘛當是個紀錄就好...在老家搞大維修弄了一整天, 到了晚飯時間大家已懶得想去哪兒吃飯, 我跟大隊就好。來過明星吃過幾次飯, 還是這次才坐到有電視看的卡位。吃的也盡量簡單:雪梨雪耳燉螺頭 (細鼎) ($58) 除了這些材料之外, 還有豬月展和雞腳, 好在湯水不太肥膩, 也有雪梨的果香增添甜味。靈芝南瓜素千層 ($45) 中的靈芝即是靈芝菇, 用蒸籠上桌倒有點美感, 可是芡汁太濃, 蓋過了底下南瓜和千層 (腐皮) 的味道。這道菜算是當有點蔬菜吃下啦。藥膳煮土雞 ($58) 就得到家母的歡心, 一大鍋湯帶點藥材味, 也隱約嚐到一點點紹酒的味道, 很是暖胃, 因此雞件雖不是很多, 也很下飯。再加一人一碗飯, 這頓簡便晚飯也要上 $200 了, 出街食飯真是愈來愈貴啊。

都有一排無嚟明星海鮮酒家飲茶喇,究其原因~怕等位囉。除非早去等,否則無番個半至兩個鐘都唔使止意有位,點解要等咁耐?!係人都知因為款式多、價錢平、味道算唔錯,客量自然多。但內有乾坤,你地又知唔知呢~原來有某d食客自己上去搵位,一見有吉位就坐,跟住單聲俾相熟既侍應就ok『今日我上午11:30(算早)攞飛,12:15左右先有位,未坐低已有位叔叔猴住我張枱,問相熟既侍應坐唔坐得,個侍應話客人上左黎,搵下張啦,死未@@?!!!!!』,難為樓下班客人等了又等…希望佢地可以正視下呢個問題!!!我同爸媽三個人隨意叫左6碟點心,一碟炒河,盛惠$164.- 真係好抵食:-P三色燒賣: 蟹籽燒賣食得多,今次試食三色。其實係三粒豬肉球上面分別放上蟹柳、魚旦、香姑姐,大大粒但味道麻麻,早知食番蟹籽燒賣好過。蝦餃: 好多蝦, 好食!鳳爪: d汁好入味, 唔錯!排骨: 蒸得d肉好滑。雞扎: ok薑蔥牛栢葉: 切得細細塊,好爽口。豆腐班腩炒河: 豆腐好大件,班腩好味,炒得好好食,$38碟算抵食…如果唔係要等咁耐,我地實當飯堂咁嚟…

同朋友兩個人去七點左右去食飯，人唔算多唔洗等位，不過七點半後明顯多了好多人。地方夠光猛，都算光淨闊落。食物價錢唔算貴，三、四十蚊小菜都有，味道賣相都幾好，啤酒有平價獅威$13 三罐。二個人了四個小菜 ，三罐獅威，茶錢加一 ，埋單 $212

我一向係明星西環店嘅常客，回想起我無論係午飯、晚飯，早係2005年已經開始成日幫襯佢!我亦曾經幫襯過明星筲箕灣店、深水埗店、牛頭角店、明星海鮮舫及嘉年華香港仔店!其實我成日幫襯明星集團旗下分店，都係因為佢嘅食物、環境、服務、衛生各方面質素都唔錯，而且價錢化算，比我嘅印象幾好!今日同朋友有事去咗北角做，所以做完之後就順便去明星飲番個下午茶!明星北角店係我第1次嚟幫襯，我認為質素同其他分店同樣唔錯!味道方面，今次2個人叫咗幾款點心、1碗燒腩米線、1碗切雞河粉，味道皆唔錯!食物包括1)燒腩米線:燒腩太肥，用料不太上乘!湯底味道就唔錯，整體分量足!(2)切雞河粉:切雞用料反而好D!湯底味道同樣唔錯，整體同樣分量足!(3)柱候金錢肚:辣辣地嘅醬汁好惹味，金錢肚蒸得夠淋夠入味!(4)漿爆流沙包:餡料有好香嘅蛋黃味，並且食第1啖已經流咗出嚟!包亦夠鬆軟!(5)馬蹄牛肉腸:牛肉餡料加咗馬蹄粒好爽口，腸粉皮就厚咗少少!(6)鴛鴦燒賣皇:原來係2粒蟹籽燒賣加2粒牛肉燒賣!蟹籽燒賣新鮮，牛肉燒賣就似牛肉球!(7)山竹牛肉球:味道唔錯，幾有質感!環境方面，裝修唔算新淨、又唔算太舊!我覺得佢嘅裝修普通，只係某些

