影片
港鐵中環站 D2 出口, 步行約8分鐘
繼續閱讀
電話號碼
26823077
26823131
開飯介紹
以日本時令食材炮製鮮味菜餚，如串燒、刺身等；其日系裝潢簡約舒適，而特色牆畫糅合貓咪及日本元素，是不錯的打卡位。
繼續閱讀
附加資料
地鐵中環站D2出口 步行約8分鐘
營業時間
今日營業
全日休息
星期一至六
12:00 - 22:00
星期日
全日休息
以上資料只供參考, 請與餐廳確認詳情
有關獎賞計劃
1. 三文魚牛油果沙律 $108沙律上面加咗大量嘅三文魚同埋牛油果仲有啲青瓜，三文魚係切到厚身嘅正方形，加上大量沙律醬，令到成個沙律都好邪惡，每一啖都會食到粒粒嘅三文魚。🌟評分8.5/102. 瑩光魷魚漬 $58有六隻魷魚，魷魚上面係加咗啲薑蓉，可以增加鮮味，魷魚好爽口，而且仲有少少爆汁，甜甜地。🌟評分8/103. 唐揚雞 $68唐揚炸雞揸到表面金黃色，而且個炸皮唔會炸到好厚，雞肉仲保持到嫩滑，仲有水份，即叫即炸，上枱仲係好熱。🌟評分8/104. 免治雞肉棒 $58雞肉棒份量都幾大，配埋日本生雞蛋加醬油點嚟食雞肉吸收咗蛋漿，更加好食，仲要免治雞肉入面加入咗少少雞軟骨增加口感。🌟評分8.5/105. 牛舌芯 $68牛舌芯燒嘅縮到啱啱好，令到入面仲保持到咁嫩，而且調味極度恰到好處冇蓋過咗牛舌嘅香味，牛舌芯口感爽得嚟嫩，油脂豐富，加埋檸檬汁中和油膩感。🌟評分8.5/106. 牛肋肉 $58牛肋肉冇燒到好乾，入面仲有少少生，所以保持到有肉汁，令到肉汁鎖住左係牛肋肉到，肉質好鮮嫩，牛味香濃。🌟評分8.5/107. 三文魚腩串 $38三文魚腩油脂豐富，三文魚腩又燒到好乾身，仲保持到油脂，食落充滿油香之餘，仲多咗一隻焦香味。🌟評分8.5/108. 活白鱔 $68白鱔皮燒得微脆，白鱔亦夠厚肉好肥美，仲要冇乜細骨，啖啖肉，鮮嫩爽口。🌟評分8.5/109.帆立貝串 $52一串有2粒大大粒既帆立貝，仲加埋燒汁同沙律醬，帆立貝食落好鮮甜，唔會燒得好乾，熟度啱啱好。🌟評分8.5/1010. 翠肉瓜 $28翠肉瓜燒到表面少少微焦，但係估唔到入面有咁多水份。🌟評分8/1011. 日本銀杏 $38連皮一齊燒，再加少少鹽，味道鹹鹹香香。🌟評分7/1012唐辛子 $28燒到表面乾身，再加入啲木魚絲。🌟評分7/1013. 油揚 $38油揚吸滿咗高湯既精華，有啲似包卜既味道。🌟評分：7.5/10🎖️整體評分🎖️❤️味道：8.5/10🧡環境：8/10💛服務：9/10💙性價比：8/10📍 星橋居酒屋 (中環)中環嘉咸街35-39號嘉豪大廈地舖
繼續閱讀
