星海薈 (利舞臺廣場)

營業中

休息中

星海薈 (銅鑼灣) Lee Gardens 放假同未婚夫瞓到自然醒，然後去銅鑼灣食點心，仲咁岩係下午茶時間，會抵食d🥳 ✨蟹粉小籠包叫左一人一籠，一咬落去蟹粉滿滿，而且皮薄好多汁，加左蟹粉比平時原味小籠包多一份鮮甜😋 ✨蜜汁叉燒由於好想食叉燒 於是叫左一份～ 外面燒得焦香，係半肥瘦，上面加了蜜汁，清甜不膩，好岩餸飯食😍 ✨瑤柱蛋白炒飯我地就真係叫左飯🥰 炒飯飯粒分明，加左翠玉瓜，每啖都食到瑤柱絲👍🏻而且份量都幾大喔～ ✨薑黃咖喱土魷唔係每間酒樓都有得食，難得有就叫左一籠～ 果然無令人失望😍 土魷質感岩岩好唔會太淋又唔會太硬，底層仲有咖喱薯仔，perfect match ar💕 ✨招牌胡椒濃湯灌湯餃呢款係必食喔！平時係上湯，呢個係用左胡椒濃湯😍 食完暖笠笠好補身😚 ✨蟹籽燒賣皇大大粒燒賣，入面包住半肥瘦豬肉，比較傳統既做法～ 除左點心，原來呢間酒樓仲有盆菜可以訂購，係全年供應～岩晒大時大節訂番屋企同親友一齊食😋 另外農曆新年就到，酒樓已經推出了各式各樣賀年糕點，可以開始預購🥳 大眾點評都仲有優惠券，真係好抵食～ 呢間酒樓都好適合一大班人食團年飯又或者做婚宴場地，因為樓底好高，空間感大，裝

朋友係外國返黎香港度假同倒數，當然要搵間高質美味嘅中菜慶祝下餐廳裝潢富麗堂皇，店內環境寬闊大堂設有舞台，設有大量座位，仲有靚靚打卡樓梯非常適合團年晚餐、公司週年聚餐、用作婚宴場地近排仲可以優惠價享用招牌白胡椒肉蟹焗飯及其他菜式咁鐘意食蟹嘅我，又點可以唔黎試下食物方面 :招牌白胡椒肉蟹焗飯 : 螃蟹肉質飽滿，蟹鉗肉質鮮嫩入味，以白胡椒烹調方法，帶出陣陣胡椒香味，蟹身配搭胡椒味道濃郁，微辣惹味，底層焗飯帶有少少焦香，吸收曬蟹汁及蟹膏嘅味道，夠曬惹味遠年陳皮燒鵝伴陳村粉 : 燒鵝燒到外皮香脆，肉嫩多汁，底層陳村粉吸收曬滷水汁及鵝油嘅精華，非常美味川式酸菜煮深海龍躉球 : 龍躉片煙韌彈牙，份量非常多，加入酸菜、木耳、蘿蔔去浸煮，味道帶酸辣入味蟹粉小籠包 : 小籠包一籠一客，皮薄餡靚，餡料豐富，入便仲有大量蟹粉蟹肉，相當足料，仲爆曬汁得獎金磚脆豆腐 : 豆腐炸得色澤金黃，外脆內嫩，惹味中嚐到鬆軟滑溜的感覺，乾身唔油膩，果然係得獎小食仲有預售新年盆菜，價錢都相當抵大眾點評都有優惠券

.‼️❤️ 記得CLICK我PROFILE關注我呀 ❤️‼️.🥠 飲茶食點心聚會好去處 @ 🌟 星海薈 🌟.💁‍♀️ 圖片展示美食為：懷舊蝦多士 HKD 88燒汁茄子 HKD 24鮮蝦腐皮卷 HKD 38上湯鮮竹巻 HKD 30燒腩仔米粉 HKD 38星海薈蝦餃皇 HKD 32水晶鮮蝦菠菜餃 HKD 28XO醬炒腸粉煲 HKD 58蠔皇叉燒包 HKD 34蔗糖馬拉糕 HKD 30.👽 最鍾意約朋友仔黎呢度聚會，因為呢度嘅食物樣樣都好味，同埋大件大份，用餐環境又舒服，食得特別開心。.🔥 呢個餐牌新推廣嘅懷舊蝦多士真係令人驚喜！蝦好大隻，外脆內軟嘅多士，完全唔會一咬成泡油，真係超級好味！.🍆 燒汁軟綿綿，燒汁入味，味道超級濃郁！燒腩仔米粉超級經典，燒腩仔肥瘦適中，個皮燒得好脆！.🥠 食點心點可以唔食經典嘅牛肉球、鮮竹巻、同叉燒包呢？牛肉球大大粒，好好肉，夠彈牙。鮮竹巻又係大大隻，上湯鮮味唔覺油膩。叉燒包嘅皮好味唔痴牙，餡料調得好味。.🦐 另外叫左水晶鮮蝦菠菜餃，蝦好大隻，好健康嘅組成。仲有鮮蝦腐皮卷，好彈牙嘅蝦，腐皮好鬆脆，同埋比坊間其他地方大份好多！.🥘 再整多個「XO醬炒腸粉」，超級香，非常惹味