上完一堂之後肚餓得很,本來唔係去飲茶嫁!!但最後貪其選擇多,每人少少咁!!可以食到多d唔同既野!!原本想去樓下的酒樓,但有人推介到明星因為價錢平宜些! 去到唔洗攞位,樓下既話: 上到去見到有枱就坐!!好冇禮貌牙上到去搵左個卡位黎坐,好近門口的!!好似盲點位咁,冇咩人理我地!!叫左7樣野食,樣樣野食都好快黎到,唔會等好耐!!菠蘿奶皇包 : 凍左,個皮既口感好怪!!但係入面既奶皇唔算太甜,如果係流心既仲正!炸春卷用杯上好得意,而且好長!!一條入面有2-3隻蝦!!入口好香脆蝦餃皮太黏,而且凍左之後好硬!!所以要快d食至得蘿蔔糕,如果入面多反d蘿蔔糕絲就好喇!!好實,但係又冇咩材料腸粉好厚身,唔錯!!但食唔曬今餐3個人,每人食左$37!都幾抵牙,下星期再黎過埋單時遇到無禮對待,佢找$係掟出黎嫁

由於很久沒有跟爸爸飲茶又臨近父親節,所以就約了爸媽和男朋友去明星飲茶不過明星酒家的冷氣真的很冷叫經理把冷氣較小一點,真的小了...但之後又變冷了= =-燒賣:很大粒,還可以吧-蝦餃:很多蝦呢!午市還在做特價!值得一吃-奶皇包:很多餡!!!!不過有點膩.只有我一個吃.吃了3個!!!!!飽死了-春卷,鹹肉粽:普普通通-蝦腸:皮不太粉,厚度適中.-魚片粥:粥底不太稠帶點薑味.不錯-灼菜心:一般的菜心罷了-叉燒河:叉燒很瘦!$16.8算是這樣了起初擔心不夠吃...吃到最後....一行4人撐著肚子離開呢!!!!ps*冷氣真的很冷.如果去要記得帶定件褸ps**上菜速度頗快.價錢又適中

拜完山後, 我們一行十三人一同飲下午茶丫二時開始有下午茶呢度點心都ok , 唔錯喎, 價錢都合理呀我吔吃咗好多點心丫流沙奶皇包....唔好食呀腸粉..ok 喎...幾滑喎...义燒焗攴包... 差... 得個大件, 又少料..... badbad山竹牛肉都大粒...good其餘都ok既....

星期六, 同爸媽去飲下午茶. 第一次黎呢間, 因為太多"喊", 所以唔多想試. 但媽媽試過,說ok, 所以只好陪他們了. 我們叫了- 小籠包 : (ok )- 煎芋頭糕 (ok ) - 魚肉釀茄子 (ok, 好大件 )- 炸雲吞 (麻麻 )- 日式海鮮卷 : (唔得, 我地誤會左係炸, 味道亦唔ok )- 千層馬拉糕 (麻麻 )食物味道總括都ok, 會再黎試. 但下午茶一定要早d攞位, 超多人架!!

星期六的早上, 同家人前來此處飲茶, 以為派飛仔等位, 原來早上係自己搵位。四周都係兩個人坐張六人檯, 很不容易先有檯。先入點心, 很快端上檯, $7.8一盅的鳳爪排骨飯味道一般, 但那些排骨的肥油蒸到飯都很油膩。鮮蝦帶子餃那果皮做得很差, 澄粉過多, 四隻連埋箋底紙拈在一起。明星最好食的就係春卷, 呢間亦做得不錯。藥膳魚雲, 半個魚頭超迷理, 收特點真係有點騙人。後來十點再入單叫個生煎包同叉燒飯, 等了廿分鐘都未到, 以防漏單, 就搵個伙記查下, 轉眼伙記說已落單, 咁只好等多一會, 但十分鐘又過了, 仍未見碗叉燒飯的出現, 就走去燒味部, 望下係唔係燒味師傅忙得很, 點知只見兩個師傅無野整撟埋手。等得不耐煩走回收銀見到個經理, 即刻叫佢睇有無落單, 經理一查見到叉燒飯落單卅分鐘即刻幫我去跟。後來經理親自送來叉燒飯, 咁先無咁嬲, 食完碗叉燒飯離落單時間都已經五十分鐘, 同單的生煎包依然係無映無綜, 真的不知這酒樓怎做生意的, 只好埋單走人。經過門口見到廿多卅人等檯飲茶, 如果那碗叉燒飯早廿分鐘上檯, 又可做多檯客都未定。

