明星海鮮酒家

營業中

休息中

本來已為去茶皇廳就不用拾台,可以坐得舒服一點,但一上去,reception沒有說要登記入座,一入到去房,樓面就說要出去登記取位, 不肯給我桌,眼見有兩張桌都不給我,都算; 同一時間,另一個人入來,竹而問他幾多位,然後帶去這兩張吉桌。要我走來走去,還要不是一視同仁,已經一吐氣,到了出到去取位,reception給了我一張桌,每次都給我一張很難出入的桌,都算了.今次還差到另外一張桌坐到連行人通都不能過,要我叫野食時要站起來,走兩步才可接食物,你知道,點心是很熱的,還要客人用手取,比起快餐店服務還要差,再講這是茶皇廳,理論上服務要比外面大堂較好.總知就花錢也要受氣.

平時同朋友係夜晚身處於西營盤至上環一帶，如果想慢慢食慢慢傾，都會幫襯明星西營盤店，因為係我地印象中明星集團旗下分店嘅食物、環境、服務、衛生各方面質素都唔錯，而且價錢化算，令我地對佢有信心!今次又係同朋友係夜晚身處於西營盤至上環一帶，大家又想慢慢食慢慢傾，所以一致決定咗幫襯明星西營盤店啦!由於今次需要就一就個朋友，所以好夜至食，我地入座果陣啱啱踏入宵夜時段，原來宵夜時段平過晚市時段幾多架!我地去到果陣都幾好生意，好在只係等咗一陣就有位啦!明星西營盤店嘅宵夜時段係我首次幫襯，總算冇令我失望，各方面質素都唔錯，而且價錢化算呀!味道方面，今次3個人叫咗幾款小菜同埋1碟豉油皇吊片炒麵，味道皆唔錯!食物包括1)豉油皇吊片炒麵:吊片新鮮入味，仲幾爽口!炒麵幾有咬口，分量足夠!整碟顏色討好，幾有鑊氣!(2)客味鹽焗雞:鹽焗雞口感唔錯，味道鹹淡適中!(3)豉味涼瓜排骨煲:排骨有豆豉香，幾惹味!凉瓜甘口，不過淋咗少少!(4)沙爹金菰肥牛煲:肥牛肥瘦適中，幾入味!金菰碎濕濕，沙爹傑咗少少!(5)生菜豆腐鯪魚球煲:鯪魚球鮮味彈牙，不過有好多魚骨攪唔碎!豆腐幾滑，味道鮮甜!(6)紅燒北菰豆腐:豆腐幾滑，醬汁味道

今晚是這個月第二次來明星食晚飯,不過就山長水遠過海來到這邊,事源今日是昌表弟影畢業相,於是我們全家齊來捧場,到港大一起拍照,之後就來此食飯.來到已6:30 pm,但全場幾乎爆滿,枱與枱之間擺得好密,我們被安排坐的枱好後面,走入來的時候都有些困難.這裡菜單都好家常便菜,我們就點了以下幾款脆皮燒腩仔~~腩仔都算層次分明,皮都幾脆密汁叉燒~~肥瘦適中,各人都讚好海哲薰蹄~~海哲可能落唔夠麻油,唔夠香,同薰啼一樣淡而無味海皇什菜煲~~味道都唔錯,材料豐富翡翠蝦仁花枝片~~花枝片好爽口干燒伊麵~~一般紅燒北菰豆腐~~一般魚香茄子煲~~這個煲仔最穩陣,好入味沙拉京都骨~~唔夠味,肉質好鞋咸魚雞粒炒飯~~這個炒飯唔錯,不過咸了些金銀蛋菜苗~~普普通通生炒排骨~~個汁好味,但排骨的肉好硬實我們10個人.埋單$924,最後要謝謝表弟,他話今晚他請客呀

回想起無論係裝修前嘅午飯同晚飯，淨係裝修後嘅午飯，我都成日幫襯就近嘅明星西環店，因為明星集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!明星西環店裝修後我已經幫襯過1次晚飯，果次我都幾滿意!今次約咗幾個朋友，打算一路食一路傾，所以決定嚟明星西環店食番餐飯!明星西環店係我第2次嚟幫襯晚飯，同樣冇令我失望，質素保持水準同樣唔錯呀!味道方面，今次4個人叫咗幾款小菜、4碗絲苗白飯，仲有每枱1碟花生同埋贈送1碟西瓜，味道皆唔錯!食物包括1)客味鹽焗雞:隻雞嘅口感唔錯，幾新鮮!味道鹹淡適中!(2)豉味涼瓜排骨煲:凉瓜同排骨用豆豉煮好惹味!凉瓜唔係太苦，同埋淋咗少少!(3)沙嗲金菰肥牛煲:肥牛肥瘦適中，幾入味!金菰碎溼溼，沙嗲傑咗少少!(4)鹹魚雞粒豆腐煲:味道鹹鹹地幾開胃!分量足夠!(5)燒汁野菌牛仔骨:牛仔骨硬咗少少!野菌分量唔算多!(6)紅燒北菰豆腐:豆腐幾滑，加埋蚝汁一齊食好食!豆腐件數幾多，但係北菇太少!(7)絲苗白飯:白飯軟硬適中，都幾大碗架!(8)西瓜:西瓜水分充足，可惜唔係幾甜!環境方面，明星西環店新裝修，地方當然新淨啦，佢嘅裝修設計以豪華酒店式為

