星巴克咖啡

營業中

休息中

本來一杯咖啡好平常，但今日佢真係打救左我呀。因為返工真係好眼訓，係眼訓到就暈底果隻，所以就閃左去Starbucks買左杯咖啡諗住提下神。（雖然好似無左一個鐘人工咁）唔買第二間係因為咁岩見到Starbucks無乜人排隊。入到去已經聞到好香好香既咖啡味。員工幾nice。我叫左杯摩卡，好香，飲完真係醒神返，又夠熱，好正，好relax😍乜睡意都無哂😂好似誇張左，但真係好好味既😂就算凍左，個味都係唔錯既！

今晚要送朋友機，夜嘛嘛去左機場到，送完佢機之後已經成12點，有啲肚餓，所以就去左呢間星巴克到食啦。原本只係草草食個冷麵就算，但食落好有驚喜，冷麵竟然有小小彈牙，生果又都算新鮮，以預制冷麵而言已經算好好了。

各區的starbucks是我經常會到的地方，今次 到的是赤鱲角機場哪間starbucks， 在機場範圍內，食任何東西都貴，惟有starbucks 是同平日的價錢一樣的， 在機場 範圍內算是便宜了， 其實 Starbucks 是集團經營的,間間 質素 都是 差不多， 就推介一些我喜歡的飲品和食物吧！ 忌廉鮮奶抹茶， 是我最鍾意飲的，飲品甜味也可以自己選擇， 我女兒就喜歡飲 忌廉朱古力咖啡， 朱古力和咖啡都是特濃的 ，十分好味， 當然食過cheese cake,朱古力鬆餅,芝士牛角酥都十分美味, 還可以在食的時候叫職員幫忙加熱， 我見過大部份starbucks的職員，服務態度都很好的，都樂意幫忙， 有機會大家不妨一試。

飛機嘅prime time 緊係晚機起飛，然後經過十幾個鐘嘅飛行時間，就到達目的地。但係當中，果十幾個鐘"睡眠"時間諗起都難受。有研究說，飛機艙裡很容易傳播細菌。所以，為了tune 下個身體，準備果十多時嘅飛機旅程，最好就係補充下 d vitamin C😂去starbucks 唔想飲咖啡，驚上機眼碌碌，呢杯黑茶柚子&蜜糖都係一個好算擇。不太甜，飲落好清新。唯一係冇左茶味，似飲緊杯柚子蜜。🤭飲完個人refresh 起來，準備好打大老啦！

经过边境检查后，见到有服务台，就问下最近的星巴克系边，点知原来就系服务台的斜对面，呢间星巴克非独立一间门店，只是一个临时柜位甘，但仍然有各面包甜点沙律等供应。可能比较就脚的关系，排条队少少人多，不过好快就排到，首次试朱古力红茶伯爵啫喱，呢款冰沙饮品唔错，杯底的啫喱好滑好吃，推荐！

同閏蜜出遊，昨天剛打完8號風球，今日嘅航班就亂晒籠！今日1650嘅航班延遲到2100，航空公司每人賠償了$60現金劵，可以在T1/T2嘅餐廳食嘢，我揀咗攞去飲咖啡，呢間在T1禁區嘅咖啡店，無座位只做外賣，因為位置在所有閘口嘅必經之路！所以非常旺場！到我時落單！個男店員都幾串，我見店內有張海報將咖啡同藍莓芝士蛋糕影埋一齊，以為係套餐，就問佢海報嗰個係唔係套餐？佢話影埋一齊唔係套餐，之後我順口講「熱flat white!」佢就話：flat white只得熱嘅！雖然有問必答，不過態度就幾串！我都無出聲！佢包好蛋榚比我，然後我去出咖啡位等咖啡！再上food court搵位嘆咖啡！扣埋現金劵都要補$23Flat White($44/large)大大杯夠熱，無落糖順滑易入口！如果咖啡味濃少少會更好！藍莓芝士蛋糕（$39）包裝盒堅固！賣相唔錯，比以前細件，藍莓新鮮大粒，芝士餅挺身！芝士味香濃！好味朋友用佢張劵買嘅：朱古力鬆餅：好大個，朱古力味香濃，不過比較甜，無咗朱古力嘅甘美味道！店員們爽手，係落單嗰個比較串，佢都好爽手嘅！出發前嘆杯熱咖啡！緩和了延飛嘅煩悶！

去咗機場嘅一角你已經冇乜食飯可以選擇見咗味千拉麵同埋美心我準備去日本當然唔想食香港拉麵去到美心等緊熱狗隻要＄80好快就離開然後openrice到Starbucks 在附近立即去！我買咗我最鍾意食檸檬撻勁好食嘅地方除咗酸味夠、甜味唔太過而且佢係個撻皮同同檸檬中間有一層薄薄既白朱古力好香脆好味肉卷以前第一次食嘅時候＄12今日已經係雙陪價錢仲有嗰啲次雞肉三文治好味機場裏面嘅星巴克沒有加價！！非常抵讚！！！

