星巴克咖啡

營業中

休息中

蜜桃小丸子繼續沙律之旅，今次在梗有一間係左近的Starbucks買了一個「慢煮雞環保蝦卷便當」，盛惠$67。賣相而言，有五顏六色的蔬菜，包括青瓜、西蘭花、白西蘭花、枝豆、蕃薯、生菜、車厘茄，可以滿足到我呢啲keep fit人士所需，每種食材都有少少，可以享用不同口感的纖維。至於蛋白質，就由雞胸肉和蝦提供。雞胸肉因為慢煮，食下去不算太粗糙，但每片都只是薄薄的，沒有太多口感。至於蝦，第一次聽「環保蝦」這個名詞，乜原來蝦都可以環保？原來可以架！睇返WWF嘅介紹，印有養殖管理委員會（ASC）或海洋管理委員會（MSC）標籤的蝦類產品已經獲得認證，無論捕撈或是養殖均符合法律和可持續性的標準，所以就叫做「環保蝦」，今次真係邊食邊長知識了...味道方面，其實同普通蝦冇乜分別，細細隻，用嚟做卷物，配埋生菜食幾有層次感。沙律配埋意大利黑醋汁，我覺得落少少已經夠，如果唔係會太酸。整體而言，個沙律係好食嘅，價錢同樣反映咗出來，大約7至8成飽，間唔中食下都可以。

因前幾日知道今日0係Starbucks買任何飲品,再買小食,3文治,鬆餅即享8折~所以買左1份早餐返公司慢慢嘆下先~買左1杯熱鮮奶綠茶 $28 (Tall size)即使係細杯裝,但係呢個份量已很足夠!!飲落去完全可感受到綠茶粉的鮮味!!打開蓋後,看看綠茶上的泡沫,非常香噴噴的綠茶味~而那種綠茶的綠色非常天然,像深薄荷綠色~除左飲到綠茶味之外,果然有鮮奶的鮮味!! 再買左1件藍莓鬆餅 $16 (8折後只需$12.8)職員問駛唔駛烘熱,我需要! 等左20秒左右便可以扲得!!nice service簡直一試難忘!!!相信翻熱後真的好吃多了!!!個鬆餅上有很多藍莓醬.而大咬兩口後,見到很多很多的藍莓原粒!!!再將藍莓咬下去,非常jusicy!!美味極了!!!那個鬆餅非常「鬆」及「軟」~每咬一口,也使我到現時也是回味無窮!!怪不得在香港的繁華商業鬧市隨意走一走,總會看見一間又一間的starbucks林立於路旁,商場內啦!!

放學經過,心血來潮,想飲咖啡,就入左去呢間starbucks 但服務員態度麻麻地,入到去無招呼,仲要黑口黑面,找錢果時, 又沒有一句多謝買左杯tall 0既cappaccino,普普通通,不過不失,mccafe好似正D

22.4.2011今日是受苦節, 又要返金鐘上足全日堂. 身體十分疲累, 好像比平日放工後更加疲累, 很想躲在家中睡個夠, 但沒辦法, 為了那個考試, 就一定要上堂. 好不容易才捱到吃午餐時間, 但吃完午餐都仍然眼訓, 於是忍不住要去starbucks買杯咖啡來提提神.這間starbucks並沒有坐位, 面積也比較細. 可能是公眾假期的關係, 沒有上班族光顧, 所以人流比較少. 店員推介我試新出品的Cocoa Cappuccino, 她話不會太甜的. 好的, 我就試tall size吧.老實說, 我覺得這新出品只是Mocha的"light". 我不知道店員落了多少可可粉, 但我已感到很甜了. 雖然甜的程度不及mocha, 但這種甜已蓋過了原有的咖啡味及奶香味. 幸好, 整杯咖啡都很滑, 可可味也很香濃提神作用其實不太大, 但拿著熱騰騰的可可咖啡的感覺真好