明星海鮮酒家

營業中

休息中

今次我再到明星海鮮酒家飲茶!今次有水準!泰式河粉:超正!仍是大大碗!粉,湯,配料非常多!蝦餃:好多蝦,又新鮮!煎堆:三個字形容:平靚正!家鄉煎薄餅:一時煎得好!一時煎得差!服務亦周到!環境夠靚!整體表現良好!

光顧多次　感覺很好自從裝修過後　價錢提升了　但感覺如舊記得點過很多次的紅燒魚翅　又有荷葉飯　冬瓜湯鍋（正確名稱忘記了）…紅燒魚翅～＄１８８　主要因為抵食大件荷葉飯＄５８　之中的蝦太爽令我不想吃　但整個來說是好味道乳豬拼盤＄８８　多油　不過乳豬實在美味…貴妃雞ｘｘ雞　不間段有新菜單有特價雞半隻一隻計算　這類雞跟白切雞不同　比較濕似乎用湯製過　很適合拌飯正如大部份酒家　明星都有任食火鍋　兩位一般＄２ｘｘ－＄３ｘｘ埋單火鍋湯底一般芫荽皮蛋沙嗲清湯都有　另有其他我從來不會點選的湯底可選食火鍋有特價飲品如竹蔗茅根酸莓湯橙汁等任食火鍋料有多款菜（我從不點菜所以不會記得）肥牛／雞紅／雞子／羊肉／竹生／豆卜／山根／蘿蔔／尤魚（白色的　不是水尤）手打蝦丸／手打墨魚（手打意思是軟軟一ｐａｔ那種）／游水蝦／四寶丸…外賣部的乳鴿乳豬叉燒鵝雞非常好味道不過最近已經沒有乳豬賣了場內有啤酒女郎推銷啤酒飲料在此明星工作之員工大部份都說話帶有口音，用語明顯不是教育程度高的一群，感覺似乎是新移民。有這種說話特色的人在香港多的是，也不代表他們特別無禮，只是一種特色，不在乎你是否欣賞這特色，但你必須要接受這香港文化。

今次我再到明星海鮮酒家飲茶!今次仍是很有水準!蝦餃:好多蝦,又新鮮!泰式河粉:超正!仍是大大碗!有約4款食物!家鄉煎薄餅:一時煎得好!一時煎得差!煎堆:三個字形容:平靚正!味道好! 服務好! 幾抵食!環境靚! 幾乾淨!

上星期先同同學飲茶，今日又同朋友仔走堂去飲茶。由學校搭車返西環，時間剛剛好，夠鐘下午茶。我地2個簡直化身成餓鬼，2個人食左8碟野:炸九菜餃、牛肉球、燒賣、鮮竹卷、長春卷、蝦餃、牛肉腸，同埋花枝卷。除左花枝卷同炸九菜餃，樣樣野就返個價錢都算係平兼正，因為好多都係辣乎乎。花枝卷雖然似係即叫即炸，不過就係因為咁而勁多油，而且好啖，唔多覺有花枝，剩係食到蘿蔔絲。炸九菜餃係因為太肚餓等唔切而自己出大廳拎，可惜無野好食，最後只好拎呢樣。大概都炸左一段時間，所以又凍又唔脆。上次6個人食十幾個點心同2碟飯麵要50幾，今次俾之前食得仲多反而仲平，而且仲開心自在。題外話，朋友仔話返俾我知上次有同學覺得$5茶錢貴，但我已經揀算平果間，仲想點?!

明星的點心比同區的酒樓多好多.中式, 日式, 泰式都嘗試去做.可以填點心紙, 亦可親自到Counter選擇.有生滾粥, 蒸包點, 凍糕.水準一般, 但人總愛多選擇, 可以說是一家大小聚首一堂的好地方吧.

放學後，一個廿幾人去明星打邊爐。冷氣好夠，未開始食時覺得凍囉！野食種類都ok多，羊肉、肥牛、豬潤、肉丸菜肉餃呢d都少不免要有架啦。仲有新鮮牛肉、牛骨髓、魚皮等。肥牛一碟得四片，要不停咁點先夠一枱十三人食。肥瘦都算均勻，間中有d會較肥。羊肉& 新鮮牛肉好新鮮，有肉味。鮮豬肉丸同墨魚丸好得喎，因為應該係手打，所以好彈，唔似現貨個咁實得得。呢間只係任食，無得任飲，所以飲品要另叫。如果要飲好多野ge人黎呢度食就會無咁抵啦！服務中規中矩，都會不停加水& 收碟。不過傳菜阿姐態度好差囉，同佢講話呢d已經黎jor，不過XX & XX未黎，佢竟然話"無黎就無架啦！"今時今日咁ge服務態度！???

