星月樓

營業中

休息中

老闆話要食飯team building，我地啲小著仔就揀左星月居食team lunch。無論係幾多人食，我都建議打電話book檯先，如果唔係好大機會白行一趟。星月居都算係我係中上環最鐘意嘅茶樓之一。除左點心好味之外，價錢亦都算叫做合理。今日就想介紹下星月居的燒鵝。不但夠大碟，而且皮脆肉嫩。建議大家黎到，唔單止食點心，更右可以叫碟燒鵝試下。最後，平均每人差唔多食左成120蚊。大家食得夠飽之餘，亦都唔洗好貴。所以大家有機會都可以同同事朋友黎食

又係下午茶時段，天氣熱唔係太多人，可能好多老人家唔多願出街，下午茶轉左餐單多左其他抄粉麵飯，兩個人叫五個點心啱啱好，每次點心水準都ok，今次甜品叫了馬豆糕唔係太甜大家不妨試吓。

每星期都去一次，因為中環飲下午茶最平最抵食就這處，服務尚算ok，點心即叫即製保証新鮮，下午茶人流都比較多，每次去見到食客差不多樣可能已經是飯堂曰曰去，春卷雞包仔和义燒腸是最好味。

黎左星月樓食下午茶，唔算好多人，係地下拎左票，佢叫我地上3 樓，上左3樓見到張4人台想坐低，個侍應又話唔可以坐呢度，叫我地坐另一邊，去到個邊，另一個侍應又話唔坐得，之後落左2 樓坐。叫左幾碟點心， 等左15 分鐘先有，等等下見到另一枱既客人催單，叫侍應跟跟，個侍應罵返佢轉頭，話要等等架喇，嘈左好耐，全場靜哂睇佢地嘈交 🙄啲野食係熱嘅，又好食，但是要等好耐囉，侍應態度又差，下次真係要諗下黎唔黎，4個人下午茶$300

公司飲茶必選星月樓book 定枱好快有位最推薦一定係咕嚕肉 冇得輸呀味道甜而不漏 炸粉好薄 賣相相當好同事都大讚 有肉有番薯 番薯超好味點心就更加唔會有難食既都係水平/水平之上

提早食團年飯，係上環星月樓訂咗一間房，最低消費$4000。有固定菜單揀，唔想煩自己點菜所以揀$4900 全包宴。都係食固定嘅嘢，例如發財蠔士，素翅……味道不過不失，員工服務態度有待改進，已經比咗$100tips

We went here for a couple of times especially when we have family gatherings,and this time,it was celebrating my grandpa's birthday.We ordered Birthday buns to celebrate with my grandpa,  each bun had a small piece of egg yolk in the middle and wrapped by the lotus seed paste which wasnt too sweet,Sweetness was well balanced,though the presentation is not very well-set.The beijing duck is one of the signature dish of this restaurant, so we ordered one to try. Duck was crispy and the meat part is

Went yum cha with my family this morning. The staff forgot to give us the bill. When I went to pay at the cashier, the staff acted horribly mad and told me off. I asked her to talk nicely, but she kept on saying her attitude was good and suggested me to complain to the manager. Food was nice but the attitude of the cashier lady really put u off! 😡😡😡😡😡

大家都知普通打工仔都係只有一小時食 lunch，我與同事們用10分鐘時間行去星月樓食lunch，落單時間14:20，只點了（煎蘿蔔糕，燒賣，蛋白炒飯，炸春卷，胡椒豬肚湯），到14:45尚欠春卷和炒飯，催左第一次，回覆……就得好快，14:50左右再催，答案都一樣，大家開始燥燥地，14:53再催並表明如果冇幫我們取消單並且埋單走，他們就好快比左炸春卷，但我們真是夠鐘要返工，叫部長取消炒飯要埋單，部長姐姐好快上左碟炒飯（15:04）並不停說炒得好靚！唉…大家為有9秒9倒落肚，食不知其味還要趕回公司，最終都遲到，所以我唔會再去食 lunch

「星月樓」是其中一個舊同事介紹試菜。當時新開張，一試便愛上。幾個都不約而同愛上它的口水雞。來了多次。今次再約午飯聚會。今次的口水雞，某個同事說，比起之前好像差了少少，我也有同感。椒鹽九肚魚 - 唯一拍的一張照片。不得了！外脆內軟，肉多，好脆！好好食！脆豆腐 - $58/$68，比起上次的「望月軒」的$88便宜，味道差多了！這個也是外脆內軟，點上醬汁，太好味！吃不停！其他的點心，味道也很好。不會太貴，叫到吃不完，每人$120。