最近都鍾意同朋友食串燒，唔使食咁多之餘，仲可以慢慢傾偈慢慢食～-今次搵到嚟中環嘉咸街呢間居酒屋，見啲人主力推薦串燒，又貪佢係中環可以收工過嚟食近近哋，價錢係中環嚟講又唔算貴，就happy Friday過嚟試吓～-叫咗兩款前菜試一試，梅子蕃茄（$58）有淡淡的梅子味，蕃茄仲好甜，食完之後好開胃👍🏻而雞皮餃子（$60）炸到好脆口，雖然用雞皮包住，但一啲都唔油膩～串燒整體嚟講質素都幾唔錯，食材新鮮，加少少檸檬汁同鹽食就已經夠味，有幾款最主力推薦🤤-✨燒白鱔（$68）好彈牙，白鱔皮燒到好似薯片咁脆✨雞橫膈膜（$35）食落比較煙靭，口感幾特別，但又唔會好似其他內臟咁濃味✨免治雞肉棒（$58）加咗少少紫蘇葉，配埋蛋漿食，味道同口感都好豐富✨帆立貝（$52）好大粒，配埋大阪燒嘅醬汁食好惹味✨牛舌（$68）雖然未去到好厚切，但燒到好軟腍好易咬開，牛味又夠濃✨燒虎蝦（$75）超巨型，加少少柚子鹽食調出蝦嘅鮮味✨九條蔥豚肉卷（$48）✨雞肉大蔥（$38）✨雞皮（$38）呢間居酒屋唔算太大，但燈光好柔和，又坐得舒服，侍應服務同態度都好好，絕對會再encore 👍🏻
繼續閱讀
今晚同朋友去咗間中環居酒屋，主要食咗幾款串燒，飲咗幾杯酒，然後去下場再飲過🫶🏽🌟唐揚墨魚咀 $58第一次試炸墨魚咀外脆內裏QQ咬口，嗰種脆口係酥脆而唔係死硬嘅脆，然後點埋秘製辣醬食，個醬汁類似係Tabasco加沙律醬🫶🏽🌟雞皮餃子 $60將雞皮當餃子皮包住肉餡，燒到脹卜卜，一開始以為會好油，但原來唔係，雞皮有啲彈性，將個餡紮得好緊，入面嘅餡有菜有肉，好好食🫶🏽 🌟汁燒蔥牛肉卷 $68牛肉燒得剛好，包住清甜嘅大蔥，驚喜位係個蔥一啲都冇我討厭嘅辛辣味🌟岩鹽魷魚一夜乾 $98魷魚好大條，簡單用岩鹽調味已經好夠，燒到微微焦香，口感有嚼勁但唔係死韌🙌🏻🌟雞翼 $45外皮燒到金黃脆身，入面肉汁鎖得好好👍🏻🌟雞橫隔膜 $35呢個部位好少見，所以好快叫咗😹口感似係食QQ雞皮再大少少肉嘅感覺，以為會有軟骨點知冇，個醬汁就係平時日式串燒燒汁嗰一種味道，兩者都好夾🌟九條蔥豚肉卷 $48豚肉片卷住滿滿嘅蔥段，蔥嘅甜味中和咗豚肉嘅油膩，食落清新又香口🫶🏽🌟豬頸肉 $48燒到外脆內嫩，每一嚿都係厚切，咬落去油香爆曬出嚟又有啲爽，每件豬頸肉都有wasabi食更加提鮮，而唔係攻鼻嘅感覺😽🌟牛舌芯 $68厚切牛舌芯中心仲保持住粉紅色，好香好多汁😽簡單用鹽、黑椒、檸檬汁已經好夠味🌟甜薯 $28平時放題食到嗰隻，燒到外皮微焦，入面綿密香甜，係完美嘅澱粉質結尾😌🌟鮑魚刺身 $108其實佢冇切得好薄，但係新鮮彈牙，一啲都唔韌，食得出有醃過啲醬油，好食😚-呢間居酒屋嘅串燒真係有水準，食物方面冇一樣係要劣評，唯一係舖位有啲細，大家預先book位會好啲呢食材新鮮😆
繼續閱讀
