明記美食

營業中

休息中

早上去買左外賣早餐，肉片通粉熱奶茶，跟餐有件蛋治或者煎蛋方包，$34，價錢都OK。拎完外賣返屋企，發現既無蛋治又無煎蛋，得半份方包，就打去問下係咪比漏左店員有啲唔耐煩問我係茶餐定早餐，問我係有荷包蛋定蛋治，問我有幾多方包，問我比左幾多錢，然後話”即係比漏左隻蛋你，頭先想叫住你都叫唔切你，你而家返黎拎返隻煎蛋，而家拎”既然知比漏左，仲點解要問一大輪呢？仲要而家返去拎？😑😑😑😑😑我話”唔會而家返黎拎，你下次可以比返隻蛋或退返隻蛋既錢比我？”然後店員cut左我線。。。。。。我再打返去，另一個店員聽，話OK，下一次比返蛋或錢我。我問頭先個店員cut左我線，佢話果個店員忙緊🤷🏻‍♀️講返個早餐，肉片通粉一般般，通粉偏軟無乜口感，方包好乾。個熱奶茶幾好，茶底幾香，夠滑服務態度差既關係，無下次

因為有時要係上水返工真係無可避免要係度四圍搵食😌。想要平既一定要去石湖墟街市度食飯。 呢間豬扒飯出晒名好出色💸💸聽聞係上水必吃之一🤔🤔🤔🤔🤔 雙豬飯豬扒加豬扒🐷🐷🐷🐷🐷，睇下個份量都幾誇張。熱辣辣咁樣上，炸豬扒炸到脆卜卜好好味，都係45蚊咋。餐肉米線+奶醬多+可樂咁樣既配搭都係$37，常餐有好多款配搭一定會夾到一款想要既，而且份量都唔少，晏就既話呢個價錢黎講都算抵食😆😆😆😆！

20220921- 明記早餐明記美食，地點位於上水石湖墟市政大廈2樓10號舖早餐除了火腿、餐肉、蛋以外配料，可以選擇鮮魚片，就選擇其他茶記少有的魚片。早上十時，客人沒有爆滿，輕輕鬆鬆有位點餐:點了一碗魚片通粉+茶走魚片應該是鯇魚片，約有七至八片，魚片肉質新鮮白雪雪有甜味，唔會腥，切得厚薄適中，不過要小心咀嚼，會有細骨，生菜青綠爽脆，通粉較腍身，加胡椒粉提味是指定動作茶走-奶茶不加砂糖，加煉奶，沒有淡奶，味道甜甜的，我還是愛自己喜歡的口味熱奶茶少奶，不加糖忘記了價錢，但好像相比開飯餐牌提供的價錢有點提價了本想和家人來吃早餐，順道試試菠蘿蛋，不過，早餐味道平平無奇，暫時不會再來了

收工見冇約人就去search 下上水有咩好野食，之後俾我發現到d特別野，就係呢間位於石湖墟市政大樓既明記美食，入面有個叫做菠蘿蛋既物體，網上寫就係用一塊好薄既蛋皮包住個菠蘿包，又好似幾得意😎所以收工就狗衝，由火車站行去都一直有瓦遮頭，唔怕哂，途經d商場又有冷氣，都易行。去到明記美食，見有位就即刻坐低，淨係叫左個菠蘿蛋（因為諗住食完個菠蘿蛋就去隔離食牛腩面），等左陣都有10分鐘，就到左。其實心諗，點解整咁耐，人地黎遲過我都有野食緊🥲 黎左之後，我終於明點解！首先，個蛋皮非常薄，又唔老，咁煎係有一定既技巧。黎到已經切左，容易食。食落去好香蛋味，而且入面個菠蘿包係㩒扁左黎烘到好脆，菠蘿包個個面又甜甜地，味道其實有d似西多士，味道係夾既，都唔錯幾好味，又幾特別。食完之後結果係滯既，22蚊就食到我好飽，唯有下次先再食牛腩面🤭

