影片
港鐵天后站 A2 出口, 步行約2分鐘
繼續閱讀
電話號碼
21151800
21150998
營業時間
今日營業
11:30 - 15:30
17:30 - 22:00
星期一至日
11:30 - 15:30
17:30 - 22:00
以上資料只供參考, 請與餐廳確認詳情
影片
相片
+52
去台灣旅行可能會book性價比高嘅鐵板燒，其中一間人氣鐵板燒要數曾連續兩年取得台灣十大高CP值頂級無菜單鐵板燒冠軍嘅明水然．樂🔥憑藉無菜單omakase高質鐵板燒俘虜不少人嘅心🥰而家佢哋嚟到香港，即將於12月16日開業，係香港都可以享受到喇！餐廳位於亨環天后23樓，有個露台坐享天后絕美維港景，除夕／年初二仲可以睇埋煙花匯演🎆😍呢度嘅鐵板燒套餐只需$700起，可以食到多達14品，每道菜都勁高質，店內有活體龍蝦缸，即席撈起龍蝦、鮑魚，海鮮全部都好靚好新鮮，CP值超級高🤑超級推薦🫶🏻師傅都好健談、服務又好，食完最後收到師傅嘅手寫感謝卡☺️而家餐廳可以開始訂位，趁住未有太多人知一定要快啲bookmark訂位😎今次食咗$700嚴選鐵板燒套餐，有龍蝦二吃、南非鮑魚、 美國牛／日本黑豚豬、北海道鮮貝、時令鮮魚等，以及$880 極上鐵板燒套餐，餐點更豪華，有龍蝦三吃、海膽、石斑魚、南非鮑魚、 美國牛／日本黑豚豬、蠔等等。提前預訂，海鮮類加$300仲可以升級做澳州龍蝦🦞如果有人生日，仲可享主廚特別炮製嘅私房甜品，慶祝一流🥳🦞龍蝦塔塔 ($880套餐限定)、西京豆腐前菜有龍蝦做嘅冷盤，有龍蝦肉、蟹肉、北海道海膽、魚子，極盡鮮味🥰另一款小食就香氣十足🤩以火槍燒豆腐再配西京醬，面頭再加上螢光魷魚，西京醬鹹香嘅味道令人食指大動😛🥗沙律踏入秋冬季，呢度嘅廚師貼心地將沙律做成熱嘅版本👏🏻混合日本本菇、菜以及白松露及黑松露調配而成嘅松露醬，香氣四溢😙🤍貝新鮮嘅帆立貝就咁食已經夠鮮，師傅將厚厚嘅帆立貝輕輕燒過後切半，裡面夾上大量三文魚子，做成三文魚子貝堡，兩種鮮味隨即係口腔盡情爆發🤩🧡海膽、鵝肝($880套餐限定)接下繼續有橙橙黃黃嘅北海道海膽🤩海膽加上三文魚子再配多士，海膽軟滑甘香，絕對係味覺享受😋另一款多士則以濃郁嘅鵝肝衝擊味蕾😋😋鵝肝幾近入口即化，配以青提及紅酒番茄醬，酸甜嘅味道恰好為鵝肝解膩。🐟魚係鐵板燒可以食到原條魚，可謂非常難得😻呢度將黃魚煎到外皮香脆，簡單以鹽調味已經ok。另一款法國鱈魚就以超級嫩滑嘅口感取勝，底下嘅藜麥同醬汁鹹鹹香香好惹味😽🥬野菜難得地呢度連野菜都做得出色👍🏻包心菜加上甜甜嘅蕃薯同埋蘆筍，簡單嘅調味就可以帶出蔬菜嘅鮮味。🍲黃金蜆湯大蜆即席用嚟煮湯，湯頭無比清甜，蜆肉飽滿juicy💦🖤鮑魚鮑魚絕對係鐵板燒嘅高潮之一🤪見到大隻嘅鮑魚一開始仲好新鮮地蠕動已經急不及待要大擦一番😏師傅只係鮑魚舖上檸檬去烹調，突出食材嘅鮮味。鮑魚肉質爽彈，底下嘅海苔汁帶輕微鹹鮮味，絕對係畫龍點睛😋🦞波士加拿大龍蝦加拿大龍蝦即場係魚缸撈起，同樣新鮮😆龍蝦肉非常新鮮彈牙，師傅用牛油煮開龍蝦膏，龍蝦膏鮮味爆發。食完龍蝦仲會上檸檬冰沙，可以稍為清一清味蕾😛🥩和牛套餐加$100可以將牛肉升級為澳洲和牛，加$200升級為日本A4或A5和牛，更奢華😎A4和牛西冷以蔥絲扎住，賣相吸引，食落超級軟滑😋A5+鹿兒島和牛肉眼更為一絕，油花好重，食落有咬口之餘中間亦有滿滿嘅油脂爆發，好邪惡😈🍚白飯魚炒飯食到好飽都要食晒碗炒飯，皆因水準依然好高👏🏻台式嘅鐵板燒會先將蛋煎熟再混入飯粒一齊炒，呢個做法可以食到脆邊蛋白同蛋黃，好似荷包蛋撈飯咁好正。炒飯加入香蔥、白飯魚以及自家製醬汁，好香口😋🦞湯剛才食咗龍蝦身，龍蝦頭就用嚟煮湯。龍蝦濃湯係$880套餐限定，有唔少薯仔粒，仲有一整塊龍蝦鉗。龍蝦味噌湯亦好香。🍪甜品嚟到甜品時間已經差唔多食唔落🤰🏻見到師傅將其貌不揚嘅朱古力粉漿隨意放上鐵板燒爐，仲心諗好似冇乜食慾，點知出到嚟嘅成品好好食😋係脆脆地、超級苦甜、可可味極濃郁嘅brownie，完美演繹「我很醜但我很好吃」🤣🍹斯里蘭卡白桃紅茶、青提氣泡飲熱茶係白桃紅茶，茶葉來自斯里蘭卡。另外可以叫青提氣泡飲，酸甜清爽😽推介指數（10分為滿分）：8.5分