對這間明星的印象一向麻麻，之前在openrice都寫過，佢地d超鹹四季豆唔切豆角頭，炒河粉又乾又鞋。但最近見佢裝修過，就和少奶來試下。是日中午12時許來到。新裝修，造了些落地玻璃窗，裝了些水晶膠造的水晶燈，係較以往光猛d，但卻不至於話佢所講的酒店式裝修，窗外也只有一個行車天橋景。一坐下，見到枱上的公筷滿佈茶漬，還黐住些紙巾碎，當堂有d嘔心，於是立即動手沖洗碗筷，等自己心理上好過d。可能係我地食得cheap，不捨得叫正價點心，這裏午市特價點心的選擇多不多，見仁見智啦，大家睇下d相，自己判斷啦。但我地就覺得點心選擇較以前少，也不太吸引。左揀右揀，最後只選了鮮蝦菜苖餃和藥饍鳳爪，再加一個鴨腿湯飯。 等左約15分鐘，兩款點心來了，味道ok既，但其實唔算好出色。隨後，侍應走來話鴨腿湯飯賣晒，吓？等佐咁耐先至話賣晒？之前仲見到佢出左幾個鴨腿湯飯喎。好，當我地唔好彩，和少奶商量一下之後，再order金菇雜菜炆米，點知再等左約20分鐘，侍應又話賣晒，唔係化？無金菇？無雜菜？定係無米粉呀？明知係食晏時段，乜都無又唔早出聲，等完又等，前後合共等左大半個鐘頭，先至話賣晒。這刻我和少奶真係扯火，二話不說就叫埋

一行十多人到明星喝午茶，嘻嘻哈哈的叫了不少點心、一個芝士海蝦焗伊麵和鴛鴦飯炒底。我沒有試均每種點心，就只談吃過的吧：粽：其實味道不錯，咸咸的點豉油吃幾好味。芝士焗海蝦伊麵：味道濃郁，芝士厚厚的蓋住了一隻隻泡過油的小海蝦，以四十三來說算是非常超值和美味，午市的價錢有晚市的質素。流沙飽：我們合共叫了四籠，小小的飽身飽滿，咬下去有蛋黄饀流出，不過較新興的稀，和不夠澎湃；不過也是好吃的，假如北園的是好吃，這裏的算是幾好吃，而新興的則是最好吃。糯米卷：一籠有四件，薄薄的飽身包住有花生等等的糯米飯，煙煙膩膩的很有嚼口，吃一件幾飽足。鴛鴦飯：一邊是酸酸的番茄肉片飯，一邊是白汁肉片飯，都有點豉油西餐的味道，不太正宗，不過都算是美味的。還叫了其他點心如燒賣牛肉球腸粉等等，不過都沒有試；埋單人人三十三，是抵吃的。

難得忙裏偷閒,同咗男友去飲茶丫重新裝修既明星酒樓,想去見識一下有多華麗先裝修後當然比以前靚,但華麗就見仁見智嘞!二人叫咗特價點心先來~蜜汁义燒餐包 ~雖然是微温的, 皮是厚厚的不鬆軟, 饀料亦太少了~ 流沙奶皇包~ 以前覺得明星既流沙包都有番咁上下既質素,今日專登叫一籠比男友試下,也做得不錯,內裏的饀是流出來的~紅油抄手, 味道一般, 只是把菜肉雲吞溝上辣油,就成了他們所謂的紅油抄手吧擂沙湯丸, 很出息喎, 端上來時還熱的, 湯圓皮做得頗好,芝麻料是流沙, 很好吃呢...水晶包, 也是甜點, 似乎我們愛吃甜品的, 分別有奶皇,豆沙及蓮蓉, 最好味是奶皇... 為什麼現在這麼少茶樓有奶皇包吃呀!!!!!