星期六飲早茶去飲茶點心要熱我覺得係必要但係今次第一次黎10樣有9樣都唔夠熱.出名ge流沙包個餡又唔流包又比較硬唔夠熱上海鍋貼: 厚皮又係唔熱蝦腸粉:蝦大隻但唔新鮮泰式甜品:勁甜好sticky!個芋角最難食! 熱都唔熱下! 食落去成pat 野食左一啖就無食我相信熱會好食好多!比較好d::粟米魚餅幾香口夠熱服務都幾差下寧願比多小小$$去南北嚼好食好多or 平d去晶苑都好過佢\ 起碼熱d先

星期日一行五人來了這裡飲下午茶,2點已經來到拿飛,但下午茶要2點半才開始,2點半開始叫飛,不到5分鐘已經到我們,點了以下這些蒜蓉烤餅~ 味道是很好的,好香蒜蓉味,但最衰係一上檯已經凍冰冰,不像是即做的蝦餃、燒賣~ 這兩籠點心一上檯,外觀已經不好,食落更是普普通通菜肉包、叉燒包~ 熱騰騰,菜肉包菜肉很多汁,包面好香麵粉味,正蛋散~ 糖漿甜度剛剛好,蛋散口感好鬆化芋角~ 味道是ok的,但又是凍冰冰的蘿蔔糕~ 好好味,熱騰騰外層煎到好香脆叉燒腸~ 又是不夠熱的叉燒瀨粉~ 叉燒半肥瘦好香口,湯偏鹹豬腳薑~ 我不吃,所以不知道,但食果個人話好味我本身經常幫襯令外兩間"明星"分店,早茶或晚飯也試過,記憶之中未出現過凍冰冰的情況,還有,我們今次原本點了一個咖喱魷魚,但一上檯竟然見到咖喱魷魚內只得兩舊魷魚,"兩舊"會唔會過份o左d呢?碗內好像掉了一半咁!所以我們拒絕接受,實在太離譜,我都唔明廚房咁都可以將這籠點心送出來。

20071007已經不是第一次來飲早茶了，結果今天在朋友面前大失面子……星期日，不到八點，大廳人滿為患，坐進沒什麼人理的小菜廳，已經有些擔心。寫了點心紙後，問其中那些可以自取，阿姐大大聲說點心都是即蒸的啦，沒得取，好，那我們就等，橫豎離電影開始還有六十分鐘，扣減路程，也可安坐九個字，九個字的時間，午餐都夠啦~誰知，寫了七八樣東西，來了一個鳳爪一個牛百葉之後就再也杳無消息，三催四請不到，幹坐了半個小時，實在按捺不住，要埋單了，又來多一樣灌湯包，只好匆匆吃罷走人。從上菜阿姐到埋單阿姐個個黑面，粗聲粗氣含沙射影的“話”我們，不曉得是誰的錯……朋友說味道還不錯，就是慢了點，真不知道她們是不是為了安慰我……一段時間之內都不想再來了……

慶祝婆婆同阿姨的生日, 一行十人來到呢度食晚飯原來想叫個套餐的, 但望落去又貴又唔吸引結果全部都係散叫燉湯$88, 好味, 但分湯的阿姐無數人就分, 結果分少左一碗, 分到最後差不多無晒個時先問"你地幾個人", 阿姐, 一枱有幾人呀, 有得數架.雞$88, 外母話係冰鮮雞, 但整得都幾滑生炆班尾$138, 夠火候, 但多左幾條白菜仔係度, 好怪南瓜排骨煲$48 , 居然係排骨多過南瓜, 撈飯一流菜兩個$38-48, ok啦蟹瑤豆腐$48, 即係豆腐上撈左蟹子同瑤柱絲, 岩晒老人家豉油皇蝦同蝦伊麵, 蝦亦都新鮮的總括來講, 味道都唔錯的, 只係招呼一般不論係加水換碟都係無人主動會做要高舉雙手好似投降甘好耐先有人理希望佢可以增加人手啦

好味道!好乾淨!好服務!好環境!好抵食!