繼續閱讀
這間餐廳來頭不少，於台灣連續兩年榮獲十大高CP值頂級無菜單鐵板燒冠軍，乃台灣最多人推薦約會慶生餐廳，經常一席難求。今次進駐香港，選址於樓高23層的亨環，坐擁絕佳視野，飽覽維港海景，讓食客可以以日落紅霞作伴，觀賞無敵海景，靜享鐵板燒美饌，叫人分外難忘。餐廳共提供兩款CP值超高的鐵板燒套餐【$700 嚴選鐵板燒套餐】人氣NO.1️⃣的鐵板燒套餐，CP值超高，$700就可以品嘗多達14品Omakase日式鐵板燒料理，內容包括龍蝦二吃、南非鮑魚、 美國牛或日本黑豚豬(二選一)、北海道鮮貝、時令鮮魚，想增添滿足感，可升級加配澳洲和牛(＋$100)、日本A4或A5和牛(＋$200)，滿足牛魔王需要。 【$880 極上鐵板燒套餐】想吃得豐富點，這極上套餐絕對物超所值，每日限量供應，老饕必享! 套餐包括龍蝦三吃、海膽、石斑魚、南非鮑魚、 美國牛或日本黑豚豬(二選一)、蠔料理 ，同樣可以升級加配澳洲和牛(＋$100)、日本A4或A5和牛(＋$200)、澳洲龍蝦一尾(＋$300) （海鮮需提前預訂）。餐廳更會為當月壽星客人，送上特別生日招待，壽星客人可獲贈主廚私房甜品，為節日慶祝増添甜蜜祝福，難怪成為台灣最多人推薦約會的慶生餐廳。
繼續閱讀
天后 | 明水然．樂▪️▪️▪️ ▪️▪️▪️ ▪️▪️▪️餐廳 : 明水然．樂 Omakase日式鐵板燒創意料理地址 : 天后電氣道54號亨環·天后23樓TEL：21151800／21150998▪️▪️▪️ ▪️▪️▪️ ▪️▪️▪️在台灣擁有多家分的明水然．樂 正式進駐香港，於台灣在網路上幾乎零負評，看了也心動💗更連續兩年榮獲網路溫度計『此生必嚐十大高CP值無菜單鐵板燒！』冠軍，是台北一位難求的無菜單鐵板燒名店，現在正式落戶香港，香港店位於美食地帶 – 天后💫主打Omakase日式鐵板燒創意料理，收費大眾化💫輕鬆價格可以吃到高質14品具備海鮮和牛鐵板燒💫北海道干貝、海膽、活鮑魚、日本A5和牛、A5和牛菲力、時令漁獲等應有盡有，懂吃的你絕對不能錯過💫全店以吧枱式設計，亦設有Table 枱，近窗有個小露台，可以去打卡💫吧枱坐下來直接可以看到廚師烹調過程，完成後即席送上，絕對新鮮熱辣💫全日設有多款套餐，我們先選了兩個，大家share 來吃，可以吃到更多款式💫🍽️ $700 嚴選鐵板燒套餐 (14品)海鮮、龍蝦二吃、南非鮑魚、北海貝、鮮貝、魚料理💫美國牛或日本黑豚豬(二選一)加價升級 - 澳洲和牛（升級）・日本和牛（升級）🍽️ $880 極上鐵板燒套 (14品)龍蝦三吃、海膽、時令鮮魚、北海道鮮貝、鵝肝、南非鮑魚💫美國牛或日本黑豚豬(二選一)升級板- 澳洲龍蝦（升級）、澳洲和牛（升級）、日本和牛（升級）海鮮種類非級豐富，用料新鮮，全店採用少鹽少油概念，食時隨自己喜好沾點醬油或鹽，食得更健康之餘可以食出食物原味，這裡的鹽很特色，是用黑松露炒過的松露鹽，聞起上來香氣滿滿，點牛肉一流💫服務亦非常貼心，每道菜都換上新碟，職員打斷主動添茶，席間要求追加食物也可以，生日去的話更有蛋糕送上，非常窩心🫶🫶
繼續閱讀