回想起我無論係未裝修之前，淨係裝修之後嘅午飯、晚飯都成日幫襯明星。我向來知道明星嘅茶市有好多捧場客，咁大地方，未裝修之前都已經要等位。但自從明星裝修完重新營業後，客人比以前仲多咗好多。樓下等位嘅人太多，等位嘅地方直程企都冇得企，有時我要企上樓梯級，有時要企出門口添。而家飲2點鐘下午茶我要1點9就嚟攞票等位，每次都等成半粒鐘架。聽聞明星裝修完之後吸納咗附近酒樓D顧客，變相有D酒樓拍烏蠅，可見明星裝修完之後有好大嘅收益!今次又係同平時一樣同屋企人飲下午茶，質素同樣唔錯!味道方面，今次3個人叫咗幾款點心、炒粉一碟，味道皆唔錯!食物包括1)豉椒排骨炒河:幾惹味，排骨肉質好，河粉夠薄身!有青椒、紅椒、洋蔥等放面多色賣相唔錯!(2)豉味蒸排骨:幾入味，肉質新鮮!(3)柱候金錢肚:醬汁有D辣好香，金錢肚索到D醬汁幾入味，比以前淋咗有進步!(4)漿爆流沙包:相當好，食第1啖已經好流，夠蛋黃味好香呀!(5)蟹籽燒賣:肉質新鮮，味道適中!(6)煎釀青椒:煎得香口，隨附嘅醬汁好味!(7)煎堆球:大大件，漲卜卜，香口兼好味!(8)生滾咸雞粥:有幾件雞算料足，味道稍淡!(9)時菜鯪魚球:幾好味又新鮮，但係較多魚

回想起我無論係未裝修之前嘅午飯、晚飯、淨係裝修之後的午飯，都成日幫襯，而裝修完個幾月就第1次嚟幫襯佢晚飯啦。如果你問我幫襯過佢幾多次，我就答唔到你。因為我好似早係2005年左右已經開始幫襯佢，貪佢食物、環境、服務、衛生各方面質素都唔錯，而且價錢化算。我估計幫襯佢起碼有過百次囉，我唔係誇口呀，我平均每個月都幫襯佢5、6次架。嘩，少數怕長計，唔知佢係我身上賺咗幾多錢呢?入返正題，呢日同D好耐冇見嘅朋友約咗嚟明星食番餐飯。冇令我失望，質素不錯仲幾抵食!味道方面，今次3個人叫咗幾道小菜、鹽焗雞和黃立倉，味道皆唔錯!食物包括1)客味鹽焗雞:質和量我都滿意，味道適中，唔怕太鹹，肉質唔錯! (2)清蒸黃立倉:蒸嘅時間啱啱好,魚肉離骨又唔怕唔滑!(3)沙嗲金菇肥牛煲:有沙嗲調味好惹味，分量算多!(4)鹹魚雞粒豆腐煲:唔錯，熱辣辣又惹味!(5)燒汁野菌牛仔骨:味道幾好，分量應多些!(6)紅燒北菇豆腐:豆腐加埋D蚝汁一齊食好食，豆腐分量多，但北菇頗少!(7)白飯:叫了數碗送餸，分量算係咁!(8)西瓜(贈送):合夏季時令，送西瓜啱哂我!環境方面，呢次裝修佢話用咗2千萬，以豪華酒店式為主題。配埋一D先進設備，

西環明星酒家裝修了不久，地方確比以往光猛漂亮。倘若硬要和酒店比較，酒家始終是酒家，很難帶給人酒店的感覺。無論如何，家常便飯坐得舒適便是。晚上約九時抵達，已屆宵夜時段，不少小菜以優惠價推出，最平$18已有交易，最貴不過五六十元，挺抵食。一行五人瘋狂點了九碟小菜，飽得滿滿而歸！蜆蚧鯪魚球：口感未夠彈牙，亦不夠香，水準平平。燒鴨：例牌份量，連鴨脾一隻只索價$22，加上賣相味道佳不俗，抵食！叉燒：雖賣相一般及肥瘦部位未算均勻，但味道卻比想像的好。尤其那暖粒粒的温度，頗惹人喜愛！芝士煙肉西蘭花：以芝士煙肉入饡，都頗難不好吃。如所選的芝士味道能濃郁一點更隹。干扁四季豆：四季豆經油泡後再以欖菜肉碎得炒勻，另一香口菜式。粉絲肥牛煲：雖質素未有特別驚喜，但價錢搭夠，$18一個標準份量的粉絲肥牛煲，怎能錯過！椒鹽九肚魚：炸漿太厚，蓋過其他味道。椒鹽味亦不突出。豉椒炒蜆：豉椒調味過重，以至未能吃到蜆肉的鮮味。清蒸黃立倉：味道不俗，肉質結實，$48一條，價錢合理。九碟小菜連啤酒茶芥加一，都不用四百元，如不介意晚一點吃晚飯，明星亦是一個價格相宜的選擇！