聖誕節這個大假期，我們全家人選了台灣自由行，候機期間，時間多，肚子好像又有點不聽話，叫了起來，所以選擇這間星巴克醫肚又打發時間，叫了少許食物加一杯紅莓乳酪，迎合我這不太餓的肚子紅莓乳酪，奶香味特濃，還有少許果仁配合，不錯

每逢早機都有種情意結，我應該吃點早餐，還是到埗吃午餐。但這次早機時間七點多，我免得餓著胃上機，所以一早提醒將軍到這吃早餐！加上小妹有兩張優惠卷，所以又是順水推舟到這的！我當然要吃點甜點或鹹點，我點了blueberry Muffin$20 ，將軍點了Latte$39(大杯) 。blueberry Muffin$20 付款後不到五分鐘，叮熱的Muffin已經到小妹手上，熱燙燙的，要小心手，熱氣爭相湧出！一口咬下藍莓汁也溢在口中，在表面砂糖很多，每口也能嘗到砂糖的口感，很甜太不膩的甜味，鬆餅外型紮實，內裡鬆軟，麵粉及蛋味香味撲鼻！Latte 是將軍最愛，小妹很小飲咖啡，由其是一大清早，我怕胃痛。不過嘗幾口覺得不太濃郁的咖啡味，頗香滑，入口順滑帶微苦！因為有優惠卷，我這餐早餐才$9，真是又平又好吃！！！

是日到機場趁有時間到星巴克嘆杯綠茶Latte同蘋果玉桂圈，雖然位置唔大，座位得數個但整體都給人很舒適的感覺。Green tea latte充滿綠茶味咖啡夠熱奶味亦很夠，職員很細心地將蘋果玉桂圈翻熱，翻熱後的蘋果玉桂圈充滿啖啖玉桂香而且包身變得鬆軟可口。

離港早餐！上機前，在機口咖啡店，用之前入會買一送一優惠！買了兩杯熱mocha走忌廉!店員好有禮貌，會詳細解釋儲分卡用法，整咖啡都好爽手，咖啡味道易入口，朱古力味唔太濃，夠熱！紙杯設計方便，仲會加紙圈防止燙手！

 　　因為乘的是早機，我們五點幾便要到達機場了，又沒有直接能來到機場的交通工具，我們是半夜便出發了，來到機場，睡不著，但又很睏，呵欠連連又無所事事，於是便來這裏「啡一啡」上上網。　　在這裏用餐的人不算多，我點了榛子咖啡，其實我一直都要莫加的，但自從同事介紹過我喝榛子咖啡之後，我覺得在咖啡之中有點微甜都不錯，今次就嚐嚐，但是奶好像多了點，讓我感到太膩了。榛子的味道似乎也較遜色，咖啡也偏淡，但甜度剛好。　　解一解睏。在把咖啡喝掉的同時，我已看完了一本雜誌了。也可以去過關登機了。

出門外旅前早早就到機場了，大多的餐廳都還沒開門幸好我們都不太餓，所以只到星巴克買杯熱可可就夠了忙碌禁區內的星巴克這店的位置很方便也容易找到所以大家都擠在這邊買些輕食，排隊跟等候快花了15分鐘左右我的熱可可終於到手了，味道苦甜偏苦的，加入了不少的牛奶但味道並不明顯，反而帶苦的可可更出眾沒睡飽的狀況下，喝完整杯偏苦的熱可可突然清醒起來也剛巧夠鐘登機了～

下一個旅程還在計畫中，現在只好用上次旅行的食記來望梅止渴吧。話說臨上機還是睡眼矇矓的，所以一見到登機閘口旁有 Starbucks 即刻如獲至寶! 只是人同此心，counter 外大排長龍，幸好好快已到我了。只是我要的東西比較特別: Short Decaf Soy Latte，要特製的所以等得特別久。還有這裡的咖啡師在杯子上標示咖啡的款式是不會用手寫的而是用標貼，還會加上顧客的名字。味道嘛其實跟別處的 Starbucks 差不多，不過用上豆奶的話就沒有那麼甜膩。在冷冷的早晨有杯咖啡伴著等上機，感覺零舍溫暖。

一早去到機場勁肚餓,食番少少先上機.叫左一個磨菇雞肉批, 叮熱. 個批酥皮非常肥. 餡料亦很飽,有很thick 的cream,熱住食好似磨菇湯,雞肉太乾身,如果落少少香草應該會更加吊起個flavor.