🇭🇰 明記美食·菠蘿蛋$22 l 好味豬扒$17呢間係我搵上水有咩好食嘅時候見到好多人推介 所以就嚟咗啦😎不過佢個菠蘿蛋就無我想像中咁特別啦 我本身以為佢會有菠蘿包嗰個好酥 好脆既口感 但係佢食落係似甜甜地嘅麵包多啲🤣🤣而且佢個蛋味都無好出咁🙊反而佢個豬扒整得幾出色 佢係真係熱辣辣 而且超juicy 就咁調味都唔錯🐷·📍上水石湖墟市政大廈2樓10號舖·#rbyeat #rby好去處#rby港式#rby上水

石湖墟市政大樓眾多食肆當中，唯獨對呢間明記美食情有獨鍾，皆因由細食到大呢日趁星期日放假又過嚟感受下啲人情味，早餐有A/B/C餐，另有午市茶餐分A/B/C/D餐，都係食類似嘅嘢今日唔想食早餐，點了兩份午市茶餐▶️牛肉福麵+蛋治 - 牛肉正常，福麵煮到爽口彈牙，配嘅雞蛋三文治好足料，食晒真係會好飽▶️豬扒福麵 - 豬扒炸到香脆可口，誠意製作！▶️茶走 - 總算香滑，但略嫌爭咗少少茶味▶️熱咖啡 - 咖啡味香濃，飲落仲有少少回甘味整體來說食物質素ok, $31 午市茶餐當早餐食其實好抵，咁嘅價錢今時今日去邊度搵，份量又夠飽肚已經no say !

去完第一站打卡之後即刻來第二個著名熟食市場找食做功課時候發現好多間都好多特色但可惜今次未有機會可以試哂今次試住啲外區無的野先特意造訪利間又一懷舊自創傑作下單後等約5分鐘姐姐便送上外貌特別的名物～菠蘿蛋菠蘿蛋實際係菠蘿包外面包一層薄蛋皮口感其實都略為乾口始終包類吸水而外層的蛋皮又有點油整體感覺其實會有點油膩所以建議需要配撘飲品一同進食否則口感只有厚實, 甜同粉菠蘿蛋真的薄~ 小妹就配撘奶茶, 奶茶 不過不失, 比一般的滑, 惜個人比較偏好茶香重和茶澀但幸好都能中和下口腔感覺總結: 是特色但口味不特別

趁著夏天熱辣辣就更加要去戶外玩下影下相行下當做運動啦🤣早前就同朋友去上水大水管打卡順便explore下上水有咩好食。去玩之前先去到上水站附近嘅石湖墟熟食中心，有好幾檔都係唔少人嘅心水推介，牛腩麵、竹蔗粥、豬扒麵、菠蘿蛋都好出名，今次我就揀咗明記，試下佢signature嘅菠蘿蛋（蛋煎菠蘿飽😂），加埋2個餐每人都只係$40左右，咁嘅價錢有咁多嘢食真係抵到爛啦😻😻菠蘿蛋 - 煎蛋包住菠蘿包都係第一次見，係呢度獨有嘅名物，煎蛋皮有蛋香亦有牛油香，鹹鹹地，加上甜甜地嘅菠蘿包，鹹鹹甜甜又幾過癮。菠蘿包唔係脆口，亦都壓到薄薄地，不過食落都食到啲鬆軟嘅感覺😗沙爹牛一丁 - 見呢排沙爹牛咁hit就試下，不過呢個沙爹完全無沙爹味🙈🙈，只係濃稠少少有少少鹹味嘅醬汁，亦無花生香，好在個牛肉幾腍，出前一丁都煮得啱啱好夠爽。牛肉通粉 - 通粉煮得啱啱好唔會腍，湯底係好classic嘅雞湯味，唔係味精味，好有家的味道。奶醬多、蛋治 - 兩份都係午餐包埋，蛋治預設咗無烘過，蛋薄薄地但算滑，個隻大大罐茶餐廳常見嘅牛油味好出好香。另外嘅奶醬多就烘過，入面嘅醬薄薄一層唔會甜到漏都唔錯。凍咖啡走甜 - 咖啡味幾香濃，飲落算

