明星海鮮酒家 (已結業)

一行八人去打邊爐,明明訂左枱(仲要唔係早成十點幾),去到仲要等20分鐘, 阿姐剩係識得叫你等等,等等~上到去成間酒樓都係吉枱唔知阿姐做咩叫人等~叫咗兩個湯底,放低之後無人理過, 等咗好耐都唔滾,問侍應就剩係答你得架啦得架啦,再問多兩句,就答你"200度啱架啦!"直到鴛鴦湯底忽然大滾,滾到一枱都係,先叫到個阿叔侍應走埋嚟睇下.叫佢抹枱同換過個湯底,佢竟然細細聲爆左句"x拿聲"!!!仲要一路抹枱一路"啤"到行,呢啲係咩服務態度!!之後食物上枱同樣叫人失望,最唔抵係牛肉,一碟得5片,但勁厚又勁多脂肪,其他食物唔見得特別好,快快趣趣食完即刻埋單走人!雖然唔貴,但服務垃圾到暈,永遠唔會再去!!

奶奶生日,book咗間房食飯,今次唔係講d嘢食,d嘢食好普通又唔難食嗰隻, 但d服務真係勁唔掂,差不多開席,見電視播亞視,我哋話睇無線,叫d阿姐轉台,己經當聽唔到,再叫多次,轉咗唔夠2分鐘又轉返亞視,再叫轉,又聽唔到,仲嚟多兩個阿姐,一齊睇電視,原來開六合彩,仲三個阿姐一齊抄no,期間叫轉台,都唔理,唔通我哋走去轉台咩,即係我哋有我哋食,佢哋有佢哋睇,睇完佢哋即散,又唔轉返無線比人, 又唔係入嚟幫手,妹仔大過主人婆,又要比錢又要受氣,見奶奶生日咋,如果唔係實嘈佢哋!

不知不覺走到炮台山, 肚餓打鼓不如就上明星又是四處大枱的格局, 點了數款特價項目, 豉汁蒸倉魚蒸得非常合時, 豉汁香濃, 魚肉香滑, 倉魚的size亦份量十足, 最愛就是在魚身上有一大堆豆豉, 撈飯一流酸辣雞一只特價$48, 是雪藏貨色, 以類似紅油炒手的醬汁浸鹽焗雞, 雞肉ok, 但不太配合的味道總令人覺得有點怪怪的, 金銀蛋莧菜這個是我喜愛的菜式, 做得不錯, $38不平不貴, 金銀蛋多得很, 令到莧菜每一啖都帶著起沙的口感, 加上上湯不會太油之餘, 做得好味道~~招呼一般, 但又有大電視看harry potter, 街坊格局特別親切!

年卅晚,奶奶話請食團年飯,之前晏奏已經成日飯茶,雖然食唔係特別好食,但價錢都算平同選擇多,晚我散叫,有翅,不過好"希",好少翅,好多水,咕嚕肉,都ok,好少會勁難食,蒸條魚,見個樣都正正常常咁,我都唔鐘意食魚,所以唔識分好食唔好食,只係識食到都滑隻,炒個菜,勁普通,又係唔會難食隻,唯一叫最好食係風沙雞,夠多炸蒜蓉,皮夠"趣",隻雞都夠滑,所以我食得最多,另叫幾個白飯,7個人,多謝$1,360.00,年卅晚,我諗邊度食飯都要啦!唯一唔滿意佢無糖水送,問佢有無糖水,佢話有,不過要另外比錢,如果要比錢,我不如去糖水鋪食好過,起碼多選擇好多,所以我都無叫到,食完即閃!

搬來呢區幾年都未幫襯過，即管試下．其實都無嘜期望．睇一睇餐牌，價錢超平！咁既價錢，都唔敢叫ｄ稍有難度既菜色，求求其叫幾個小炒類加白飯．嘩．．ｄ餸一上已經俾個賣相嚇親，真係睇到都唔開胃，食落仲難頂！终於是但食幾啖就埋單走人，個伙計仲問我地要唔要打包，真係拎黎掉咩？幾平都無用啦，咁難食！唔使錢我都唔會再去！

薑餅人媽媽生日, 提議係呢度食, 四個人叫左個$368 set dinner1. 象拔蚌響螺湯- 幾鮮甜2. 西芹炒煆球- 唔太油, 蝦當然係雪藏貨3. 菇菇煮牛仔骨- 少少咸, 牛幾腍4. 雜菜煲- ok, 但唔算多菜5. 燒蒜蓉薄餅- 麻麻, 偏un6. 蒸東星斑- 養魚, 肉質削and淡然無味overall算抵食, Happy Birthday~~

今早在北角，早茶時間。同三個三唔識七既人搭檯，叫o左呢籠「怪物」。食完都唔知自己食o左乜；飲完水仙都唔知自己飲o左乜野茶。事後o係報紙見到，先知自己食緊人地「五週年誌慶」既特價包- 三色桃包：（由左至右）杏仁蓮蓉、豆沙、蘆薈蓮蓉。唔怪得D 味咁怪，同俾廿蚊紙仲有紙幣收。

某星期三晚大約6:15pm來吃火煱，見到經理給侍應們訓話，一種很好的感覺，但當我們叫了火煱，才知道訓話是沒有用處，正常是當客人叫了湯底，是要把蓋著電磁爐的木板拿開，跟著便插電線及為客人斟豉油，以上的全部沒有做。我們點了西洋菜，沒有西洋菜不通知我們，要我們自己追問，D肥牛好似綿胎那麼厚，食金錢展比較好；吃到一半，居然火警鐘響，過了一段時間，才叫咪說是火警鐘測試，晚飯時間才試警鐘，還要用鉛筆頂著警鐘，令它唔響。到了埋單時，居然收多3個白飯錢，我們更本沒有吃飯，這酒樓真是唔點。在這裡，提一提大家，埋單時，要查單，因為很多時會被人計多錢，請小心！

