明記甜品 (已結業)

跟朋友在天后吃完飯,想找甜品吃便來到這裹。今次跟朋友點了心太軟,因剛才同朋友不是吃得太飽另外再點了雞奕拼鴨腎同xo醬羅白糕。先來的是雞奕拼鴨腎,吃了一口有好大陣雪味跟黑椒味,有點辣(對於我是一個不太吃辣的人來說),雖然是泠盤都唔使咁大陣雪昧掛 ，之後來的是xo醬羅白糕味道一般不過不失啦,佢地啲羅白糕係無乜料粉較多果種靠xo醬啲味道；最後來的是要等十八分鐘的心軟,之前也有吃過本來印象唔差,但竟然今次裹面啲朱古力漏晒出來.......失望........最慘係個哥仔話有時係咁架!!激死!!!好似理所當照咁仲要不過個心太軟味道就無變,都唔錯,間唔中都可以幫襯下

喜歡食明記的木糠布丁, 已經三年了, 今晚又心癢癢了, 落天后買了一碗食硬的木糠布丁, 不太甜, 布丁有很一點豆腐味, 用更畢的時候逐少逐少刮出來, 再慢慢dap, 可以欣賞那種布丁的滑, 再食真點, 奶的味道都開始感受到! 夜晚食這個甜品, 令我睡得甜

聽朋友講食甜品可以去天后試吓, 最出名一間係叫明記叫左木糠布甸食, 侍應問要硬定軟, 揀左硬, 因為唔係好鍾意食好似豆腐咁林既野.. 另外仲叫左炭燒雞肉串食!木糠布甸唔錯, 味道有少少似豆腐味, 質地就好似雲呢拿雪糕, 夠甜, 上面既木糠好似麥芽糖咁, 好正! 雞肉串都幾好味, 無論甜品, 小食都唔錯, 我會再嚟!

宵夜買左個榴槤甘露番屋企慢慢食廿八蚊一碗,唔算貴,榴槤味勁重,攻到細妹嗌救命,哈哈哈 西柚肉都幾多, 汁底夠滑,好食! 鍾意佢榴槤味夠濃烈,咁先似食榴槤既甜品呢,有些甜品店比較保守,怕客人唔鍾意,所以把味道較淡左,其實一d都唔好食!等外賣既時候見門口既報導介紹木槺布甸先係主角,下次一定再嚟買

想食甜品的話,提議大家可以一到清風街明記甜品一試啦,昨晚我就在這裡吃了質素幾高嘅甜品了流行榜第一位嘅甜品,非心太軟莫屬了,明記都有供應,質素都唔差,外層朱古力雪糕軟熟,內裡朱古力溶出嚟食落甜甜地,暖暖地,好好味,佢地個心太軟都係幾好食嘅甜品另外仲食左木槺布丁,布丁幾滑,同喺澳門食嗰間味道差唔多,唔會太硬,好好味下次經過我都會再試試

行完花市勁想食糖水 所以由cwb搭地鐵黎左天后見到好多間糖水舖都無位 黎左呢間比較少人既入到去 簡左個什果甘露原本都唔係太大期望 點知一黎到 嘩! 好大個 .. 好大生果喎..食落口 個糖水唔會太甜d生果都係新鮮生果 唔係罐頭而且無一種生果有酸味 三十蚊可能係貴左少少 但係咁大碗咁多料 係咁上下啦下次有機會想試木槺布甸

行完花市,因為年三十晚見不到bb,所以提早食湯圓,唔知係咪因為新年關係同埋有人行花市,間間糖水舖都好多人呀明記都好旺場, 上次嚟食西式糖水, 今次嚟食中式糖水薑汁芝麻湯圓~ 一踠六粒細細粒~ 初初覺得佢不是太好味....但飲咗第一啖薑水就.... 果然好有薑味~我好鍾意...... ^^ 湯圓個饀都ok喎, 雖然不是流沙..但都好味紅豆沙~ 普普通通, 不夠紅豆味,又沒沙......... 點解會有西米架

有一日想去中央library借書, 典知!!! 收咗! 即刻勁慶囉 , 決定要去搵d野食補番。跟手去天后行0左個圈, 行黎行去, 最後決定食明記, 因為佢有心太軟. Waitress話要等15分鐘, ok, 等你! 心太軟嚟到, 即刻有少少失望, 因為同平時食個d有d唔同, 睇上去個面有d白砂糖粒, 心中暗叫不炒, 影好相, 即刻用隻spoon插佢一野, 嘩, d朱朱力汁即刻b曬出黎, 比較稀, 食一啖, well, 似係吉百利既朱朱力, 偏甜, 且朱朱力香味唔夠。 而個旦糕本身既質感比較濕, 混埋d朱朱力漿食, 旦糕同朱朱力已經混合成為一體, 失去0左應有既層次感。個vanilla ice cream就係一般既ice cream囉, 都係無咩special。如果你要我俾分, 我唔可以話佢難食, 因為, 我覺得佢同我平時食開既心太軟唔同, 但係, 我又唔可以話佢好食, 因為佢最基本既旦糕質感都俾唔到我。