今次嚟到在港日本人推介嘅居酒屋😋平時同朋友傾吓偈鍾意食串燒係因為食其他嘢嘅話有時顧住講嘢食凍晒會覺得但啲嘢食唔係好抵串燒就啱啱好 一路傾一路講都得 唔會太狼狽🤣今次搵到嚟中環呢間居酒屋星橋居酒屋(香港)地址: 香港中環嘉咸街35-39號嘉豪大廈地舖電話: +852 26823077中環地鐵站行過去大概8分鐘左右鬧市入邊一個比較寧靜嘅小巷餐廳一入到去氛圍好好員工很友善親切招待聽住日文歌 再參雜住隔籬枱傾偈嘅日文做背景有種治癒嘅感覺 有置身日本嘅感覺😝我哋叫咗豆腐沙律做starter清爽夾住柚子嘅酸甜味食完零負擔係一個好好嘅開始去到居酒屋硬係要試吓佢啲漬物試咗佢嘅螢光魷魚漬空口食係會覺得有少少重味但又同啱啱嘅清爽balance返排列整齊咁擺上枱 睇落去又有一種治癒感之後就係我哋叫嘅串燒派對🤪嗱 串燒講求新鮮即食首先上嚟嘅係鹿兒島A4和牛串同牛舌心配上特製嘅醬汁 嗰浸油香🤩牛舌心嘅口感好好 一啲都唔會韌而帶點爽口加少少檸檬汁上去中和返油膩感 👍之後係活白鱔串同三文魚腩串白鱔串皮脆肉嫩 嗰種口感滿滿嘅感覺😋三文魚腩都係外脆內嫩 加啲檸檬汁落去 正 食落去冇嗰浸油膩感店員推介新串燒雞橫膈膜口感同我想像中唔一樣有啲似雞皮 但又有一種煙靭感係可以嚼兩下嘅感覺 但又唔會覺得韌係幾得意嘅口感！發現原來自己大鄉里從來都冇食過雞皮餃子🤣新鮮熱辣一食落去爆汁 再點埋特製嘅醬料食落去唔會覺得油膩 而且有啲上癮🙊佢嘅擺盤幾Q 欣賞呢個用心唔知點解好鍾意食牛筋嗰種骨膠原感張住個嘴佢嘅煮牛筋醬汁入味食落去軟滑 大根💯免治雞肉棒同我想像中嘅味道唔一樣但都唔錯佢加咗紫蘇葉入去 味道有種衝擊感 再沾埋蛋黃 係我去居酒屋必叫既其中一款串燒酒盜芝士每間居酒屋嘅做法同版本都唔一樣呢度嘅芝士係一粒粒同用梳打餅做配搭鍾意😌
繼續閱讀
中環蘇豪區呢間日式居酒屋，設計充滿住日式風,有木系顏色嘅枱櫈、暖和嘅燈光，空間感十足，墻上更有貓貓魚市場嘅壁畫，非常得意！呢度嘅串燒頗為出名，店員推介咗我哋食人氣之選：🍢 燒雞橫膈膜- 肉質彈牙帶嚼勁，炭火香滲透肌理，鹽燒調味簡單突出雞肉鮮甜。🔥 燒雞翼- 外皮酥脆，肉汁鎖係焦燒左嘅雞皮下，夠Juicy。雞翼選材都肥瘦適中！🌶️ 唐辛子- 少少辛辣，佐酒一流。🍡 免治雞肉棒- 雞肉混軟骨碎，口感鬆脆帶黏性，蘸生蛋黃後更滑順。🧅 九條蔥豚肉卷- 京都九条蔥清甜多汁，豚肉薄切包裹一D都吾油膩！🥩 燒日本豚腩- 肥脂被炭燒逼出油香卻不膩，肉質軟嫩，入口有啲煙煙韌韌。 🥓 燒豬頸肉- 爽脆彈牙，炭火焦香突出肉質纖維感。 🥒 燒翠玉瓜- 外皮微焦鎖住瓜肉清甜，咬開後汁水充盈，簡單嘅海鹽調味已經好夠。🍠 甜薯- 外層裹蜜糖燒至焦脆，內裡綿密如薯蓉，甜度啱啱好！🧂 鹽焗日本銀杏- 銀杏微苦回甘，鹽焗逼出堅果香氣，口感好有嚼頭。🍗 唐揚雞- 雞肉肉汁飽滿，雞肉炸完都仲好Juicy,肉質嫩滑好味！🦪 冰鎮鮮鮑魚 - 驚喜之選！鮑魚彈牙鮮甜，唔需要任何醬油，加少少檸檬汁已經可以提高鮮肉。如果想係中環找一間氣氛輕鬆、又好味串燒嘅居酒屋,呢度都算係唔錯嘅選擇較。尤其適合三五知己的小聚嘅好去處！😃
繼續閱讀