又一個倉底食評,事緣靚女朋友請食飯,選擇在北角明星,前文講過,自己係唔會去這些酒家晚飯.市面選擇太多,食小菜我可以去大排檔.為何要去這些無甚個性的酒家呢?掉轉頭諗,著得一身OL打扮,那有閒情陪你去大排檔?!呢類連鎖酒家,早年敦煌好彩漢寶美心食得太多.今時今日,差不多再沒搭足.除左少數服從多數,又或者人地做老細......打開餐牌,小菜平到發笑,全部叫晒$29貨色,一樣唔會詐你型.三個人粗略點左幾味,都唔係咩野山珍海錯,只係家庭小菜之類.乳豬例牌,出奇地好吃.夠熱夠鬆化,已經收貨有突,蟹肉扒菜膽,美極煎蝦,燒乳鴿,也不錯,在呢個價位,好難祈求什麼.海鮮豆腐煲,海鮮雖然只係用雪藏貨色,不過新鮮滾熱辣,已經將缺點完全包容.明星在市場定位,做得非常清晰.在香港地粵菜館黎講,一係做最高級如夏宮,鏞記等,一係好似明星呢類擺明居馬走草根路線,劈價推銷.才是生存之道.近年倒閉的酒家,大多都係高不成低不就的"灰色地帶"酒家.有眼你睇.

i've heard an explanation from related persons why this restaurant chain sells at quite low price. but customers no need to worry about food quality, reason related to 'finance'.

有家長介紹, 說這裏的湯不錯, 便來試試. 點了一個連湯的套餐, 湯是花膠筒燉雞腳, 料多量足味道亦清甜, 果然係相當不錯.餐可選幾款小菜, 仲有一條清蒸杉斑，竟然超過近半！計落條魚都唔駛一百蚊, 真係平到震, 而且蒸得唔錯添, 真係意料之外. 其他小菜就普普通通, 無甚特別, 但係平成咁, 都唔應該強求o羅. 飯後又送水果又送甜品, 乜經濟仲未復甦咩？唯一缺點係明顯人手不足, 服務差強人意. 不過, 能夠食到飽飽, 食物質數又合格o既, 好似無乜地方有咁平喇.

味道唔錯架，　啲餸都好大碟，好平．．．啲湯都好好飲架．．真係平到你笑．．．．如果唔計ｓｅｒｖｉｃｅ既話，呢間野都好值得食，但係一講起啲ｓｅｒｖｉｃｅ真係唔太好囉．．．啲ｗａｉｔｅｒ／ｗａｉｔｒｅｓｓ唔多理人．．．好ｃｏｏｌ，不過有啲都幾好既，會同你傾下計～～其實如果唔ｃａｒｅ　ｓｅｒｖｉｃｅ好唔好既，都好抵食架

有朋自遠方來去明星叫了一圍$1488全包宴食品ok無特別價錢算平了但d服務員質素真係好唔掂叫佢俾份刀叉佢就無里頭咁上果盤叫佢打包個乳豬頭佢就將個乳豬頭斬件上上上下菜重可以停左問佢點解佢話上到雞之後要我地叫上菜先上真係九唔搭八你估擺酒咩得個一圍使唔使敬埋酒呀小菜同d打邊爐坐埋一堆搞都周圍都煙霧迷漫真係下次請都未必

食過兩次晚飯(一圍),樣樣都OK啦!價錢與服務都合比例:平!有非吸煙區但有人食都無人理,好在無吹過來

今天(14/8) 一行五人（包括一名小學生）去這間茶樓，去到已經係點幾鐘，茶樓既面積非常大，茶客亦滿佈每一張枱。等了一陣便有位，值得一讚係呢間舖有好多野食，分門別類地陳設出來，如：上海、星馬等等。但服務態度屬一般，因為太少侍應，有咁多人，好難招呼得切。每碟價錢唔係好記得，食物大致如下：1. 苦瓜酸瓜炆豬肉2. 油鹽水雞腳3. 豬皮蘿白牛骨髓4. 腐乳通菜5. 芋頭糕（三件，叫了兩碟）6. 菠蘿叉燒包（三個）7. 白糖糕（三件）8. 芝士烤餅9. 酥炸蝦丸（四件）10. 酥炸黃金蝦11. 蝦餃12. 燒賣13. 牛肉14. 扎肉金邊粉除了6及14外我無食外，其他都有我份。碟碟都幾大碟，因為咁我就要包底清碟。苦瓜酸瓜幾好，苦瓜及酸瓜唔會過諗或過爽，豬肉就無食到，因本人不太喜歡。雞腳一般，但好耐無食，都覺得好味。牛骨髓好軟，入味，辣辣地。芋頭糕值得一讚，上面係芋頭條，下面係軟諗諗既糕。白糖糕好耐無食，所以都覺得好味。芝士烤餅確實幾得，十蚊客，唔貴，仲有好多件，香脆可口，唔會好厚好老，D醬汁有三款，黃綠紅，最好都係黃。蝦丸及黃金蝦都好香口爽脆，有蝦味。蝦餃及牛肉一般貨色，燒賣幾有肉味及蝦味，新