有好多朋友都有問，香港邊度食片皮鴨好？我的選擇有幾間，價錢收費卻有返咁上下。 呢間街坊酒樓，誤打誤撞之下吃到一隻非常不錯的即燒片皮鴨，值得介紹一下。 「松露西施玉帶珊湖」$128，賣相似賽磅蟹，查實是蛋白炒西蘭花帶子珊瑚䂜，吃時伴些醋，不太覺有松露香，味道還不錯，係貴咗啲啲。 餐廳的招牌菜「北京片皮鴨」，一隻才$198 (頭先碟蛋白西蘭花都要 $128！)，即叫即燒，配菜包括青蔥、烤鴨醬、薄餅，而且可以加錢一鴨兩吃： 烤鴨皮脆，若果可以沾砂糖吃就更正。肉很厚，配青蔥、薄餅，混着甜醬一起吃，滋味。 第二吃可以要求用鴨殼炆苦瓜、做椒鹽鴨殼，或者炒「七彩鴨絲」$68 鴨絲質地比想像中「鞋」，下次我會試炆苦瓜。不過整體來說，$198 有一隻即叫即燒的美味片皮鴨，夠十個人食，扺吃。 海鮮點了「三杯酒斑腩煲」$118，以魚代雞做三杯魚，都一樣香。奇怪在魚有很多骨，似斑頭腩多啲。 「㰖角醬燒骨」$88 以鹹香取勝，做得唔錯的小菜，惹味好下飯。 「脆皮西檸雞」$98，與想像中有些出入？起初以為是雞扒切片，原來是雞丁，粉漿也如綿胎一樣厚，唔叫呢味冇損失。 蔬菜「鮮竹淮山浸皇帝菜」$

今日是父親節，原本中午打算去信德美心飲茶，但人超多，所以就轉到星月樓了，今天的收費超貴，6人要六百多～ 只是吃點心…12元一個茶位～ 也太貴了～還好茶水味道不錯固定放在台面的小食，都要收我12元一碟，一共給了兩碟我們~叫左流沙包，但像是奶皇包，都沒有流蛋皇汁失望～叫左菜心，好淋甜叫左鮑魚雞粒飯…好乾巴巴，多油…味道不好吃叫左小籠包… 零湯汁失望整體上菜速度好快今天星月樓的表現失曬水準 在這裡吃過晚飯，水準很好，但早茶和午餐就水準差太多了

之前喺呢間酒樓食過晚飯，又飲個早茶, 品質都不錯,所以今次再嚟幫襯食晚飯。呢個菠蘿生炒骨賣相很不錯，可惜炸粉太多，肉很少。㚈貌與味道不相稱。蜜餞义燒都喺賣相也不錯。可惜味道吾得。冇嘜肉味，沒有肉嘅 texture。客家豆腐賣相一樣OK. 味道還可以，豆腐滑，可是魚肉 topping 比較少。白飯用砵仔上，不過只是砵仔只是裝飾而已, 對味道其實沒有幫助。今晚的晚餐真的失望了。水準沒有上2次好，服務亦稍遜。希望下次有所改善。

中午到2樓吃點心, 叫了帶子翡翠餃, 來了一籠4粒, 吃了一粒發現沒有帶子, 叫長臉男部長問問, 發現原來是收銀落錯了蝦餃, 我們要求換原來想要的帶子翡翠餃, 他居然要我們付 1/4 籠的錢, 因為我們食了一粒, 真是聞所未聞, 這樣的小家服務態度真是"一流"其實落錯單是常發生的事, 趕客還是留客, 便看服務人員的處理方法

今朝同屋企人飲茶啲食物勁耐先黎由10點坐到11:30，催咗個燒賣N次，要個幾鐘先出到籠燒賣。由上到下啲態度勁差，問樓面就叫我地搵經理，經理態度惡劣，淨係話「等等先」，早茶11:30後埋單會計午茶價，經理就好燥咁話「咁你埋咗單先囉」。廚房做唔切，客催，樓面就發晒脾氣，飲餐茶都受氣，以後貼錢都唔黎。仲有點心返蒸好難食