星嵐

營業中

休息中

餐廳：星嵐地點：天后清風街菜式：日本菜餐牌：特色丼飯，烏冬，鍋物，壽喜燒，定食，小食，飲品星嵐肥牛咖喱湯烏冬 $98星嵐肥牛咖喱湯烏冬用熱鍋上枱，熱辣辣。有幾塊肥牛，都算嫩，配有少少洋蔥絲、京蔥絲加兩片紫菜。烏冬滑溜且掛汁，食落好濃咖哩味，味道少少辣，烏冬份量夠多，好飽肚。跟有日本麵豉湯同前菜。日本麵豉湯有少少腐皮。前菜係帶子裙邊配青瓜。星嵐迷你烏冬冬 $70星嵐迷你烏冬冬包括小吃日本吉列BB蝦；主食二選一，我揀左迷你雞肉日本湯烏冬；湯底三選一，我揀左自家製番茄湯；飲品二選一，我揀左橙汁；甜品有粒粒啫喱仔。成個餐以非常可愛造型上枱，有小熊餐墊，食物就用米奇老鼠餐具上枱，叉羹都係米奇老鼠。日本吉列BB蝦一客兩隻，炸得皮脆肉鮮嫩，非常好食，配有沙律醬入口更滑溜。雞肉日本湯烏冬伴有一片日式魚蛋，一片白蘿蔔，昆布同蔥花，烏冬滑溜。個湯番茄味唔錯，帶點鹹香。小店食物質素可以，價錢唔貴。

早幾日收工，見附近呢間幾多好評，咪試試佢吾試尤自可，一試把幾火，我平時吾留食評，呢次真係，要防止有人中伏有幾點1. 食物質素我叫左招牌豬扒pan丼，完全吾明招牌係邊，啲蛋勁水勁甜，車落個飯道變左湯飯，隻甜係假甜吾係清甜（第一下食係甜到嚇親既程度），而塊豬扒，吾知係咪生手處理？。醃得咸都算，有大半塊都係筋位，又韌又柴。。2. 店舖員工食到懷疑人生（難食都吾想太曬，碗嘢成舊水）不斷聽住廚房入面有啲呼喝叫囂聲，入面咩事吾關我事啦，但間舖用得半開放式廚房，吾明點解我要俾錢，聽噪音，無人管下。。啲聲好似睇戲黑社會幾個講數粗口橫飛😓期間我不斷望下望下個廚房，點知有個全身紋身既員工，行番出黎，見到我望，佢就挺晒胸望實我，都有成幾分鐘，個眼神我覺得係「望咩x嘢望」令人好吾自在3. 價錢同食評配吾上質素吾知啲食評點黎，Openrice 仲信得？人均都一百以上，俾垃圾人。用感多心機經營食評，不如認真睇下出品把關，不過唯一係假如廚房團隊本身有問題，除左換人吾知可以點啦。畢竟，無人鐘意俾錢處身於一個比人啤，聽住粗口既地方，仲衰過大牌檔

呢間餐廳主打日本福岡傳統滑蛋丼飯，選用關西產雞蛋🥚亦有鍋燒烏冬、定食便堂、日式小食🇯🇵💗星嵐無敵斧頭豬扒丼($198)斧頭豬扒比平時豬扒厚一倍，外層炸到金黃酥脆，肉質咬落都鬆軟，依然保持到肉嫩juicy🐖丼飯舖上煮至半熟嘅滑蛋汁，入口好滑溜，再加上洋蔥同菇菌🍳 套餐跟配麵豉湯同涼拌青瓜海蜇🥙💗嵐御品丼配自家秘製蛋黃醬($168)便當入面有2隻巨型炸蝦，肉質爽口彈牙🦐；另外有原條炸穴子，炸得皮脆肉嫩，可以蘸秘製蛋黃醬一齊食🐟 配搭壽喜菇飯，用壽喜燒汁同香菇煮成嘅飯，味道冇咁單調，不過略嫌飯粒較乾🍄‍🟫同樣跟配麵豉湯同涼拌青瓜海蜇🥙

夜晚行完街去食個晚餐, 我唔使等位但係我食緊嗰時出面都幾多人等招牌豬扒丼質素超高, 豬扒新鮮炸出嚟, 又大塊又脆, 食落去超正, 啲蛋又好嫩滑, 餐送嘅麵豉湯都唔錯, 非常推薦食呢個招牌菜 (but expect to wait for 15 to 20 mins for the food)不過唔知係唔係豬扒太好食, 冇乜撈飯, 所以最後食曬餸都仲有一堆飯略嫌位置有啲細, 唔好帶太多行裝去食, 不過最重要係食物, 食物正就冇所謂款式仲有好多, eg 咖哩烏冬, 但係我未試過, 大家可以試下~