星期日兩點幾諗住食個下午茶，講起都想喊，想試吓佢個豬扒冇豬扒，想飲紅豆冰無紅豆冰，轉熱檸賓無熱檸賓😂好彩仲有個菠蘿蛋🙂係奄列夾住個菠蘿包，菠蘿包壓變咗唔係好食得出，整體比較油身，個人無話好鐘意😂😂 因為菠蘿包既精粹就係鬆軟嘅麵包，再加埋脫皮。

去上水影柯南展！！ 之後搵間地道食店食！！就走左石湖墟熟食中心！上網搵左陣！見e間都算多人介紹就試試佢！豬扒味道可以！但唔太鬆軟！有d硬！！都ok慨！ 特色食物 菠蘿蛋（聽聞是限量架！）！！用炒蛋包住個煎過慨壓偏左慨菠蘿包！係幾特別！！個包中間仲有少量牛油！！但味道上就比較淡 帶唔出菠蘿包上面脆脆架甜！餡入面慨牛油咸香！！！茶走！奶茶走糖 加煉奶！！香滑！好飲！！可以一試！！如想試上水地道食店 可以一試！！！

本身係想食菠蘿油，一坐低就叫「菠蘿油丫唔該」對方好似覺得好奇怪，「無菠蘿油喎，菠蘿蛋啦，我地招脾」即管一試用隻蛋包住煎過嘅菠蘿包姐係菠蘿包奄列有創意味道出奇地夾唔會覺得怪蛋煎得一啲都唔老而且熱辣辣

次次介紹上水好西都會有菠蘿蛋份，但係都係今年先第一次試！從前，我媽都曾經推介過我一定要試菠蘿蛋，但佢推介既賓記已經執左，見同場明記都有就同男友試下啦！我地叫左菠蘿蛋同埋豬扒麵，姐姐落單就話：嘩！你地點哂我地啲招排菜喎！聽完之後當然仲想快啲食到啦！到上枱既時候，蛋既色澤同明記既奄列係一樣既，淡淡既黃色煎蛋包住菠蘿包，而成個包係壓到扁扁既，好似有兩片麵包係入面咁，食落去蛋既咸味同菠蘿包既甜味混合埋一齊，好得意，但真係略嫌蛋味唔夠濃。但值得一試，食過之後再去街市都會心郁郁Encore!

上水熟食中心食肆多等小編為你地介紹一下家庭式做法嘅餸菜👍🏻👍🏻涼瓜灼魚飯 （$33） 加煎蛋 （+$4）涼瓜煮得淋 😋😋😋雖然涼瓜冬天唔系時候 但因為不同產地嘅緣固 而家香港都有得買煮得好 涼瓜帶有少少甘甜味 👍🏻👍🏻個魚系重點 一食落去 你就會feel到 d魚好新鮮 😋😋😋不過驚食魚骨嘅朋友要小心 都幾多細細條嘅碎骨嫁😂😂😂😂跟餐有一杯野飲小編必叫茶走 呢嘅用嘅茶同外面不同茶嘅甘香味道令茶走昇華

假日早餐 小編好中意去熟食中心尋找美食😋😋入面有好多唔同嘅茶餐廳 你想食咩咪去邊到坐 買去隔離食又得 正!明記 小編最最最最最喜愛嘅系鮮牛肉三文治 $19 唔算平 但好好食蛋 炒得唔老 系好滑嘅牛肉新鮮 切得厚厚地 咬落好有口感👍🏻👍🏻

平時週末喺上水食午餐 都會嚟上水熟食街市到搵好嘢食😋今次嚟嘅明記好推介 午市一個碟頭飯都係大約32蚊 又抵又好食😋 店員都好親切 😆😆今次試咗一個滑蛋魚片飯 嚟個飯好好食👍🏻佢嘅魚片唔係用加工嘅魚片 而係用真嘅魚煎出嚟嘅 真心好好食🤤🤤佢嘅炒滑蛋都好香好正 飯嘅份量都好足 食完好夠飽🤤另外仲試咗個豬扒雞翼煎蛋飯都好好食 佢嘅豬扒唔會太硬 雞翼嘅香茅味亦都足 係可以一試嘅午市碟頭飯平時午飯食下碟頭飯都唔錯 明基可以係一個幾好嘅選擇