18/3開始裝修咗一個半月，終於裝修完6/5重新營業!而佢裝修期間，有大海報話今次裝修用咗2千萬，係個酒店式豪華裝修，並有豪華婚宴禮堂! 裝修完第一次踏入到去感覺好新鮮，員工換上了新的制服，當然環境都好咗好多!佢都加入咗好多先進器材，而當知客的都做得舒適。輪候座位嘅飛都係電腦飛，我問佢囉張飛等位，佢就好方便敢在電腦庰幕按兩按，等電腦印幾秒就得；佢又不用破口大駡「xx號…」，只要按兩按電腦，就會有電腦聲出現「xxx請到接待處」，咁比人感覺挺高級!冼手間既有自動感應嘅水龍頭，但連皂液機都自動感應較旱有!可能因為新開張，果日超多人，等位都等咗成粒鐘，不過我都預咗! 我發現好多員工工作有點混亂，可能是因為新開張，也值得原諒!今次質素同以前差不多，我都很滿意!燒腩河粉:分量多，燒腩都好靚，的確真材實料!叉燒河粉:同樣分量多，叉燒肥瘦適中!切雞河粉:同樣分量多，雞都幾滑!柱候金錢肚:不夠淋，汁有許辣好香，幾入味!漿爆流沙包:做得好，認真「流」，好味呀!明星燒賣皇:肉質滑，抵食!蒜香蝦春卷:好香蒜味，蝦多兼新鮮!生滚咸雞粥:以前用隻普通碗，而家就用個煲仔裝住幾得意，味道不錯夠綿!煎堆球:香口好食!香

裝修之後都未去過，明星飲茶係幾好架，最鐘意佢個大排檔，夠多野食!叉燒餐包 : 一個個令立立，我一食就食左佢兩個真係好正!! 個包係超鬆軟! D叉燒餡就好多洋蔥，蜜汁?! 唔係好蜜咋...反而好多洋蔥辣辣地。D肉就唔係好肥，咁咪幾好囉，我可以食兩個。蝦餃 : 有四隻，但就麻麻地姐...果皮唔夠實，同D餡分開左。燒賣 : 都係甘啦，不過食一粒就夠晒皮啦。奶皇包 : 食果時cold左D，下次一黎就食! 係有蛋黃同流沙果隻，好就好在唔係好甜，唔漏，呢個好!D茶都好好飲，好味過好多酒樓

住在附近，見他裝修。他聲稱有豪華的裝修，便去試試，但食物是在另我很失望。先是招呼，有個職員叫我上樓上，叫我去等位，但那台人根本未埋單。食物很難吃，交了灌湯餃，到埋單都未來總之就是差差差

星期6, 約9:30a.m去到西環明星海鮮酒家, 諗住新裝修, 就去試下, 一去到, 可能早市, 冇知知客企係門口接待, 咁就問門口服務檯的男西裝, 叫左佢好多次佢都唔理人, 淨係掛住同坐係服務檯既女侍應講野, 但好似教緊佢野, 咁唔緊要, 再同佢講, 我地有4個人. 佢就指住左手邊(望安住服務檯)到門, "入去啦", 咁我地就行入去啦, 但入左去, 唔見有檯, 之後同收銀處的女侍應講4位, 佢叫我地等陣, 咁我地就企係側邊等, 見佢埋緊單, 心諗好快有檯, 之後又有d人上到黎問佢拎位, 佢又係叫人等陣, 之後我地再問佢有位未, 佢叫我地企埋一邊等陣, 之後見有客走, 但佢比遲來既人先囉, 之後我地已經嬲嬲地, 再問佢要等幾耐, 佢又係一味叫我地等, 有檯又唔比我地, 比其他遲黎既人先, 跟住我地同佢理論:"我地到先, 有位就係咁比後面既人, 咁我地幾時先有檯, 定係要自己搵檯, 你都講聲丫", 點知佢就發晦氣話:"唔等咪唔好等囉, 自己搵位囉.", 之後問返經理先知, 成日企係收銀等同客埋單的女侍應, 叫"呀萍"(唔知係咪咁寫), 態度差到咁. 就算野食係點好食呀, 比我都唔想再幫襯

呢篇食評係講緊2010年3月的下午茶(裝修前)，佢係18/3開始停業裝修,已於6/5重新開幕。今次知道佢就嚟裝修,就影多相啦,水準依然好好!魚湯魚滑米線:大大碗, 魚滑(鯪魚肉)尚算多, 魚湯好香!雞粥:入味夠綿!薑蔥牛柏葉:惹味兼分量多!鴨腳扎: 鴨腳細隻咗少少,但好好味!青椒:煎得夠香口!整體都幾好,不過下一餐要裝修至有得去啦!