下午三點半與友人相約飲下午茶, 快餐店食得多, 不如試吓飲中茶.試過眾多明星酒樓, 北角呢間算係幾好(最差就係筲箕灣東大街嗰間).我們兩人叫了一碗燒腩米線一碗超大碗的豬頸肉河粉一碟水餃加菜一碟春卷一碟蘿蔔糕埋單$69

見好內無飲過茶﹐所以就來呢度飲茶食餐晏。1﹕30pm來到﹐所以就索性等多半個鐘食佢既下午茶時間。我地兩個人﹐叫左八個點心-鮮蝦豆苗餃﹐蝦醬魷魚﹐油麥菜﹐生煎包﹐叉燒腸﹐花枝燒賣﹐金錢肚同埋奶黃千層糕。各款點心味道過得去﹐質素尚算ok。唯獨金錢肚每片都好大舊同好硬﹐咬唔開。因知道點心d反式脂肪同膽固醇超標﹐超唔健康。所以都唔知下次會幾時再來。如唔擔心健康﹐呢度d點心都幾好味既。

又是吹水好時間。一行人浩浩蕩蕩行落山，十二時多，不用等位，真好。要了十多碟，也忘記邊個打邊個，加上有幾款都無試過，所以詳情不打。總括來說是不錯的。新裝修後，環境好好多，有4人卡位，卡位仲有電視仔!食檔的服務很不錯，阿姐會同你講笑。

比想象中好食, 可能因為係逐碟計錢, 同任食的質素點都係有分別. 食物種類好普通, 完全冇特別的火鍋食品. 不過味道又唔差喎, 各樣都幾好食, 冇一樣好難食囉. 我地九點半後入座, 最平即係菜類果d 都係$8.8 一碟, 最貴好似廿幾蚊咁上下, 我地只係叫左7 碟野, 得1碟係最貴, 又冇叫其他野, 埋單都要$240...湯底都係叫最平的好似係$28...服務方面, d 呀姐態度ok呀, 有時可能係九唔搭八d, 不過態度唔算差.

訂左八點半晚飯, 八點三到場, 要呆等半個鐘到八點九先有位, 唉....十個人到齊想點菜, 視線範圍內見唔到有伙計, 我又唔係坐客房, 大廳喎, 十幾枱客, 竟然無人招呼....等左兩分鐘, 終於有伙計行埋黎, 無梳頭, 多頭油, 反應慢, 落錯單....上菜時無話"請小心", 講句"借mair"都好丫! 無聲, 攝青X咁攝碟菜埋黎....我平時都好少理服務態度呢樣野, 但今次我真係頂唔順!一樣還一樣, 食物方面幾好, 大碟份量多, 味道適中. 魯水并盤, 竹笙豆腐, 魚香茄子, 海鮮粉絲煲, 翠玉瓜炒牛肉, 炒芥蘭, 炸饅頭, 西米露及紅豆沙都幾好食; 片皮鴨有少少騷味, 七彩鴨絲啲"鴨絲"好搞笑, 無人食得出係鴨, 估係似牛或豬添. 一籠"流沙包"好似抽獎咁, 有流有唔流. 印象較深係福建炒飯, 飯身乾爽, "獻"汁濃度適中, 屬上等之作; 仲有飯後生果的西瓜, 而家唔係"當做", 但都好甜好多汁, 意外!

裝修完之後陪屋企人去飲過三次茶,都係唔掂~如果唔係阿婆佢老人家鍾意真係唔會去幫襯!!!裝修後食物水準毫無改善都係依舊介乎於普通與不好吃之間,而且飲茶價錢貴咗,晚飯就不知道了......必須要提酒樓通風系統好似唔係好得,去飲茶坐一陣出街已經渾身油煙味,而且座位間距窄了坐得不舒服,很局促.另感覺人手有點不足,服務未夠完善.