CP值高而且親民嘅日式風格小店🇯🇵見佢晚市坐滿人，就一於試吓啦😌入到去發現有超吸睛嘅無敵巨型斧頭豬扒丼🍚塊扒大過個頭，用手拎起嚟食都可以當做gym添呀🤣豬扒勁厚切，外皮炸到勁香鬆爽脆，入面仲係juicy的💦另外叫咗款新出嘅御品丼，入面有2隻巨型炸蝦同原條炸穴子，個飯就唔係配白飯😏而係壽喜燒汁香菇飯，個飯本身就加左壽喜燒汁同菇菇一齊煮，所以完全索晒味好香甜😋丼飯套餐有跟埋前菜同麵豉湯☺️呢度仲貫徹日本文化免收加一服務費😱簡直大滿足呀🈵

本身諗住呢間店咁多好評應該都好好食下，就同朋友走入去試試…中午時間叫左主打既黑豚豬扒pan丼，等左15分鐘左右終於黎到。但服務生放低餐既時候倒瀉好多蛋汁都算，仲要扮冇野走咗去..都算啦..咁諗住期待下塊豬扒。豬扒講真係大份既，不過食落去個味道記唔覺得好有特別既記憶點。豬扒仲有d雪味，又冇切開d筋位，咬到筋位既時候都幾痛苦下。跟餐有小食同麵豉湯，我反而覺得個小食仲好味d。但本身以為會好味既時候，依家就反而有d失望。

i usually order their signature katsudon- perfectly crispy pork cutlets and heavenly scrambled egg over rice. i had beef fillet donburi this time n it was p gd but i prefer katsudon or sukiyaki udon haha. the deep fried jumbo oysters were another highlight, offering a delightful crunch and rich flavour. to top it all off, their spicy plum wine was a unique and refreshing treat that u defo should tryoverall, a fantastic spot for japanese comfort meals, tho be prepared for a bit of wait due to its

今日去咗間日式餐廳，試咗兩道超正嘅美食，真係好開心啊！🥳仲有道餸未影相喺呢度介紹埋啦！✏️星嵐肥牛咖喱湯烏冬 $98！🍜🍛 咖喱湯底香濃，唔會太辣，啱啱好！🥰 湯底有種暖心嘅感覺，食到肚子都暖暖的！💖 肥牛煮到剛剛好，肉質滑嫩，簡直係入口即溶！😋 配上Q彈的烏冬，真係好過癮！🥢 每一口都感受到湯底嘅香氣💗讓人忍唔住想再添多一碗！🍜✨-食物真係無可挑剔💗無論係味道定係擺盤都好有水準！❤️下次一定要帶埋朋友一齊來享受！🍽️🎉 期待下次再嚐試其他菜式！😄

本身見IG同OpenRice都有好多推介同正評，於是就喺8月尾去試佢個招牌黃金豬扒丼。佢個食法幾特別，係原隻pan咁上上嚟，然之後再倒落去飯嗰度。但除咗個食法之外，個味道就真係冇乜特別。豬扒唔脆，亦都唔香口。蛋亦都係水撈撈冇蛋香。雖則未至於難食，但個人認為唔值得咁多正評同推介。我相信同價錢可以有更加好嘅吉列豬扒丼去選擇。服務方面，水係要自己斟，紙巾亦都唔係放喺當眼位，要問到先會俾。兩個員工企喺度冇嘢做不停吹水。唯一要讚嘅，係餐廳有好多玩具，可以比家庭客嘅小朋友去玩。

最近我造訪了位於天后的星嵐餐廳，這是一家專注於日本料理的火鍋主題餐廳。餐廳的環境設計簡約而不失雅致，讓人感到輕鬆舒適，非常適合與朋友聚餐或家庭聚會。我點了“黃金黑豚豬扒Pan丼”和“星嵐雞肉咖喱湯烏冬”，每道菜的價格均為$98。首先，豬扒的質量相當出色，肉質鮮嫩，搭配特製醬汁，味道香濃，讓人一試成主顧。烏冬則是用新鮮的雞肉和咖喱湯底熬製而成，湯頭濃郁，麵條彈牙，十分美味。服務方面，餐廳的服務員熱情友好，對菜單上的推薦也非常到位，讓我感受到賓至如歸的氛圍。總體來說，星嵐餐廳提供了高性價比的美食體驗，不僅食物美味，環境也令人愉悅。若你在天后附近尋找日式料理，這裡絕對值得一試！