幫公司搵緊Annual dinner場地，睇啱利舞臺5樓呢一間星海薈，所以今日晏晝就上嚟睇吓場地順手食個午飯。揀佢有個好處就係私隱度高少少，有電梯直上5樓，唔使同其他人迫lift。一入到去就見到佢右邊有個迴旋樓梯，應該都好多人喺度結婚影相。另外呢度樓底都幾高，天花有啲魚群造型嘅燈飾，都幾有藝術感。季節限定蟹粉小籠包🦀踏入10月就係食大閘蟹最好季節，啱啱佢呢一排就做緊好多蟹粉嘅菜式。仲有我最鍾意嘅蟹粉小籠包添小籠包泡得幾好，又幾大個。夠晒足料，值得一試金箔蝦餃皇🦐一間酒樓嘅蝦餃都係佢哋品質嘅指標，蝦肉夠新鮮，味道都唔錯，合格有餘。招牌胡椒濃雞湯灌湯餃🥟平時好少有灌湯餃食，呢一個仲要係胡椒龍雞湯嘅灌湯餃。灌湯餃入邊嘅餡料有蟹肉、蝦、雪耳等等。胡椒雞湯嘅味道都濃郁，但又唔會奪咗佢嘅鮮味趣緻荔枝百花球🍒見到個造型咁趣怪就叫咗個試吓，外皮係炸到卜卜脆嘅紅色脆米，入邊就係彈牙嘅蝦膠。紅燒煲仔翅🍲最後見佢哋而家呢一個紅燒煲仔翅做緊promotion，呢一個翅由$388減到去$248。成個翅裙罷晒落去好足料。食到傳統粵菜嘅味道。

今日黎到銅鑼灣利舞臺食點心😚 一入門口就見到勁靚勁華麗嘅樓梯水晶燈😍 影相打卡一流，考慮搞婚禮嘅朋友可以考慮下🥴👍 裡面樓底好高，燈光明亮，餐桌之間空間感十足，擺到好多圍枱✅ 無論宴會包場，抑或團體社團聚餐都好合適👍 今次試咗幾款餐廳本期推介😋 包括趣緻荔枝百花球、南翔小籠包同埋雪山焗叉燒餐包🌟 荔枝蝦球造型名副其實，真係成粒荔枝一樣🤣 好得意🤭 食落外層脆卜卜，內裡蝦肉爽口彈牙，好有嚼感😚 必食🥴 小籠包用一個個小籃子裝好，唔怕漏湯🥴 設計好用心🫶 小籠包皮薄餡靚❤️ 肉汁滿滿，超級高質😋 雪山叉燒包圓碌碌好可愛😍 包身軟熟鬆化，內裡叉燒餡甜美可口，令人食唔停口😋 另外亦㨂咗飲茶經典必食嘅蝦餃燒賣🤤 星海薈蝦餃皇大大隻好飽滿，上面還潵有金箔🤩 感覺好高級😚 食落鮮蝦鮮美爽口👍 超正🫶 原蝦燒賣皇頂端真係有成隻蝦🤭 好足料❣️ 食落豬肉嫩滑可口，鮮蝦好新鮮❤️ 啖啖肉好滿足😘 甜品㨂咗好多款🤭 首先當然要試餐廳新出嘅焦糖西米焗布甸❤️ 真係即叫即焗，上枱熱辣辣🤩 食落粒粒西米好有嚼感，內餡填滿香滑嘅蓮蓉，整體甘香甜美，好出色👍 另外亦試咗養顏紅棗糕、招牌酥皮焗大蛋撻、鮮芒果布丁同埋生磨蛋白杏仁

1月8號晚上9；30打電話，訂12人枱連過年套餐（$5888左右），接電話男職員態度奇差！同男職員講想訂座日子，男職員好似冇心處理，一直dead air,直至我喂左三次，先至回應「講啦！你想訂幾時呀！」（有點陰陽怪氣）由於我係想訂新年套餐，就想同該男職員講訂果個套餐名稱。然後男職員（語氣好差，所有佢嘅回覆都係提高聲線）：「唔洗架啦你語俾我知幾點嚟咪得囉！幾點啫？」我再問該男職員，咁係咪新年套餐唔洗訂枱前提前預訂？即係好似叫餸食飯咁，到時同侍應落order個套餐？（心諗真係第一次聽，唔洗預訂套餐，可以即場叫)呢個時候該男職員先至識停一停，話：「咁你想訂果個餐叫咩名？我哋有好多款架阿姐！」我回覆佢：「你哋職員有WhatsApp 左餐單俾我，唔該我想。。。」都未講完，該男職員話 （態度不耐煩）：「即係邊個餐呀？」）終於頂唔順！我同該男職員講：「既然你咁忙唔方便做booking, 咁我聽朝先至打嚟啦！」該男職員：「好呀，靚女。。。。」佢未講完我已經收線。唔知果位男職員貴姓，但真係唔敢亦唔會試呢間酒樓！差到一個點！