20070414星期六，起個大早，與父母到樓下的明星飲早茶。可能與時間有關，偌大的廳堂，放眼望過去，竟然基本上全是公公婆婆，或獨自一盅兩件，或幾個老朋友高談闊論，或與老伴各自看報紙，平均年齡把我的父母也比下去了，自有一種壯觀：）開一壺壽眉一壺滾水，寫了四種點心。蝦仁蒸粉果：一籠三隻，清清啲，比潮州粉果來的健康些；炸兩：油炸鬼不算熱，還好粉皮夠薄夠滑，若論這一味，酒樓畢竟難以與粥鋪相比；冬菇雞包仔：也是三隻，面皮很鬆軟，看起來小小的，卻很飽肚；生滾牛肉粥：粥底甜，牛肉嫩而無渣，有鍋氣。前後共計半個鐘，買單走人，很飽足，有很健康（至少感覺上），媽咪尤其中意：）

因為想吃海鮮, 所以一行5人去了此家酒樓來個晚飯海鮮餐. 為什麼選她? 沒什麼特別原因, 只因朋友住在附近而已~是夜order:- 叉燒一碟--- 我的朋友一坐下就立刻order的菜色, 原來是她男友最愛吃的, 果然細心! 呵-呵-呵---!!! 印度薄餅--- 看到酒樓有個印度人在搓薄餅, 我們就order一客, 很好吃, 不用沾任何調味料都覺得好吃, 清清淡淡, 只有少許鹽味, 不錯! 瑤柱香菇豆苗--- 味道不錯, 不過沒想過那些豆苗跟我在北京吃到的是一個模樣, 跟一般香港食肆用的豆苗不一樣. 白灼蝦一斤--- 不可能會有閃失的一道菜啦!!! 蝦尚算新鮮, 不過略嫌細隻一點... 蒜蓉粉絲蒸扇貝--- 好好好好吃!!!! 不過可能是因為我個人太喜歡吃這個菜但如果油可以少一點的話會更好! 蟹肉伴西蘭花--- 也很好吃的一道菜! 不過我本身是很喜歡吃西蘭花的, 所以也可能是因此而加分! 蒸魚一條--- 我沒份吃, 所以當然是忘了點了什麼魚啦! 更不要說是什麼味道了整體上我覺得食物幾好食, 不過沒什麼招呼, 算吧... 反正去到這些街坊酒樓也不期望有什麼服務質數啦! 當我回家途中, 終

20070203搬屋的忙亂過後，熱情的舊房東一家人約了我和另外幾個相處多時的roommates一起在這裏吃飯。首層基本上只是一個接待的位置，用餐區都在樓上，七點半鐘走進來，食客談笑聲、往來點菜聲、呼朋喚友聲、盤盞撞擊聲，相互夾雜，嘈嘈切切，倏的同時撞入耳中，還真有些吃不消。雖非名店，卻也坐了個滿堂紅，若非房東早來二十分鐘拿位子，我們只怕有排等呢，真是出乎意料。一共八人，貪方便叫了一個1388套餐，另外散點了兩碗白粥（主要是照顧我這個病人）以及餐後四碗糖水。糖水真是便宜，紅豆沙與楊枝甘露分別僅收6元及10元……據同席者評論味道還不錯。相比較而言，覺得餐略貴了些，不過也非無因，翅、鮑、斑、雞四樣俱全，雖不是什麼一等一的靚料與手工，也已經值回票價。此外，菜品之中尚有一個西蘭花花枝片與一個不知炸什麼丸子，配上糯米飯和擂沙湯圓，以及西瓜果盤，分量是剛剛好。因病之故，未曾全試：青鮑不大，但也肥厚甜美；另外，主攻蒸XX斑的魚頭，拿來送粥，配兩棵西蘭花，已經非常滿足。糯米飯受到交口稱讚，因其以蒸籠上，雖蛋絲臘味齊全，卻毫不肥膩，籠底無油，軟糯適口。擂沙湯圓也是水準之作，不過出了一點小笑話：才上第三個菜

一行十人去攞位，等咗一陣就有位。由於有幾位朋友會遲黎，所以叫佢開多兩、三位先，因為唔知實則有幾多人。一去到枱度就係咁催你開茶，而且態度惡劣，極唔耐煩！係咪等等都唔得呀！坐定就開始擺位，雖然唔同人，但態度依舊惡劣，"ping ping pang pang" 咁擺碟，又係度話都唔知你地幾多個。你洗鬼理je，而家有幾多人咪開住幾多個先囉，陣間唔夠先問你擺囉！環境嘈雜，態度惡劣，唔係呢頭少酒樓我都唔會黎食呀！