昨晚食完壽司,行咗一陣間覺得行累口渴...我提議去天后食甜品啦~原本係去甜姨姨~ 但因為要坐在外面~所以選擇咗佢既對面既糖水舖...<明記>以前我的朋友經常介紹西灣河明記d糖水好好味架...但係....我覺得不外如是ge....三個人叫咗: 鮮什果甘露$30 蚊呀...都幾貴丫鮮什果甘露(水果:火龍果,西瓜,哈密瓜,西柚肉)加西米, 溝埋椰奶加花奶 芒果涼粉＄25 ~ 超甜 無特別呀

因為真係幾抵食 所以又去多次明記食啦~今次見到有新野豆腐啫喱~ 於是就叫左個試下啦..個豆腐啫喱 係有2層的, 上面個層係豆腐, 下面個層係啫喱..上面個層既「豆腐」口感係幾滑既.. 不過味道真係好古怪! 唔覺得係食緊豆腐~之後叫左個什果涼粉同什果西米露hehe依然係廿幾蚊~好大碗~ 抵食^^

聽朋友話天后有間糖水店幾好食~於是放學就同左佢去試下啦..放學時間去,唔多人, 唔洗好似夜晚去咁等位果然真係幾抵食~廿幾蚊就有大大碗既什果西米露啦 **都算幾好坐啦

住附近, 不時幫襯, 食物ok, 但一次不愉快經驗, 發誓以後唔幫襯.話說有晚半夜想食甜品, 踢拖落街去明記, 叫左外賣, 等緊時見到雪櫃內有什麼桂花糕, 想試試, 於是向個年青男店員說加多樣, 點知佢突然向天透大氣, 然後畀個[ 你唔早d講] 的表情我睇.那時真的很嬲, 加多樣有幾難, 只不過在雪櫃拿出來, 駛唔駛畀面色個客睇? 我咁有誠意走來幫襯, 最後一肚氣走.

今日午飯時間跟好友決定光顧天后的明記地方雖然並不是太大但是食物和服務態度搭救 本人並非第一次吃 但每次吃完都覺得很滿足 是值得再次光顧的一間甜品店本來只想吃甜品 但肚子實在太餓 決定點一碗沙嗲牛肉雪菜肉絲烏冬可能肚子餓起上來 什麼都特別好好吃 所以不能作出什麼評語 但我認為沙嗲牛肉頗不錯之後因為價錢關係 點了一杯蜜瓜奶凍 味道出乎意料之外 難得找到一間蜜瓜果粒也是清甜的平時在某些甜品店 所吃的都是淡如水的味道 跟本吃不到一絲甜味奶凍又香又滑 吃完後味道還留在口內 服務態道很好 吃之前問我要不要加淡奶 又耐心等我跟好友研究餐牌 幫我們算時間 等我們享用完烏冬後才上甜品的確超值

7月28日, 放咗工急急腳同呀菲去咗書展, 冇食到飯, 行完出黎想食d野, 咁呀菲就提意去天后食甜品, 大熱天時食個冰凍既甜品簡直一流~::: 菠蘿沙冰 ::: $24幾好飲, 超級解渴~ 唔太甜味道適中~ 不過菠蘿係用罐頭菠蘿, 搞到感覺唔係好新鮮, 雖然我地都幾鍾意罐頭菠蘿…::: 蜜瓜涼粉 ::: $19好大堆頭, 好多蜜瓜呀! 我走晒d椰汁花奶, 只剩少少糖水係碗底, 但係都好夠甜~ 涼粉大大粒黑黑實實咬落夠爽~ 蜜瓜清甜~ 只係唔夠凍~呢間明記唔知係唔係同西灣河嗰間一樣呢? 都係有d楊枝甘露, 芒果丸子推介咁~ 甜品黎講呢間都算做唔錯.

六四後吃過晚餐，便走到這兒吃個甜品，心想：能吃餐好的吧？二話不說坐下便點了原味木糠布甸，友人則點朱古力味木糠布甸和海底椰涼粉。由於還未吃過好吃的木糠布甸，所以對這兒的出品還有些期望。事與願違，今晚的出品還是麻麻地，還很硬。由於它的木糠布甸都是用細透明膠碗裝著，亦由於它太硬，吃時太大力「畢」，結果和友人的都整爛了，可想而知它的堅硬程度。木糠布甸的味道不太甜，如果不是太硬的話，都幾好吃的，建議真的要等上些少時間才起動啦...海底椰涼粉，友人沒甚麼意見，只說：「咪就係海底椰涼粉囉。」即係可接受水準吧。今晚真的頗失望，希望下次有機會Encore吃其他好吃的。