好耐無黎，食物改進咗，但價錢貴咗，3個人，7樣嘢，$598。用餐時間寫明1.5小時，如果想傾計就另選其他。今日假期人多，中午前到要等一陣。服務員招待尚可，點心夠熱，除咗腸粉較暖。炆鴛鴦米最差，又油又濕又咸。

1月1晚市 不算是很忙單點 再叫A拼B餐 都夠我們4位成人芝士焗龍蝦，帶子，蟶子，鮑魚 加個菜脆皮雞果然出色！姐姐服務好殷勤，不停幫我們搬碟套餐人多的可以一試有湯有魚有鮑魚有雞有飯有甜品😝這間可跟家人再encore

銅鑼灣高質新年聚腳點✨環境裝修超grand！設有樓梯位置，仲以乾花佈置，真係超適合做婚宴場地 /公司Annual Dinner ！ 🔸遠年陳皮脆皮燒鵝伴陳村粉呢個超推❤️‍🔥燒鵝皮燒得好香脆肉質仲好嫩滑～最鐘意佢嘅陳村粉，吸哂鵝油嘅精華！ 🔸鮮菠蘿脆皮咕嚕肉呢個擺盤都勁靚！咕嚕肉肉質偏肥食落都略有脆口，酸酸甜甜超開胃！ 🔸得獎金磚脆豆腐呢個大推🔥勁好食！！豆腐磚超大嚿，份量夠多～外皮超薄又勁脆，中間豆腐勁嫩滑！ 🔸瑤柱蛋白炒飯呢個都好出色，炒得勁乾身！瑤柱份量都好多，好足料，鹹香十足！ 🔸 金牌燒味雙拼揀咗叉燒同燒腩仔，份量十足燒腩仔皮脆肉汁多！叉燒就偏瘦少少～ 上次黎食過招牌白胡椒蟹焗飯都非常推薦！啖啖蟹肉 好大隻～ 📍星海薈 (銅鑼灣) Lee Gardens銅鑼灣波斯富街99號利舞臺廣場5樓 (港鐵銅鑼灣站A出口)電話 : 2811 9181

早排彤爸同班同事去銅鑼灣星海薈飲完茶返嚟之後話間酒樓環境好靚，點心又好食⋯呢日family day彤爸就提議一齊嚟呢度飲茶🫖嚟到見到樓梯花花打卡位好高貴😍酒樓環境好大好有氣派，坐落完全無侷促感，非常適合公司週年聚餐或者團年聚餐👍🏻🦀蟹粉小籠包 $38打開蓋就見到金黃色外皮,一咬落去爆晒汁💦超正🤩🥓蜜汁叉燒腸 $30腸粉皮薄，同叉燒比例剛剛好👍🏻🥟星海薈蝦餃皇 $32蝦餃大大粒晶瑩通透，蝦肉爽口🍚欖菜肉碎炒飯 $108炒飯好夠鑊氣，唔會太油膩，而且份量超多，一家大細食都非常夠🟡蟹籽燒賣皇 $38燒賣蒸得好軟熟，一咬啖啖肉汁◽️香煎蘿蔔糕 $34蘿蔔糕煎得外脆內軟，亦好足料🥧雞粒鮑魚酥 $76底層好酥脆，鮑魚煙韌幾入味，整體口感豐富🍮鮮芒果布丁 $38飲茶必點甜品😍芒果布丁加埋淡奶無得輸💯食飽飽走嗰時見到而家已經有盆菜優惠，仲有d賀年糕點都好吸引，嚟緊新年都喺呢度訂盆菜先，我仲見到用大眾點評掃code有優惠券可以攞👍🏻

蜜汁叉燒 乾爭爭 無味， 龍蝦伊麵唔足料，士多啤梨蝦球 炸粉厚 唔掂，其他咕嚕肉 菜樣樣都細細碟，最唔掂紅豆沙 溝水咁，其他餸都係平平無奇，估唔到依間集團食物咁差，食海港足料過佢。加上員工服務態度差，明明答咗唔要剩下好少的餸，仲追問要唔要打包，令人覺得女員工質素好有問題。所以這間集團酒家可以除名。結婚擺酒一定唔好㨂佢地，唔係賓客實同員工嗌交，基本禮儀都無。還有，明明無給小食，但帳單都加咗$40，叫經理改，但竟然唔肯俾我地睇咗正確的單先收卡，咩服務態度！ 好唔掂呀！