某日碌社交平台，見到有媒體介紹呢間餐廳，話🐷吉豬好大份，一直心郁郁想試😂今日終於有機會了😍舖頭係清風街天橋底，都算易搵~六點八到餐廳時，入面已經九成滿😳舖面細細，但都幾有條理~坐低之後，staff會俾qr code同餐牌你，自己手機落餐~menu幾有心思，幾吸引人👍睇左陣，就叫左🐔日本雞軟骨餃子棒、🐷招牌黃金黑豚豬扒Pan丼同🐟日本銀鱈魚西京燒定食~落單時，都可以揀多飯少飯，要唔要蔥之類，幾貼心👍點知落完單，staff同我地講🐟日本銀鱈魚西京燒定食冇晒😢但佢推介話🐟燒鯖魚或者🐟花魚都唔錯，ok，咁就花魚啦！係等餐期間，發現吧檯有D玩具，可以隨便玩，可以預知出餐需要D時間，玩具正係攞來消磨時間，但D玩具的確幾得意😝🐔日本雞軟骨餃子棒 ($ 38)一份四條，每條斜切開二，變左八件~餃子炸得好脆，熱辣辣，隔離有mayonnaise可以點餃子，好食😎🐷招牌黃金黑豚豬扒Pan丼 ($ 98)餐牌寫午餐價 $98，以為晚市會貴D，點知都係$ 98😂成個present好得意，🥚滑蛋吉豬用煎pan上，上餐時會遞埋張紙俾你知應該要點食~視乎自己喜歡，倒豬扒同滑蛋落飯😚個蛋汁有D壽喜燒汁、🧅洋蔥同蘑菇，幾

今次 brother 帶我去位於清風街，在天后同炮台山之間的🎌 "星嵐" 食日本嘢。地方雖小，但去到門口真係好似去咗日本街頭嘅餐廳。一入到去 brother 第一時間叫左個黃金黑豚豬扒Pan丼，係星嵐的王牌！先將半生熟雞蛋放在Pan上，然後再放上香脆嘅黑豚豬扒，炸皮好薄，而豬扒就好厚身，非常好咬感！ 佢哋一啲都唔馬虎，會原用返日本珍珠米，當半生熟嘅蛋汁遇上日本珍珠米，再配上鬆脆黑團豬扒，咬落去嗰下真係好食到不得了😋再嚟嘅就係雞蛋煎鰻魚配咖哩烏冬，又係另一傑作！通常日本咖哩都唔辣嘅，佢就帶少少甜味，而鰻魚非常新鮮又厚肉，再配上半生熟嘅雞蛋一齊食，就更加好味😋佢哋仲有好多角色其色嘅日本飲品，一定要試，唔可以錯過🍹🍺🍸🍶🍾🍻🥤🧃#天后清風街 #星岩 #黃金黑豚豬扒Pan丼#黃金鰻魚配咖哩烏冬

點了他們的招牌巨大豬扒滑蛋丼飯🐷和雞軟骨餃子🥟，真是一次難忘的美食體驗！HK$198斧頭豬扒部分：讓我驚艷不已。這款斧頭扒沒有切開，讓我們用手享用，感覺特別有風味。厚切的豬扒份量十足，適合兩個人共享，啱啱好！每一口都非常Juicy，外皮炸得鬆脆到位，咬下去時那種酥脆感和內裡的嫩滑相得益彰，簡直是享受。現炸的熱辣辣口感，更是讓人欲罷不能。HK$38小食：雞軟骨餃子，正正常常 。環境方面: 餐廳舒適宜人，坐在吧枱上，感覺獨具日本風情，非常放鬆。不過需要注意的是，星期五晚上七點過後常常需要排隊，但等候的時間絕對值得！總結來說，這裡的招牌豬扒滑蛋丼飯絕對是值得一試的美食，讓你感受到一份真正的美味與享受！

朋友喺天后做嘢，約咗佢lunch小聚一下，佢話平時同同事去食開，裝修都有好對好得意嘅插畫，仲有幾款2 play嘅小遊戲可以玩，連男仔都覺得fun～好特別～黃金黑豚豬扒pan丼～份量幾大。啱啱上菜時都無從入手，好彩有一個2 steps指引，教我將個豬扒同蛋移植去碗飯。因為要把握時間令D蛋變滑蛋，所以有D緊張，好似自己有份煮咁，好好玩。吉列豬扒炸得非常好，外皮又薄又脆，豬扒仍然有肉汁、有厚度。配埋滑蛋嘅甜，成個飯都係大大啖咁食。1丼2味就試左味增蒜香牛肉烏冬同埋滑蛋鰻魚飯。自己本身酷愛蒜味，所以個湯係一流，仲有大量蒜蓉係裏面。滑蛋鰻魚相對地無好特別，不過都係水準之上。不過其實兩小碗加埋都唔少野，勁飽！臨走時仲見到位疑似貓店長！好乖好可愛！

今日到天后《星嵐》食個新出嘅丼飯 ~ $96一丼2味 即 有一碗烏冬和一碗飯。烏冬有牛和雞二選一，我就選了牛，牛味香濃，幼身嘅烏東Q彈爽滑。丼飯有四款，有二款牛(有蛋或醬汁、鳗魚、雜菌。而我就選左有蛋牛丼飯。半熟炒雞混埋牛肉一起食能突顯牛嘅鲜味，仲有洋蔥作為伴菜，味道非常正。食完以上二碗野，非常飽肚。食到飽飽仲有湯飲 ~ 一個鼓油湯，內有海藻，非常滋味。雖然這個餐並不包飲品，店內有自助水任飲。店面雖然不大，但坐得都算舒服。店內放了日式精品，好有日本風情，最特別的是一些迷你老虎機。