放假晏左起身，咁岩就到飲茶下午茶時間，緊係要去嘆返一忠兩件咁先有放假嘅感覺啦～今日去左銅鑼灣星海薈環境好正，樓梯位置花花佈置好少女心，裝修夠grand，好適合做婚宴場地，環境又舒服，食物都有驚喜🤩見佢仲盆菜訂購，新年可以試下！🥢蝦膠釀青尖椒青尖椒大大條，第一次食釀蝦膠落去，蝦膠好厚身彈牙，好足料呀🥢招牌酥皮焗大蛋撻蛋撻有兩大個，酥皮底好有牛油香，夠鬆化蛋漿夠多，食落唔會dry🥢蟹籽燒賣皇燒賣飲茶必點，粒粒都好飽滿，咬落肉汁滿滿又有冬菇香味，正🥢黑松露鮮蝦菠菜餃皮薄餡靚，黑松露味唔係好重，蝦肉又夠彈牙🥢雪山叉燒焗餐包餐包外皮焗得好香脆，連個底都好脆口，夾埋叉燒食好滋味🥢星海薈蝦餃皇蝦餃皇晶瑩剔透，表層仲有啲金箔喺度，蝦肉夠大粒🥢蛋白瑤柱炒飯炒飯份量好多，好有獲氣，飯粒夠硬身炒出黎先可以咁好食！多人整返碟好抵食下午茶時間好抵食，係可以再去💕

叫咗啲點心，叫咗碗排骨蒸飯，唔錯喎！啲食物夠熱，做得有精緻。個燒賣仲特別大粒！不過個人唔推薦佢哋嘅花雕醉雞，啲雞全部都係肥膏，幾乎一啲肉都冇😅酒味重得來仲有啲苦。呢一間事實係OK，但係貴咗啲囉!

之前有幸參加某位朋友的婚宴，已經對呢度個樓梯環境有很深刻印象，而且當時嘅菜式都很高質，所以當家人說要找適合冬至食飯的地方時，我一定就想到這裡蟹粉小籠包 推薦指數💥：🌝🌝🌝🌝🌝皮薄餡靚，一啖咬落去會有濃濃的湯汁，然後蟹味就會係你嘅口腔湧現，大滿足蟹粉蔥花餅推薦指數💥：🌝🌝🌝🌝🌚蔥花餅外皮好脆，而且內餡的份量也很多，食嘅每一啖都有濃厚的蟹味蟹粉蝦多士 推薦指數💥：🌝🌝🌝🌝🌝蟹粉給得超多，就算每一啖都放超多蟹粉，到最後都會有剩，而且蝦多士表面除咗蝦膠之外，中間還有一隻蝦，好彈牙爽口，配合鬆脆嘅多士，食落層次豐富招牌胡椒濃雞灌湯餃推薦指數💥：🌝🌝🌝🌝🌝平時外面都會有灌湯餃，但一般都只是普通雞湯，但這裡用胡椒湯，很適合現在的天氣飲用，食完整個人都暖暖的，並且灌湯餃也很足料，有蝦肉、甘筍、冬菇雞粒鮑魚酥推薦指數💥：🌝🌝🌝🌝🌝酥皮超脆，食落好鬆脆，而且調味做得剛剛好，鮑魚唔會死實實趣緻茘枝百花球推薦指數💥：🌝🌝🌝🌝🌚都算近年比較熱門的菜式，雖然這裡沒有誇張嘅荔枝樹裝飾，但反而令人注重味道的本身，咬下去外皮香脆，中間的蝦肉滿滿，冇過多嘅調味，但也非常足夠雪山叉燒焗餐包推薦指數💥：🌝🌝🌝🌝🌝雪山叉燒包基

原蝦燒賣皇燒賣大粒，蝦爽口，味道不錯！⭐️⭐️⭐️⭐️老乾媽蒸鳳爪鳳爪入味，份量足夠，好味！⭐️⭐️⭐️⭐️⭐️招牌酥皮焗大蛋撻上枱時仍然熱辣辣，蛋味濃郁，推薦！⭐️⭐️⭐️⭐️⭐️櫻花蝦銀蘿脆皮腸這款腸粉很特別，入面脆脆的，很好吃！⭐️⭐️⭐️⭐️趣緻荔枝百花球賣相吸引，入面有蝦肉，十分彈牙！⭐️⭐️⭐️⭐️⭐️平日中午去飲茶，不用等位，即時入座，當日入座約7成滿，上菜速度快，員工招呼也不錯，點心種類亦很多。